တမ်းတတိုင်းဝယ် တမြည့်မြည့်

 

 

ဆယ့်သုံးဂဏန်းနှင့် မြန်မာ့လွတ်လပ်ပန်း

ဆယ့်သုံးဂဏန်းကို အများစုက ကံမကောင်းသော ဂဏန်းဟုဆိုကြသည်။ ကျွန်တော့်အနေဖြင့်မူ ထိုဂဏန်းသည် မြန်မာ့လွတ်လပ်ပန်းကို ဆောင်ကြဉ်းပေးနိုင်သည့် မင်္ဂလာရှိသော ကိန်းဂဏန်းတစ်ခုအဖြစ် ရှုမြင်မိပါသည်။

''ဖေဖော်ဝါရီ ဆယ့်သုံးမှာ၊ ဗိုလ်ချုပ်မွေးနေ့ပါ တစ်ထောင့်ကိုးရာ တစ်ဆယ့်ငါး ရှေ့နေဦးဖာသား''အစချီ သော ကဗျာကို ကျွန်တော်တို့ မြန်မာနိုင်ငံသားတိုင်း အလွတ်ရွတ်ဆိုနိုင်ကြသည်။ ဗိုလ်ချုပ်ဟု ပြောလိုက်သည်နှင့် ဗိုလ်ချုပ်အောင်ဆန်းကို ဆိုလိုမှန်း အလိုလိုသိကြသည်။ဗိုလ်ချုပ်ဟု ချိုမြိန်စွာခေါ်ရသည်က အားမာန်ကိုမွေးဖွားစေသည်၊ ဗိုလ်ချုပ်ဟု ကြားရသည်က ကြားရသူအပေါင်း၌ အလွန်ပင် နားဝင်ပီယံရှိလှပါသည်။ ဗိုလ်ချုပ်ကဗျာကိုရွတ်ဆိုတိုင်းလည်း ဗိုလ်ချုပ်၏ဂုဏ်ကျေးဇူး အထူးထူးကို ရည်စူးအောက်မေ့ပြီး ကြည်ညိုလေးစားစိတ်များ အဖန်တလဲလဲ ကြည်နူးစွာဖြစ်ရပါသည်။

လူထဲကလူ သို့သော် အာဂလူ

ဗိုလ်ချုပ်ကို မြန်မာနိုင်ငံမြေလတ်ဒေသရှိ နတ်မောက်မြို့တွင် သူလိုကိုယ်လိုပင် မွေးဖွားခဲ့ပြီး ငယ်နာမည်မှာ မောင်ထိန်လင်းဖြစ်ပါသည်။ သို့သော် အာဇာနည်သွေးမှာ မွေးကတည်းကပင် ပါခဲ့သည်ဟုဆိုရပါမည်။ ငယ်စဉ်ကပင် အမှန်တရားကို ချစ်မြတ်နိုးသောစိတ်၊ မဟုတ်မခံတုံ့ပြန်လိုစိတ်၊ ပညာကိုကြိုးစားသင်ယူလိုသောစိတ်တို့နှင့်အတူ တိုင်းပြည်လွတ်လပ်ရေးကို စိတ်ဝင်တစားဖြင့် ထက်သန်ပြင်းပြစွာ ဆောင်ရွက်ခဲ့မှုတို့မှာ လူထဲကလူ ဖြစ်သော်ငြားလည်း အာဂလူတစ်ဦးအဖြစ် တောက်မည့် မီးခဲတရဲရဲ ဖြစ်ခဲ့ပါသည်။

