မဟာသင်္ကြန် အကြိုဇာတ်ကားသစ် သင်္ကြန်ပြတိုက်ဇာတ်ကား ဧပြီ ၁ ရက်တွင် ပြသမည်

ခုချိန်ကာလဟာ သင်္ကြန်ရေ သဘင်ပွဲဆင်နွှဲဖို့ နီးကပ်လာချိန် လည်းဖြစ်တာကြောင့် ရုပ်ရှင်ချစ်ပရိ သတ်ကြီးကို ဒီနှစ်ရဲ့ မဟာသင်္ကြန် အကြိုဇာတ်ကားသစ်ဖြစ်တဲ့ စိုင်းစိုင်းခမ်းလှိုင်၊ ခင်ဝင့်ဝါနဲ့ နန်းဆုဦးတို့ ခေါင်းဆောင်ပြီး သရုပ်ဆောင်များစွာ ပါဝင်အားဖြည့် ထားတဲ့ သင်္ကြန်ပြတိုက်လို့ အမည် ရတဲ့ သင်္ကြန်ဇာတ်ကားလေးနဲ့ မိတ်ဆက်ပေးချင်ပါတယ်။

ဒီဇာတ်ကားမှာ အထက်တန်း ကျောင်းသားဘဝထဲက ငယ်သူငယ် ချင်းများဖြစ်ကြတဲ့ စိုင်း၊ အယ်လ် ဇော်ခိုင်၊ ဖိုးရှုပ်နဲ့ မြသွေးချယ်တို့ဟာ လူငယ်တို့ထုံးစံအတိုင်း သင်္ကြန်ရက် နီးလာတော့ သင်္ကြန်မှာပျော်ရွှင်ဖို့ တိုင်ပင်နေတုန်း စိုင်းရဲ့အဘိုးက ငွေထုတ်ပေးတော့ အားလုံးပျော်ရွှင် သွားကြပါတယ်။

ဒီအချိန်မှာ မြသွေးချယ်ရဲ့ အွန်လိုင်းကသူငယ်ချင်း ဟေဇယ် ကလည်း သင်္ကြန်ခံစားဖို့ မြန်မာ ပြည်ကိုရောက်လာခဲ့ပြီး သူက စိုင်းကို တိတ်တခိုးစိတ်ဝင်စားနေ ခဲ့ပါတယ်။ ဒီလိုနဲ့ သင်္ကြန်အတွက် မဏ္ဍပ်ဆောက်ပြီး လက်မှတ်တွေလိုက် ရောင်းနေချိန်မှာ မြသွေးချယ်ရဲ့ မောင်လေးဖြစ်သူဟာ ကားတိုက်ခံ ရတဲ့အတွက် အခက်အခဲများစွာနဲ့ သင်္ကြန်ကျဖို့ သုံးရက်အလိုအထိ စပွန် ဆာရှာမရဘဲစိုင်းတို့အုပ်စုအခက် ပွေ နေကြတယ်။

ဟေဇယ်က ဒီအခက်အခဲတွေအား လုံးကိုဖြေရှင်းပေးလို့ ပြေလည်သွားပြီး ပျော်ရွှင်စွာအဆုံးသတ်ထားကြပုံကို ပျော်ရွှင်ကြည်နူးဖွယ် ခံစားကြည့်ရှု နိုင်ကြမှာဖြစ်ပါတယ်။

ဒီဇာတ်ကားဟာ ဝတ္ထု မင်းခိုက်စိုး စန်၊ဒါရိုက်တာ မောင်မျိုးမင်း (ရင်တွင်းဖြစ်)ရဲ့ လက်ရာဖြစ်တဲ့ ဒီဇာတ်ကားလေးကို သမ္မတ၊ မင်္ဂလာ (၁)သိမ်ကြီးဈေး၊ တော့ရွိုင်ရယ် (စိန်ဂေဟာပါရမီ)၊ မင်္ဂလာစံပြ Cineplex၊ ဝင်းလိုက်နဲ့ မင်္ဂလာ ထွန်းသီရိ Cineplex 1 2 3 တို့မှာ လာမယ့် ဧပြီ ၁ ရက်ကစလို့ ရုံတင် ပြသပေးသွားမှာဖြစ်လို့ သင်္ကြန်အကြို မြန်မာဇာတ်ကားလေးကို ပရိသတ်များခံစားနိုင်ရန် တင်ပြ လိုက်ရပါတယ်။

နိုင်ငံခြားဇာတ်ကားသစ် အနေနဲ့ ဝါရင့်အက်ရှင်မင်းသားကြီး မော်ဂန်ဖရီးမန်း ပါဝင်သရုပ် ဆောင်ထားတဲ့ မှုခင်းအက်ရှင် ဇာတ်ကား London Has Fallen (2D) ကို မင်္ဂလာ(၂)၊ နေပြည်တော် Cineplex 1 2 3၊ မင်္ဂလာ စံပြ Cineplex 1 2 3၊ မင်္ဂလာဒိုင်းမွန်း Cineplex 1 2 3 နဲ့ မင်္ဂလာထွန်းသီရိ Cineplex 1 2 3 တွေမှာ ဧပြီ ၁ ရက်ကစလို့ ရုံတင်ပြသသွားမှာ ဖြစ်ပါကြောင်း သတင်းပါးလိုက်ရ ပါတယ်။

ဖြိုးစန္ဒာမြင့်