ကျောက်ကြီးမြို့နယ် မုန်းချောင်း ရေလျှံ၍ မုန်း-အုတ်ဖြတ်လမ်းတံတားပေါ် ရေလွှမ်း

 

ကျောက်ကြီး ဇွန် ၂၈

ပဲခူးတိုင်းဒေသကြီး တောင်ငူခရိုင် ကျောက်ကြီးမြို့နယ် မုန်းနယ်မြေတွင် မိုးလေဝသနှင့် ဇလဗေဒညွှန်ကြားမှုဦးစီးဌာန၏ ဇွန် ၂၄ ရက် မိုးကြီးမည့် သတိပေးချက်ထုတ်ပြန်ပြီးနောက် ဇွန်၂၄၊ ၂၅ နှင့် ၂၆ ရက် သုံးရက်ဆက် မိုးရွာသွန်းမှုများကြောင့် မုန်းချောင်းရေလျှံပြီး မုန်း-အုတ်ဖြတ်လမ်းပေါ်ရှိ တံတားပေါ် ရေလွှမ်းမိုးမှုများ ဖြစ်ပေါ်ခဲ့သည်။

''ဒီလိုတံတားပေါ်အထိရေကျော်တဲ့အဖြစ်မျိုး တစ်နှစ်မှ မဖြစ်ဖူးဘူး။မိုးကလဲ သုံးရက်အတွင်း ရွာတာတော်တော်များပါတယ်''ဟု မုန်းနယ်မြေမှ ဒေသခံတစ်ဦးက ပြောသည်။ မုန်းမှ အုတ်ဖြတ်၊ ဖြူးလမ်းဆက်သွယ်ရေး အခက်အခဲများ ဖြစ်ပေါ်ခဲ့ရသည်။

မုန်းချောင်းကို စက်လှေနဲ့ ကူး၊ မုန်းတစ်ဖက်ကမ်းက မော်တော်ယာဉ် တွေနဲ့ခရီးဆက်သွားနေကြရသည်။ မုန်းချောင်းရေလျှံမှုနှင့်ပတ်သက်၍ ဒေသဆိုင်ရာအာဏာပိုင်များက လိုအပ်သည့်ကူညီမှုများ ဆောင်ရွက်ပေးလျက်ရှိသည်ဟု သိရသည်။

(သန်းထွန်း)