မြန်မာ့အလင်းအယ်ဒီတာအာဘော်
ဒီမိုကရေစီစနစ်ထူထောင်သည်ဆိုခြင်းတွင် နိုင်ငံရေးယဉ်ကျေးမှု မြင့်မား အောင် ထူထောင်ရသည်ဆိုခြင်းက ယှဉ်တွဲနေ၏။ နိုင်ငံရေး ယဉ်ကျေးမှု ကို ဖော်ဆောင်ကြမည့်သူများမှာ နိုင်ငံရေးသမားများ ဖြစ်၏။
ဒီမိုကရေစီစနစ်ဆိုသည်နှင့် အုပ်ချုပ်ရေး၊ ဥပဒေပြုရေး၊ တရားစီရင် ရေး စသည့်မဏ္ဍိုင်ကြီးများကို ပြည်သူလူထု၏ ဆန်္ဒသဘောထားပေါ်မှာ အခြေခံကာ တည်ဆောက်ရသည်။ ပြီးပြည့်စုံအောင် ကောင်းမွန်ဖို့ သေချာ ချင်မှ သေချာမည်ဖြစ်သော်လည်း ပြည်သူလူထုက ရွေးချယ်တင်မြှောက် လိုက်သည့် ပြည်သူ့ကိုယ်စားလှယ်စစ်စစ်များကိုသာ တာဝန်ယူစေသည့် နည်းလမ်းက အသင့်တော်ဆုံး ဖြစ်နေဆဲ။
ယင်းသို့ ပြည်သူ့ကိုယ်စားလှယ်ကောင်းများကို ပြည်သူတို့ ရွေးချယ် နိုင်ကြဖို့အတွက် နိုင်ငံရေးသမားများ အားကောင်းဖို့ လိုအပ်ပါမည်။ တစ်နည်းဆိုရသော် နိုင်ငံရေးသမားစစ်စစ်များ လိုအပ်ပါသည်။ အရည် အချင်းပြည့်ဝသော နိုင်ငံရေးသမားများ၊ အမြော်အမြင်ကြီးသော နိုင်ငံရေး သမားများ၊ ကိုယ်ကျိုးမရှာသော၊ ပြည်သူ့အကျိုးကို ရှေးရှုသော နိုင်ငံရေး သမားများ။
မြန်မာနိုင်ငံက နိုင်ငံရေး ပြဿနာများ၊ နိုင်ငံရေး မတည်ငြိမ်မှုများ၊ နိုင်ငံရေး အကျပ်အတည်းများကြားတွင် နှစ်လရှည်ကြာ ဖြတ်သန်းလာခဲ့ရ သည့်အတွက် နိုင်ငံရေး ရင်ပြင်ကျယ်ကြီးက ရှိပြီးဖြစ်သည်။
နိုင်ငံရေးသမားဘ၀ ခံယူပြီဆိုသည်နှင့် ပထမဆုံး ပိုင်းဖြတ်ရသည့် အလုပ်မှာ ကိုယ်ကျိုးစွန့်ရခြင်းဖြစ်ပါသည်။ နိုင်ငံရေးလုပ်ပြီး ချမ်းသာ ကြွယ်ဝချင်လို့မရ။ နိုင်ငံရေးကို ကိုယ်ကျိုးစီးပွားအကျိုးအမြတ်နှင့် ယှဉ်တွဲ ပုံဖော်လို့မရ။
နိုင်ငံရေးသမားဆိုသည်မှာ ပြည်သူလူထု ထောက်ခံမှုရသည်နှင့် နိုင်ငံရေးအာဏာနှင့်အတူ လုပ်ပိုင်ခွင့်နှင့်တာဝန်များ ရလာမည်။ ထိုလုပ်ပိုင်ခွင့်များ၊ အာဏာများသည် ကိုယ့်ကိုယ်ကျိုးအတွက်မဟုတ်။ ကိုယ့် ပြည်သူလူထုအကျိုးရှိအောင် ထိုလုပ်ပိုင်ခွင့်များ၊ အာဏာများကို မည်သို့ အသုံးပြုမည်နည်း၊ မည်သုိ့ အသုံးပြုခြင်းအားဖြင့် ပြည်သူလူထု အတွက် ပိုမိုထိရောက်အကျိုးရှိမည်နည်းကို တွေးခေါ်မြော်မြင် ချမှတ် အကောင်အထည်ဖော်ရ၏။
ဤသည်က နိုင်ငံရေးသမားတို့၏ စဉ်းစားတွေးခေါ်ပုံဖြစ်၏။
ပြီးတော့ နိုင်ငံရေးသမားဟူသည် မတူညီသော သဘောထားများကို စည်းရုံးဆွေးနွေးပြီး အများသဘောတူအောင် ဆောင်ရွက်ရခြင်းဖြစ် သည်။ သည့်အတွက် ပြည်သူလူထု ထောက်ခံမှုရဖို့ စည်းရုံးရေး အင်အား ကောင်းဖို့လို၏။ ထို့အတူ အာဏာနှင့် လုပ်ပိုင်ခွင့် တာဝန်ကို ကျေပွန်ရန် တိုင်းပြည်အုပ်ချုပ် စီမံခန့်ခွဲနိုင်သည့် စွမ်းရည်ထက်မြက်ဖို့လည်း လိုအပ် ပါမည်။
သည်လို နိုင်ငံရေးသမားစစ်စစ်များ၊ နိုင်ငံရေးသမားကောင်းများ ရှိပါမှ အောက်ကျနောက်ကျဖြစ်နေရသော နိုင်ငံဘ၀မှသည် တိုးတက် ထွန်းကား တွင်ကျယ်သော နိုင်ငံဘ၀သို့ တက်လှမ်းနိုင်မည်ဟု ယုံကြည် ပါသည်။
ထို့ကြောင့် နိုင်ငံတွင် နိုင်ငံရေးနိုးကြားသူများ များပြားတိုးတက်ဖို့ လိုသကဲ့သို့ နိုင်ငံရေးသမားကောင်းများ များများပေါ်ထွန်းဖို့လည်း လိုအပ် ပါသည်။
နိုင်ငံရေးပါတီများက မျိုးဆက်သစ် နိုင်ငံရေးသမားကောင်းများ ပေါ်ထွန်းလာစေရေး လေ့ကျင့်ပျိုးထောင်ပေးဖို့လိုအပ်သလို ပြည်သူ လူထုကြားထဲက နိုင်ငံရေးသမားကောင်းများ ထွက်ပေါ်လာဖို့ အားပေး နေကြရန် လိုပါမည်။
အထူးသဖြင့် လူငယ်သွေးသစ်အများအပြားကို နိုင်ငံရေးနယ်ပယ်မှာ လိုအပ်ပါသည်။ နိုင်ငံက အားကိုးရမည့်၊ ရိုးသားဖြူဖြောင့်သည့်၊ အရည် အသွေးပြည့်ဝသည့်၊ အများအကျိုးကို ရှေးရှုသည့် နိုင်ငံရေးသမားကောင်း များ ပေါ်ထွန်းရေးကို ကြိုးပမ်းခြင်းသည် မြန်မာ့အနာဂတ်အရေးအတွက် လိုအပ်သော နိုင်ငံရေးလုပ်ငန်းစဉ်တစ်ရပ်ဟု ယူဆမိပါကြောင်း တင်ပြ လိုက်ရပါသည်။ ။
No comments:
Post a Comment