နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား နီပေါ ဒုတိယဝန်ကြီးချုပ်က ဂုဏ်ပြုတပ်ဖွဲ့ဖြင့်ကြိုဆို

ကတ္တမန္ဒူး နိုဝင်ဘာ ၂၉

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အဖွဲ့ဝင်များ နှင့်အတူ ယနေ့နံနက်ပိုင်းတွင် နေပြည်တော်မှ အထူးလေယာဉ်ဖြင့် ထွက်ခွာရာ ဒေသစံတော်ချိန် နံနက် ၁၁ နာရီတွင် နီပေါဖက်ဒရယ် ဒီမိုကရက်တစ်သမ္မတနိုင်ငံ ကတ္တမန္ဒူးမြို့ ထရီဗူဗန် အပြည်ပြည်ဆိုင်ရာလေဆိပ်သို့ ရောက်ရှိကြသည်။

ခရီးဦးကြိုဆို

နိုင်ငံတော်၏ အတိုင်ပင်ခံပုဂ္ဂိုလ်အား နီပေါဖက်ဒရယ် ဒီမိုကရက်တစ် သမ္မတနိုင်ငံဆိုင်ရာ မြန်မာနိုင်ငံ သံအမတ်ကြီး သီရိပျံချီ ဦးထွန်းနေလင်းနှင့် နီပေါ ဖက်ဒရယ် ဒီမိုကရက်တစ်သမ္မတနိုင်ငံ သံတမန်ရေးရာဌာန အကြီးအကဲMr.Dipak Adhikari တို့က ခရီးဦးကြိုဆို နှုတ်ဆက်ကြသည်။

ဂုဏ်ပြုတပ်ဖွဲ့၏ အလေးပြုခြင်းကို ခံယူ

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ထရီဗူဗန် အပြည်ပြည်ဆိုင်ရာလေဆိပ်ရှိ အလေးပြုခံစင်မြင့်သို့ရောက်ရှိရာ နီပေါ ဖက်ဒရယ် ဒီမိုကရက်တစ်သမ္မတနိုင်ငံ ဒုတိယဝန်ကြီးချုပ် မစ္စတာ အစ်ရ်ှဝါ ပိုကာရယ်က ကြိုဆိုနှုတ်ဆက်ပြီး နိုင်ငံတော်၏ အတိုင်ပင်ခံပုဂ္ဂိုလ်နှင့် နီပေါ ဖက်ဒရယ်ဒီမိုကရက်တစ်သမ္မတနိုင်ငံ ဒုတိယဝန်ကြီးချုပ်တို့သည် ဂုဏ်ပြုတပ်ဖွဲ့၏ အလေးပြုခြင်းကို ခံယူကြသည်။

ယင်းနောက် နိုင်ငံတော်၏ အတိုင်ပင်ခံပုဂ္ဂိုလ်နှင့် အဖွဲ့ဝင်များသည် မော်တော်ယာဉ်များဖြင့် ခေတ္တတည်းခို မည့် Soaltee Crowne Plaza Hotel သို့ ရောက်ရှိကြသည်။

လာရောက်တွေ့ဆုံ

မွန်းလွဲပိုင်းတွင် နိုင်ငံတော်၏ အတိုင်ပင်ခံပုဂ္ဂိုလ်အား နီပေါဖက်ဒရယ် ဒီမိုကရက်တစ်သမ္မတနိုင်ငံ နိုင်ငံခြားရေး ဝန်ကြီးMr.Pradeep Kumar Gyawali ဦးဆောင်သည့် ကိုယ်စား လှယ်အဖွဲ့က Soaltee Crowne Plaza Hotel ၌ လာရောက်တွေ့ဆုံ သည်။

