ဟံသာဝတီအပြည်ပြည်ဆိုင်ရာ လေဆိပ်စီမံကိန်းတည်ဆောက်ရန် တင်ဒါအောင်မြင်

မြန်မာ့ယဉ်ကျေးမှုအမွေအနှစ် ရေမြေတောတောင်သဘာဝများက ကမ္ဘာလှည့်ခရီးသွားများကို ဆွဲဆောင်လျက်ရှိနေပါသည်။ ပြည်ပဧည့်သည်များ ဝင်ရောက်မှုများလာသည်နှင့်အတူ ခရီးသွားလုပ်ငန်းများ၊ ဟိုတယ်လုပ်ငန်းများ၊ ပို့ဆောင်ရေးလုပ်ငန်းများ၊ ဧည့်လမ်းညွှန်များစသည်တို့ ပိုမိုတိုးပွားလာကာ မြန်မာနိုင်ငံသားများအတွက် အလုပ်အကိုင်အခွင့်အလမ်းများ ပွင့်လန်းလာခဲ့ပြီး ပြည်သူများ၏ လူမှုစီးပွားဘဝဖွံ့ဖြိုးတိုးတက်ရေးအတွက် ခရီးသွားလုပ်ငန်းကလည်း အထောက်အကူပြုလျက်ရှိသည်။ 

 လက်ရှိ အပြည်ပြည်ဆိုင်ရာ လေဆိပ်ကိုထပ်မံတိုးချဲ့တည်ဆောက်ရန် မြေနေရာအခက်အခဲရှိသည့်အတွက် အနာဂတ်ကာလတွင် နိုင်ငံတကာအဆင့်မီ လေဆိပ်အသစ် တစ်ခုလိုအပ်လာပါသဖြင့် ပဲခူးတိုင်းဒေသကြီး ပဲခူးမြို့နယ် ကျောက်တိုင် ကန်ကျေးရွာအနီး မြေအကျယ်အဝန်း ဧက ၆၉၆ဝ တွင် ကနဦး တစ်နှစ်လျှင် ခရီးသည် ၁၂ သန်း ကိုင်တွယ်နိုင်သည့် ဟံသာဝတီအပြည်ပြည်ဆိုင်ရာ လေဆိပ်အသစ်တည်ဆောက်ရန် ရည်ရွယ်၍ ပြည်တွင်းပြည်ပရင်းနှီး မြှုပ်နှံမည့်လုပ်ငန်းရှင်များအား တင်ဒါခေါ်ယူခဲ့သည်။ 

ဟံသာဝတီအပြည်ပြည်ဆိုင်ရာ လေဆိပ်စီမံကိန်းတင်ဒါခေါ်ယူခြင်းနှင့်စပ်လျဉ်း၍ ယနေ့ နံနက် ၁ဝ နာရီခွဲက ရန်ကုန်မြို့ လေကြောင်းပညာသိပံ္ပကျောင်းရှိ အစည်းအဝေးခန်းမ၌ ကျင်းပရာ ပို့ဆောင်ရေးဝန်ကြီးဌာန လေကြောင်းပို့ဆောင်ရေး ညွှန်ကြားမှုဦးစီးဌာန ညွှန်ကြားရေးမှူးချုပ် ဦးဝင်းဆွေထွန်းက ရှင်းလင်းပြောကြားရာတွင် ရန်ကုန်အပြည်ပြည်ဆိုင်ရာလေဆိပ်သည် လေယာဉ်ပြေးလမ်း၊ အလေးဝန်ခံနိုင်မှုနှင့်တိုးချဲ့ရန် မြေနေရာကန့်သတ်ချက်များရှိပြီး တိုးတက်များပြားလာသော လေကြောင်းခရီးစဉ်များနှင့်ခေတ်မီလေယာဉ်ကြီးများဆင်းသက်နိုင်ရန် လုံလောက်မှုမရှိတော့သဖြင့် နိုင်ငံတကာအဆင့်မီ အပြည်ပြည်ဆိုင်ရာလေဆိပ်သစ်တစ်ခုတည်ဆောက်ရန် မြေနေရာရှာဖွေခဲ့ရာ ရန်ကုန်မြို့နှင့်အနီးဆုံးတွင်တည်ရှိပြီး ရန်ကုန်အပြည်ပြည်ဆိုင်ရာ လေဆိပ်လေယာဉ်ဆင်းသက်မှုကို ထိခိုက်မှုမရှိစေသော နေရာ ၁ဝ နေရာအား ရှာဖွေခဲ့ပြီး ဦးစားပေးရွေးချယ်ခဲ့သောနေရာမှာ ရန်ကုန်မြို့မှ မိုင် ၅ဝ အတွင်းရှိ ပဲခူးမြို့အရှေ့ဘက် ကျောက်တိုင်ကန်ကျေးရွာအနီးရှိ ဂျပန်ခေတ်လေယာဉ်ကွင်းဟောင်းနေရာအား ရွေးချယ်ခဲ့သည်ဟု ဆိုသည်။ 

