ဒုတိယအကြိမ် မြန်မာနိုင်ငံစာကြည့်တိုက်မှူးများ ညီလာခံကျင်းပ

ရန်ကုန် မတ် ၁

စာကြည့်တိုက်ပညာဆိုင်ရာ အတွေးအမြင်၊ အတွေ့အကြုံများ ဖလှယ်ရန်၊ စာကြည့်တိုက်မှူးများအချင်းချင်း စာကြည့်တိုက်ဝန်ဆောင်မှုလုပ်ငန်းများ မျှဝေဆောင်ရွက်ရန် စာကြည့်တိုက်များတွင် တွေ့ကြုံနေရသော အခက်အခဲ စိန်ခေါ်မှုများကို သိရှိနားလည်ပြီး ကျော်လွှားနိုင်မည့် နည်းလမ်းများ ပူးပေါင်းဆောင်ရွက်ရန်နှင့် စာကြည့်တိုက်မှူးများ အချင်းချင်းရင်းနှီးချစ်ကြည်၍ စာကြည့်တိုက်များနှင့် စာကြည့်တိုက်မှူးများ၏ အခန်းကဏ္ဍကို မြှင့်တင်သွားရန် စသည့်ရည်ရွယ်ချက်များဖြင့် ဒုတိယအကြိမ် မြန်မာနိုင်ငံ စာကြည့်တိုက်မှူးများ ညီလာခံကို ယနေ့တွင် ရန်ကုန်မြို့ လမ်းမတော်မြို့နယ် မင်းရဲကျော်စွာလမ်းရှိ ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ၌ ကျင်းပခဲ့သည်။

အခမ်းအနားတွင် ပြန်ကြားရေးဝန်ကြီးဌာန ပြည်ထောင်စုဝန်ကြီးဦးရဲထွဋ်က စာကြည့်တိုက်များ ရေရှည် ဖွံ့ဖြိုးတိုးတက်ရေး၊ စာဖတ်သူတိုးတက်လာစေရေးနှင့် စာကြည့်တိုက်မှူးများ၏ အရည်အသွေးပြည့်ဝရေးတို့နှင့် စပ်လျဉ်း၍ အဖွင့်အမှာစကားပြောကြားခဲ့သည်။

ထို့နောက် မြန်မာနိုင်ငံစာကြည့်တိုက်များ ဖောင်ဒေး ရှင်းဥက္ကဋ္ဌ ဦးမောင်မောင်က ''ဒီမိုကရေစီနိုင်ငံ တည်ဆောက်ရာမှာ စာကြည့်တိုက်များရဲ့အခန်းကဏ္ဍဟာ အလွန်အရေးကြီးပါတယ်။ စာကြည့်တိုက်အခန်းကဏ္ဍ အရေးကြီးသလို စာကြည့်တိုက်များမှာ သက်ဝင်လှုပ်ရှားဆောင်ရွက်ကြရတဲ့ စာကြည့်တိုက်မှူးများရဲ့အခန်းကဏ္ဍဟာလည်း ပိုပြီး အဓိက ကျပါတယ်။ စာကြည့်တိုက်မှူးတစ်ယောက်အနေနဲ့ ထိုင်ပြီး စာအုပ်အငှားပေးခြင်းကို စာကြည့်တိုက်မှူးလို့ အသိအမှတ် ပြုလို့မရပါဘူး။ စာကြည့်တိုက်မှူးများဟာ စာပေအသိပညာ ပြန့်ပွားရေးကိုလည်း လုပ်ကိုင်ချင်စိတ်ရှိသူ၊ တီထွင်ဆန်းသစ် လိုစိတ်ရှိသူများလည်းဖြစ်ရပါမယ်။