ပူးပေါင်းဆောင်ရွက်ရေးဆွေးနွေး

တွေ့ဆုံစဉ် သံတမန်ဆက်သွယ်မှု သမိုင်းကြောင်းရှည်လျားသည့် မြန်မာ-နီပေါ နှစ်နိုင်ငံအကြား ဆက်ဆံရေးနှင့် ပူပေါင်းဆောင်ရွက်မှုကဏ္ဍ တိုးမြှင့်ရေး အတွက် အလားအလာကောင်းများ ဖော်ဆောင်နိုင်ရန်၊ နှစ်နိုင်ငံ ကုန်သွယ်မှု ကဏ္ဍမြှင့်တင်ရေး၊ ခရီးသွားလုပ်ငန်း မြှင့်တင်ရေးအတွက် မြန်မာ-နီပေါ တိုက်ရိုက်လေကြောင်းလိုင်း ပျံသန်း ပြေးဆွဲရေးအတွက် နှစ်နိုင်ငံ ပူးပေါင်း ဆောင်ရွက်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ ဆွေးနွေးကြသည်။

ထို့နောက် နိုင်ငံတော်၏ အတိုင်ပင်ခံ ပုဂ္ဂိုလ်သည် အဖွဲ့ဝင်များနှင့်အတူ Bhrikuti Mandap၌ ကျင်းပသည့် ''နီပေါ ကုန်စည်ပြပွဲ-၂ဝ၁၈'' (Nepal Chamber Expo 2018)ဖွင့်ပွဲအခမ်း အနားသို့ တက်ရောက်ကြသည်။

အမှာစကားပြောကြား

ဖွင့်ပွဲအခမ်းအနားတွင် နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က အမှာစကားပြောကြားရာ တွင် မြန်မာနှင့် နီပေါနိုင်ငံတို့သည် ဘင်းမ်စတက်အဖွဲ့ဝင်နိုင်ငံများဖြစ်သော ကြောင့် ကူးသန်းရောင်းဝယ်ရေး၊ ရင်းနှီး မြှုပ်နှံမှု၊ နည်းပညာ၊ ခရီးသွားလုပ်ငန်း၊ လူ့စွမ်းအားအရင်းအမြစ် ဖွံ့ဖြိုးရေး၊ စိုက်ပျိုးရေး၊ ရေလုပ်ငန်း၊ သယ်ယူ ပို့ဆောင်ရေးနှင့် ဆက်သွယ်ရေး၊ အထည်အလိပ်နှင့် သားရေလုပ်ငန်း အစရှိသောနယ်ပယ်များတွင် ပူးပေါင်း ဆောင်ရွက်မှု ပြုလုပ်နေပါကြောင်း၊ ထို့အပြင် ဒေသတွင်းြ<ွကယ်ဝချမ်းသာ မှုမြှင့်တင်ရန်၊ စီးပွားရေးအခွင့်အလမ်း များ တိုးတက်လာစေရန်နှင့် ဒေသတွင်းရှိ ပြည်သူများအတွက် ပိုမိုကောင်းမွန်သော လူနေမှုဘဝများ တည်ဆောက်ရန် ရည်ရွယ်သော တောင်အာရှဒေသခွဲ စီးပွားရေး ပူးပေါင်းဆောင်ရွက်မှု (SASEC) အစီအစဉ်တွင် လက်တွဲ ဆောင်ရွက်နေပါကြောင်း။

၂ဝ၁၈ ခုနှစ် စက်တင်ဘာလမှစ၍ မြန်မာနှင့်နီပေါနိုင်ငံတို့အကြား နှစ်နိုင်ငံ ကုန်သွယ်မှုမှာ အမေရိကန်ဒေါ်လာ ၂ ဒသမ ၈၆၆ သန်းရှိခဲ့ပါကြောင်း၊ မြန်မာ နိုင်ငံ၏ အဓိကပို့ကုန်များမှာ စိုက်ပျိုး ရေးနှင့် သစ်တောထွက်ပစ္စည်းများ၊ သစ်မာနှင့် သစ်ပါးလွှာတို့ဖြစ်ပြီး နီပေါနိုင်ငံမှ မြန်မာနိုင်ငံသို့ တင်ပို့ သည့် ကုန်ပစ္စည်းများမှာ လူသုံးကုန် ပစ္စည်းများဖြစ်ပါကြောင်း၊ ၂ဝ၁၈ ခုနှစ် မတ်လမှစ၍ နီပေါနိုင်ငံမှ ကုမ္ပဏီ ၁ဝ ခု မှာ မြန်မာနိုင်ငံ ရင်းနှီးမြှုပ်နှံမှုကော်မရှင် တွင် မှတ်ပုံတင်ခဲ့ပြီး မြန်မာနိုင်ငံ၌ စီးပွားရေးလုပ်ငန်းများ ဆောင်ရွက်နေ ပါကြောင်း၊ နှစ်နိုင်ငံကြား စီးပွားရေး ပူးပေါင်းဆောင်ရွက်မှုများ ပိုမိုလုပ် ဆောင်စရာများရှိနေပါကြောင်း။

