သတင်းနှင့်ဓာတ်ပုံ
ရှိုင်းထက်ဇော်
ရန်ကုန် ဇူလိုင် ၃ဝ
၂ဝ၁၆ ရာသီ ဗိုလ်ချုပ်အောင်ဆန်းဒိုင်း ရှုံးထွက်ပြိုင်ပွဲ ဆီမီးဖိုင်နယ် (ပထမကျော့) အဖြစ် ရန်ကုန်နှင့်ရတနာပုံ အသင်းတို့ ယနေ့ညနေပိုင်းက သုဝဏ္ဏကွင်းတွင် ယှဉ်ပြိုင်ကြရာ တစ်ဂိုးစီသရေကျခဲ့သည်။
ရန်ကုန် - တစ်ဂိုး၊ ရတနာပုံ- တစ်ဂိုး
ယခုရာသီတွင် ဖလားနှစ်လုံးမျှော်မှန်းနေသည့် ရတနာပုံအသင်းသည် အဝေးကွင်း၌ သရေကစားနိုင်ခဲ့၍ ဗိုလ်လုပွဲတက်ရန် မျှော်လင့်ချက်ပိုကောင်းသွားခဲ့သည်။ ရန်ကုန်အသင်းသည် အိမ်ကွင်း၌ အနိုင်ရရှိရန်ကြိုးပမ်းခဲ့သော်လည်း သရေရလဒ်ကြောင့် ဒုတိယအကျော့တွင် ရုန်းကန်ရတော့မည်ဖြစ်သည်။
MNL ထိပ်သီးနှစ်သင်း တွေ့ဆုံသည့်အပြင် ဗိုလ်လုပွဲတက်ရောက်ရေးအတွက် အမာခံကစားသမား အစုံအလင်ဖြင့် ပွဲထွက်ခဲ့သည်။ ပွဲအစပိုင်းတွင် ရတနာပုံအသင်း ဖိကစားနိုင်ခဲ့သော်လည်း ၁ဝ မိနစ်နောက်ပိုင်းတွင် ရန်ကုန်အသင်းပွဲကိုထိန်းချုပ်နိုင်ခဲ့ပြီး ရတနာပုံ ဂိုးပေါက် ကို ခြိမ်းခြောက်လာနိုင်သည်။ ၃၄ မိနစ်တွင် ရတနာပုံ အသင်းမှ ဗာတူနာနှင့်အောင်သူတို့ အပိုင်ကန်ခွင့်ရသော်လည်း အသုံးမချနိုင်ခဲ့ပေ။ ၄၃ မိနစ်တွင် ရန်ကုန်အသင်း ဂိုးစရခဲ့ပြီး မာဆယ်လိုကသွင်းယူခဲ့ခြင်းဖြစ်သည်။
ဒုတိယပိုင်းအစတွင် ရတနာပုံ အသင်းချေပဂိုးပြန်ရခဲ့ပြီး တိုက်စစ်မှူး မာတူနာက သွင်းယူခဲ့ခြင်းဖြစ်သည်။ ယင်းနောက်ပိုင်းတွင် နှစ်သင်းစလုံးအနိုင်ရရှိရေးအတွက် ကစားသမား အပြောင်းအလဲပြုလုပ်ကာ တိုက်စစ် မြှင့်ခဲ့သည်။ မိနစ် ၇ဝ နောက်ပိုင်းတွင် ရတနာပုံအသင်းက သရေရလဒ်ကို ထိန်းကစားသွားခဲ့ပြီး ရန်ကုန်အသင်း အခွင့်အရေးပိုရခဲ့သည်။ မိနစ် ၈ဝ ကျော်တွင် ရန်ကုန်အသင်း ဂိုးရနိုင်သည့် အခွင့်အရေးနှစ်ကြိမ် ရရှိခဲ့သော်လည်း ဒေးဗစ်ဒန်းအသုံးမချ နိုင်ခဲ့၍ သရေရလဒ်ဖြင့်ပြီးဆုံးခဲ့ခြင်း ဖြစ်သည်။
ယနေ့ပွဲ
ရှုံးထွက် ဆီမီးဖိုင်နယ်
(သုဝဏ္ဍကွင်း)
မကွေး - ဇွဲကပင်
No comments:
Post a Comment