ရန်ကုန် ဇွန် ၂
သာသနာရေးနှင့်ယဉ်ကျေးမှုဝန်ကြီးဌာနသည် ဝန်ကြီးဌာနတစ်ခုတည်း ဖြစ်ပြီဖြစ်သဖြင့် ချစ်ချစ်ခင်ခင် စည်းစည်းလုံးလုံးဆောင်ရွက်ကြရန်၊ ဌာနတစ်ခု၏လိုအပ်ချက်ကို အခြားဌာနတစ်ခုက ကူညီဖြည့်ဆည်းဆောင် ရွက်ပေးကြရန်၊ တာဝန်များကို ကျေပွန်စွာ ထမ်းဆောင်ကြရန် သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရ ဦးအောင်ကိုသည် ယနေ့နံနက် ၁ဝ နာရီတွင် အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)သရဖီဆောင် အနုပညာခန်းမ(၁)၌ သာသနာရေးနှင့် ယဉ်ကျေးမှုဝန်ကြီး ဌာနရှိ ပါမောက္ခချုပ်၊ ဒုတိယပါမောက္ခ ချုပ်များ၊ ညွှန်ကြားရေးမှူးများ၊ ပါမောက္ခ/ဌာနမှူးများ၊ ဆရာ ဆရာမများနှင့် ဝန်ထမ်းများအား တွေ့ဆုံစဉ်မှာကြားပြီး အမျိုးသား ယဉ်ကျေးမှုနှင့် အနုပညာတက္ကသိုလ် (ရန်ကုန်) သင်ကြားရေးဌာနများရှိ လက်တွေ့သင်ကြားနေမှုများကို လှည့်လည်ကြည့်ရှုသည်။
ယင်းနောက် ပြည်ထောင်စုဝန်ကြီးသည် ရှေးဟောင်းသုတေသနနှင့် အမျိုးသားပြတိုက်ဦးစီးဌာန အမျိုးသား ပြတိုက်(ရန်ကုန်)သို့ ရောက်ရှိပြီး ရန်ကုန်ဌာနခွဲ၊ အနုပညာဦးစီးဌာန (ထုတ်လုပ်)ဌာနခွဲ၊ (ဇာတ်ရုံ)ဌာနခွဲ၊ အနုပညာအထက်တန်းကျောင်း (ရန်ကုန်)၊ အမျိုးသားစာကြည့်တိုက် (ရန်ကုန်)နှင့် သမိုင်းသုတေသန (ရန်ကုန်)မှ အရာထမ်း၊ အမှုထမ်း များအား တွေ့ဆုံသည်။
(သတင်းစဉ်)
No comments:
Post a Comment