ဒါကြောင့် ဒီနေ့ကျင်းပတဲ့ ညီလာခံမှာ ပြည်သူတွေကို အသိပညာ ဗဟုသုတတိုးပွားစေရေး ပိုမိုဆောင်ရွက်နိုင်ဖို့ ပွင့်ပွင့်လင်းလင်းဆွေးနွေးတင်ပြကြပါ။ မိမိတို့ဒေသမှာ တွေ့ကြုံနေရတဲ့ စိန်ခေါ်မှုတွေကိုလည်း မှန်မှန်ကန်ကန် တင်ပြခြင်းဖြင့် တာဝန်သိသော၊ ပြည်သူကို အကျိုးပြုသော စာကြည့်တိုက်မှူးများဖြစ်နိုင်ကြပါစေ''ဟု ပြောကြားခဲ့သည်။

ဆက်လက်၍ မြန်မာနိုင်ငံစာကြည့်တိုက်အသင်း ဥက္ကဋ္ဌ ဦးသန်းအောင်က ကြိုဆိုနှုတ်ခွန်းဆက်စကား ပြောကြားခဲ့ပြီး မြန်မာနိုင်ငံစာကြည့်တိုက်ဖောင်ဒေးရှင်း အလုပ်အမှုဆောင် ဦးမောင်မောင်ဦး(ဟိန်းလတ်)က စာကြည့်တိုက်မှူးများ ဆွေးနွေးရမည့်ခေါင်းစဉ်များနှင့်ပတ်သက်၍ ရှင်းလင်းဆွေးနွေးသည်။

ညီလာခံတွင် Myanmar Book Aid & Preservation Foundation မှ ဗဟိုအလုပ်အမှုဆောင် ဒေါက်တာ သန့်သော်ကောင်းက စာကြည့်တိုက်များအနေဖြင့် အဖွဲ့ အစည်းများ၊ အခြားစာကြည့်တိုက်များ၊ အရပ်ဘက်လူမှု အဖွဲ့အစည်းများ ပေါင်းစပ်လုပ်ဆောင်ကြရမည်ဖြစ်ပါကြောင်း၊ ယင်းသို့လုပ်ဆောင်မည်ဆိုပါက အကျိုးကျေးဇူးများ၊ အောင်မြင်မှုများလည်း ရရှိလာမှာဖြစ်ပါကြောင်း စသည့် အချက်များအပါအဝင် စာကြည့်တိုက်များ ဖွံ့ဖြိုးရေးအတွက် ပူးပေါင်းပါဝင်ကူညီမှုများ စာတမ်းအားဖတ်ကြားခဲ့ပြီး တက်ရောက်လာကြသူများက သိရှိလိုသည်များကို မေးခွန်းများ မေးမြန်းခဲ့သည်။

ထို့နောက် သရပါစာကြည့်တိုက်မှူး ဦးရဲထက်ဦးက စာကြည့်တိုက်တစ်ခုတွင် နေရာ၊ ဝန်ဆောင်မှု၊ စာအုပ်၊ စာဖတ်သူ စသည့်လေးမျိုးတွင် အရေးကြီးဆုံးကို စဉ်းစားရန် လိုအပ်ကြောင်း၊ စာကြည့်တိုက်တွင် စာဖတ်သူဦးရေ တိုးတက်လာရန်အတွက် မိမိတို့ဒေသ၏ လိုအပ်ချက်နှင့် လိုလားချက်များကို ဖြည့်စွက်ဆောင်ရွက်ပေးရမည် ဖြစ်ကြောင်း၊ စာဖတ်သူကို အာရုံစိုက်ရန်လိုသလို စာအုပ်စင်ပေါ်က စာအုပ်များကိုလည်း အာရုံစိုက်ဖို့လိုပါကြောင်းစသည်ဖြင့် စာကြည့်တိုက်များတွင် စာဖတ်သူများ တိုးပွားလာစေရေးစာတမ်းကို ဖတ်ကြားပြီး တက်ရောက်လာသူများက သိရှိလိုသည်များကို မေးမြန်းခဲ့သည်။

