နိုင်ငံတစ်နိုင်ငံ၏ စီးပွားရေးလည်ပတ်မောင်းနှင်မှုတွင် အဓိကကျသည့် နိုင်ငံခြားငွေကြေးအပြောင်းအလဲပေါ်တွင် မူတည်ကာ မောင်းနှင်ကြသည်။ လက်ရှိတွင် အဓိကငွေကြေးကိုင်တွယ်သည့် နိုင်ငံကြီး၏စီးပွားရေး စစ်ခင်းမှုကြောင့် ထိုငွေကြေးကိုအမှီပြုသည့် ကမ္ဘာ့နိုင်ငံများအားလုံး စီးပွားရေးကမောက်ကမ ဖြစ်ကြရသည်။ ယင်းအရေးတွင် မြန်မာနိုင်ငံမှာ ငွေကြေးမတည်ငြိမ်မှု ပိုမိုသက်ရောက်မှုရှိနေသည်ဟု ဆိုရမည်ဖြစ်သည်။
မြန်မာနိုင်ငံ၏ စီးပွားရေးအခြေအနေမှာ ပို့ကုန်ထက် သွင်းကုန် ပမာဏများပြားသည်။ ထို့ကြောင့် ကုန်သွယ်မှုလိုငွေပြနေပြီး ကုန်သွယ်မှု မညီမျှသည့် အခြေအနေနှင့်ရင်ဆိုင်ရသည်။ ယင်းအခြေအနေတွင် အမေရိကန်ဒေါ်လာသည် ပြီးခဲ့သည့်လများမှစတင်၍ ပိုမိုခိုင်မာ အားကောင်းလာပြီး မြန်မာကျပ်ငွေသာမက တစ်ကမ္ဘာလုံးရှိ ငွေကြေး တန်ဖိုးများအားလုံး ကျဆင်းလာခဲ့သည်။ မြန်မာနိုင်ငံအဖို့မူ နိုင်ငံရေး၊ စီးပွားရေး အခြားအကြောင်းအချက်များလည်းရှိသဖြင့် အခြားနိုင်ငံ များထက် ကျဆင်းမှုပိုမိုမြင့်မားလာရခြင်းဖြစ်သည်။
ထို့ကြောင့် မြန်မာကျပ်ငွေတန်ဖိုး သိသာစွာကျဆင်းခဲ့သည်။ ထိုသို့ကျဆင်းရသည့် အကြောင်းအရင်းတွင် ပြည်ပသက်ရောက်မှုမှ စတင်သည်ဆိုသော်လည်း ပြည်တွင်းအခြေအနေမှာ စီးပွားရေးအခြေအနေမညီမျှမှုပြဿနာများနှင့် စီးပွားရေးနှင့်ပတ်သက်သည့် အခြေခံ အားနည်းချက်များရှိနေသောကြောင့်ဟု ဆိုနိုင်ကြောင်း နိုင်ငံတော်၏အခြေအနေအရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီးက ရှင်းလင်း ပြောကြားခဲ့သည်။
ယခုဖြစ်စဉ်တွင် အဓိကမှာ ကုန်သွယ်မှုနှင့် နိုင်ငံခြားငွေ ဆက်စပ်မှု ဖြစ်သည်။ ကုန်သွယ်မှုတွင် တရားမဝင်ကုန်သွယ်မှုသည် နိုင်ငံ့စီးပွားရေးကို များစွာထိခိုက်နစ်နာနိုင်သည်။ တရားမဝင်ကုန်သွယ်မှုကြောင့် ပို့ကုန် ဝင်ငွေလျော့နည်းကျဆင်းခြင်း၊ အခွန်ဘဏ္ဍာဆုံးရှုံးခြင်း၊ သဘာဝ သယံဇာတ ပြည်တွင်းအရင်းအမြစ်များပျက်သုဉ်းခြင်း၊ တရားမဝင် တင်သွင်းသော လူသုံးကုန်၊ စားသုံးကုန်များကြောင့် ပြည်တွင်းမှ ထုတ်လုပ် သော အသေးစား၊ အလတ်စားစက်မှုစီးပွားရေးလုပ်ငန်းများ ကြီးမားစွာ ထိခိုက်နစ်နာခြင်း၊ ထိုကုန်ပစ္စည်းများကြောင့် ပြည်တွင်းစားသုံးသူများ အတွက် အန္တရာယ်ဖြစ်စေခြင်း စသည့် ဆိုးကျိုးများနှင့် ရင်ဆိုင်ရသော ကြောင့် ထိုစိန်ခေါ်မှုများအား ဥပဒေနှင့်အညီ ကိုင်တွယ်ဖြေရှင်းနိုင်ရန် နိုင်ငံတော်က ကြိုးပမ်းဆောင်ရွက်လျက်ရှိသည်။
