ဝေါ ဒီဇင်ဘာ ၃ဝ
ဒီဇင်ဘာ၂၉ ရက်နေ့ထုတ် ကြေးမုံသတင်းစာ စာမျက်နှာ(၁ဝ)တွင် ဖော်ပြထားသော ''စစ်တောင်း တူးမြောင်းမြစ်ကျိုး တာထိပ် အတားအဆီး ပြုလုပ်ထား၊ လယ်ယာလုပ်ငန်းသုံး ယာဉ်များ ဝင်ထွက်သွားလာရန် ခက်ခဲ''ဟူသော ခေါင်းစဉ်ဖြင့် ဖော်ပြ ထားသော သတင်းနှင့်ပတ်သက်၍ ဆည်မြောင်း ဦးစီးဌာန တည်ဆောက် ရေး(၁) တာဝန်ခံက ဖြေရှင်းဆောင်ရွက်ပေးခဲ့ကြောင်း သိရသည်။
အဆိုပါလမ်းအား ၂ဝ၁၄ ခုနှစ် ဧပြီ ၂၈ ရက်တွင် ပဲခူးတိုင်းဒေသကြီး လွှတ်တော်ကိုယ်စားလှယ်များ၊ မြို့နယ် အုပ်ချုပ်ရေးမှူး၊ တာကျိုးအဗျား၊ မြစ်ကျိုးတာပေါင်လမ်းပိုင်းရှိ ကျေးရွာအုပ်ချုပ်ရေးမှူးများ၊ ကျေးရွာအထောက်အကူပြု အဖွဲ့ဝင်များ၊ ဆည်မြောင်းဦးစီးဌာန တည်ဆောက် ရေး(၁)မှ တာဝန်ရှိသူများပါဝင်ပြီး ဝေါမြို့နယ် အထွေထွေအုပ်ချုပ်ရေး ဦးစီးဌာန မိုးယွန်းကြီးခန်းမဆောင်တွင် ဒေသခံပြည်သူများ၏ တောင်းဆိုချက်အရ မြစ်ကျိုး၊ အဗျားတာပေါင် လမ်းပိုင်းအား ရေရှည်တည်တံ့ခိုင်မြဲ စေရန် ယာဉ်/ကုန် ၆ တန် အထက် ယာဉ်များ သွားလာမှုမပြုရန် ဆုံးဖြတ်ခဲ့ကြပြီး တာပေါင်ထိန်းသိမ်းခြင်း လုပ်ငန်းတစ်ရပ်အနေဖြင့် တန်ပိုတာပေါင်ပြုလုပ်ခဲ့ခြင်း ဖြစ်သည်။
ယခုလက်ရှိတွင် ပြုပြင်ဆောင် ရွက်ပြီးဖြစ်၍ တာပေါင်လမ်းအား အသုံးပြုနေသော ဒေသတွင်းမော် တော်ယာဉ်များ၊ အောင်ကျော်စွာ မော်တော်ယာဉ်လိုင်းမှာ နေ့စဉ် မြစ်ကျိုး၊ ဝေါ၊ ပဲခူးခရီးသည်တင်ယာဉ် များ ပြေးဆွဲလျက် ဒေသတွင်း ပြည်သူများအနေဖြင့် ခရီးသွားလာမှု လုံခြုံချောမွေ့စေပြီး ကုန်စည်စီးဆင်းမှု ပုံမှန်ရှိကြောင်း သိသည်။
ဘုန်းသော်(ဝေါ)
No comments:
Post a Comment