ကွဲကွာ ကိုရီးယားမိသားစုများ ပြန်လည်ဆုံစည်းရေး ဆွေးနွေးပွဲပြုလုပ်ရန် မြောက်ကိုရီးယားသဘောတူ

ဆိုးလ် သြဂုတ် ၃ဝ

ကိုရီးယားစစ်ပွဲကြောင့် ကွဲကွာသွားခဲ့ကြရသော မိသားစုများ ပြန်လည်ဆုံစည်းရေး အစီအစဉ် အကောင်အထည် ဖော်ရေးနှင့် ပတ်သက်၍ စက်တင်ဘာ ၇ ရက်တွင် ဆွေးနွေးပွဲကျင်းပရန် တောင်ကိုရီးယား ကြက်ခြေနီအဖွဲ့၏ ကမ်းလှမ်းချက်ကို မြောက်ကိုရီးယားနိုင်ငံက လက်ခံလိုက်ကြောင်း ယွန်ဟပ်သတင်း အေဂျင်စီက သတင်းထုတ်ပြန်သည်။

ကိုရီးယားနှစ်နိုင်ငံကို ပိုင်းခြားထားသော စစ်မဲ့ဇုန်အတွင်းရှိ ပန်မွန်ဂျုံ ကျေးရွာ၌ နှစ်ဖက်တွေ့ဆုံ ဆွေးနွေးကြရန် တောင်ကိုရီးယား ကြက်ခြေနီ အဖွဲ့က အဆိုပြုခဲ့ကြောင်း ပြန်လည်ပေါင်းစည်းရေး ဝန်ကြီးဌာန၏ ပြောကြားချက်ကို ကိုးကားလျက် ယွန်ဟပ်သတင်းအေဂျင်စီက ဖော်ပြသည်။

ကွဲကွာမိသားစုများ ပြန်ပေါင်းထုပ်ရေး အစီအစဉ်နှင့် ပတ်သက်၍ ဆွေးနွေးပွဲပြုလုပ်ရန် သဘောတူညီကြောင်း မြောက်ကိုရီးယားနိုင်ငံ၏ ပြန်ကြားစာကို ပန်မွန်ဂျုံကျေးရွာရှိ ဆက်သွယ်ရေး အရာရှိမှတစ်ဆင့် လက်ခံရရှိခဲ့ကြောင်း သတင်းတွင် ဖော်ပြသည်။

၁၉၅ဝ-၁၉၅၃ ခုနှစ် ကိုရီးယား စစ်ပွဲအတွင်း ကွဲကွာခဲ့ကြရသော မိသားစုဝင်များ ပြန်လည်ဆုံစည်းမှုကို ပုံမှန်ပြုလုပ်သွားရန် တောင်ကိုရီးယားနိုင်ငံက အဆိုပြုခဲ့သည်။
ကွဲကွာလျက်ရှိကြသော မိသားစု ဝင်များမှာ ယခုအခါ အသက်(၇ဝ)ကျော်၊ (၈ဝ)ကျော် အရွယ်တို့တွင် ရှိနေကြပြီး ၎င်းတို့ ကွယ်လွန်အနိစ္စ မရောက်မီ ပြန်လည်ဆုံစည်းရန် ဆန္ဒရှိနေကြကြောင်း၊ လူသားချင်းစာနာ ထောက်ထားမှုအရ မိသားစုဝင်များ ပြန်လည်ပေါင်းစည်းခွင့်ရရှိရန် အစီအစဉ်များကို ပုံမှန်ပြုလုပ်သွားသင့်ကြောင်း တောင်ကိုရီးယား တာဝန်ရှိသူတစ်ဦးက ပြောကြားသည်။
ကျိုဒို။