၂ဝ၁၅ ခုနှစ်၏ ရက်ပေါင်း ၃၆၅ ရက်မှာ ယနေ့ကုန်ဆုံးပြီဖြစ်သည်။ နှစ်ဟောင်း ၂ဝ၁၅ ကို ချန်ရစ်၍ မနက်ဖြန်မှစတင်ကာ နှစ်သစ် ၂ဝ၁၆ သို့ ချင်းနင်းဝင်ရောက်တော့မည်ဖြစ်သည်။ နှစ်သစ်သို့ ကူးပြောင်းရာ၌ နှစ်ဟောင်းမှ စက္ကန့်၊ မိနစ်၊ နာရီ၊ ရက်၊ လတို့သည် အချိန်၏သဘော တရားအတိုင်း တရွေ့ရွေ့ ပြောင်းလဲကုန်ဆုံးသွားကြသည်။
ရွေ့လျားနေသောအချိန်ကာလအောက်တွင် လူ့ဘဝများစွာတို့ဖြတ်သန်း နေကြသည်။ မွေးဖွားခြင်း၊ ကြီးပြင်းခြင်း၊ သေဆုံးခြင်းဟူသော အစ၊ အလယ်၊ အဆုံး သုံးပါးကို အချိန်၏သတ်မှတ်ချက်အတိုင်း စွန့်လွှတ်ကြရသည်။ အချိန်သည် မိမိတို့၏ဘဝ၊ မိမိတို့ဖြတ်သန်းရမည့် ကာလများကို အဆုံးအဖြတ်ပေးနေသည့် အလွန်တိကျသော တရားမင်းဖြစ်သည်ဟု ဆိုနိုင်သည်။
အချိန်၏ရွေ့လျားပြောင်းလဲခြင်းနှင့်အတူ မိမိတို့၏ဘဝများ ပြောင်းလဲလာကြသည်မှာ အမှန်ဖြစ်သည်။ တိကျသေချာသည့် ကူးပြောင်းလဲမှုမှာ အိုမင်း ရင့်ရော်ခြင်းပင်ဖြစ်သည်။ မတိကျမရေရာသည့် ကူးပြောင်းမှုမှာ မိမိတို့ ဖြတ်သန်းခဲ့ရသော ကာလများအတွင်း မိမိတို့ဘဝအတွက် အကောင်းဆုံးနှင့် စိတ်အချရဆုံးဖြစ်အောင် တိကျစွာမလုပ်ဆောင်ခဲ့ခြင်းပင်ဖြစ်သည်။
သင်သည် ကုန်ဆုံးသွားသောအချိန်ကာလနှင့်အတူ သင့်ဘဝအတွက် သင်ပြုခဲ့သည့်ကံအတိုင်းသာ ခံစားရမည်ဖြစ်သည်။ အချိန်နှင့်အသက်တို့ တရွေ့ရွေ့ကုန်ဆုံးပျောက်ကွယ်သော်လည်း သင်ပြုခဲ့သောကံသတ္တိတို့သည်ကား ကျန်ရစ်ခဲ့လေသည်။ ကောင်းမှု၊ မကောင်းမှုတည်းဟူသော ကံသတ္တိအစွမ်း နည်းခဲ့သော် ချုပ်ပျောက်သွားနိုင်သော်လည်း ကံသတ္တိအစွမ်းကြီးခဲ့သော် သံသရာအစဉ်လိုက်ပါ ကျန်ရစ်လေသည်။
ထို့ကြောင့် အချိန်ကာလသည် တရွေ့ရွေ့ကုန်ဆုံးပျောက်ကွယ်သွား မည်ဖြစ်သလို အချိန်နှင့်အတူလိုက်ပါနေသော မိမိတို့၏ ခန္ဓာအစဉ်အတွက် ကောင်းသောအမှုကို ပြုကြရမည်ဖြစ်သည်။ မိမိခန္ဓာအစဉ်အတွက် ကောင်းအောင်ဆောင်ရွက်ကြရမည်ဖြစ်သလို မိမိမိသားစုအကျိုး၊ မိမိပတ်ဝန်းကျင် အကျိုး၊ မိမိနိုင်ငံအကျိုးများကို ရောက်ဆဲတစ်ခဏတာကာလအတွင်း ဆင်ခြင်ဥာဏ်ဖြင့် သတိတရားလက်ကိုင်ထားကာ ပြုမူဆောင်ရွက်ကြရမည်ဖြစ်ပေသည်။
