အိုလံပစ်နေ့အထိမ်းအမှတ် ရွှေမန်းမောင်မယ်နှင့် အမျိုးသား၊ အမျိုးသမီး ကြံ့ခိုင်မှုပြိုင်ပွဲကျင်းပ

မန္တလေး ဇူလိုင် ၃ဝ

မန္တလေးတိုင်းဒေသကြီး ကာယဗလနှင့် ကာယ
ကြံ့ခိုင်မှု ဆပ်ကော်မတီက ကြီးမှူး၍၂ဝ၁၈ ခုနှစ်
အပြည်ပြည်ဆိုင်ရာ အိုလံပစ်နေ့ အထိမ်း
အမှတ် ရွှေမန်းမောင်၊ ရွှေမန်းမယ်နှင့် အမျိုး
သား၊ အမျိုးသမီး ကြံ့ခိုင်မှုပြိုင်ပွဲများကို ဇူလိုင်
၂၉ ရက် မွန်းလွဲပိုင်းက မန္တလေးမြို့တော် ခန်းမ၌ ကျင်းပသည်။

အဆိုပါ ရွှေမန်းမောင် အငယ်တန်းပြိုင်ပွဲ တွင် ၁၆ ဦး၊ အကြီးတန်းပြိုင်ပွဲတွင် ခြောက်ဦး၊
ရွှေမန်း ကာယကြံ့ခိုင်မှုမယ် ၁၆ဝ စင်တီမီတာ
အောက် ပြိုင်ပွဲတွင် ရှစ်ဦး၊ ၁၆ဝ စင်တီမီတာ
အထက် ပြိုင်ပွဲတွင် ခုနစ်ဦး၊ ၁၇ဝ စင်တီမီတာ
အထက် ပြိုင်ပွဲတွင် ကိုးဦးတို့ ဝင်ရောက်
ယှဉ်ပြိုင်ခဲ့ကြသည်။

ရွှေမန်းမောင် အငယ်တန်း ကာယဗလ
မောင်ပြိုင်ပွဲတွင် ပထမ အောင်ကိုသက်၊ ဒုတိယ
ထက်အာကာလင်း၊ တတိယလွင်ကို၊ အကြီး
တန်းပြိုင်ပွဲတွင် ပထမ လမင်းတရာ၊ ဒုတိယ
စိုင်းချစ်ငွေ၊ တတိယ အောင်ကိုသက်၊Sport Physique 170 cm အောက် ပြိုင်ပွဲ၌ ပထမ
အောင်အောင်၊ ဒုတိယ လွင်ကို၊ တတိယ ကျော်
စွာယု၊ Model Physique 160 cm အောက်
ပြိုင်ပွဲတွင် ပထမ ယဉ်ယဉ်၊ ဒုတိယ တိုးတိုး
လွင်၊ တတိယ ဖြူဖြူဝင်းတို့က ရရှိကြပြီး 160 cmအထက်ပြိုင်ပွဲတွင်ပထမ မေသူစိုး၊
ဒုတိယ ဝါဝါသိန်း၊ တတိယ ရွှေရည်မင်းအိမ်၊
စတုတ္ထ လွင်မီမိုး၊ ပဉ္စမ နန်းမိုးခေးတို့က ရရှိကြ
သည်။

တိုင်းဒေသကြီး အားကစားနှင့် ကာယပညာ
ဦးစီးဌာန ညွှန်ကြားရေးမှူး ဦးဝေဇင်၊ ဥက္ကဋ္ဌ၊
ဒုတိယဥက္ကဋ္ဌ၊ အတွင်းရေးမှူးနှင့် တိုင်းကာယ
ဗလ နှင့် ကာယကြံ့ခိုင်မှုကော်မတီဝင်များဖြစ်
ကြသည့် ဒေါ်သန္တာဘုန်းဝင်း၊ ဒေါ်ကြည်ကြည် ဆွေ၊ တွဲဖက်ပါမောက္ခ(ငြိမ်း)ဒေါ်သက်နုလင်း တို့က ဆုအသီးသီးချီးမြှင့်ကြသည်။

တိုင်းဒေသကြီး အားကစားနှင့် ကာယ
ပညာဦးစီးဌာနမှ ညွှန်ကြားရေးမှူး ဦးဝေဇင်နှင့်
ဌာနဆိုင်ရာတာဝန်ရှိသူများ၊ မန­္တလေးတိုင်း
ဒေသကြီး ကာယဗလနှင့် ကာယကြံ့ခိုင်မှု ဆပ်
ကော်မတီဥက္ကဋ္ဌ ဦးဟန်မြိုင်နှင့် ဆပ်ကော်မတီ
ဝင်များ၊ အကဲဖြတ် အမှတ်ပေးဒိုင်အဖွဲ့ဝင်များ၊ ပူးပေါင်းပါဝင်ကူညီကြသည့် အလှူရှင် ကုမ္ပဏီ
များမှ တာဝန်ရှိသူများ၊ ကိုယ်ကာယကြံ့ခိုင်မှု
သင်တန်းကလပ်များမှ နည်းပြများနှင့် အား
ကစားသမားများ၊ ပြိုင်ပွဲဝင်များ၊ အခြား
ဖိတ်ကြားထားသူများနှင့် စိတ်ပါဝင်စားသူများ
တက်ရောက်အားပေးခဲ့ကြသည်။

တင်မောင် (မန်းကိုယ်ပွား)