နှစ်နိုင်ငံအကြား အပြန်အလှန် နားလည်မှုနှင့် ချစ်ကြည်ရင်းနှီးမှုမှာ ဆယ်စုနှစ်ပေါင်းများစွာကြာသည့်တိုင် တည်မြဲခဲ့ပါကြောင်း၊ ယဉ်ကျေးမှု၊ ဓလေ့ထုံးစံနှင့် အတွေ့အကြုံများ တူညီ မှုများရှိခြင်းက ပြည်သူအချင်းချင်း ထိတွေ့မှုကို မြှင့်တင်ရာတွင် အထောက် အကူဖြစ်စေပါကြောင်း၊ ၂ဝ၁၆ ခုနှစ်တွင် နိုင်ငံတော်တာဝန်ကို စတင်တာဝန်ယူချိန် နောက်ပိုင်း လက်ရှိမြန်မာနိုင်ငံအစိုးရ သည် ငြိမ်းချမ်းရေးနှင့် သာယာဝပြော ရေးအတွက် အကျိုးများသော ပတ်ဝန်း ကျင်တစ်ခုဖန်တီးရန် ခိုင်မာစွာသန္နိဋ္ဌာန် ချမှတ်ခဲ့ပါကြောင်း၊ အပြန်အလှန်အမှီ သဟဲပြုနေသည့် တည်ငြိမ်မှုနှင့် ဖွံ့ဖြိုး တိုးတက်မှုတို့အကြား ချိန်ညှိရမည်ဖြစ် ပါကြောင်း၊ ဒီမိုကရေစီဖက်ဒရယ် ပြည်ထောင်စု တည်ဆောက်ရေး နိုင်ငံရေး ရည်မှန်းချက်နှင့် စဉ်ဆက်မပြတ် ဖွံ့ဖြိုး တိုးတက်မှုအတွက် ခိုင်မာသော အခြေခံ အုတ်မြစ်တစ်ရပ်ချမှတ်ရန် တည်ငြိမ်မှု နှင့် ဖွံ့ဖြိုးတိုးတက်မှုတို့သည် မရှိမဖြစ် လိုအပ်ပါကြောင်း။

ထိုသို့ဆောင်ရွက်ရန် မိမိတို့အစိုးရ သည် ပြည်သူကိုဗဟိုပြုသည့် အမျိုးသား စီးပွားရေး မူဝါဒတစ်ရပ်ကို ချမှတ်ခဲ့ပါ ကြောင်း၊ ပြည်နယ်နှင့် တိုင်းဒေသကြီး အားလုံးအတွင်း သဘာဝအရင်းအမြစ် များကို ရေရှည်ထိန်းသိမ်းစောင့်ရှောက်မှုနှင့် မျှမျှတတ ခွဲဝေသုံးစွဲမှုတို့ကို အားပေးသည့် စီးပွားရေးမူဘောင် တစ်ရပ်ကိုလည်း ချမှတ်ခဲ့ပါကြောင်း၊ မကြာသေးမီက ကုလသမဂ္ဂ၏ ၂ဝ၃ဝ ပြည့်နှစ် စဉ်ဆက်မပြတ် ဖွံ့ဖြိုး တိုးတက်ရေးအစီအစဉ်နှင့်အညီ ပြင်ဆင် ထားသည့် အလုံးစုံစီးပွားရေး၊ ပတ်ဝန်း ကျင်နှင့် လူမှုရေးလုပ်ငန်းစဉ်ဖြစ်သည့် မြန်မာနိုင်ငံ စဉ်ဆက်မပြတ် ဖွံ့ဖြိုး တိုးတက်ရေးစီမံကိန်း (MSDP)ကို ချမှတ်ခဲ့ပါကြောင်း။