ဘမျိုးဘိုးတူ

ဗိုလ်ချုပ်၏ အဘိုးဖြစ်သူ ရွှေလရောင်ဘွဲ့ခံမြို့ လုလင်သူကြီး ဦးမင်းရောင်မှာ နယ်ချဲ့ဗြိတိသျှတို့ ၁၂၄၇ ခုနှစ် အထက်မြန်မာနိုင်ငံကို သိမ်းပိုက်ခဲ့စဉ်က သူ့ကျွန်မခံလိုသောစိတ်ဖြင့် ရရာလက်နက်ကိုင်ဆွဲကာ ဗြိတိသျှ စစ်တပ်ကို အကြိတ်အနယ် အန်တုခုခံတော်လှန်တိုက်ခိုက်ရင်း မြန်မာ့လွတ်လပ်ရေးအတွက် အသက်ပေးသွားခဲ့သော မျိုးချစ်သူရဲကောင်းကြီး တစ်ဦးဖြစ်ပါသည်။

ဗိုလ်ချုပ်မှာလည်း မြန်မာ့လွတ်လပ်ရေးအတွက် မဆုတ်မနစ်သော ဇွဲလုံ့လဖြင့် တစိုက်မတ်မတ် ကြိုးပမ်း ဆောင်ရွက်ရင်းနယ်ချဲ့ဗြိတိသျှတို့၏ သွေးထိုးအကောက် ကြံမှုကြောင့် ဖြစ်ပေါ်လာရသည့် အမျိုးသားသစ္စာဖောက်များ၏ လုပ်ကြံမှုနှင့်အတူ အသက်ဆုံးရှုံးခဲ့ရလေရာ ဘမျိုးဘိုးတူ မျိုးချစ်သူရဲကောင်းတစ်ဦးအဖြစ် သမိုင်းမှတ်တိုင် စိုက်ထူနိုင်ခဲ့ပါသည်။ တစ်နည်းအားဖြင့် ဗိုလ်ချုပ်သည် သူ့ကျွန်မခံသည့်၊ အင်္ဂလိပ်ကို ဆန့်ကျင်သည့် မျိုးရိုးဇာတိအစဉ်အလာကို ထိန်းသိမ်းခဲ့သူဖြစ်ပါသည်။

မြန်မာ့လွတ်လပ်ရေးကို အရယူပေးနိုင်ခဲ့သည့် ဗိုလ်ချုပ်

မြန်မာ့သမိုင်းတစ်ခေတ် အရိုင်းစစ်ကြောင့် ထီးကျိုး စည်ပေါက် ကျွန်သပေါက်ဘဝဖြင့် နှစ်ရာချီ၍ လူလုံးမလှ အပူလုံြး<ွကခဲ့ရသည့် မြန်မာပြည်ကို နယ်ချဲ့နှင့် ဖက်ဆစ်တို့၏ ဖိနှိပ်မှုအစုစုတို့အား ''လက်အောက်မှလှန်၊ ရန်အောက်မှရုန်း၊ နုန်းအောက်မှဖောက်'' သူ့ကျွန်ဘဝမှ လွတ်မြောက်ပြီး မြန်မာ့အချုပ်အခြာအာဏာကို ပြန်လည်ရရှိရလေအောင် ဗိုလ်ချုပ်ကိုယ်တိုင်ဦးဆောင်၍ ဗိုလ်ချုပ်ထူထောင်ခဲ့သော တပ်မတော်နှင့် ပြည်သူတစ်ရပ်လုံးတို့၏ ကြိုးပမ်းအားထုတ်မှုတို့ဖြင့် ဆောင်ကြဉ်းပေးနိုင်ခဲ့ပါသည်။

ထို့ကြောင့်လည်း ယနေ့အခါ ကျွန်ုပ်တို့အားလုံး မြန်မာနိုင်ငံတော်အလံကို ဂုဏ်ယူဝင့်ကြွားစွာ လွှင့်ထူ၍ နိုင်ငံတော်သီချင်းကို ကြက်သီးတဖျန်းဖျန်းထအောင် သီဆိုနိုင်ခဲ့ကြပြီမဟုတ်ပါလော။

