ဂရုပြုထိန်းသိမ်းရမည့်မြန်မာ့ရိုးရာဘာသာရေးထုံးတမ်းစဉ်လာများ

သန်းဖြိုးနိုင် (ကညင်ကျိုး)

သီတင်းကျွတ်လ ဆိုသည်မှာ

မြန်မာ့သမိုင်းတွင် သီတင်းကျွတ်လကို ပုဂံခေတ်
ကျောက်စာများတွင် 'သန္တူလ (အသံထွက်-သန်တူလ)'
ဟုရေးသားခဲ့သည်။ 'သန်' ဆိုသည်မှာ 'ကောက်ပင်'
ဟု အဓိပ္ပာယ်ရပြီး 'တူ' ဆိုသည်မှာ 'ထောင်မတ်သည်၊
ပေါက်ပွားသည်' ဟု အဓိပ္ပာယ်ရသည်။ ဆိုလိုသည်မှာ
ကောက်ပင်များ ထောင်မတ်ပေါက်ပွားသောကာလဟု
အဓိပ္ပာယ်ဖွင့်ဆိုကြောင်း စာပေများတွင်လေ့လာမိရ၏်။

အင်းဝခေတ်စာပေများတွင်မူ 'သီတင်းကျွတ်' ဟု
စတင်သုံးစွဲခဲ့ကြပြီး 'သီတင်း' ဆိုသည်မှာ 'နေထိုင်ခြင်း' ဟု အဓိပ္ပာယ်ရကာ ဝါတွင်းသုံးလကာလပတ်လုံး သီတင်း
သုံးနေထိုင်ခြင်းမှ ကျွတ်လွတ်သော အချိန်အခါဖြစ်
ကြောင်း ဖွင့်ဆိုထားသည်ကို တွေ့ရသည်။ ရာသီပန်းမှာ
ကြာဖြူပန်း (Nymphaea Lotus) ဖြစ်သည်။ သီတင်း
ကျွတ်လပြည့် (အဘိဓမ္မာအခါတော်နေ့) ရောက်သည့်
အခါ လသည် နေနှင့် ဆန့်ကျင်ဘက်ဖြစ်ရာ ကမ္ဘာတစ်
ဖက်ခြမ်းသို့ ရောက်ရှိနေသဖြင့် နေအလင်းရောင်
ကြောင့် ထိုနေ့ညတွင် လသည် အပြည့်အဝ လင်းလက်
တောက်ပလျက်ရှိသည်။ အမေရိကန် ရိုးရာအနေဖြင့်
မူ ထိုညတွင် ထိန်ထိန်သာနေသောလမင်းကြီးကို မုဆိုး
လမင်းFull Hunter's Moon ဟု ခေါ်ဆိုသမုတ်ကြပြီး
အခြားတွင်လည်းFull Traveller Moon(ခရီးသွားလ)၊ နှင့် Blood Moon (သွေးရောင်လွှမ်းသောလ) များဟု
လည်း ခေါ်ဆိုကြကြောင်း ဖတ်ရသည်။

မီးထွန်းပွဲတော်ပေါ်ပေါက်လာပုံ

ဂေါတမမြတ်စွာဘုရားသည် ဘုရားအဖြစ်သို့ ရောက်ရှိတော်မူခဲ့ပြီးနောက် ပဉ္စဝဂ္ဂီငါးဦးတို့ရှိရာ ဥရုဝေလ တောအုပ်သို့ကြွချီတော်မူပြီးနောက် တရားဦး ဓမ္မစကြာကို ခုနစ်ရက်တိုင်တိုင် ဟောကြားတော်မူ
ခဲ့သည်။ ထို့နောက် မဟာသက္ကရာဇ် ၁ဝ၉ ခုနှစ် ဝါဆို
လပြည့် ညနေပိုင်းတွင် တာဝတိံသာနတ်ပြည်သို့ မယ်တော်မိနတ်သားအား တရားဟောရန် ကြွချီတော် မူခဲ့လေသည်။ တရားဟောရခြင်းမှာ မယ်တော်ဖြစ်ခဲ့ဖူးသူ သန္တုသိတနတ်သားကို မွေးကျေးဇူးဆပ်ရန်ဖြစ်သည်။

