ရန်ကုန်တိုင်းဒေသကြီးရဲတပ်ဖွဲ့က ခိုးမှုကျူးလွန်သူကို စစ်ဆေးရာတွင် ခိုးမှု ရှစ်မှုနှင့် လက်ကိုင်ဖုန်းမျိုးစုံ ၂၄ လုံး ဖော်ထုတ်ရမိခဲ့သည်။
ဖြစ်စဉ်မှာ အောက်တိုဘာ ၃ဝ ရက် မွန်းလွဲ ၂ နာရီခွဲခန့်တွင် မျိုးချစ်သူ မဟော်သဓာလမ်း (တ/၁၅)ရပ်ကွက် ရွှေပြည်သာမြို့နယ်နေသူမှာ လက်ကိုင် ဖုန်းများ လိုက်လံရောင်းချနေကြောင်း သတင်းအရ စစ်ဆေးရာ လက်ကိုင်ဖုန်း မျိုးစုံသုံးလုံးကို တွေ့ရှိရပြီး ပိုင်ဆိုင်ကြောင်း အထောက်အထားမပြနိုင်၍ လှော်ကားနယ်မြေရဲစခန်းတွင် အမှုဖွင့်တိုင်ကြားခဲ့သည်။ ၎င်းအား စစ်ဆေးရာ မေ၊ ဇွန်၊ ဇူလိုင်၊ သြဂုတ်လများက ရွှေပြည်သာမြို့နယ်အတွင်းရှိ နေရာမျိုးစုံမှ လက်ကိုင်ဖုန်း ၂၁ လုံးကို ခိုးယူခဲ့ကြောင်း ထပ်မံစစ်ဆေးပေါ်ပေါက်သောကြောင့် လက်ကိုင်ဖုန်းမျိုးစုံ စုစုပေါင်း ၂၄ လုံး ခိုးယူသူ မျိုးချစ်သူအား လှော်ကား နယ်မြေရဲစခန်းက အရေးယူဆောင်ရွက်လျက်ရှိကြောင်း သိရသည်။
သတင်းစဉ်
No comments:
Post a Comment