စည်းလုံးမှုပြယုဂ် ပင်လုံစာချုပ်ကို အသက်သွင်းခဲ့သည့် ဗိုလ်ချုပ်

ဗိုလ်ချုပ်ကစည်းလုံးညီညွတ်ရေး အရေးကြီးပုံကို ပြောပြခဲ့မှုအား ဗိုလ်ချုပ်၏အပါးတော်မြဲဆောင်ရွက်ခဲ့သည့် ဗိုလ်ထွန်းလှက ရေးသားခဲ့သည်မှာ

''---- ဂျပန်ပြေးတာနဲ့ အင်္ဂလိပ်အစိုးရပြန်ဝင်လာပြီး မြန်မာနိုင်ငံဟာ မူလကအတိုင်း ကျွန်ဘဝပြန်ရောက်ဦးမယ် ... ငါတို့ဟာ စစ်ရေးအရ ဗြိတိသျှအင်ပါယာကြီးကို နိုင်အောင်မတိုက်နိုင်ဘူး၊ တိုင်းရင်းသားစည်းလုံးညီညွတ်မှု အင်အားနဲ့မှ တိုက်လို့ရမယ်၊ မင်းတို့ မြဲမြဲမှတ်ထားဖို့က ငါတို့ရဲ့ အဓိကလက်နက် အထိရောက်ဆုံးလက်နက်ဟာ စက်သေနတ်တွေ အမြောက်တွေမဟုတ်ဘူး ယူနတီ (Unity)ဆိုတဲ့ တိုင်းရင်းသားစည်းလုံးညီညွတ်မှုသာ ဖြစ်တယ်'' ဟူ၏။

အပြောနှင့်အလုပ် တစ်ထပ်တည်းကျသည့် ဗိုလ်ချုပ်သည် ဗြိတိသျှတို့မှ မတတ်သာ၍ လွတ်လပ်ရေးပေးရတော့မည့်အချိန်တွင် ရှမ်းပြည်နယ်နှင့် တောင်တန်းဒေသများအား ၎င်းတို့၏အကျိုးစီးပွားအတွက် ဆက်လက်ချုပ်ကိုင်လိုသည့် သဘောထားရှိမှုကို သိရှိလာသည့်အခါ ၁၉၄၆ ခုနှစ် မတ်လမှ ၁၉၄၇ ခုနှစ် ဖေဖော်ဝါရီလအထိ တိုင်းရင်းသားခေါင်းဆောင်များထံ ကိုယ်တိုင်ကိုယ်ကျ သွားရောက်တွေ့ဆုံညှိနှိုင်းခဲ့၍ မြန်မာနိုင်ငံလွတ်လပ်ရေးအတွက် အသက်တမျှ အရေးကြီးလှသည့် အမျိုးသားစည်းလုံးညီညွတ်မှုကို တည်ဆောက်နိုင်ခဲ့ပြီး ၁၉၄၇ ခုနှစ် ဖေဖော်ဝါရီလ ၁၂ ရက်နေ့တွင် သမိုင်းဝင် ပင်လုံစာချုပ်ကြီးကို တိုင်းရင်းသားအားလုံး သွေးစည်းချစ်ကြည်သော အထိမ်းအမှတ်အဖြစ် လက်မှတ်ရေးထိုးနိုင်ခဲ့ပါသည်။ ထိုပင်လုံစာချုပ်ဖြင့် မြန်မာ့လွတ်လပ်ရေးကို အရယူပေးနိုင်ခဲ့ပါသည်။

