လားရှိုး ဒီဇင်ဘာ ၃ဝ
ရှမ်းပြည်နယ်အစိုးရအဖွဲ့မှ ကြီးမှူးကျင်းပသော (၅၈)ကြိမ် မြောက် ကမ္ဘောဇဖလားဂေါက်သီးရိုက်ပြိုင်ပွဲ ဆုပေးပွဲအခမ်းအနားကို ရှမ်းပြည်နယ်(မြောက်ပိုင်း) လားရှိုးမြို့ ဂေါက်ကွင်း၌ ဒီဇင်ဘာ ၂၉ ရက် ညနေ ၆ နာရီက ကျင်းပခဲ့သည်။
အခမ်းအနားတွင် တက်ရောက်ကြသော ဧည့်သည်တော်ကြီးများအား ဂါရဝပြုလက်ဆောင်များပေးအပ်ကာ အလှူရှင်များအား ဂုဏ်ပြု မှတ်တမ်းလွှာများ ပေးအပ်ခဲ့ကြသည်။
ဆက်လက်ပြီး အမျိုးသမီးဂေါက်သီးရိုက်ပြိုင်ပွဲမှ ဆုရသူများ အားလည်းကောင်း၊ ဧည့်သည်တော် ဂေါက်သီးရိုက်ပြိုင်ပွဲမှ ဆုရသူများအားလည်းကောင်း၊ အထူးဆုများ၊ အကျောပေးအထူးဆုများ၊ အကျောပေး အသင်းလိုက်ဆုများ၊ အကျောမဲ့ တစ်ဦးချင်းဆုများ၊ အကျောမဲ့ အသင်းလိုက်ဆုများအားလည်းကောင်း တာဝန်ရှိသူများက ဆုများအသီးသီးချီးမြှင့်ပေးကြသည်။ တံခွန်စိုက်ဆုကို လားရှိုးမြို့ ဂေါက်ကလပ်(F)အသင်းမှ ဆွတ်ခူးရရှိခဲ့သည်။ ထို့နောက် ရှမ်းပြည်နယ်အစိုးရအဖွဲ့မှ လားရှိုးမြို့ ဂေါက်ကလပ်သို့ ရန်ပုံငွေ ကျပ်သိန်း ၅ဝ ပေးအပ်လှူဒါန်းခဲ့ကြောင်း သိရသည်။
ဇာဏီအောင်(လားရှိုး)
No comments:
Post a Comment