ထင်သာမြင်သာပြုပြင်စရာ
မန္တလေး-ပုဂံ အမြန်ရထားများဖြစ်သော ၁၁၉ နှင့် ၁၂ဝ ရထားများမှာ ညအချိန် ပြောင်းလဲပြေးဆွဲလျက်ရှိရာ ဖြတ်ကျော်သွားသော လမ်းခရီးတစ်လျှောက် မြို့နယ်များ ရှိဒေသခံများက ရထားများနေ့အစုန်အဆန်ပြောင်းလဲပြေးဆွဲပေးရန် လိုလားနေ ကြသည်။
ပုဂံ-မန္တလေး ဘုရားဖူးအဆင်ပြေနိုင်သော်လည်း ဖြတ်သန်းနေသော တံတားဦး၊ မြို့သာ၊ နွားထိုးကြီး၊ မြင်းခြံ၊ တောင်သာမြို့နယ်များရှိ ကျေးရွာ ၅ဝ ကျော်တို့မှာ ညအချိန် ပြေးဆွဲနေမှုကြောင့် ရထားကို မစီးနိုင်ဘဲ ဖြစ်နေကြသည်။
အမြန်ရထားနှစ်စင်းလုံး နွားထိုးကြီးဘူတာတွင် ည ၁ နာရီဝန်းကျင် ဆုံမှတ် အဖြစ် စောင့်ဆိုင်းပြေးဆွဲနေသော်လည်း ခရီးသွား အတက်အဆင်းမရှိကြောင်း နွားထိုးကြီးဒေသခံများက ပြောသည်။
ရထားစီးခ သက်သာသော်လည်း ပုဂံ- မန္တလေးဘုရားဖူးတို့မှာ ကားကိုသာ အစီးများနေကြ၍ အမြန်ရထားမစီးကြပါ။ နိုင်ငံခြားသားများမှာလည်း ကား၊ စက်ဘီး၊ ဆိုင်ကယ်အစီးများနေသည်ဟုလည်း သိရသည်။ ''ကျွန်မတို့ မိန်းကလေးတစ်ယောက် တည်းဆိုရင် ညရထား မစီးရဲပါဘူး။ လုံခြုံမှုမရှိတဲ့အတွက် ညရထားက အဆင်မပြေပါ ဘူး။ နွားထိုးကြီး- မြင်းခြံ ဈေးလိုက်ဖို့ ညရထားကြောင့် အဆင်မပြေဖြစ်နေပါတယ်'' ဟု ဒေသခံများက ပြောသည်။ ကြားဘူတာတွင် ရထားအတက်အဆင်းမရှိ၍ ပုဂံရထားကို နေ့အစုန်အဆန် ရထားအဖြစ် ပြန်လည်ပြောင်းပေးရန် လိုလားလျက်ရှိ ကြောင်း သိရသည်။ ဌေးမြင့်မောင်
No comments:
Post a Comment