ရှုထောင့်မျိုးစုံတွင် ချစ်ခင်လေးမြတ်ဖွယ်ဗိုလ်ချုပ်

မည်သူမဆို အားနည်းချက်၊ အားသာချက်ဟူ၍ရှိ သည်သာဖြစ်ပါသည်။ ဗိုလ်ချုပ်မှာလည်း ပုထုဇဉ်တစ်ဦး ပီပီ အားနည်းမှု၊ ချို့ယွင်းမှုရှိမည်သာ ဖြစ်ပါသည်။ သို့သော် ဗိုလ်ချုပ်၏ အားနည်းမှု၊ ချို့ယွင်းမှုများသည် တိုင်းပြည်ကို ကယ်တင်ရာတွင် အသက်ကိုပဓာနမထားဘဲ စွန့်လွှတ်စွန့် ရဲသော၊ အများပြည်သူ၏ လွတ်လပ်မှုလိုအင်ဆန္ဒကို အသက်နှင့်လဲ၍ ဖြည့်စွမ်းပေးခဲ့သော စိတ်စေတနာတို့ အောက်ဝယ်အလိုလိုတိမ်မြုပ်ပျောက်ကွယ်သွားသည်ဟု ခံစားမိပါသည်။

ဗိုလ်ချုပ်က မြန်မာပြည်၌သာမက ကမ္ဘာမှာပင်ရှားမှရှားသော ပုဂ္ဂိုလ်ထူးဖြစ်ပါ၏။ မြန်မာနိုင်ငံတော် သမိုင်းကို ပြန်ပြောင်းကြည့်မည်ဆိုပါကလည်း အနော်ရထာမင်းသည် အေဒီ၁၁ ရာစုတွင် ပထမမြန်မာနိုင်ငံ တော်ကြီးကို စစ်ရေးမဟာဗျူဟာဖြင့်လည်းကောင်း၊ ဘုရင့်နောင်မင်းတရားကြီးသည် ၁၆ ရာစုတွင် ဒုတိယ မြန်မာနိုင်ငံတော်ကြီးကို စစ်ရေးမဟာဗျူဟာ ဖြင့်လည်းကောင်း၊ အလောင်းမင်းတရားကြီး ဦးအောင်ဇေယျသည် ၁၈ ရာစုတွင် တတိယမြန်မာနိုင်ငံတော်ကြီးကို စစ်ရေးမဟာဗျူဟာ ဖြင့်လည်းကောင်း၊ ထူထောင်ခဲ့ကြရာ ဗိုလ်ချုပ်အောင်ဆန်းမှာမူ ၂ဝ ရာစုတွင် စတုတ္ထမြန်မာနိုင်ငံတော်ကြီးကို စစ်ရေးနည်းအပြင် ပြည့်အင်အားသည် ပြည်တွင်းမှာသာရှိသည်ဟူသော အယူအဆဖြင့် တိုင်းရင်းသား စည်းလုံးညီညွတ်ရေးတည်းဟူသော စည်းရုံးရေးနည်းကိုပါ တွဲဖက်၍ မဟာဗျူဟာ အမျိုးမျိုး ကျင့်သုံးထူထောင်နိုင်ခဲ့ပါသည်။ သတ္တိနှင့် ဗျတ္တိကို မှန်ကန်စွာအသုံးချနိုင်ခဲ့သူ ဖြစ်ပါသည်။

