အာဖရိကတိုက် အစိမ်းရောင်တော်လှန်ရေး မဟာမိတ်အဖွဲ့

မြန်မာ့အလင်းအယ်ဒီတာအာဘော်

အာဖရိကတိုက်အစိမ်းရောင်တော်လှန်ရေး မဟာမိတ်အဖွဲ့ (Alliance for a Green Revolution in Africa-AGRA) သည် ဂိတ်နှင့်ရော့ဖဲလားဖောင်ဒေးရှင်း(Gates and Rockefeller Foundations)တို့က ထူထောင်ထားသော အကျိုးအမြတ်မယူသည့် အဖွဲ့အစည်းဖြစ်ပါသည်။ ဤအဖွဲ့အစည်းသည် ပုဂ္ဂလိကအဖွဲ့အစည်း ဖြစ်သော်လည်း အာဖရိကတိုက်အပါအဝင် ကမ္ဘာတစ်လွှား အစိုးရအဖွဲ့ အစည်းများနှင့်လည်း လက်တွဲဆောင်ရွက်လျက်ရှိပါသည်။ အာဖရိက တိုက် အစိမ်းရောင်တော်လှန်ရေးမဟာမိတ်အဖွဲ့ (AGRA)သည် အာဖရိကတိုက်၌ စိုက်ပျိုးရေးအခြေခံစီးပွားရေးလုပ်ငန်းများ ကျယ်ပြန့် လာရေးကို ဦးတည်ဆောင်ရွက်လျက်ရှိပါသည်။ ဒေသအလိုက် လိုက်လျောညီထွေဖြစ်ရေးနှင့် နည်းပညာပေါင်းစုံ သင့်သလို ရောစပ် ကျင့်သုံးခြင်းတို့သည် အာဖရိကတိုက် အစိမ်းရောင်တော်လှန်ရေး မဟာမိတ်အဖွဲ့ အောင်မြင်မှု၏ အဓိကအချက်များ ဖြစ်ပါသည်။

အာဖရိကတိုက် အစိမ်းရောင်တော်လှန်ရေးမဟာမိတ်အဖွဲ့ (AGRA) က အာဖရိကတိုက် လယ်ယာစိုက်ပျိုးရေးပြဿနာတို့ကို ကိုင်တွယ်သောအခါ ကုန်ထုတ်အစွမ်းသတ္တိနည်းခြင်း (Low produ- ctivity)ကို အခြေခံပြဿနာအဖြစ် သတ်မှတ်ခဲ့ပါသည်။ မြန်မာနိုင်ငံ လယ်ယာစိုက်ပျိုးရေးကဏ္ဍ၏ လက်ရှိ အခြေခံပြဿနာသည် လည်း ကုန်ထုတ်အစွမ်းသတ္တိနည်းခြင်းဖြစ်ပါသည်။ အာဖရိကတိုက် အစိမ်းရောင်တော်လှန်ရေးမဟာမိတ်အဖွဲ့ (AGRA)သည် ကနဦး အဆင့်၌ လက်တွေ့ရင်ဆိုင်နေရသော ပြဿနာတို့အပေါ် အခြေပြုလျက် အရင်းအနှီးနည်းပါးသော လုပ်ကွက်ငယ် လယ်သမားတို့၏ အခက်အခဲ များ ဖြေရှင်းရေးကို ဦးစားပေးကိုင်တွယ်ဖြေရှင်းခဲ့ပါသည်။ မြန်မာနိုင်ငံ၌ အရင်းအနှီးနည်းပါးသော လုပ်ကွက်ငယ် လယ်သမားတို့သည် အများစု ဖြစ်၍ မြန်မာနိုင်ငံအနေဖြင့် အာဖရိကတိုက် အစိမ်းရောင်တော်လှန် ရေး မဟာမိတ်အဖွဲ့ (AGRA)၏ လုပ်ဆောင်ချက်များကို လေ့လာ သုံးသပ်သင့်သည်ဟု ယူဆပါသည်။

ဤနေရာ၌ အာဖရိကတိုက် အစိမ်းရောင်တော်လှန်ရေး မဟာမိတ် အဖွဲ့(AGRA)၏ လုပ်ဆောင်ချက်နှစ်ရပ်ကို တင်ပြလိုပါသည်။ ပထမ တစ်ချက်မှာ သိုလှောင်ရုံအပ်လက်ခံစနစ် (Warehouse Receipt System-WRS)ဖြစ်ပါသည်။ တောင်သူလယ်သမားများသည် သီးနှံ တို့ကို ရိတ်သိမ်းရာသီကုန်ဆုံးသည်အထိ သိုလှောင်ရုံများ၌အပ်၍ လိုအပ် ပါက အပ်နှံထားသော သီးနှံတို့ကို အပေါင်ပစ္စည်းသဖွယ်ထားလျက် ချေးငွေရယူကြပါသည်။ ဤကဲ့သို့သော သိုလှောင်ရုံအပ် လက်ခံစနစ် ဖြင့် ချေးငွေထုတ်ပေးခြင်းကို ပုဂ္ဂလိက စီးပွားရေးလုပ်ငန်းပုံသဏ္ဌာန်ဖြင့် ဆောင်ရွက်ခြင်းဖြစ်ပါသည်။ ဒုတိယတစ်ချက်မှာ လုပ်ကွက်ငယ် လယ်သမားတို့အတွက် ချေးငွေထုတ်ပေးသော စနစ်ဖြစ်ပါသည်။အာဖရိကတိုက် အစိမ်းရောင်တော်လှန်ရေးမဟာမိတ်အဖွဲ့ (AGRA)က လုပ်ကွက်ငယ်လယ်သမားတို့အတွက် အာမခံချက်ပေး၍ ပုဂ္ဂလိက ဘဏ်တို့က အဆိုပါအာမခံပမာဏ၏ ဆယ်ဆအထိ လုပ်ကွက်ငယ် လယ်သမားတို့အား ချေးငွေထုတ်ပေးပါသည်။ အထက်ပါအချက်နှစ်ချက် စလုံး၌ စီးပွားရေးအရ အကျိုးအမြတ်ရှိစေရန် အာဖရိကတိုက် အစိမ်း ရောင် တော်လှန်ရေးမဟာမိတ်အဖွဲ့(AGRA)က စီစဉ်ဆောင်ရွက် ထားပါသည်။

သို့ဖြစ်၍ မြန်မာနိုင်ငံ၏ အခြေအနေနှင့် အလားတူသော အခြေအနေမျိုးတွင် အောင်မြင်စွာဆောင်ရွက်ခဲ့သော အာဖရိကတိုက် အစိမ်းရောင်တော်လှန်ရေးမဟာမိတ်အဖွဲ့၏ လုပ်ဆောင်ချက်များကို လေ့လာသုံးသပ်ပါရန် လေးစားစွာတိုက်တွန်းနှိုးဆော်အပ်ပါသည်။ ။