ညီညွတ်သောတိုင်းရင်းသားလူမျိုးများဖက်ဒရယ်ကောင်စီအဖွဲ့ဝင် အဖွဲ့အစည်းများအဆိုပြုထားသည့် အဆိုပြုချက် (၉)ချက် သဘောတူညီချက်ရရှိ

ရန်ကုန် မတ် ၃

ဖက်ဒရယ်ဒီမိုကရေစီ ပြည်ထောင်စုနိုင်ငံတည်ထောင်ရန်နှင့် နိုင်ငံရေးဆွေးနွေးမှုဆိုင်ရာမူဘောင် ပြန်လည်သုံးသပ် ဆုံးဖြတ်အတည်ပြုရာတွင် ပါဝင်နိုင်ရေးအတွက် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)ချုပ်ဆိုထားခြင်းမရှိသေးသော ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ(UNFC) အဖွဲ့ဝင် အဖွဲ့အစည်းများအဆိုပြုထားသည့် အဆိုပြုချက် (၉)ချက်အား အစိုးရကိုယ်စားလှယ်များနှင့် ညှိနှိုင်းဆွေးနွေး ခဲ့ပြီးမူအားဖြင့် သဘောတူညီခဲ့ကြောင်းသိရသည်။

ငြိမ်းချမ်းရေးကော်မရှင်နှင့် ညီညွတ်သောတိုင်းရင်းသား လူမျိုးများ ဖက်ဒရယ်ကောင်စီ(UNFC)မှ ဖွဲ့စည်းထားသည့် နိုင်ငံရေးဆိုင်ရာ ညှိနှိုင်းဆွေးနွေးရေးကိုယ်စားလှယ် အဖွဲ့(DPN)တို့၏ စတုတ္ထအကြိမ် အစည်းအဝေးကို ယနေ့ နံနက် ၁ဝ နာရီတွင် ရန်ကုန်မြို့ ရွှေလီလမ်းရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန(NRPC) တွင် ပြုလုပ်သည်။

ဆွေးနွေးပွဲတွင် ငြိမ်းချမ်းရေးကော်မရှင်ဥက္ကဋ္ဌ ဒေါက်တာ တင်မျိုးဝင်းက ''အခုက စတုတ္ထအကြိမ်အစည်းအဝေးလို့ ပြောပေမယ့် ကျွန်တော်တို့ တွေ့တာခြောက်ကြိမ်၊ ခုနစ်ကြိမ်လောက်ရှိပါပြီ။ အထူးသဖြင့် နိုင်ငံတကာအဖွဲ့အစည်း တွေကလည်း မနေ့က DPN က ခေါင်းဆောင်တွေလုပ်တဲ့ Press ကို လာကြည့်တယ်။ တိုးတက်မှုအတွက် ဝမ်းသာကြပါတယ်။ လူမှုအဖွဲ့အစည်းတွေဘက်ကလည်း ဝမ်းသာနေကြပါတယ်။ ဒီဖြစ်စဉ်လေးကို ကျွန်တော်တို့ တိုးတက်သည်ထက်တိုးတက်အောင် နောက်ဆုံးပန်းတိုင်အထိ ရောက်အောင်သွားကြဖို့ ဆုံးဖြတ်ထားပါတယ်။ ဒီနေ့ ဆွေးနွေးပွဲမှာလည်း ကျွန်တော်တို့ ရည်မှန်းချက်ပန်းတိုင် ဖြစ်တဲ့ ငြိမ်းချမ်းရေးအတွက် နှစ်ဖက်အကျိုးရှိနိုင်တဲ့ကိစ္စ တွေကိုလည်း ဖြေရှင်းနိုင်ပါစေ'' ဟု နှုတ်ခွန်းဆက်ပြောကြားသည်။