တာဝတိံသာနတ်ပြည်၌ မယ်တော်မိနတ်သား အပါ
အဝင် နတ်၊ ဗြဟ္မာအပေါင်းတို့ကို တစ်နေ့နှင့်တစ်ရက် (လူ့သက်တမ်း၌ ဝါတွင်းသုံးလပတ်လုံး) အဘိဓမ္မာတရား
တော်ကို နေ့ညမစဲ တရားဟောတော်မူရာ သီတင်းကျွတ် လပြည့်နေ့၌ တရားစခန်းသိမ်းလေသည်။ ထို့ကြောင့် နတ်ပြည်မှ လူ့ပြည်ဖြစ်သော သင်္ကဿနဂိုရ်မြို့သို့ ပြန်လည်ဆင်းသက်ြ<ွကချီတော်မူရာ လူ့ပြည်မှ မင်းနှင့်တကွ ပရိသတ်အပေါင်းတုိ့က မြတ်စွာဘုရားရှင်ကို ဆီမီးနံ့သာများဖြင့် ထွန်းညှိပူဇော် ကြိုဆိုခဲ့ကြသည့် အစဉ်
အလာရှိခဲ့သည်။ ထိုနေ့ကို 'အဘိဓမ္မာအခါတော်နေ့'
ဟု သတ်မှတ်ခေါ်ဆိုကြပြီး နှစ်စဉ်နှစ်တိုင်း မြတ်စွာဘုရား
ရှင်ကို ရည်စူး၍ ကျင်းပလာခဲ့သည်မှာ ယနေ့တိုင်ပင် ဖြစ်လေသည်။

သို့အတွက် ကျွန်ုပ်တို့ကိုယ်စီအနေဖြင့်လည်း မိမိတို့
နေထိုင်ရာ အိမ်၊ ဌာနအသီးသီးတွင် သီတင်းကျွတ်
လပြည့်နေ့ညရောက်တိုင်း ထိန်ထိန်သာနေသည့်
လမင်းကြီးနှင့်အတူ နတ်ပြည်မှဆင်းသက်လာသည့်
မြတ်စွာဘုရားကို ရည်မှန်းကာ ဆီမီးများထွန်းညှိပူဇော်
ခဲ့ကြသည်။ ထို့ပြင် ဘုရားစေတီများတွင်လည်း ဆီမီး
တစ်ထောင်ပူဇော်ခြင်းများကို မြန်မာ့ရိုးရာဂီတဖြစ်
သည့် အိုးစည်၊ ဗုံမောင်းများတီးမှုတ်လျက် ကခုန်မြူးထူး
၍ ပျော်ပျော်ပါးပါး ပြုလုပ်ပူဇော်ဆင်ယင်ကျင်းပလာ
ခဲ့သည်မှာ ဘာသာရေးအစဉ်အလာတစ်ခုအဖြစ် ရှိနေ
ခဲ့ပြီးဖြစ်ပါသည်။

