နေပြည်တော် မေ ၂၇
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့ နံနက်ပိုင်းတွင် ရန်ကုန်တိုင်းဒေသကြီး ဒဂုံဆိပ်ကမ်းမြို့နယ် မြန်မာ့သားကောင်း စစ်မှုထမ်းဟောင်းအိမ်ရာ (လေးထောင့်ကန်) သို့ သွားရောက် ကြည့်ရှုစစ်ဆေးသည်။
ယင်းနောက် တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် စစ်မှုထမ်း ဟောင်းအိမ်ရာအတွင်းရှိ အဆင့်မြင့် ဥစားကြက်ခြံတွင် ကြက်များမွေးမြူထားရှိမှုနှင့် အထည်ချုပ်စက်ရုံ တည်ဆောက်နေမှု အခြေအနေများကို လိုက်လံကြည့်ရှုစစ်ဆေးသည်။
အဆိုပါ ဒဂုံဆိပ်ကမ်းမြို့နယ်ရှိ မြန်မာ့သားကောင်းစစ်မှုထမ်းဟောင်း အိမ်ရာ၌ ၂၀၁၇ ခုနှစ်တွင် အခြားအဆင့် နေအိမ် (၂) ခန်းတွဲ (၆) ထပ် ခုနစ်လုံး ဆောက်လုပ် ပြီးစီးပြီဖြစ်ပြီး ၂၀၁၈ ခုနှစ်တွင် အခြားအဆင့် နေအိမ် (၂) ခန်းတွဲ (၆) ထပ် သုံးလုံးအား ထပ်မံတည်ဆောက် လျက်ရှိရာ ၃၀ ရာခိုင်နှုန်းခန့် ပြီးစီးပြီးဖြစ်သည်။
ထို့ပြင် စစ်မှုထမ်းဟောင်းမိသားစုများ အလုပ်အကိုင် အခွင့်လမ်းရရှိရေးအတွက် လည်း အထည်ချုပ်စက်ရုံအား တည်ဆောက်လျက်ရှိကြောင်း သိရသည်။
ထို့နောက် တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် စစ်မှု ထမ်းဟောင်းအိမ်ရာအနီးရှိ အခြေခံပညာ အထက်တန်းကျောင်း၊ အမှတ်(၁) စိုက်ပျိုး မွေးမြူရေးရပ်ကွက်သို့ ရောက်ရှိပြီး တပ်မတော် (ကြည်း၊ ရေ၊ လေ) မိသားစုများက လှူဒါန်းသည့် Steel Structure သုံးထပ်ကျောင်းဆောင် ဆောက်လုပ်ပြီးစီးမှု အခြေအနေများအား လိုက်လံကြည့်ရှုစစ်ဆေးသည်။
အဆိုပါ အခြေခံပညာ အထက်တန်းကျောင်းရှိ ယခင်ကျောင်းဆောင်မှာ နှစ်ကာလကြာမြင့်၍ ယိုယွင်းပျက်စီးကာ အန္တရာယ် ရှိသည့် အဆောက်အအုံတစ်ခု ဖြစ်သဖြင့် တပ်မတော် (ကြည်း၊ ရေ၊ လေ) မိသားစုများ၏ လှူဒါန်းမှုဖြင့် ၂၀၁၈ ခုနှစ် တွင် အသစ်ပြန်လည် တည်ဆောက်ခဲ့ခြင်းဖြစ်ပြီး ယခုအခါ ၉၄ ရာခိုင်နှုန်းခန့် ဆောက် လုပ်ပြီးစီးပြီဖြစ်သည်။ ယခုကျောင်းဆောင်သစ်ဆောက်လုပ်ပြီးစီးပါက ၂၀၁၉-၂၀၂၀ ပညာသင်နှစ်တွင် ကျောင်းသား ကျောင်းသူ ၁၈၅၀ ဦးအထိ လက်ခံသင်ကြားပေးနိုင် မည်ဖြစ်ကြောင်း တပ်မတော် ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။ သတင်းစဉ်
No comments:
Post a Comment