ဆက်လက်၍ DPN အဖွဲ့ခေါင်းဆောင် ခူဦးရယ်က ''ကျွန်တော်တို့အနေနဲ့ ငြိမ်းချမ်းရေးခရီးစဉ်အတွက် ကြိုးပမ်းနေတာအစအဆုံးပြောမယ်ဆိုရင် ခြောက်နှစ်ဝန်းကျင် ရှိပါပြီ။ ကျွန်တော်တို့တွေ စားပွဲဝိုင်းပေါ်မှာ ဘာတွေပြောကြသလဲ။ ဘာတွေလုပ်ကြသလဲဆိုပြီး ဘေးကကြည့်နေကြတဲ့ ပြည်သူတစ်ရပ်လုံးလည်း စိတ်ပင်ပန်းလောက်ပြီလို့ ကျွန်တော်နားလည်ပါတယ်။ တကယ့်လက်တွေ့အခြေ အနေမှာ တကယ်ပဲ စိတ်ချမ်းသာလောက်တဲ့အခြေအနေကို မဖန်တီးပေးနိုင်တာ ကျွန်တော်တို့ရဲ့ အားနည်းချက်လို့ ကျွန်တော်ထင်ပါတယ်။ လက်တွေ့နဲ့အပြင်မှာ တကယ်ပဲ ငြိမ်းငြိမ်းချမ်းချမ်းနဲ့ သူတို့ ဘဝအခြေအနေကို လုံလုံခြုံခြုံနဲ့ တည်ဆောက်နိုင်ဖို့အတွက် ဘေးကင်းလုံခြုံတဲ့ ပတ်ဝန်းကျင် အခြေအနေကို ဖော်ဆောင်ပေးနိုင်ဖို့ ကျွန်တော်တို့အားလုံး တာဝန်ရှိတယ်လို့ နားလည်ပါတယ်။

ကျွန်တော်တို့ ကြားထဲမှာရှိနေဆဲ အဖုအထစ်လေးတွေကို နှစ်ဦးနှစ်ဖက် အပြန်အလှန်အလျှော့အတင်း သဘောမျိုးနဲ့ ညှိနှိုင်းဆောင်ရွက်ရင်တော့ အဖြေဆိုတာ ရှိစမြဲပဲဆိုတာ ကျွန်တော်တို့ သိပြီးဖြစ်ပါတယ်။ အဲဒီအတွက် ကျွန်တော်တို့အနေနဲ့ သဘောထားကြီးဖို့ လိုပါတယ်။ စိတ်ရှည်ဖို့လိုပါတယ်။ စိတ်ရင်းစေတနာမှန်ကန်ဖို့ လိုပါတယ်။ ဒီနေရာမှာ ယုံကြည်မှုက အရေးကြီးပါတယ်။ ယုံကြည်မှုရပြီးမှ တစ်ခါတစ်ရံ အခန့်မသင့်တဲ့အကြောင်း တစ်ခုခုကြောင့် ယုံကြည်မှုပျက်ပြားစေတဲ့ အရာတွေလည်း ကြုံခဲ့ရတာရှိပါတယ်။ ဒီနေ့ကတော့ နည်းလမ်းပေါင်းစုံ ကနေပြီး နှစ်ဦးနှစ်ဖက် ပွင့်ပွင့်လင်းလင်း အပြန်အလှန် ညှိနှိုင်းအဖြေရှာကြမယ်ဆိုရင် မကြာခင်မှာ ကျွန်တော်တို့ မျှော်လင့်တဲ့ ရလဒ်ကောင်းတစ်ခု ရလာနိုင်မယ်'' ဟု ပြောကြားသည်။ 

ယင်းနောက် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ(UNFC)အဖွဲ့ဝင် အဖွဲ့အစည်းများ၏ အဆိုပြုချက်နှင့် အထွေထွေကိစ္စရပ်များအား ငြိမ်းချမ်းရေး ကော်မရှင်နှင့်DPN တို့ ဆက်လက်ဆွေးနွေးသည်။

ဆွေးနွေးပွဲအပြီးတွင် ညီညွတ်သောတိုင်းရင်းသား လူမျိုးများဖက်ဒရယ်ကောင်စီ(UNFC)အဖွဲ့ဝင် အဖွဲ့စည်း များ၏ အဆိုပြုချက် (၉)ချက်ကို မူအားဖြင့် သဘောတူညီနိုင်ခဲ့ကာ အစိုးရကိုယ်စားလှယ်အဖြစ် ဦးဇော်ဋ္ဌေးနှင့် DPN အဖွဲ့ခေါင်းဆောင် ခူဦးရယ်တို့က သတင်းစာရှင်းလင်းပွဲပြုလုပ်ခဲ့ပြီး မီဒီယာများ၏မေးမြန်းချက်ကို ပြန်လည် ဖြေကြားသည်။

