ဆိုးလ် အောက်တိုဘာ ၃၁
တရုတ်-ကိုရီးယား-ဂျပန် သုံးနိုင်ငံ ထိပ်သီးအစည်းအဝေးသို့ တက်ရောက်ရန် တရုတ်နိုင်ငံဝန်ကြီးချုပ် လီခချန်းသည် အောက်တိုဘာ ၃၁ ရက်တွင် တောင်ကိုရီးယားနိုင်ငံမြို့တော် ဆိုးလ်သို့ ရောက်ရှိလာခဲ့ကြောင်း ယနေ့ဆင်ဟွာ သတင်းတွင် ဖော်ပြသည်။
တရုတ်ဝန်ကြီးချုပ်သည် တောင်ကိုရီးယားနိုင်ငံ သမ္မတ၏ ဖိတ်ကြားမှုဖြင့် အဆိုပါ ထိပ်သီးအစည်းအဝေးသို့ တက်ရောက်လာခြင်းဖြစ်ပြီး တရုတ်နှင့် တောင်ကိုရီးယား နှစ်နိုင်ငံအကြား ပူးပေါင်းဆောင်ရွက်မှုကို ပိုမိုနက်ရှိုင်းစွာ ဆောင်ရွက်နိုင်ရေးအတွက်လည်း ဦးတည်လာရောက်ခြင်းဖြစ်သည်။
တရုတ်နိုင်ငံဝန်ကြီးချုပ်၏ ထိပ်သီးအစည်းအဝေး တက်ရောက်ရန် လာရောက်သည့် ခရီးစဉ်အတွင်း တောင်ကိုရီးယားနိုင်ငံသမ္မတပက် အပါအဝင် တောင်ကိုရီးယားနိုင်ငံမှ ခေါင်းဆောင်များနှင့် တွေ့ဆုံဆွေးနွေးမှုများ ပြုလုပ်ရန် စီစဉ်ထားပြီး ယင်းဆွေးနွေးပွဲများ၏ ရည်ရွယ်ချက်မှာ တရုတ်နှင့် တောင်ကိုရီးယားနှစ်နိုင်ငံအကြား စီးပွားရေးအရ ပူးပေါင်းဆောင်ရွက်မှုများ မြှင့်တင်ရေးနှင့် နှစ်နိုင်ငံ ပြည်သူများအကြား ယဉ်ကျေးမှုဆိုင်ရာဖလှယ်ရေးတို့ တိုးမြှင့်ရန် ရည်ရွယ်ထားကြောင်း သတင်းတွင်ဖော်ပြသည်။
တရုတ်-တောင်ကိုရီးယားနှင့် ဂျပန်နိုင်ငံတို့၏ ထိပ်သီးအစည်းအဝေးတွင် လွန်ခဲ့သည့် သုံးနှစ်ခွဲတာကာလအတွင်း ကြားဖြတ်ပြတ်တောက်ခဲ့မှုများအား သုံးနိုင်ငံခေါင်းဆောင်များက ဒေသတွင်းနှင့် ကမ္ဘာလုံးဆိုင်ရာ အရေးကိစ္စများ၏ အပြောင်းအလဲများနှင့် သုံးနိုင်ငံ အကျိုးတူပူးပေါင်း ဆွေးနွေးသွားကြမည်ဖြစ် သည်။
တရုတ်-ကိုရီးယားနှင့် ဂျပန်နိုင်ငံများမှ ထိပ်သီးဆွေးနွေးမှုများသည် ဒေသတွင်း ငြိမ်းချမ်းရေးနှင့် တည်ငြိမ်ရေးအတွက် ကြီးမားသော အလှည့်အပြောင်းဖြစ်ကြောင်း ဝေဖန်သုံးသပ်သူများက ပြောကြားကြသည်။
တရုတ်-ကိုရီးယား-ဂျပန် နိုင်ငံမှ ထိပ်သီးများ၏ အစည်းအဝေးကို ၂ဝဝ၈ ခုနှစ်မှ ၂ဝ၁၂ ခုနှစ်အထိ နှစ်စဉ်ကျင်းပခဲ့သည်။ ဆင်ဟွာ။
No comments:
Post a Comment