ပြည်သူအပေါ်၊ တိုင်းရင်းသားအပေါ် ချစ်ခင်လေးစားသည့် ဗိုလ်ချုပ်

ဗိုလ်ချုပ်ဦးဆောင်သည့် ရဲဘော်သုံးကျိပ်ဖြင့် စတင်ထူထောင်ခဲ့သည့် မြန်မာ့တပ်မတော်သည် ထိုစဉ်က ကမ္ဘာပေါ်တွင် အလွန်စစ်အင်အားကြီးမားသော ဗြိတိသျှတပ်မ တော်ကိုလည်းကောင်း၊ အာရှတွင်စစ်အင် အားကြီးမားလှသည့် ဂျပန်စစ်တပ်ကိုလည်း ကောင်းတိုက်ထုတ်နိုင်ခဲ့သည်အထိ အင်အား တောင့်တင်းခိုင်မာခဲ့ပါသည်။သို့သော် ဗိုလ်ချုပ်သည် လူမျိုးစွဲ၊ ဝါဒစွဲတို့ဖြင့် အသီးသီးကွဲပြားနေသော တိုင်းရင်းသားတို့ကိုမူ အင်အားကို အသုံးပြု၍သိမ်းသွင်းခဲ့ခြင်းမပြုဘဲ တိုင်းရင်းသား ပြည်သူများအပေါ် ချစ်ခင်လေးစားစိတ်၊ စာနာ ကြင်နာစိတ်တို့ဖြင့် စည်းရုံးရေးမဟာဗျူဟာကို ကျင့်သုံးဆောင်ရွက်နိုင်ခဲ့ပါသည်။ ဤသည်ကား ဗိုလ်ချုပ်၏မြင့်မြတ်သော စွမ်းဆောင်ရည်ပင်ဖြစ်ပါ၏။

မြန်မာ့သမိုင်းတွင် ထာဝစဉ်ရှင်သန်နေမည့် ဗိုလ်ချုပ်

ဗိုလ်ချုပ်ကို လွတ်လပ်ရေး ဗိသုကာ၊ တပ်မတော်၏ဖခင်၊ မြန်မာပြည်သူတို့၏ အမျိုးသားခေါင်းဆောင်ကြီးစသည့် ဂုဏ်ထူးဝိသေသများဖြင့် ချီးကျူးဂုဏ်ပြုခေါ်ဝေါ် သုံးနှုန်းလေ့ရှိကြပါသည်။ ထိုထိုသော ဂုဏ်ဒြပ်များ ကလည်း ထပ်တူပြုရန် မရှိနိုင်သည့်၊ နှိုင်းယှဉ်ရန်မရှိသည့် ဝိသေသလက္ခဏာများပင် ဖြစ်ပါသည်။

သေသောသူ ကြာရင်မေ့ဆိုသော်လည်း ဗိုလ်ချုပ်မှာ မူလူသေသော်လည်း နာမည်မသေဘဲ ယနေ့တိုင် မမေ့နိုင်စွာ ဂုဏ်ယူတသနေရပါသည်။ ထို့အတူ မြန်မာ့သမိုင်း တစ်လျှောက်မည်သည့်အခါမှ မေ့ပျောက်နိုင်တော့မည် မဟုတ်သည်မှာ အသေအချာပင်ဖြစ်ပါသည်။

သီဖွဲ့မကုန် ကျော်သည့်ဂုဏ်

ဗိုလ်ချုပ်၏မွန်မြတ်လှသော ဂုဏ်ပုဒ်များက သီဖွဲ့၍မကုန်နိုင်ပေ။ ဖြောင့်မတ်ရိုးသားမှု၊ ကြိုးစားအားထုတ်မှု၊ ကိုယ်ကျိုးစွန့်လွှတ်အနစ်နာခံမှု၊ကြင်နာသနားတတ်မှု၊ ခေါင်းဆောင်ပီသမှု၊ အမှန်တရားနှင့် တရားမျှတမှုကို လက်ကိုင်ထားမှု၊ ရိုးရှင်းသော ဘဝကိုမြတ်နိုးမှု၊ စာပေလေ့လာလိုက်စားမှု၊ သတ္တိဗျတ္တိရှိမှု၊ ရဲဘော်ရဲဘက်စိတ်ရှိမှု၊ မိမိအကျိုးထက် နိုင်ငံသား၏အကျိုးကို ရှေးရှုမှု၊ နိုင်ငံနှင့်လူမျိုးအကျိုးအတွက် စစ်မှန်သောမျိုးချစ်စိတ် ဓာတ်ဖြင့်မဆုတ်မနစ်သော ဇွဲလုံ့လဖြင့် ကြိုးပမ်းဆောင်ရွက်မှု၊အပြန်အလှန်လေးစားတတ်မှုစသည့်မွန်မြတ် အတုယူဖွယ်ကောင်းသော၊ စံပြုဖွယ်ရာဖြစ်သော အမူအကျင့်နှင့်စိတ်ဓာတ်တို့ကို အနာဂတ်ဖန်တီးရှင်များဖြစ်သည့် နောင်လာ နောက်သား မျိုးဆက်သစ်လူငယ်များ အကြားဝယ် ပြန့်ပွားစေချင်မိပါသည်။