မျက်မှောက်ကာလတွင် မြန်မာကျပ်ငွေတန်ဖိုး ကျဆင်းသောကြောင့် လူသုံးကုန်၊ စားသုံးကုန်၊ လမ်းပန်းဆက်သွယ်ရေး၊ ခရီးသွားလာရေးမှအစ ပြည်သူများအတွက် အဘက်ဘက်တွင် အခက်အခဲရှိလာသည်။ မြန်မာ ကျပ်ငွေကျဆင်းခြင်းတွင် ကျပ်ငွေတန်ဖိုး သို့မဟုတ် ငွေလဲလှယ်နှုန်းကို လွှမ်းမိုးထားသည့် အဓိကအချက်များမှာ ကုန်သွယ်မှု လိုငွေ၊ အတိုးနှုန်း၊ ငွေဖောင်းပွမှုနှုန်းနှင့် တိုင်းပြည်၏ စီးပွားရေးဖွံ့ဖြိုးတိုးတက်မှု အလား အလာများဖြစ်သည်။ လက်ရှိတွင် နိုင်ငံ့စီးပွားရေးဖွံ့ဖြိုးတိုးတက်မှု အလား အလာကောင်းများရှိနေသော်လည်း ဒေါ်လာဈေးမြင့်တက်မှုကြောင့် ကျပ်ငွေတန်ဖိုးကျဆင်းမှု၊ ကုန်ဈေးနှုန်းကြီးမြင့်မှု၊ ငွေကြေးဖောင်းပွမှုများ နှင့် ကြုံတွေ့နေရာတွင် တရားမဝင်ကုန်သွယ်မှုသည် နိုင်ငံ့စီးပွားရေးကဏ္ဍတွင် အရေးအကြီးဆုံးစိန်ခေါ်မှုဖြစ်သည်။ ယင်းကြောင့်ပင် နိုင်ငံခြား ငွေကြေးရိုက်ခတ်မှု အမြင့်ဆုံးဖြစ်လာသည်။ ထို့ကြောင့် ကုန်သွယ်မှုလိုငွေ လျှော့ချနိုင်ရေး၊ ပြည်တွင်းစီးပွားရေးဖွဲ့စည်းတည်ဆောက်မှု မှန်ကန် ခိုင်မာပြီး သက်ရောက်မှုအမျိုးမျိုးအပေါ် ခံနိုင်ရည်ရှိစေရေးတို့အတွက် နိုင်ငံတော်အစိုးရအနေဖြင့် ပုဂ္ဂလိကကဏ္ဍမှ သက်ဆိုင်သူများနှင့်ထိတွေ့ပြီး ပြုပြင်ပြောင်းလဲမှုများကို ဆောင်ရွက်နေကြောင်း သိရှိရသည်။
သို့ဖြစ်ရာ ငွေကြေးဈေးကွက်ရိုက်ခတ်မှုကြောင့် ဖြစ်ပေါ်လာသော စိန်ခေါ်မှုများကို ကျော်လွှားနိုင်ရန်အတွက် စီးပွားရေးလုပ်ငန်းများ မှန်ကန်ချောမွေ့စွာ ဆောင်ရွက်နိုင်ရန် ကြိုးနီစနစ်နှင့် အဂတိလိုက်စားမှု များအား ရှောင်ရှားပြီး လက်ရှိနိုင်ငံတော်အစိုးရ၏ စီးပွားရေးမူဝါဒများ၊ ရည်မှန်းချက်များနှင့်အညီ စီးပွားရေးဆိုင်ရာ အဖွဲ့အစည်းများ၏ လုပ်ကိုင် ဆောင်ရွက်မှုများကို အမြန်ဆုံး ပြုပြင်ပြောင်းလဲ ကြိုးပမ်းဆောင်ရွက် ကြရန် အထူးလိုအပ်မည်ဖြစ်ပါကြောင်း။ ။
No comments:
Post a Comment