မိတ္ထီလာ စက်တင်ဘာ ၂၉
မိတ္ထီလာတွင် (၁၃၂) ကြိမ်မြောက် ရှေးဟောင်းသမိုင်းဝင် ဖောင်တော်ဦး စေတီဗုဒ္ဓပူဇနိယပွဲတော်၌ ထည့်သွင်း ကျင်းပသည့် မြန်မာ့ရိုးရာလောင်းလှေ ပြိုင်ပွဲဗိုလ်လုပွဲနှင့် ဆုချီးမြှင့်ပွဲကို စက်တင်ဘာ ၂၈ ရက် ညနေ ၄ နာရီခွဲက ၄င်းစေတီတော်အနီး ကန်ရေပြင်နှင့် ပွဲကြည့်စင်တွင် ကျင်းပသည်။
မြန်မာ့ရိုးရာ လောင်းလှေပြိုင်ပွဲ ဗိုလ်လုပွဲတွင် လူးခင်းကြီးကျေးရွာမှ ရွှေလူးကိုကိုအသင်းအား အုတ်နှဲဘုတ် ကျေးရွာမှ ဇာတိသွေးပြန်လာပြီ အသင်းကသုံးပွဲ (သုံးလား)လှော်နှစ်ပွဲ (နှစ်လား)ဖြင့် အနိုင်ရဗိုလ်စွဲသွား သည်။ မြန်မာ့ရိုးရာလောင်းလှေ ပြိုင်ပွဲတွင် အနိုင်ရဗိုလ်စွဲခဲ့သည့် ဇာတိသွေးပြန်လာပြီအသင်း (အုတ်နှဲ ဘုတ်ကျေးရွာ)အား တစ်ဦးချင်း ဆုတံဆိပ်၊ ငွေသားဆုနှင့်ဆုဖလားတို့ကို အမျိုးသားလွှတ်တော်ကိုယ်စားလှယ် ဦးစိုးအောင်၊ ခရိုင်အုပ်ချုပ်ရေးမှူး ဦးတင့်ဝေသုံ ၊ မြို့နယ်အုပ်ချုပ်ရေးမှူး ဦးမျိုးလှိုင်တို့က ပေးအပ်ချီးမြှင့်သည်။
၎င်းနောက် ဒုတိယဆု ရွှေလူးကိုကို အသင်းအား လှေပြိုင်ပွဲကျင်းပရေး ကော်မတီဥက္ကဋ္ဌ မြို့နယ်ရဲတပ်ဖွဲ့မှူး ရဲမှူးမောင်ရွှေ၊ မြို့နယ်ဖွံ့ဖြိုးတိုးတက် ရေးအထောက်အကူပြု ကော်မတီ ဥက္ကဋ္ဌ ဦးခင်မောင်လင်းတို့က ဆုများ ပေးအပ်ချီးမြှင့်ပြီး တတိယဆုရ ရွှေညီအစ်ကိုအသင်းနှင့် နှစ်သိမ့်ဆုရ ရွှေလက်ရာအသင်းတို့အား သမိုင်းဝင် ဖောင်တော်ဦးစေတီတော် ထိန်းသိမ်း စောင့်ရှောက်ရေးအဖွဲ့(ဂေါပက)ဥက္ကဋ္ဌ ဦးမောင်ဝင်းနှင့် တာဝန်ရှိသူများက ဆုများ ပေးအပ်ချီးမြှင့်သည်။
၂ဝ၁၃နှင့် ၂ဝ၁၄ခုနှစ်တို့တွင် နှစ် နှစ်တိုင် မကျင်းပနိုင်ခဲ့သည့်အတွက် ယခုနှစ် မြန်မာ့ရိုးရာလောင်းလှေပြိုင်ပွဲ အား လာရောက်ကြည့်ရှု အားပေးသူ များဖြင့် နေ့စဉ်စည်ကားခဲ့ပြီး ပြိုင်ပွဲ လှေအသင်း ၁၈ သင်း ပါဝင်ယှဉ်ပြိုင် လှော်ခတ်ခဲ့ကြောင်း သိရသည်။
ချမ်းသာ (မိတ္ထီလာ)
No comments:
Post a Comment