ပေကျင်း အောက်တိုဘာ ၃ဝ
ကမ္ဘာမြေလေ့လာစောင့်ကြည့်ရေး၊ ဆက်သွယ်ရေး၊ ရေကြောင်းနှင့် လေကြောင်း သွားလာရေးတို့နှင့် သက်ဆိုင်သည့် အရပ်ဘက်သုံး ဂြိုဟ်တုစနစ်များ တည်ဆောက်ရေး စီမံကိန်းကို ၂ဝ၂ဝ ပြည့်နှစ် မတိုင်မီ အကောင်အထည်ဖော်မည်ဖြစ်ကြောင်း တရုတ်နိုင်ငံက အောက်တိုဘာ ၂၉ ရက်တွင် ထုတ်ပြန်ကြေညာ လိုက်သည်။
မြေကမ္ဘာလေ့လာရေးဂြိုဟ်တုစနစ်၊ ဆက်သွယ်ရေး ဂြိုဟ်တုစနစ်နှင့် လမ်းပြမြေပုံဂြိုဟ်တု စနစ်တည်ဆောက်ရေး စီမံကိန်းသည် တရုတ်နိုင်ငံ၏ ရေရှည်စဉ်ဆက်မပြတ် ဖွံ့ဖြိုး ရေးနှင့် တည်ငြိမ်ရေး ရည်မှန်းချက်များကို အထောက်အကူပြုမည်ဖြစ်ကြောင်း တရုတ်အမျိုးသားဖွံ့ဖြိုးတိုးတက်ရေးနှင့် ပြုပြင်ပြောင်းလဲရေး ကော်မရှင်၏ အင်တာနက်ဝက်ဘ်ဆိုက်တွင် ဖော်ပြသည်။
လာမည့်ဆယ်စုနှစ်အတွင်း တရုတ် နိုင်ငံအနေဖြင့် အရပ်ဘက်ဆိုင်ရာ အာကာသ အဆောက်အအုံများ ဖွံ့ဖြိုးတိုးတက်ရေးကို ဆောင်ရွက်မည်ဖြစ်ကြောင်း အဆိုပါကော်မရှင်၏ အင်တာနက်ဝက်ဘ်ဆိုက်တွင် ဖော်ပြသည်။
ဆင်ဟွာ။
No comments:
Post a Comment