MSDP၏ ရည်မှန်းချက်တစ်ခု စီတွင် ရည်မှန်းချက်နှင့် မစ်ရှင်ကိုယ်စီ ရှိပါကြောင်း၊ ပထမရည်မှန်းချက်မှာ ငြိမ်းချမ်းရေးနှင့် အမျိုးသားပြန်လည် သင့်မြတ်ရေး၊ ဒုတိယရည်မှန်းချက်မှာ စီးပွားရေး စီမံခန့်ခွဲမှု၊ တတိယရည်မှန်း ချက်မှာ အလုပ်အကိုင်ဖန်တီးရေး၊ စတုတ္ထ ရည်မှန်းချက်မှာ လူသားစွမ်းဆောင် ရည်နှင့် လူမှုရေးဆိုင်ရာ ဖွံ့ဖြိုးတိုးတက်မှု၊ ပဉ္စမရည်မှန်းချက်မှာ သဘာဝအရင်း အမြစ် စီမံခန့်ခွဲရေးနှင့် ပတ်ဝန်းကျင် ကာကွယ်စောင့်ရှောက်ရေးကို အလေး ပေးပါကြောင်း။

ပိုမိုဆွဲဆောင်မှုရှိပြီး ရင်းနှီးမြှုပ်နှံသူ အကြိုက် ပတ်ဝန်းကျင်ဖန်တီးနိုင်ရန် ၂ဝ၁၆ ခုနှစ် အောက်တိုဘာလတွင် မြန်မာနိုင်ငံ ရင်းနှီးမြှုပ်နှံမှုဥပဒေကို ပြဋ္ဌာန်းခဲ့ပါကြောင်း၊ အဆိုပါဥပဒေက ရင်းနှီးမြှုပ်နှံမှု လုပ်ငန်းစဉ်ကို ရှင်းလင်း လွယ်ကူစေပြီး မက်လုံးများပေးကာ ဖက်စပ်လုပ်ငန်းများကို ကာကွယ် စောင့်ရှောက်မှု ပေးထားကြောင်း၊ ပွင့်လင်းမြင်သာမှုရှိသော၊ ပိုမိုလွတ်လပ် မှုရှိသော ရင်းနှီးမြှုပ်နှံမှုပတ်ဝန်းကျင် တစ်ရပ် ဖြစ်စေရန်အတွက် အာမခံပေး ထားပါကြောင်း။

မြန်မာအစိုးရသည် မကြာသေးမီက ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာနကို ဖွဲ့စည်း ခဲ့ပြီး ယင်းဝန်ကြီးဌာနက စီးပွားရေး အခွင့်အလမ်းများ ဖန်တီးခြင်း၊ ပြည်တွင်း ပြည်ပ ရင်းနှီးမြှုပ်နှံမှုများကို အားပေး ခြင်း၊ ဒေသတွင်းနှင့် ဒေသခွဲအဖွဲ့အစည်း များနှင့် ဘက်စုံစီးပွားရေး ပူးပေါင်း ဆောင်ရွက်မှု ညှိနှိုင်းဆောင်ရွက်ခြင်း တို့တွင် အရေးပါသော အခန်းကဏ္ဍမှ ပါဝင်မည်ဖြစ်ပါကြောင်း၊ မြန်မာနိုင်ငံရှိ ရင်းနှီးမြှုပ်နှံမှုများကို ဒေသတွင်းနှင့် အပြည်ပြည်ဆိုင်ရာ သဘောတူညီချက် များနှင့်အညီ ရေးဆွဲထားသည့် ဥပဒေက အပြည့်အဝ အကာအကွယ်ပေးထား သည်ဆိုသည်ကို ထပ်လောင်းပြောကြား လိုပါကြောင်း၊ မြန်မာ့စီးပွားရေး၏ ရင်းနှီးမြှုပ်နှံမှုကဏ္ဍ ၁၂ ခုတွင် ဦးဆောင် နယ်ပယ်များမှာ ရေနံနှင့် သဘာဝ ဓာတ်ငွေ့၊ လျှပ်စစ်ဓာတ်အားနှင့် ကုန်ထုတ်လုပ်မှုတို့ဖြစ်ပါကြောင်း။

