၂၁ ရာစု ပင်လုံညီလာခံကို တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် အပေါ် အခြေခံ၍ လုပ်ဆောင်သွားမည်ဖြစ်ကြောင်း ဒေါ်အောင်ဆန်းစုကြည် ပြောကြား

 

 

 

နေပြည်တော် မေ ၂၇

၂၁ ရာစု ပင်လုံညီလာခံကို တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) အပေါ် အခြေခံ၍ လုပ်ဆောင် သွားမည်ဖြစ်ကြောင်း၊ ထို့ကြောင့် ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ (UPDJC) ၏ အခန်းကဏ္ဍသည် ဆက်ပြီး ရှင်သန်သွားမည်ဖြစ်ကြောင်း ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်သည်။

ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီအစည်းအဝေးကို ယနေ့ မွန်းလွဲ ၂ နာရီတွင် နေပြည်တော်ရှိ Horizon

Lake View Resort ၌ ကျင်းပရာUPDJC ၏ ဥက္ကဋ္ဌ ဒေါ်အောင်ဆန်းစုကြည်က ယခုကဲ့သို့ ပြောကြားခဲ့ခြင်း ဖြစ်သည်။

''UPDJC ဖွဲ့စည်းပုံကိုတော့ ပြောင်းလဲရပါလိမ့်မယ်။ ဒါတွေကိုလည်း ဆက်ပြီးတော့ ဒီနေ့အစည်းအဝေးနဲ့ မနက်ဖြန် အစည်းအဝေးတွေမှာ ဆွေးနွေးသွားမှာဖြစ်ပါတယ်။ အပြောင်းအလဲဆိုတာကလည်း နိုင်ငံရေးအပြောင်းအလဲတွေနဲ့ ကိုက်ညီ အောင် နောက်ပြီး နောင်အနာဂတ်မှာ

ကျွန်မတို့ လိုအပ်ချက်တွေနဲ့လည်း ကိုက်ညီအောင် ပြောင်းလဲသင့်တဲ့ နေရာမှာ ပြောင်းလဲသွားမှာဖြစ်ပါတယ်။ ဒီလိုပြောင်းလဲခြင်းအားဖြင့် ကျွန်မတို့ရဲ့ ငြိမ်းချမ်းရေးဖြစ်စဉ်ကို ပိုပြီးအထောက် အကူပြုနိုင်မယ်လို့ ယုံကြည်လို့ ပြောင်းလဲ ရတာဖြစ်ပါတယ်''ဟု ၄င်းက ပြောသည်။

''အမျိုးသားဒီမိုကရေစီ အဖွဲ့ချုပ်ကို ကိုယ်စားပြုတက်တာ မဟုတ်ပေမယ့် လည်း တောက်လျှောက်ငြိမ်းချမ်းရေး ဖြစ်စဉ်နဲ့ ဆက်သွယ်တဲ့အခါမှာ၊ ငြိမ်းချမ်း ရေးဖြစ်စဉ်ထဲမှာ ပါတဲ့ပုဂ္ဂိုလ်တွေနဲ့ ညှိနှိုင်း ဆွေးနွေးတဲ့အခါမှာ အမျိုးသားဒီမိုကရေစီ အဖွဲ့ချုပ်ဥက္ကဋ္ဌအနေနဲ့ ညှိနှိုင်းဆွေးနွေး ခဲ့တာ အများကြီးရှိပါတယ်။ အဲဒီအချိန် က ရပ်တည်ခဲ့တဲ့ မူဝါဒတွေအတိုင်း ဆက်လက်ပြီး ရပ်တည်သွားမှာပါ။ ဘာဖြစ်လို့ ပြောရသလဲဆိုတော့ အခု ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီကို ဖွဲ့စည်းတဲ့ကိစ္စတွေ၊ တစ်နိုင်ငံလုံး ပစ်ခတ်တိုက်ခိုက်မှုရပ်စဲ ရေးသဘောတူစာချုပ်ကနေ ခွင့်ပြုထား တဲ့ ပြုပြင်ပြောင်းလဲနိုင်တဲ့နေရာတွေမှာ ပြုပြင်ပြောင်းလဲမယ့် ကိစ္စတွေဟာ တစိုက်မတ်မတ် အမျိုးသားဒီမိုကရေစီ အဖွဲ့ချုပ်က တင်ပြတဲ့မူတွေအရ လုပ်သွား မှာပါ။ အခုမှ ပြောင်းလဲပြီး လုပ်သွားမှာ မဟုတ်ပါဘူး''ဟု နိုင်ငံတော်၏ အတိုင်ပင်ခံပုဂ္ဂိုလ်က ဆက်လက် ပြောကြားသည်။

