တရားရုံးက ဦးဆောင်သည့် စေ့စပ်ဖြေရှင်းရေးစမ်းသပ်အစီအစဉ် မိတ်ဆက်ရှင်းလင်းခြင်းအခမ်းအနား ကျင်းပ

 နေပြည်တော် ဖေဖော်ဝါရီ ၂၆

 ပြည်ထောင်စု တရားလွှတ်တော်ချုပ်၏ "တရားရုံးက ဦးဆောင်သည့် စေ့စပ် ဖြေရှင်းရေး စမ်းသပ်အစီအစဉ်" မိတ်ဆက်ရှင်းလင်းခြင်း အခမ်းအနားကို ယနေ့ နံနက် ၉ နာရီတွင် နေပြည်တော် အပြည်ပြည်ဆိုင်ရာ ကွန်ဗင်းရှင်းဗဟို ဌာန-၂ (MICC – 2)၌ ကျင်းပသည်။
အခမ်းအနားတွင် ပြည်ထောင်စု တရားသူကြီးချုပ် ဦးထွန်းထွန်းဦးက အငြင်းပွားမှုများကို အခြားနည်းဖြင့် ဖြေရှင်းခြင်းနည်းစနစ်သည် ကမ္ဘာ့နိုင်ငံ အများအပြားတွင် လွန်ခဲ့သောနှစ်ပေါင်း များစွာကပင် ကျင့်သုံးခဲ့ပြီး ယင်းစနစ် သည် နိုင်ငံရှိ အများပြည်သူအတွက် တရားမျှတမှု လက်လှမ်းမီရေးအတွက် သာမက စီးပွားရေးအခွင့်အလမ်းများ အတွက်ပါ အရေးပါသော လိုအပ်ချက် တစ်ရပ်ပင်ဖြစ်ကြောင်း၊ မြန်မာလူမျိုး တို့သည်လည်း အငြင်းပွားမှုများကို ချစ်ကြည်ရင်းနှီးစွာ ဖြေရှင်းသည့် ဓလေ့ထုံးစံဖြင့် ရင်းနှီးကျွမ်းဝင်ပြီးကြသူ များဖြစ်သည့်အားလျော်စွာ တရားမ
မှုခင်းများတွင် တရားရုံးက ဦးဆောင် သည့် စေ့စပ်ဖြေရှင်းရေးစနစ်ကို ကျင့်သုံး နိုင်ရေးအတွက် ပြည်ထောင်စုတရား လွှတ်တော်ချုပ်သည် ပထမ မဟာဗျူဟာ စီမံကိန်းကာလ (၂၀၁၅-၂၀၁၇) ကတည်းကပင် စတင်ဆောင်ရွက်ခဲ့ပြီး ဒုတိယ မဟာဗျူဟာစီမံကိန်းကာလ (၂၀၁၈-၂၀၂၂)တွင် အကောင်အထည် ဖော်ရန် သတ်မှတ်ခဲ့ကြောင်း၊ ၂၀၁၉ ခုနှစ် မတ်လ ၁ ရက်တွင် တရားမမှုများတွင် တရားရုံးက ဦးဆောင်သည့် စေ့စပ် ဖြေရှင်းရေး စမ်းသပ်အစီအစဉ်ကို နေပြည်တော်နယ်မြေ ဒက္ခိဏခရိုင် တရားရုံး၊ တပ်ကုန်းမြို့နယ်တရားရုံး၊ ပဲခူး တိုင်းဒေသကြီးအတွင်း တောင်ငူခရိုင် တရားရုံးနှင့် တောင်ငူမြို့နယ်တရားရုံး တို့တွင် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ(JICA) ၏ ပူးပေါင်းကူညီမှုဖြင့် စတင် အကောင်အထည်ဖော် ဆောင်ရွက်မည် ဖြစ်ကြောင်း၊ မြန်မာနိုင်ငံတွင် လိုအပ် နေသည့် Alternative Dispute Resolution (ADR) စနစ်အတွက် တရားစီရင်ရေးကဏ္ဍ၏ ဦးဆောင် အကောင်အထည်ဖော်မှု ဖြစ်ပါကြောင်း ပြောကြားသည်။