ဗိုလ်ချုပ်ကို အားကျအတုယူပြီး သူ့လိုလူဖြစ်စေရန် အားထုတ်ကြိုးပမ်းကြမည်ဆိုပါလျှင် ဗိုလ်ချုပ်ကဲ့သို့သော လူငယ်ခေါင်းဆောင်ကောင်းများ အများအပြားပေါ်ထွက်လာမည်သာဖြစ်ပါ၏။

ဂုဏ်ယူနေရုံနှင့်မရ

ဗိုလ်ချုပ်ကို ချစ်သလား၊ လေးစားသလား၊ ယုံကြည်သလားဟု မေးလာပါလျှင် လူတိုင်းက ချစ်ခင်လေးစား ယုံကြည်ကြကြောင်း ပြောမည်မှာ မလွဲမသွေဖြစ်ပါ၏။ထိုသို့ချစ်ခင်လေးစား ယုံကြည်မှုကို အဖန်တလဲလဲ ဂုဏ်ယူနေရုံမျှဖြင့် ချစ်ရာမရောက်ဟု ဆိုရပါမည်။ ဗိုလ်ချုပ် မျှော်မှန်းခဲ့သည့် အမိမြန်မာပြည်ဖြစ်စေရန်မှာမူ ဗိုလ်ချုပ် လမ်းစဉ်နှင့်လုပ်ရပ်များကို သိရှိနားလည်ပြီး ကိုယ်တိုင်လိုက်နာ ကျင့်ကြံအားထုတ်ခြင်းဖြင့်သာလျှင် ဗိုလ်ချုပ်အပေါ် ချစ်ခင်လေးစားယုံကြည်မှုကို ပြသသင့်သည်ဟု ရိုးရှင်းစွာရှုမြင်မိပါသည်။

ယနေ့မြန်မာ မျက်နှာစာ

ယနေ့အခါ မြန်မာနိုင်ငံသည် ဖြတ်သန်းခဲ့ရသော ခေတ်စနစ်အသီးသီး၏ သင်ခန်းစာများအရ လွတ်လပ်ရေးဗိသုကာကြီး ဗိုလ်ချုပ်အောင်ဆန်း မျှော်မှန်းခဲ့သော နိုင်ငံတော်သစ် တည်ဆောက်နိုင်ရေးအတွက် အမျိုးသားရေးတာဝန်အဖြစ် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေး၊ အချုပ်အခြာအာဏာ တည်တံ့ခိုင်မြဲရေးတည်းဟူသော ဒို့တာဝန်အရေးသုံးပါးကို ချမှတ်ဆောင်ရွက်လျက်ရှိပါသည်။

လူထုရွေးချယ်မှုဖြင့် ပေါ်ပေါက်လာသည့် ဒီမို ကရေစီဖော်ဆောင်သော အစိုးရအနေဖြင့်လည်း ဒို့တာဝန်အရေးသုံးပါးကို အကောင်အထည်ဖော်ဆောင် ရွက်လျက်ရှိပါသည်။