''ယခုအစည်းအဝေးရဲ့ အဓိက ရည်ရွယ်ချက်က ငြိမ်းချမ်းရေးဖြစ်စဉ် ဆက်လက်ပြီး ချောချောမွေ့မွေ့ဖြစ်စေ ဖို့ဖြစ်ပါတယ်။MPCကို ပြန်လည်ဖွဲ့စည်း ရေးလည်းဖြစ်ပါတယ်။ ပြည်ထောင်စု ငြိမ်းချမ်းရေးညီလာခံအတွက် ပြင်ဆင် ရေးဖြစ်ပါတယ်။ တချို့က ပြည်ထောင်စု ငြိမ်းချမ်းရေးညီလာခံနဲ့ ၂၁ ရာစု ပင်လုံ ညီလာခံကို တစ်ခုစီဖြစ်မှာလားလို့ မေးကြပါတယ်။ တစ်ခုတည်းပါ။ နာမည် တစ်ခုတည်းမဟုတ်ဘဲ နာမည်နှစ်ခုသုံး တယ်ဆိုတာက ပြည်ထောင်စုငြိမ်းချမ်း ရေးညီလာခံဆိုတာကလည်း အင်မတန် မှ တင့်တယ်ပြီး အများကနှစ်သက်တဲ့ နာမည်တစ်ခုဖြစ်သလို ၂၁ ရာစု ပင်လုံ ဆိုတာကလည်း အများနှစ်သက်တဲ့ဟာ ဖြစ်ပါတယ်။ နှစ်ခုစလုံးက အတူတူ ပါပဲ'' ဟု ယနေ့အစည်းအဝေးတွင် ဒေါ်အောင်ဆန်းစုကြည်က ပြောကြား သည်။

''အမျိုးသားဒီမိုကရေစီအဖွဲ့ချုပ်က အရင်နှစ် နိုဝင်ဘာလကရွေးကောက်ပွဲ အောင်ပြီးတော့မှ တစ်မျိုးစိတ်ပြောင်းပြီး မှ လုပ်တာတွေ ဘာမှ မပါပါဘူး။ တစိုက် မတ်မတ်မူအရ ငြိမ်းချမ်းရေးအတွက် လိုအပ်တယ်ထင်ပြီး တင်ပြခဲ့တဲ့ အချက် အလက်တွေနဲ့ကိုက်ညီစွာ ပြုပြင်ပြောင်း လဲဖို့သင့်တယ်လို့ ထင်တဲ့နေရာတွေမှာ ပြုပြင်ပြောင်းလဲသွားမှာ ဖြစ်ပါတယ်။ ဒီမှာတက်လာတဲ့ UPDJC အဖွဲ့ဝင်တွေ ထဲမှာဆိုရင် တိုင်းရင်းသားတွေဘက်က လည်း ပါပါတယ်။ နိုင်ငံရေးအဖွဲ့အစည်း တွေဘက်ကလည်း ပါပါတယ်။ အရပ် ဘက်အဖွဲ့အစည်းတွေ ဘက်ကလည်း ပါပါတယ်။ အစိုးရဘက်ကလည်း ပါပါ တယ်။ ဒီလို အဘက်ဘက်က ပါလာတဲ့ နေရာမှာ အစိုးရဘက်ဆိုရင်တော့ ပုဂ္ဂိုလ် တွေက ပြောင်းသွားပါပြီ။ ထမ်းဆောင်တဲ့ တာဝန်အရ ဆက်ပြီးပါတဲ့ ပုဂ္ဂိုလ်တွေရှိပါ တယ်။ အခုဝန်ကြီးတွေက အရင်ကဝန်ကြီး တွေ မဟုတ်ပေမယ့် အရင်ကပါဝင်လာခဲ့ တဲ့ ဝန်ကြီးဌာနတွေကို ကိုယ်စားပြုပါ တယ်'' ဟုလည်း ထည့်သွင်းပြောကြား ခဲ့သည်။

