နယ်သာလန်မှRoyal Dutch KLM လေကြောင်းလိုင်း မြန်မာနိုင်ငံသို့ ပျံသန်းမည်

 

 

 

သတင်း-တင်စိုး(မြန်မာ့အလင်း)

ဓာတ်ပုံ-အေကေလင်း

ရန်ကုန် ဇွန် ၂၇

မြန်မာနိုင်ငံသို့ နိုင်ငံတကာလေကြောင်း လိုင်းများက လေယာဉ်ခရီးစဉ်များ တိုးမြှင့်ပျံသန်းလျက်ရှိရာ နယ်သာလန် နိုင်ငံမှ Royal Dutch KLM လေကြောင်းမှလည်း လေယာဉ်ခရီးစဉ် များ ပျံသန်းနိုင်ရေး နှစ်နိုင်ငံကြား လေကြောင်း သဘောတူစာချုပ်တစ်ရပ် ကို ရန်ကုန်မြို့ လေကြောင်းပို့ဆောင်ရေး

ညွှန်ကြားမှုဦးစီးဌာန၌ ဇွန် ၂၇ ရက် နံနက် ၉ နာရီခွဲက ပြုလုပ်ခဲ့ သည်။

''ဒီလိုစာချုပ်ချုပ်ဆိုနိုင်ခဲ့တဲ့အတွက် မြန်မာနဲ့ နယ်သာလန် နှစ်နိုင်ငံအကြားမှာ လေကြောင်းခရီးစဉ် ပျံသန်းမှုတွေ မကြာခင် စတင်နိုင်တော့မှာဖြစ်ပါတယ်။ ခရီးသွား ပြည်သူတွေအတွက် သက်သာတဲ့လေကြောင်းခရီးစဉ်တွေ၊ ပိုကောင်းတဲ့ဝန်ဆောင်မှု ပေးနိုင်တဲ့လေကြောင်းလိုင်းတွေကို ရွေးချယ်စီးနင်းခွင့်ရရှိစေ မှာဖြစ်ပါတယ်''ဟု လေကြောင်းပို့ဆောင်ရေးညွှန်ကြားမှုဦးစီးဌာနမှ ညွှန်ကြားရေးမှူးဦးနေဝင်းက ပြောသည်။

နှစ်နိုင်ငံအကြား လေကြောင်းသဘောတူစာချုပ်ချုပ်ဆို နိုင်ခဲ့သဖြင့် လေကြောင်းပို့ဆောင်ရေးလုပ်ငန်းကို တွန်းအားပေး ရာရောက်ပြီး မြန်မာနိုင်ငံသို့ နိုင်ငံတကာလေကြောင်း ခရီးစဉ် များ ပိုမိုပျံသန်းဆိုက်ရောက်ထွက်ခွာနိုင်တော့မည်ဖြစ်သည်။ လေကြောင်းခရီးစဉ်များ ပျံသန်းမှုအတွက် လိုက်နာရမည့် စည်းကမ်းများ၊ ခံစားရမည့်အခွင့်အလမ်းများ စာချုပ်တွင် ထည့်သွင်းထားသည်။

လေကြောင်း သဘောတူစာချုပ်များကို ၁၉၅၁ ခုနှစ်တွင် တစ်ကြိမ်၊ ၁၉၇၇ ခုနှစ်တွင်တစ်ကြိမ် စာချုပ်ချုပ်ဆိုနိုင်ခဲ့ပြီး ယခုစာချုပ်သည် တတိယအကြိမ်မြောက် လေကြောင်းသဘော တူ စာချုပ်များလက်မှတ်ရေးထိုးခဲ့ကြခြင်းဖြစ်သည်။

ယခုသဘောတူစာချုပ်အရ နယ်သာလန်နိုင်ငံမှRoyal Dutch KLM လေကြောင်းနှင့် မြန်မာအမျိုးသားလေကြောင်း လိုင်း၊ အပြည်ပြည်ဆိုင်ရာမြန်မာ့လေကြောင်း၊ ရွှေမြန်မာ လေကြောင်းတို့မှ လေယာဉ်များက နှစ်နိုင်ငံအကြားတစ်ပတ်လျှင် ခုနစ်ကြိမ်ပျံသန်းနိုင်မည်ဖြစ်သည်။ လေကြောင်းခရီးစဉ်များ ပိုမို များပြားလာမည်ဖြစ်သည်။ လောလောဆယ်တွင် မြန်မာနိုင်ငံသို့ ပျံသန်းနေသော နိုင်ငံတကာ လေကြောင်းလိုင်း၂၇ လိုင်း ရှိနေ သည်။

မကြာမီက ထိုင်းအဲလေကြောင်းကိုလည်းပျံသန်းခွင့် ပြုခဲ့ရာ မကြာမီနယ်သာလန်မှRoyal Dutch KLMက ပျံသန်းပြေးဆွဲတော့မည်ဖြစ်သည်။

သဘောတူစာချုပ်ချုပ်ဆိုပွဲသို့ ပို့ဆောင်ရေးနှင့် ဆက်သွယ် ရေး ဝန်ကြီးဌာန ဒုတိယဝန်ကြီး ဦးကျော်မျိုး၊ မြန်မာနိုင်ငံဆိုင်ရာ နယ်သာလန်သံအမတ်ကြီးH.E.Mr.Hartosh နှင့် သံအရာရှိ များ၊ လေကြောင်းပို့ဆောင်ရေး ညွှန်ကြားရေးမှူး ဦးစီးဌာနမှ ညွှန်ကြားရေးမှူးချုပ် ဦးမင်းလွင်၊ မြန်မာအမျိုးသားလေကြောင်း၊ အပြည်ပြည်ဆိုင်ရာမြန်မာ့လေကြောင်း၊ ရွှေမြန်မာလေကြောင်း နှင့်Royal Dutch KLM လေကြောင်းတို့မှ ကိုယ်စားလှယ် များ တက်ရောက်ခဲ့ကြသည်။