ဟံသာဝတီအပြည်ပြည်ဆိုင်ရာလေဆိပ်စီမံကိန်းအး ၁၉၉၇ ခုနှစ် မတ်၂၁ ရက်တွင် ပန္နက်တင်အခမ်းအနားပြုလုပ်၍ လုပ်ငန်းစတင်ခဲ့ပြီး တည်ဆောက်မှုလုပ်ငန်းကို နှစ်ပိုင်းခွဲ၍ ဆောင်ရွက်ခဲ့ကြောင်း၊ လေယာဉ်ပြေးလမ်း၊ လေယာဉ်သွားလမ်း၊ လေယာဉ်ရပ်နားနေရာ၊ ရေနုတ်မြောင်း၊ လေဆိပ်ချဉ်းကပ်လမ်း၊ လေဆိပ်ခြံစည်းရိုး၊ မီးသတ်အဆောက်အအုံ၊ လေကြောင်းလမ်းညွှန်စက်များနှင့်လေယာဉ်ပြေးလမ်း၊ လျှပ်စစ်မီးတို့၏ အခြေခံဖောင်ဒေးရှင်းတည်ဆောက်ရေးလုပ်ငန်းများကို ပြည်သူ့ဆောက်လုပ်ရေးလုပ်ငန်းသို့ လုပ်ငန်းအပ်နှံဆောင်ရွက်ခဲ့ကြောင်း၊ လေဆိပ်အဆောက်အအုံနှင့် အခြားဆက်စပ်လုပ်ငန်းများကို Archon &Inter-Regional Investment Limited Joint Venture(A&IJV) ဖြင့်ဆောင်ရွက်ရန် ၂ဝဝဝ ပြည့်နှစ် စက်တင်ဘာလ ၂၈ ရက်တွင် လက်မှတ်ရေးထိုးစာချုပ်ချုပ်ဆိုခဲ့ကြောင်း၊ Archon Co.,Ltd. အနေဖြင့် ကန်ထရိုက်စာချုပ်လက်မှတ်ရေးထိုးခဲ့သည့် ၄၅ ရက်အတွင်း ပေးသွင်းရမည့် Performance Bank Guaranitee အမေရိကန်ဒေါ်လာ ၈ သန်းပေးသွင်းဆောင်ရွက်ရာတွင် အခက်အခဲရှိခဲ့ကြောင်း၊ အချိန်ပေးစောင့်ဆိုင်းခဲ့သော်လည်း တည်ဆောက်ရေးကန်ထရိုက်ထံမှ ငွေပေးငွေသွင်းနိုင်မှုမရှိခြင်း၊ စီမံကိန်းလုပ်ငန်းများ ဆောင်ရွက်နိုင်မှုမရှိခြင်းတို့ကြောင့်
၁၈.၅.၂ဝဝဝ တွင် များအားလုံးအား ၁၇-၁ဝ-၂ဝ၁၃ ရက်နေ့မှ စတင်၍ ရပ်ဆိုင်းခဲ့ကြောင်း ရပ်ဆိုင်းထားခဲ့သည့်စီမံကိန်းအား ပြည်တွင်းပြည်ပရင်းနှီးမြှုပ်နှံသူများ ဖိတ်ခေါ်၍ ပုဂ္ဂလိကပါဝင်မှု (PPP) ဖြင့် တင်ဒါခေါ်ယူရာ လေကြောင်းပို့ဆောင်ရေးညွှန် ကြားမှုဦးစီးဌာနနှင့် အတိုင်ပင်ခံ Nippon Koei Co.,Ltd.တို့သည် ပဏာမအရည်အချင်းစစ် အောင်မြင်သည့်အဖွဲ့များသို့ Tender Documents (Request for Proposal) များ ထုတ်ပေးခြင်းကို ဆောင်ရွက်ခဲ့ကြောင်း ၂၇-၅-၂ဝ၁၃ ရက်နေ့တွင် Tender Documents များ နောက်ဆုံးထားတင်ပြရန် သတ်မှတ်ထားသည်။ ဟံသာဝတီအပြည်ပြည်ဆိုင်ရာ လေဆိပ်အတွက်ပဏာမအရည်အချင်း စစ်အောင်မြင်သည့်အဖွဲ့ ခုနစ်ဖွဲ့နှင့် Tender Documents ထုတ်ယူသည့်အဖွဲ့ ခုနစ်ဖွဲ့ရှိသော်လည်း Tender Documents ကို အဖွဲ့လေးဖွဲ့ကသာ ပြန်လည်တင်ပြလာကြောင်း တင်ဒါစိစစ်ရေးအဖွဲ့ ပဏာမစစ်ဆေးချက်များ အရ ၁ဝ-၈-၂ဝ၁၃ ရက်နေ့တွင် အောင်မြင်ခဲ့သော Inchon Airport Consortium နှင့် အရန်ဖြစ်သောYongnam CAPE-JGC Consortium တို့အား ရွေးချယ်ခဲ့ကြောင်း၊ တင်ဒါအောင်မြင်ခဲ့သော Inchon Airport Consortium နှင့် ပို့ဆောင်ရေးဝန်ကြီးဌာနတို့ ညှိနှိုင်းဆွေးနွေးမှု ခြောက်ကြိမ်ပြုလုပ်ပြီးနောက် တင်ဒါလိုလားချက်
Request for Porposal နှင့် ကွဲလွဲခြင်း၊ ငွေကြေးဆိုင်ရာအာမခံချက်ပေးရန် တောင်းဆိုခြင်း၊ ရန်ကုန်အပြည်ပြည်ဆိုင် ရာလေဆိပ်အား ထိန်းချုပ်ကန့်သတ်စေခြင်း စသည့်အချက်များကြောင့် ညှိနှိုင်းဆွေးနွေးမှုအား နှစ်ဦးနှစ်ဖက်သဘော တူညီမှုဖြင့် ၁၅-၁-၂ဝ၁၄ ရက်နေ့တွင် ရပ်ဆိုင်းခဲ့ကြောင်း ၎င်းက ရှင်းလင်းပြောကြားသည်။