''အမျိုးသားဒီမိုကရေစီအဖွဲ့ချုပ်က ပါဝင်တဲ့ သုံးယောက်ကတော့ အရင် ကတည်းက ပါဝင်ခဲ့တာပါ။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအဖွဲ့ဝင်တွေက လည်း အရင်ကတည်းက ပါဝင်ခဲ့တာ ဖြစ် ပါတယ်။ အခြားနိုင်ငံရေးပါတီများက ပါဝင်ခဲ့တဲ့ အဖွဲ့အစည်းတွေကလည်း အခုဒီအချိန် ဒီအစည်းအဝေးမှာတော့ ပါဝင်နေပါတယ်။ ဒါတွေက အပြောင်း အလဲရှိမယ်ဆိုတာ ကျွန်မပြောလိုပါတယ်။ အပြောင်းအလဲရှိမယ်ဆိုတာ ရွေးကောက် ပွဲ ရလဒ်အရတင်မဟုတ်ပါဘူး။

ကျွန်မတို့ အနေနဲ့ မူအရလည်း ပြောင်းလဲသင့် တယ်လို့ ထင်တဲ့နေရာတွေမှာ ပြောင်းလဲ မှာဖြစ်ပါတယ်။ နိုင်ငံရေးအဖွဲ့အစည်း များနဲ့ပတ်သက်လို့ရှိရင် မြန်မာနိုင်ငံမှာ လက်ရှိနိုင်ငံရေးအဖွဲ့အစည်း ၉ဝ ကျော် ရှိပါတယ်။ ၉ဝ ကျော်တဲ့ အဖွဲ့အစည်းများ အားလုံးကို ငြိမ်းချမ်းရေးညီလာခံထဲ မှာ ကိုယ်စားပြုရေး၊ မပြုရေးဆိုတာ တစ်ယောက်နဲ့တစ်ယောက် သဘောထား တူညီမှုတွေ မရှိပါဘူး။ ကျွန်မတို့ အမျိုး သား ဒီမိုကရေစီအဖွဲ့ချုပ် အနေနဲ့ အရင်တုန်းကလည်း ပြောခဲ့ပါတယ်။

''အခုလည်း အဲဒီမူအတိုင်း  ဆက်လက်ရပ်တည်သွားမှာပါ။ နိုင်ငံရေး အဖွဲ့အစည်းများရဲ့ပါဝင်မှုဟာ နိုင်ငံရေး အဖွဲ့အစည်းများက ပြည်သူလူထုကို လွှတ်တော်အသီးသီးမှာ ကိုယ်စားပြုမှု အပေါ်မှာ အခြေခံပြီးတော့ ဆောင်ရွက်ရ မယ်လို့ ယုံကြည်ပါတယ်။ ပြောချင်တာ က ၉ဝ ကျော်သော နိုင်ငံရေးပါတီအားလုံး မဟုတ်ဘဲနဲ့ လွှတ်တော်တစ်ခု သို့မဟုတ် တစ်ခုမှာ အနည်းဆုံး ကိုယ်စားလှယ် တစ်ဦးပါဝင်တဲ့ နိုင်ငံရေးပါတီများကိုသာ ငြိမ်းချမ်းရေးညီလာခံထဲမှာ ကိုယ်စား လှယ်အဖြစ်နဲ့ ထည့်ဖို့ဆိုတာကို ကိုင်စွဲ ထားပါတယ်။ ဒီလိုပြောခြင်းအားဖြင့် ကျန်တဲ့ နိုင်ငံရေးပါတီတွေဟာ ငြိမ်းချမ်း ရေးညီလာခံနဲ့ ဆက်စပ်မှုမရှိတော့ဘူး လားဆိုပြီးတော့ မေးခွန်းထုတ်နိုင်ပါတယ်။ ဆက်စပ်မှုရှိပါတယ်။

ဘာလို့လဲဆိုတော့ လူမှုအဖွဲ့အစည်း (CSO) တွေပေါ့။ CSO ရဲ့ ကဏ္ဍနဲ့ပတ်သက်လို့လည်း တချို့ကမေးပါတယ်။ CSO ကဏ္ဍဆိုတာ ငြိမ်းချမ်းရေးဖြစ်စဉ်ထဲမှာ သမိုင်းအရ ကျွန်မတို့ က္ဘာကြီးရဲ့ ခေတ်သစ်သမိုင်း အရ အမျိုးမျိုးပုံစံတွေနဲ့ ပါဝင်ခဲ့ကြပါတယ်။ တချို့နိုင်ငံတွေမှာ ငြိမ်းချမ်းရေးဆွေးနွေး ပွဲထဲမှာ ထည့်ပြီးတော့ လုပ်ဆောင်တာ တွေလည်း ရှိတယ်။ တချို့ကျတော့ မျဉ်းပြိုင်အနေနဲ့ ဖိုရမ်တစ်ခုအနေနဲ့CSO တွေက ပါဝင်ပြီးတော့ ဆောင် ရွက်တာတွေလည်းရှိပါတယ်။ ကျွန်မတို့ အနေနဲ့ ဒုတိယနည်းလမ်းကို သွားမယ် ဆိုပြီးတော့ စဉ်းစားထားပြီးဖြစ်ပါ တယ်''ဟု ဒေါ်အောင်ဆန်းစုကြည်က ပြောကြားသွားသည်။

ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီဥက္ကဋ္ဌက ''ကျွန်မတို့ နိုင်ငံ မှာ လူမှုအဖွဲ့အစည်း(CSO) တွေလည်း များလာပါပြီ။ CSO တွေကိုပါ ငြိမ်းချမ်း ရေး ညီလာခံထဲမှာ ထည့်လိုက်မယ်ဆိုရင် အင်မတန်မှ ဖောင်းပွသွားနိုင်ပါတယ်။ ညီလာခံရဲ့ အဓိက လိုအပ်ချက်ကတော့ ထိထိမိမိနဲ့ နိုင်ငံရေးဖြစ်စဉ်တွေကို အကောင်အထည် ဖော်ပေးနိုင်ဖို့ဖြစ်ပါ တယ်။ ဒါကြောင့် CSO ဖိုရမ်တစ်ခု ထူထောင်မယ်လို့ မူအရ စဉ်းစားထားပြီး လုပ်သွားမှာဖြစ်ပါတယ်။ ဒီနေ့ အဓိက ကတော့ UPDJC ကို ပြန်လည်ဖွဲ့စည်း ရေးပဲဖြစ်ပါတယ်။

UPDJC ပြန်လည် ဖွဲ့စည်းတဲ့ကိစ္စတွေမှာ အခုလက်ရှိ UPDJC ထဲမှာ ပါနေတဲ့ အဖွဲ့ဝင်တွေ အားလုံးရဲ့ အထင်အမြင်တွေကို သိချင်ပါ တယ်။ အသစ်ပါဝင်လာတဲ့ အဖွဲ့ဝင်တွေနဲ့ အမြင်တွေကိုလည်း တင်ပြမှာဖြစ်ပါတယ်။

''ဒီလို အမြင်ချင်းဖလှယ်ပြီးတော့ နောက်ဆုံး ဆုံးဖြတ်ချက်ကိုချမှာပါ။ သိပ်ပြီးတော့ အချိန်ဆွဲလို့လည်း မရပါ ဘူး။ UPDJC ပြန်လည်ဖွဲ့စည်းရေးကို အမြန်ဆုံးပြီးအောင် လုပ်ရမယ်ဆိုတာ ဟာ ဒါကိုဖွဲ့စည်းပြီးမှ ငြိမ်းချမ်းရေး ညီလာခံ အထူးပြင်ဆင်မှုတွေကို ဆက်လက်ပြီးတော့ လုပ်ကိုင်သွားနိုင်မှာ ဖြစ်ပါတယ်''ဟု ပြောကြားခဲ့သည်။

UPDJCဒုတိယဥက္ကဋ္ဌများဖြစ် သည့် ပြည်ထောင်စုဝန်ကြီး ဦးကျော်တင့် ဆွေ၊ ပဒိုစောကွယ်ထူးဝင်းနှင့် ဦးသုဝေတို့ က နှုတ်ခွန်းဆက်စကားပြောကြားသည်။

အစည်းအဝေးတွင် နိုင်ငံတော်၏ အတိုင်ပင်ခံပုဂ္ဂိုလ်က ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ ပြန်လည်ဖွဲ့စည်းမှုနှင့် ရှေ့လုပ်ငန်းစဉ်များ အား ရှင်းလင်းပြောကြားရာ တက်ရောက် လာကြသူများက ဆွေးနွေးအကြံပြု တင်ပြခဲ့ကြသည်။

ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ ပြင်ဆင်ဖွဲ့စည်းမှု၊ ရှေ့လုပ်ငန်းစဉ်များ ပြန်လည်သတ်မှတ်မှု တို့ကို မေ ၂၈ ရက် အစည်းအဝေးတွင် ဆွေးနွေးသွားမည်ဖြစ်ကြောင်း သိရသည်။

(သတင်းစဉ်)