ကုန်ဆုံးခဲ့သောနှစ်များအတွင်း မိမိတို့ကောင်းသောအမှုကို မည်မျှပြုခဲ့ကြသည်၊ မကောင်းသောအမှုများကို မည်မျှပြုခဲ့ကြသည်တို့ကို မှန်မှန်ကန်ကန် ဆင်ခြင်သုံးသပ်မှု ပြုနိုင်ရမည်ဖြစ်သည်။ နောင်တဆိုသည်မှာ နောင်မှတစ်ဖန် ပူပန်ရသောအမှုကိစ္စဖြစ်သည်။ နောင်မှပြန်လည်လုပ်ချင်ရုံဖြင့် ရလိမ့်မည် မဟုတ်ချေ။ အချိန်တို့က တိုက်စားနင်းချေချန်ရစ်ခဲ့ပြီ။ နှောင်းကိစ္စကို အသစ် တစ်ဖန်ပြန်လည်မွေးဖွား၍ ရမည်မဟုတ်ချေ။
ထို့ကြောင့် နောင်တတစ်ဖန် ပူပန်မှုမရှိရလေအောင် မျက်မှောက်ပစ္စက္ခ အချိန်အခါအတွင်းမှာပင် မိမိတို့၏ကောင်းသောအမှုကိစ္စ လုပ်ဆောင်ဖွယ် ရာအားလုံးတို့ကို တစ်ခုမကျန် အမြန်ချက်ချင်း ဆောင်ရွက်ခြင်းသည်သာလျှင် အကောင်းဆုံးဖြစ်ပေလိမ့်မည်။ ယခုနှစ်သစ်သို့ ကူးပြောင်းရောက်ရှိတော့မည်။ နှစ်ဟောင်းမှ လုပ်ဆောင်ဖွယ်ရာကျန်ရှိသည်များကို ဆက်လက်လုပ် ဆောင်ကြရမည်။
နှစ်ဟောင်းတွင် မိမိတို့ပြုမိခဲ့သည်ရှိသော မကောင်းသောအမှုတို့ကို ထားရစ်ခဲ့ရမည်။ နှစ်ဟောင်းတွင် မိမိတို့ပြုခဲ့ကြသော ကောင်းသောအမှုများ ဆက်လက်တိုးပွားအောင် နှစ်သစ်တွင် ဆက်လက်ဆောင်ကြဉ်းကြရမည်။ နှစ်သစ်တွင် မိမိအကျိုး၊ မိမိ မိသားစုအကျိုး၊ ရပ်ရွာအကျိုး၊ မိမိတိုင်းပြည်အကျိုး စသည့် အကျိုးများတိုးပွားအောင် ဆောင်ရွက်ခြင်းနှင့်အတူ အနာဂတ်အတွက် အကောင်းဆုံးဖြစ်အောင် ဆက်လက်သယ်ပိုးကြရမည်။ ဒီမိုကရေစီနိုင်ငံသစ်ကို တည်ဆောက်နေသောအချိန်အခါသမယတွင် မိမိဘဝဖွံ့ဖြိုးတိုးတက်ရေးနှင့် နိုင်ငံဖွံ့ဖြိုးတိုးတက်ရေးလုပ်ငန်းများတွင် တစ်တပ်တစ်အားပါဝင်ခြင်းဖြင့် နိုင်ငံသားကောင်းတစ်ယောက်ဖြစ်အောင် အားထုတ်ကြရမည်။
ထို့ကြောင့် နှစ်သစ်တွင် စိတ်သစ်၊ လူသစ်၊ အားမာန်သစ်များကို ရယူပိုင်ဆိုင်ကြပြီး နိုင်ငံသူ နိုင်ငံသားအားလုံးတို့သည် ကောင်းသောအမှုများကို စွမ်းဆောင်ကြကာ မိမိအကျိုး၊ အများအကျိုးများကို ဆက်လက် သယ်ပိုးဆောင်ရွက်နိုင်ကြစေရန် ဆန္ဒပြုလိုက်ပါသည်။ ။
No comments:
Post a Comment