ယနေ့ဆွေးနွေးပွဲသို့ အစိုးရကိုယ်စားလှယ်အဖြစ် ဒေါက်တာတင်မျိုးဝင်း၊ ဦးသိန်းဇော်၊ ဦးခင်ဇော်ဦး၊ ဒုတိယဗိုလ်ချုပ်ကြီးရာပြည့်၊ ဒုတိယဗိုလ်ချုပ်ကြီးမင်းနောင်၊ ဒေါက်တာအောင်ထွန်းသက်၊ ဦးနိုင်ငံလင်း၊ ဦးအောင်စိုး၊ ဦးဇော်ဌေး၊ ဒေါက်တာမင်းဇော်ဦး၊ ဦးလှမောင်ရွှေတို့ တက်ရောက်ပြီး နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့(DPN)မှ ခူဦးရယ်၊ ဒေါက်တာ နိုင်ရွှေသိန်း၊ နိုင်အောင်မငေး၊ ဦးမင်းထွန်း၊ တာ့ညီလူတို့ တက်ရောက်ကြသည်။

ငြိမ်းချမ်းရေးကော်မရှင် (Peace Commission) နှင့် နိုင်ငံရေးဆိုင်ရာ ညှိနှိုင်းဆွေးနွေးရေးကိုယ်စားလှယ်အဖွဲ့ (Delegation for Political Negotiation) စတုတ္ထအကြိမ် အစည်းအဝေးအပြီးတွင် သတင်းထုတ်ပြန်ချက် တစ်ရပ်ထုတ်ပြန်ခဲ့ပြီး ယင်းထုတ်ပြန်ချက်တွင် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ရန်ကုန် မြို့၌ ကျင်းပသည့် ငြိမ်းချမ်းရေးကော်မရှင်(PC)နှင့် နိုင်ငံရေးဆိုင်ရာ ညှိနှိုင်းဆွေးနွေးရေးကိုယ်စားလှယ်အဖွဲ့ (DPN) တို့၏ စတုတ္ထအကြိမ် အစည်းအဝေးတွင် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC)အဖွဲ့ဝင် အဖွဲ့အစည်းများ၏ အဆိုပြုချက် (၉)ချက်အပေါ် ဆွေးနွေးခဲ့ကြကြောင်း။

ယင်းအဆိုပြုချက် (၉)ချက်အား ဆွေးနွေးရာတွင် ရင်းနှီးပွင့်လင်းစွာ ညှိနှိုင်းဆွေးနွေးခဲ့ကြပြီး နှစ်ဖက်လက်ခံ နိုင်သောအချက် (၉)ချက်ကို မူအားဖြင့် သဘောတူညီခဲ့ကြကြောင်း။

အဆိုပြုချက် အမှတ်(၃)အား နိုင်ငံရေးဆွေးနွေးမှုဆိုင်ရာမူဘောင် ပြန်လည်သုံးသပ်ခြင်းအစည်းအဝေးတွင် လည်းကောင်း၊ အဆိုပြုချက် အမှတ်(၅)အား ပစ်ခတ် တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီအစည်းအဝေးတွင် လည်းကောင်း ဆက်လက်ညှိနှိုင်းဆောင်ရွက်သွားရန် သဘောတူညီခဲ့ကြကြောင်း။

ငြိမ်းချမ်းရေးဖြစ်စဉ်တွင် ပါဝင်သင့်ပါဝင်ထိုက်သည့် အဖွဲ့အစည်းများ ပါဝင်နိုင်ရေး နှစ်ဖက်ကြိုးပမ်းဆောင်ရွက် သွားရန်နှင့် ပြည်ထောင်စုငြိမ်းချမ်းရေးညီလာခံ-(၂၁)ရာစု ပင်လုံအစည်းအဝေးသို့ ပါဝင်တက်ရောက်နိုင်ရေးညှိနှိုင်း ဆောင်ရွက်သွားရန် သဘောတူညီခဲ့ကြကြောင်း ဖော်ပြ ထားသည်။

သတင်း-ရဲခေါင်ညွန့်

ဓာတ်ပုံ-ဖိုးထောင်