သီတင်းကျွတ်လပြည့်နေ့တွင်
ပဝါရဏာပွဲတော် ပေါ်ပေါက်လာပုံ

သီတင်းကျွတ်လပြည့်နေ့တွင် သာသနာ့ဝန်ထမ်း ရဟန်းတော်များက ပဝါရဏာပွဲတော် ကျင်းပလေ့ရှိသည်။ သိက္ခာတော်၊ ဝါတော်အကြီးဆုံးဖြစ်သော မထေရ်ကြီးက လက်ဝဲဘက်ပခုံးပေါ်တွင် ကေသီသင်္ကန်းကိုတင်လျက် ဆောင့်ကြောင့်ထိုင်ပြီးလျှင် ''ငါ့ရှင်တို့ တပည့်တော်သည် သံဃာကို ပင့်ဖိတ်ပါ၏။ တပည့်တော်၏အဖြစ်ကို မြင်လျှင်သော်လည်းကောင်း၊ ကြားလျှင်သော်လည်းကောင်း၊ သံသယရှိလျှင်သော်လည်းကောင်း တပည့်တော်အား သနားသဖြင့် ပြော၍ဆို၍
သတိပေးပါ၊ အပြစ်ကိုရှာ၍ ကုစားပါမည်'' ဟု သုံးကြိမ်
တိုင်တိုင် သံဃာများကို ဖိတ်ကြားတိုက်တွန်း၍ ကျန်
သံဃာတော်တို့က သာဓုသုံးကြိမ် ခေါ်ကြရသည်။

ပဝါရဏာပွဲတော်နည်းတူ
မိဘ၊ ဘိုးဘွား၊ သက်ကြီးဝါကြီး၊
ဆရာများအား ကန်တော့ကြသည့်
အလေ့အထ စတင်ဖြစ်ထွန်းပေါ်ပေါက်လာ

ထိုပဝါရဏာနည်းတူ ကျွန်ုပ်တို့ သာမန်ပုထုဇဉ်
လူသားများမှာလည်း မိမိတို့ထက်ကြီးမြင့်သော သက်ကြီး
ရွယ်အိုများ၊ မိဘဘိုးဘွားများကို အပြစ်မှ ခွင့်လွှတ်စေ
ကြောင်း ဝန်ချ၍ ကန်တော့ကြသည်မှာ မြန်မာ့ယဉ်
ကျေးမှုအစဉ်အလာ သီတင်းကျွတ်ပွဲတော်၏အနှစ်
သာရပင်ဖြစ်လေသည်။ ထို့အတွက်ပင် ကျွန်ုပ်တို့ငယ်စဉ်
ကတည်းကပင် သီတင်းကျွတ်လပြည့်နေ့ရောက်တိုင်း
မိဘများက ဖယောင်းတိုင်၊ အမွှေးတိုင်များ၊ အခြားကန်
တော့ပစ္စည်း စားဖွယ်သောက်ရာ၊ ဒေသထွက်သီးနှံလေး များဖြင့် မိမိတို့၏ ဘိုးဘွားများ၊ ဦးလေးအဒေါ်ဘကြီး
တို့ကိုလည်းကောင်း၊ ဆရာ၊ ဆရာမများကိုလည်းကောင်း နှစ်စဉ်ကန်တော့ခဲ့ကြသည့် အလေ့အထရှိခဲ့သည်။

မိမိတို့နှင့် ထိတွေ့ဆက်ဆံခဲ့ကြရသည့် တစ်နှစ်
အတွင်း သက်ကြီးဝါကြီး၊ ဆရာသခင်၊ မိဘတို့အပေါ်
ကာယကံ၊ ဝစီကံ၊ မနောကံ တစ်ပါးပါးဖြင့် ပြစ်မှားခဲ့ကြ
သည်ရှိသော် အပြစ်မယူပြေပျောက်ရန် လက်ဆယ်ဖျာ
ထိပ်မှာမိုးပြီး ရှိခိုးကန်တော့ကြသည့်အခါ ကန်တော့ခံ
ပုဂ္ဂိုလ်တို့ကလည်း ကြည်နူးဝမ်းဖြာလျက် ပြန်လည်
ဆုတောင်း မေတ္တာပို့သပေးကြသည့်ဓလေ့မှာ အလွန်
ကောင်းမွန်သင့်တော်သည့် မြန်မာ့ထုံးတမ်းစဉ်လာ
တစ်ခုဖြစ်ခဲ့သည်။ ထိုနည်းတူစွာပင် ထိုကောင်းသည့်
အမှု၊ အလေ့အကျင့်အား အစဉ်အဆက်လက်ဆင့်ကမ်း
ခဲ့ကြသည်မှာ ယနေ့အထိဖြစ်သည်။