အခြေခံအဆောက်အအုံ၊ စိုက်ပျိုး ရေး၊ မွေးမြူရေး၊ ပို့ကုန်မြှင့်တင်ခြင်း နှင့် သွင်းကုန်အစားထိုးခြင်း၊ လျှပ်စစ် ဓာတ်အား၊ ထောက်ပံ့ပို့ဆောင်ရေး လုပ်ငန်းများ၊ ပညာရေးဝန်ဆောင်မှု၊ ကျန်းမာရေးစောင့်ရှောက်မှု၊ တန်ဖိုးနည်း အိမ်ရာ ဆောက်လုပ်ရေးနှင့် စက်မှုဇုန် တို့ကဲ့သို့သော မိမိတို့၏ဦးစားပေးနယ်ပယ် များကို လေ့လာဖော်ထုတ်ရန် ပြည်ပ ရင်းနှီးမြှုပ်နှံသူများကို မိမိဖိတ်ကြားလို ပါကြောင်း၊ မြန်မာနိုင်ငံ ရင်းနှီးမြှုပ်နှံမှု ဥပဒေပြဋ္ဌာန်းပြီးနောက် MyCo အီလက်ထရွန်နစ် မှတ်ပုံတင်စနစ် မိတ်ဆက်မှုနှင့်အတူ ၂ဝ၁၈ ခုနှစ်၊ သြဂုတ် ၁ ရက်တွင် မြန်မာနိုင်ငံ ကုမ္ပဏီများဥပဒေ အသက်ဝင်လာခဲ့ပါကြောင်း။

မြန်မာနိုင်ငံသည် သဘာဝအရင်း အမြစ်များ ပေါကြွယ်ဝသည့်နိုင်ငံဖြစ်ပါ ကြောင်း၊ ပြည်သူများ၏ အခြေခံလိုအပ် ချက်များဖြစ်သော သယ်ယူပို့ဆောင် ရေးကွန်ရက်များ၊ လျှပ်စစ်မီးပေးရေး၊ စမတ်စီးတီးများဖွံ့ဖြိုးရေး၊ ကျန်းမာရေး စောင့်ရှောက်မှုနှင့် အရည်အသွေးမြင့် ပညာရေးစနစ်တို့ တိုးတက်ဖြစ်ထွန်းရေး တို့အတွက် အစိုးရက အထူးဦးစားပေး ဆောင်ရွက်နေသောကြောင့် အခြေခံ အဆောက်အအုံ ဖွံ့ဖြိုးတိုးတက်ရေး အတွက် များစွာသောအခွင့်အလမ်းများ မိမိတို့ပိုင်ဆိုင်ပါကြောင်း၊ မြန်မာနိုင်ငံ၌ အခွင့်အလမ်းသစ်များ ရှာဖွေရန်နှင့် နှစ်ဦးနှစ်ဖက် အကျိုးဖြစ်ထွန်းစေရန် အတွက် မြန်မာနိုင်ငံ၏ စီးပွားရေးကဏ္ဍနှင့် လက်တွဲဆောင်ရွက်ရန် နီပေါ စီးပွားရေးအသိုင်းအဝိုင်းကို မိမိ တိုက်တွန်း အားပေးလိုပါကြောင်း ပြောကြားသည်။

