လန်ဒန် သြဂုတ် ၁
အင်္ဂလန်နိုင်ငံတောင်ပိုင်းတွင် ကိုယ်ပိုင်ဂျက်လေယာဉ်တစ်စင်းပျက်ကျခဲ့ရာ လိုက်ပါစီးနင်းသူ လေးဦး သေဆုံးခဲ့ ကြောင်းနှင့် အဆိုပါလိုက်ပါစီးနင်းသူများသည် အယ်လ်ခိုင်ဒါခေါင်းဆောင်ဟောင်း အိုစမာဘင်လာဒင်၏ ဆွေမျိုးများ ဖြစ်ကြောင်း မီဒီယာများကထုတ်ဖော်ရေးသားသည်။
လေယာဉ်ပျက်ကျမှုတွင် အသက်ရှင်ကျန်ရစ်သူတစ်ဦးမျှမရှိကြောင်းနှင့် လေယာဉ်မှူးအပါအဝင် လိုက်ပါ စီးနင်းလာသူ လေးဦးခန့်ရှိကြောင်း ဗြိတိန်ရဲတပ်ဖွဲ့၏ ပြောရေးဆိုခွင့်ရှိသူက ရိုက်တာသတင်းဌာနသို့ပြောသည်။ သေဆုံးသူများသည် မည်သူမည်ဝါဖြစ်ကြောင်းကိုမူထုတ်ဖော်ပြောကြားခဲ့ခြင်းမရှိပေ။
သို့သော် ဗြိတိန်နိုင်ငံဆိုင်ရာ ဆော်ဒီအာရေဗျသံအမတ် မင်းသား မိုဟာမက်ဘင်နာ ဝဖ်အယ်ဆာ့ဒ်က ဆော်ဒီသံရုံး ၏ တရားဝင်တွစ်တာစာမျက်နှာပေါ်တွင် ဘင်လာဒင်၏ မိသားစုများဆီသို့ ဝမ်းနည်းကြောင်းသဝဏ်လွှာပေးပို့ခဲ့ သည်။ လေယာဉ်ပျက်ကျမှုကို စုံစမ်းစစ်ဆေးရန် ဆော်ဒီသံရုံးက ဗြိတိသျှအာဏာပိုင်များနှင့်ပူးပေါင်းဆောင်ရွက် လျက်ရှိကြောင်း ဆော်ဒီသံရုံးကဆိုသည်။
ရိုက်တာ။
No comments:
Post a Comment