 အရန်ဖြစ်သောYongnam CAPE-JGC Consortium အား ဖိတ်ခေါ်၍ ဆွေးနွေးဆောင်ရွက်ခဲ့ကြောင်း ဟံသာဝတီအပြည်ပြည်ဆိုင်ရာ လေဆိပ်လုပ်ငန်းအကောင်အထည်ဖော်ရေးကော်မတီနှင့်Yongnam CAPE-JGC Consortiumအဖွဲ့တို့အကြား ညှိနှိုင်းဆွေးနွေးရာတွင် ODA ဖြင့် လုပ်ငန်းအကောင်အထည်ဖော်မှုနှင့်ပတ်သက်၍ ကော်မတီအနေဖြင့် အထက်အဖွဲ့အစည်းအဆင့်ဆင့်သို့ မူသဘောထားများရယူမည်ဖြစ်ပါသောကြောင့် ညှိနှိုင်းဆွေးနွေးမှုအား ခေတ္တရပ်ဆိုင်းရန် နှစ်ဦးနှစ်ဖက်သဘောတူခဲ့ကြောင်း၊ စီမံကိန်းတန်ဖိုး၏ ၅ဝ ရာခိုင်နှုန်းထက်မကျော်လွန်သောODA ရယူဆောင်ရွက်ခွင့်ပြုရန် Request for Proposalူ ၌ ပြင်ဆင်ခွင့်တင်ပြရရှိခဲ့ကြောင်း ၂၁-၂-၂ဝ၁၄ တွင် လေဆိပ်စီမံကိန်းအတွက် Short List ဖြစ်သော ယခင်တင်ဒါတင်သွင်းခဲ့သည့် အဖွဲ့လေးဖွဲ့အား စီမံကိန်းအတွက် ရင်းနှီးမြှုပ်နှံရာတွင် စီမံကိန်းတန်ဖိုး၏ ၅ဝ ရာခိုင်နှုန်းထက်မများသော ODA ချေးငွေရယူဆောင်ရွက်နိုင်ကြောင်းနှင့် Reviset Proposal အား ၂၂-၄-၂ဝ၁၄ နောက်ဆုံးထား၍ ပြန်လည်တင်ပြရန်အကြောင်းကြားခဲ့ရာ Inchon Airport Consortium နှင့် Yangnam CAPE-JGC Consortium တို့က ပြန်လည်တင်ပြခဲ့ကြောင်း၊ အဆိုပါ အဖွဲ့နှစ်ဖွဲ့၏ တင်ပြချက်အပေါ် လေ့လာသုံးသပ်ချက်အရ
Yangnam CAPE-JGC Consortium ၏ စီမံကိန်း အကောင်အထည်ဖော်ဆောင်ရွက်ရန် ငွေကြေးရရှိမှုစီစဉ်ပြီး ဖြစ်နိုင်ချေရှိခြင်းနှင့် မြန်မာနိုင်ငံအစိုးရထံမှ Government Guarantee မတောင်းဆိုသည့်အတွက်တို့ကြောင့် စီမံကိန်းဆောင်ရွက်ရန်ဖြစ်နိုင်ချေရှိကြောင်း သုံးသပ်တွေ့ရှိရ၍ ကော်မတီမှ ဟံသာဝတီအပြည်ပြည်ဆိုင်ရာလေဆိပ်စီမံကိန်းတည်ဆောက်ရန် အောင်မြင်သောတင်ဒါ ရှင်အဖြစ် Yangnam CAPE-JGC Consortium အား ရွေးချယ်ခဲ့ကြောင်း၊ ဆက်လက်၍ စီမံကိန်းအကောင်အထည်ဖော်ဆောင်ရွက်နိုင်ရန်Yangnam CAPE-JGC Consortium နှင့် ညှိနှိုင်းဆွေးနွေးမှုများ ပြုလုပ်သွားမည်ဖြစ်ကြောင်း ရှင်းလင်းပြောကြားခဲ့သည်။

 သတင်းမှတ်စု-စိုးစိုးနိုင်(ကြေးမုံ)
ဓာတ်ပုံ-ဇာဏီ(ကြေးမုံ)