ထို့နောက် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ မြန်မာရုံး ကိုယ်စားလှယ်အကြီးအကဲ Mr. Karasawa Masayuki က ပြည်ထောင်စု တရားလွှတ်တော်ချုပ်၏ တရားရုံးက ဦးဆောင်သည့် စေ့စပ် ဖြေရှင်းရေးအစီအစဉ်ကို နိုင်ငံတစ်ဝန်း တွင် အောင်မြင်စွာ အကောင်အထည် ဖော်နိုင်ရေးအတွက် ဆက်လက် အကူ အညီပေးမည်ဖြစ်ပြီး မြန်မာပြည်သူတို့ အတွက် ထိရောက်သော အငြင်းပွားမှု ဖြေရှင်းမှုတစ်ခု ဖြစ်စေလိုပါကြောင်း အဖွင့်နှုတ်ဆက်စကားပြောကြားသည်။
ယင်းနောက် ပြည်ထောင်စု တရား လွှတ်တော်ချုပ်၏ လုပ်ငန်းကော်မတီ ဥက္ကဋ္ဌနှင့် အဖွဲ့ဝင်များက တရားရုံးမှ ဦးဆောင်၍ စေ့စပ်ဖြေရှင်းရေးစမ်းသပ် အစီအစဉ်နှင့် စေ့စပ်ဖြေရှင်းရေးစနစ် များအကြောင်းကို တင်ပြကြပြီး တက်ရောက်သူများ၏ မေးမြန်းမှုများကို ပြန်လည်ဖြေကြား ဆွေးနွေးသည်။
ယနေ့အခမ်းအနားသို့ နိုင်ငံတော် ဖွဲ့စည်းပုံအခြေခံဥပဒေဆိုင်ရာ ခုံရုံးဥက္ကဋ္ဌ၊ ပြည်ထောင်စုရှေ့နေချုပ်၊ ပြည်ထောင်စု တရားလွှတ်တော်ချုပ်တရားသူကြီးများ၊ ပြည်သူ့လွှတ်တော်၊ အမျိုးသား လွှတ်တော်တို့ရှိ ကော်မရှင်နှင့် ရေးရာ ကော်မတီများမှ ဥက္ကဋ္ဌများ၊ ပဲခူးတိုင်း ဒေသကြီးနှင့် မန္တလေးတိုင်းဒေသကြီး တို့မှ တရားသူကြီးချုပ်များ၊ အစိုးရဌာန ဆိုင်ရာအသီးသီးမှ ဝန်ထမ်းအကြီးအကဲ များနှင့် တာဝန်ရှိသူများ၊ JICA မြန်မာ ရုံးအကြီးအကဲနှင့် JICA တရားရေးရာ နှင့် ဥပဒေရေးရာစီမံကိန်းမှ တာဝန်ရှိသူ များ၊ စေ့စပ်ဖြေရှင်းရေး ကျွမ်းကျင်ပညာ ရှင်များ၊ ကုလသမဂ္ဂအဖွဲ့အစည်းများနှင့် နိုင်ငံတကာ မိတ်ဖက်အဖွဲ့အစည်းများမှ တာဝန်ရှိသူများ၊ ရှေ့နေအသင်းများ၊ လူမှု အဖွဲ့အစည်းများ၊ တက္ကသိုလ် ဥပဒေ ပညာဌာနများမှ တာဝန်ရှိသူများ၊ ပြည်ထောင်စု တရားလွှတ်တော်ချုပ်မှ တရားရေးအရာရှိများ၊ တရားရုံး အဆင့်ဆင့်မှ တရားရေးအရာရှိများနှင့် တရားသူကြီးများ၊ ဖိတ်ကြားထားသော အထူးဧည့်သည်တော်များ၊ သတင်း မီဒီယာများ တက်ရောက်ကြသည်။
စမ်းသပ်အစီအစဉ် အကောင် အထည်ဖော်ဆောင်ရွက်မည့် တရားရုံး များတွင်လည်း အဆိုပါ စမ်းသပ် အစီအစဉ်အတွက် အကျိုးသက်ဆိုင်သူ များနှင့် ညှိနှိုင်းဆွေးနွေးပွဲများ ဆက်လက် ကျင်းပသွားကြမည်ဖြစ်ကြောင်း သိရ သည်။
သတင်းစဉ်