ပြည်သူကိုဗဟိုပြု၍ ပြည်သူ့အကျိုးစီးပွားဖွံ့ဖြိုး တိုးတက်စေရေးအတွက် မဖြစ်မနေလိုအပ်သည်က တည်ငြိမ်မှုနှင့်အေးချမ်းမှုတို့ဖြစ်ပါ၏။ တိုင်းရင်းချစ်ကြည် တွဲလက်ညီစေရေးအတွက် နိုင်ငံတော်မှ ငြိမ်းချမ်းရေး တည်ဆောက်မှုလုပ်ငန်းစဉ်ကို တိုင်းရင်းသားညီနောင် အချင်းချင်းအကြား အကျိုးမဲ့စွာ ဆုံးရှုံးမှုကို ဖြစ်စေမည့်နည်းလမ်းများကို ဖယ်ရှားပြီး ဆွေးနွေးတိုင်ပင်ညှိနှိုင်းခြင်းဖြင့်သာ လုပ်ဆောင်မည်ဟူသော ယုံကြည်ချက်၊ ခံယူချက်တို့ထားရှိကာ ကြိုးပမ်းလုပ်ဆောင်လျက်ရှိရာ ဤခရီးနီး၊ မနီးမှာမူ နိုင်ငံတော်အစိုးရ၏ အပြုသဘော ဆောင်ရွက်ချက်များနှင့်သက်ဆိုင်ရာအဖွဲ့အစည်းအသီးသီး၌ ပါဝင်ဆောင်ရွက်သူများ၏ ဖြစ်ချင်စိတ်ပြင်းပြမှု နှင့်မှန်ကန်သော စိတ်စေတနာတို့အပေါ်တွင်သာ မူတည်မည်ဖြစ်ပါသည်။

ပြည်သူတစ်ရပ်လုံးက လိုလားတောင့်တနေသည်က ''သားရွှေအိုးထမ်းလာသည်ကို ရှုမြင်ရသည့် ခံစားမှုမျိုး''ဖြစ်ပါ၏။

ထို့ကြောင့် မဏ္ဍိုင်အသီးသီး၏ မှန်ကန်မျှတသော လုပ်ဆောင်မှုများကလည်း အထူးအရေးပါလှသည်ကို သတိပြုရန် အထူးလိုအပ်လှပါသည်။ ပုဂ္ဂိုလ်စွဲ၊ ဝါဒစွဲ၊ ဂိုဏ်းဂဏစွဲတို့၏ မှိုင်းအောက်ဝယ် လူလားမြောက်စ ဒီမိုကရေစီခရီးလမ်းကို ခရောင်းလမ်းအသွင်မဖြစ် စေချင်ပါ။မှန်ကန်သော ရှုမြင်မှု၊ဖြောင့်မတ်သော လုပ်ဆောင်မှုများဖြင့် အင်တိုက်အားတိုက် အတူတကွပူးပေါင်းဆောင်ရွက်ရမည့် အချိန်ကာလများကို အကျိုးမဲ့စွာ ဆုံးရှုံးမသွားစေချင်ပါ။

ဆန္ဒတွေ မျှော်လင့်ချက်တွေ

သြော် လက်ရှိအခြေအနေကို နိုင်ငံသားတစ်ဦးပီပီ မချင့်မရဲ ဖြစ်ရလေတိုင်း ယနေ့တိုင် အစားထိုးမရနိုင်သေးသည့် ကျွန်တော်တို့ဗိုလ်ချုပ်ကို သတိရမိပါသည်။ တစ်ဆက်တည်းပင် မျှော်လည်း မျှော်လင့်မိပါသည်။

လူအများက ကံမကောင်းသော ဂဏန်းဟု သတ်မှတ်ထားကြသော်လည်း ထိုဂဏန်းဖြင့် မွေးဖွားလာပြီး မြန်မာ့လွတ်လပ်ပန်းကို ဆောင်ကြဉ်းပေးနိုင်ခဲ့သည့် ဗိုလ်ချုပ်၏လမ်းစဉ်နှင့် မှန်ကန်မြင့်မြတ်သော လုပ်ဆောင်ချက်များနည်းတူ အကောင်အထည်ဖော်နိုင်ပါစေဟုသာ ဆန္ဒပြုမိပါသည်။ ။

ဝေယံမောင်