မင်းဘူး မတ် ၃၁
မင်းဘူးမြို့နယ် အပူပိုင်းဒေသစိမ်းလန်းစိုပြည်ရေးဦးစီးဌာနမှ ၂ဝ၁၅-၂ဝ၁၆ ဘဏ္ဍာရေးနှစ် မြောက်ဆားဗွက်ကြိုးဝိုင်း အကွက်အမှတ် (၂ဝ၊ ၂၂)၌ သဘာဝတောထိန်းလုပ်ငန်းဧက ၂ဝဝဝ မှ ထွက်ရှိသော ထင်းများအား သီးကုန်းကျေးရွာနှင့် မြောက်ဆားဗွက်ကြိုးဝိုင်းအတွင်းရှိ တောင်ယာတဲစုများတွင်နေထိုင်သော ဒေသခံပြည်သူများထံ မတ်လ ၂၉ ရက်နံနက်ပိုင်းက ထင်းများအခမဲ့ဖြန့်ဝေပေးခဲ့ကြောင်း သိရသည်။
မင်းဘူးမြို့နယ် အပူပိုင်းဒေသစိမ်းလန်းစိုပြည်ရေးဦးစီးဌာနအနေဖြင့် ၂ဝ၁၅-၂ဝ၁၆ ဘဏ္ဍာရေးနှစ် မြောက်ဆားဗွက်ကြိုးဝိုးအကွက်အမှတ် (၂ဝ၊
၂၂) တွင် သဘာဝတောကျန်များ ထိန်းသိမ်းခြင်းလုပ်ငန်းဧက ၂ဝဝဝ ထိန်းသိမ်းခဲ့ပြီး ဧက ၂ဝဝ အား ဓမ္မတာမျိုးဆက်ခြင်းလုပ်ငန်း ဆောင်ရွက်ခဲ့သည်။
၂၂) တွင် သဘာဝတောကျန်များ ထိန်းသိမ်းခြင်းလုပ်ငန်းဧက ၂ဝဝဝ ထိန်းသိမ်းခဲ့ပြီး ဧက ၂ဝဝ အား ဓမ္မတာမျိုးဆက်ခြင်းလုပ်ငန်း ဆောင်ရွက်ခဲ့သည်။
ဓမ္မတာမျိုးဆက်ခြင်းလုပ်ငန်းဖြစ်သော ကိုင်းတက်ချိုင်ပေးခြင်း၊ ပင်ပူးများခွာခြင်း၊ အောက်ခြေပေါင်းရှင်းခြင်း၊ နွယ်ဖြတ်ခြင်းလုပ်ငန်းများ၊ ငုတ်ဟောင်း၊ ငုတ်ပျက်များချွန်သပေးခြင်းလုပ်ငန်းများကို ဆောင်ရွက်ခဲ့ရာ ထင်း ၈ ဒသမ ၃၁ တန် ထွက်ရှိခဲ့ပြီး ၄င်းထင်းများအား ဦးစီးအရာရှိ ဦးဝင်းဘိုနှင့် ဝန်ထမ်းများက သီးကုန်းကျေးရွာနှင့် သစ်တောကြိုးဝိုင်းအတွင်းရှိ တောင်ယာတဲစုများတွင် နေထိုင်သော မိသားများထံသို့ တစ်အိမ်ထောင်လျှင် ဝ ဒသမ ၅၂ တန်စီအား အခမဲ့ ဖြန့်ဝေပေးခဲ့သည်။
ဒေသခံပြည်သူများ သစ်တောသစ်ပင်များကို တန်ဖိုးထားတတ်လာပြီး စနစ်တကျထိန်းသိမ်းလိုစိတ်များဖြစ်ပေါ်လာစေရန် ရည်ရွယ်၍ ဆောင်ရွက်ခြင်းဖြစ်ကြောင်း သိရသည်။
တင်ထွန်းဦး(မင်းဘူး)
No comments:
Post a Comment