ရေတာရှည် ဇန်နဝါရီ ၁
ပဲခူးတိုင်းဒေသကြီး ရေတာရှည် မြို့နယ် ဆွာမြို့ရှိ မြန်မာ-ကိုရီးယား အပြည်ပြည်ဆိုင်ရာ သစ်လုပ်ငန်း MKTI SUNCHAN FAMILY အထပ်သားစက်ရုံမှ ဆွာမြို့အခြေခံ ပညာအထက်တန်းကျောင်းတွင် ပညာသင်ကြားလျက်ရှိသည့် ကျောင်း သား ကျောင်းသူများအား စာရေးကိရိယာများနှင့် ကွန်ပျူတာခန်း ပြုပြင်ရန်အတွက် ကျပ်သိန်း ၆ဝ တန်ဖိုးရှိ ပစ္စည်းများ ပေးအပ်လှူဒါန်းပွဲ ကို ဒီဇင်ဘာ ၃ဝ ရက် မွန်းလွဲ ၁ နာရီခွဲက အစည်းအဝေးခန်းမ၌ ကျင်းပခဲ့သည်။
အခမ်းအနားတွင် ကျောင်းအုပ် ဆရာမကြီး ဒေါ်မြင့်မြင့်ရီက အဖွင့်အမှာစကား ပြောကြားခဲ့ပြီး အထပ်သားစက်ရုံမှ Director Mr. Tae I1 Lim က ကလေးသူငယ်များသည် ကျွန်တော်တို့ အနာဂတ်အတွက် မျှော်လင့်ချက်နှင့် အခွင့်အလမ်းများ ကောင်းစေဖို့ ရည်ရွယ်ချက်ဖြင့် လှူဒါန်းရခြင်းဖြစ်ကြောင်း ပြောကြားသည်။
ဆက်လက်၍ မူလတန်း၊ အလယ်တန်းနှင့် အထက်တန်းအဆင့် ကျောင်းသား ကျောင်းသူ ၁၈၉၁ ဦး အတွက် ကျောင်းသုံးပစ္စည်း ၅၂ သိန်း ကျောင်းသုံးကွန်ပျူတာခန်းပြုပြင် ရန်အတွက် အလှူငွေကျပ် ရှစ်သိန်း တို့ကိုပေးအပ်ခဲ့ကြောင်း သိရသည်။
ကိုလွင်(ဆွာ)
No comments:
Post a Comment