နိဗ္ဗာန်ဈေးများပေါ်ပေါက်လာ
စတုဒိသာများကျွေးမွေးကြ

သီတင်းကျွတ်လပြည့်နေ့တွင်ပြုလုပ်ကြသည့် အခြား
သောပွဲတော်တစ်ခုမှာ နိဗ္ဗာန်ဈေးဟုခေါ်သည့် ငွေကြေး
ပြည့်စုံသူ သို့မဟုတ် လှူချင်တန်းချင်သူများက မိမိတို့
စိတ်စေတနာအလျောက် တတ်နိုင်သလောက် အခမဲ့
ကျွေးမွေးဝေငှကြသည့် အစဉ်အလာတစ်ခုလည်း ဖြစ်ထွန်း
ခဲ့သည်။ ထိုအစဉ်အလာမှာ ယနေ့တိုင် စွဲမြဲလျက်
တတ်နိုင်သူတို့ကလည်း နိဗ္ဗာန်ဈေးများဖွင့်လှစ်ကာ
လာလာသမျှသောလူတို့ကို အယုတ်၊ အလတ်၊ အမြတ်
မရွေး စတုဒိသာကျွေးမွေးပွဲများ ပြုလုပ်ကျွေးမွေး လှူဒါန်း
ကြလေသည်။ ထိုအပြုအမူ အစဉ်အလာဓလေ့သည်
မြန်မာ့ရိုးရာထုံးတမ်းစဉ်လာများထဲမှ အများနှစ်သက် ပျော်မွေ့ကြသည့် ကိစ္စတစ်ခုလည်းဖြစ်ခဲ့သည်။

အခြားပွဲလမ်းသဘင်များလည်း
ဆင်ယင်ကျင်းပ

သီတင်းကျွတ်လပြည့်သည် မြန်မာတို့အတွက်
ဘာသာရေးအနှစ်သာရပြည့်ထွန်းနေသည့် လဖြစ်
သည့်အပြင် ရဟန်းသံဃာတော်များအတွက်လည်း ဝါလကင်းလွတ်သည့် လဖြစ်သောကြောင့် ဝါပန်စရာ
မလိုဘဲ ခရီးသွားလာခွင့် ရကြလေသည်။ စိုစွတ်သော
ရာသီမှ လွတ်ကင်းသောကြောင့် ကုန်သည်၊ လယ်လုပ်
ပြည်သူပြည်သားများအဖို့မှာလည်း ရောင်းဝယ်ဖောက်
ကား သွားရေးလာရေးအဆင်ပြေသောလလည်းဖြစ်
သည့်အတွက် ငွေများရွှင်ကြသဖြင့် ပျော်ပွဲရွှင်ပွဲများ၊ ဇာတ်ပွဲ၊ ရုပ်သေးပွဲများ၊ အလှူအတန်းများ၊ စတုဒိသာ
ကျွေးမွေးပွဲများဖြင့် စိတ်အေးချမ်းသာစွာ ကျင်းပလာနိုင်
ခဲ့ကြသည်။

မြန်မာ့ရိုးရာထုံးတမ်းစဉ်လာများကို ထိန်းသိမ်းကြစေချင်

အထက်ပါမြန်မာ့ရိုးရာ ကောင်းမှုကုသိုလ်ပြုမှု အစဉ်
အလာကောင်းများကို ဆက်လက်ထိန်းသိမ်းကြစေချင်
ပါသည်။ မိဘများအနေဖြင့်လည်း မိမိတို့၏ သားငယ်
သမီးငယ်များမှတစ်ဆင့် နောင်လာနောက်သားအဆက်
ဆက်တို့အတွက် ကောင်းမွေတစ်ခုအဖြစ် လက်ဆင့်ကမ်း
ပေးကာ ရှေ့မှ ဦးဆောင်ပြုလုပ်၊ သင်ပြကြရမည်ဖြစ်ပါ သည်။