စာကြည့်တိုက်လုပ်ငန်းများ ရေရှည်ဖွံ့ဖြိုးတိုးတက်ရေးအတွက် ရင်ဆိုင်ကြုံတွေ့နေရသည့် အခက်အခဲများအား ညနေပိုင်းတွင် အုပ်စုများခွဲကာ ဆွေးနွေးခဲ့ကြသည်။

အခမ်းအနားသို့ ပြည်ထောင်စုလွှတ်တော် ဒုတိယနာယက ပြည်သူ့လွှတ်တော် ဒုတိယဥက္ကဋ္ဌ ဦးနန္ဒကျော်စွာ၊ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်၊ ရန်ကုန်တိုင်းဒေသကြီးအစိုးရအဖွဲ့ တာဝန်ရှိသူများ၊ မြန်မာနိုင်ငံစာကြည့်တိုက်ဖောင်ဒေးရှင်း၊ မြန်မာနိုင်ငံစာကြည့်တိုက်အသင်း၊ မြန်မာနိုင်ငံစာရေးဆရာအသင်းတို့မှ ဥက္ကဋ္ဌ၊ ဒုတိယဥက္ကဋ္ဌနှင့်အဖွဲ့ဝင်များ၊ UMFCCI မှ တာဝန်ရှိသူများ နှင့် မြန်မာနိုင်ငံတစ်ဝန်းမှ စာကြည့်တိုက်မှူး ၄ဝဝ ဝန်းကျင်တို့ တက်ရောက်ခဲ့ကြသည်။

ပထမအကြိမ် စာကြည့်တိုက်မှူးများညီလာခံကိုပြီးခဲ့ သည့်နှစ်က ကျင်းပခဲ့ပြီး ယခုနှစ်ညီလာခံမှာ ဒုတိယ အကြိမ်မြောက် ကျင်းပခြင်းဖြစ်သည်။

ယခုညီလာခံကို မြန်မာနိုင်ငံစာကြည့်တိုက်များ ဖောင်ဒေးရှင်းနှင့် မြန်မာနိုင်ငံစာကြည့်တိုက်အသင်းတို့ ပူးပေါင်းကျင်းပခြင်းဖြစ်သည်။ မြန်မာနိုင်ငံစာကြည့်တိုက်များ ဖောင်ဒေးရှင်းသည် ၂ဝ၁ဝ ပြည့်နှစ်တွင် စတင်တည်ထောင်ခဲ့ပြီး ပြည်သူများ စာဖတ်သည့်အလေ့အထကောင်းများ ရရှိလာစေရန်အတွက် စာဖတ်ရှိန်မြှင့်တင်ရေးလုပ်ငန်းများကို ဆောင်ရွက်လျက်ရှိသည်။ ယခုအချိန်တွင် ကျေးလက်နှင့် မြို့ပြဒေသအသီးသီး၌ စံငါးချက်ညီ စာကြည့်တိုက်ပေါင်း ၆၂ဝဝ ကို ဖွင့်လှစ်နိုင်ခဲ့ပြီဖြစ်သည်။

ညီလာခံကို နှစ်ရက်ကျင်းပသွားမည်ဖြစ်ပြီး ဒုတိယနေ့တွင် ၂ဝ ရာစု၌ အရေးပါလာသော စာကြည့်တိုက်မှူးများ၏ အခန်းကဏ္ဍ၊ စာကြည့်တိုက်များစဉ်ဆက်မပြတ် တိုးတက်ရှင်သန်မှုစသည့် စာတမ်းများကိုလည်း စာကြည့် တိုက်ပညာရှင်များက ဖတ်ကြားကြမည်ဖြစ်သည်။ ညနေပိုင်းတွင် စာကြည့်တိုက်မှူးများ၏ ဆွေးနွေးပွဲရလဒ်များအား ပညာရှင်များက ပြန်လည်သုံးသပ်ကြမည်ဖြစ်သည်။

(သတင်းစဉ်)