တနင်္သာရီ၊ ဖေဖော်ဝါရီ ၂၄
တနင်္သာရီတိုင်းဒေသကြီး တနင်္သာရီမြို့ ချောင်းငယ်ရပ်ကွက် အာယုလမ်းရှိ (ယခင်) အ.မ.က ချောင်းငယ်ကျောင်းမြေနေရာ၌ အောက်တိုဘာ ၂၁ ရက်မှ စတင်၍ ဆောက်လုပ်လျက်ရှိသည့် အ.မ.က ကျောင်းဆောင်သစ်သည် ရာနှုန်းပြည့် ဆောက်လုပ်ပြီးစီးနေပြီဖြစ်ကြောင်း သိရသည်။
ယင်းကျောင်းဆောင်အား ပညာရေးဝန်ကြီးဌာန၏ ၂ဝ၁၄-၂ဝ၁၅ ဘဏ္ဍာရေးနှစ် ခွင့်ပြုငွေကျပ် ၄၈၆ သိန်းဖြင့် အလျား ၉ဝပေ x အနံ ၃ဝ ပေ၊ အမြင့် ၁၁ ပေ၊RC တစ်ထပ်သွပ်မိုး ကျောင်းဆောင်သစ်အဖြစ် River 9 ကုမ္ပဏီမှ တာဝန်ယူဆောက်လုပ်ခဲ့ကြောင်း သိရသည်။
ယင်းကျောင်းအတွက်ဖြည့်စွက်ရန် လိုအပ်လျက်ရှိသောစာသင်ခုံအစုံ ၃ဝ၊ လျှပ်စစ်မီးရရှိရေး၊ သောက်သုံးရေရရှိရေးတို့ကိုလည်း River 9 ကုမ္ပဏီ မှ မန်နေဂျင်းဒါရိုက်တာ ဦးတင့်နိုင်က လှူဒါန်းပေးခဲ့သည်။ ယခုအခါ ကျောင်းဆောင်သစ်အား ပညာရေးဌာနသို့ လွှဲပြောင်းပေးအပ်နိုင်ရန် စီစဉ်နေပြီဖြစ်ကြောင်း သိရသည်။
ထိန်ဝင်း(ပြန်ဆက်)
No comments:
Post a Comment