အဆိုပါ အခမ်းအနားတွင် နီပေါ ဖက်ဒရယ် ဒီမိုကရက်တစ်သမ္မတနိုင်ငံ ဝန်ကြီးချုပ်ဟောင်းနှင့် ကွန်မြူနစ်ပါတီ ဥက္ကဋ္ဌ Mr. Pushpa Kamal Dahal နှင့် နီပေါဖက်ဒရယ် ဒီမိုကရက်တစ် သမ္မတနိုင်ငံ ကုန်သည်ကြီးများအသင်း ဥက္ကဋ္ဌ မစ္စတာ ရာဂျက်ကာရီ ရှရက်စ် သာ တို့က နှုတ်ခွန်းဆက် အမှာစကား ပြောကြားကြသည်။

ယင်းနောက် နိုင်ငံတော်၏ အတိုင် ပင်ခံပုဂ္ဂိုလ် ဒေါ်အောင်ဆန်းစုကြည် သည် နီပေါဖက်ဒရယ် ဒီမိုကရက်တစ် သမ္မတနိုင်ငံ ဝန်ကြီးချုပ်ဟောင်းနှင့် ကွန်မြူနစ်ပါတီဥက္ကဋ္ဌ၊ နီပေါဖက်ဒရယ် ဒီမိုကရက်တစ်သမ္မတနိုင်ငံ ကုန်သည် ကြီးများအသင်း ဥက္ကဋ္ဌတို့နှင့်အတူ ''နီပေါကုန်စည်ပြပွဲ-၂ဝ၁၈ ''(Nepal Chamber Expo 2018) ကို ဖဲကြိုးဖြတ်၍ ဖွင့်လှစ်ပေးကြပြီး ''နီပေါ ကုန်စည်ပြပွဲ-၂ဝ၁၈ '' တွင် ခင်းကျင်း ပြသထားသည့် မြန်မာနိုင်ငံမှ ပြခန်း များနှင့်အခြားနိုင်ငံများမှ ပြခန်းများကို လှည့်လည်ကြည့်ရှုအားပေးသည်။

မြန်မာပြခန်းပေါင်း ၂ဝ ပြသ

''နီပေါကုန်စည်ပြပွဲ-၂ဝ၁၈'' တွင် မြန်မာ၊ တရုတ်၊ အိန္ဒိယ၊ ထိုင်း၊ ဂျပန်၊ ဘင်္ဂလားဒေ့ရ်ှနှင့် ပါကစ္စတန်နိုင်ငံတို့ မှ ပြခန်းပေါင်း ၁၄၅ ခန်း ခင်းကျင်း ပြသလျက်ရှိပြီး မြန်မာနိုင်ငံမှ မြန်မာ့ ယဉ်ကျေးမှုနှင့် ရိုးရာအသုံးအဆောင် များပြခန်း၊ လက်ဝတ်ရတနာများ ပြခန်း၊ ဒေသတွင်း ထုတ်ကုန်များဖြစ်သည့် စားသောက်ကုန်နှင့် လူသုံးကုန်ပစ္စည်း များ ပြခန်း၊ ပဲ စသည့်သီးနှံထွက်ကုန် ပြခန်းများအပါအဝင် ပြခန်းပေါင်း ၂ဝ ဖွင့်လှစ်ပြသလျက်ရှိကြောင်း သိရသည်။

ညပိုင်းတွင် နိုင်ငံတော်၏ အတိုင် ပင်ခံပုဂ္ဂိုလ်သည် နီပေါဖက်ဒရယ် ဒီမိုကရက်တစ် သမ္မတနိုင်ငံဆိုင်ရာ မြန်မာသံရုံး ဝန်ထမ်းများ၊ ဝန်ထမ်း မိသားစုဝင်များနှင့်တွေ့ဆုံပြီး လိုအပ် သည်များကို မှာကြားသည်။

ထို့နောက် နိုင်ငံတော်၏ အတိုင်ပင်ခံပုဂ္ဂိုလ်နှင့် အဖွဲ့ဝင်များအား နီပေါ နိုင်ငံဆိုင်ရာ မြန်မာသံအမတ်ကြီးနှင့် ဇနီးတို့က ညစာစားပွဲဖြင့် တည်ခင်း ဧည့်ခံသည်။

သတင်းစဉ်