တောင်ကိုရီးယား နန်းတွင်းဇာတ်ကားတစ်ကားဖြင့် အာရှဒေသတစ်လွှားရှိ ပရိသတ်များရင်ထဲ စွဲငြိစေခဲ့သူ တောင်ကိုရီးယားမင်းသမီး လီယောင်အေးအနေဖြင့် လာမည့် အောက်တိုဘာလတွင် Saimdang, the Herstory ဟု အမည်ရှိ ဒရမ်မာ ဇာတ်ကားသစ်ဖြင့် ပရိသတ်များရင်ထဲ ထပ်မံရောက်ရှိလာဦးမည်ဖြစ်သည်။
ထို့ပြင် အသက်(၄၅)နှစ်အရွယ်ရှိ မင်းသမီး လီယောင်အေးသည် သြဂုတ်လထုတ် Lifestyle မဂ္ဂဇင်းတစ်စောင်ဖြစ်သည့် J LOOK ၏ သြဂုတ်လထုတ် စာအုပ်တွင် မျက်နှာဖုံးရှင်အဖြစ် ဖော်ပြခြင်းခံထားရပြီး ယင်းမဂ္ဂဇင်းတွင် လီယောင်အေး၏ အသားအရေထိန်းသိမ်းနည်းနှင့်ပတ်သက်ပြီး ဖော်ပြထားကြောင်း သိရသည်။
''ကျွန်မက အသားအရေထိန်းသိမ်းတဲ့ပစ္စည်းဆိုရင် ပစ္စည်းကောင်းတစ်မျိုးထဲကို ပဲ စွဲသုံးဖြစ်ပါတယ်။ ကျွန်မအသားအရေက အရမ်းအကောင်းကြီးထဲ မပါပါဘူး။ ဒါပေမယ့် ဂရုစိုက်ရပါတယ်''ဟု အဆိုပါမဂ္ဂဇင်းကို လီယောင်အေးက ဖြေကြားထားခဲ့သည်။
မျိုးစန္ဒာမောင် - စုစည်းသည်
No comments:
Post a Comment