နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မြန်မာအမျိုးသမီးများနေ့အခမ်းအနား တက်ရောက် မြန်မာအမျိုးသမီးများဟာ ပညာအရ၊ ကာယဗလအရ မဟုတ်ပေမယ့် ဉာဏဗလအရ အမျိုးသားတွေနဲ့ ယှဉ်ပြိုင်ရုံတင်မက ရှေ့ကပြေးနေပြီ

နေပြည်တော် ဇူလိုင် ၃

၂ဝ၁၈ ခုနှစ် မြန်မာအမျိုးသမီးများနေ့ အခမ်းအနားကို ယနေ့နံနက် ၁ဝ နာရီတွင် နေပြည်တော်ရှိ သင်္ဂဟဟိုတယ်၌ ကျင်းပရာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်အမှာစကားပြောကြားသည်။

အခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ်က ''ကျွန်မတို့ရဲ့ တစ်ကမ္ဘာလုံးမှာ အမျိုးသမီးနေ့တွေ ကျင်းပ တယ်ဆိုတာ အများသိပြီးသားဖြစ်ပါတယ်။ ဒီလို အမျိုး သမီးနေ့ အခမ်းအနားတစ်ခုရောက်တယ်ဆိုရင် ဘာကြောင့် အမျိုးသမီးနေ့တွေ ကျင်းပသလဲဆိုတာကို စဉ်းစားစေချင် ပါတယ်။ ကျွန်မတို့ရဲ့ လူ့အသိုင်းအဝိုင်းမှာဆိုရင် အမျိုးသမီး တွေရှိတယ်၊ အမျိုးသားတွေရှိတယ်၊ ကလေးတွေရှိတယ်၊ သို့သော်ငြားလည်း ကလေးသူငယ်များနေ့၊ အမျိုးသမီးများ နေ့ဆိုတာကို တစ်ကမ္ဘာလုံးကနိုင်ငံအရပ်ရပ်မှာကျင်းပ ကြပါတယ်။ အမျိုးသားများနေ့ရယ်လို့ သတ်သတ်ကျင်းပ တာမရှိပါဘူး။ အမျိုးသားနေ့ဆိုတာကတော့ အားလုံး၊ တစ်နိုင်ငံလုံးရဲ့ အမျိုးသားအောင်ပွဲနေ့ စသဖြင့် ဒါမျိုးသာရှိတာပါ။ အဲဒီတော့ ကျွန်မတို့ စဉ်းစားဖို့ လိုပါတယ်။ ဘာဖြစ်လို့ ကမ္ဘာတစ်လွှားမှာ အမျိုးသမီးနေ့၊ ကလေးသူငယ်များ နေ့ဆိုပြီးတော့ ဒီလို သတ်သတ်မှတ်မှတ် ကျင်းပရသလဲဆိုတော့ အဖြေကတော့ ရိုးရိုးလေးလို့ ထင်ပါတယ်။ ကျွန်မတို့ သမိုင်းအစဉ်အလာအရ၊ လူ့အသိုင်း အဝိုင်းရဲ့ သဘောသဘာဝ ဖြစ်စဉ်တွေအရ အမျိုးသမီးတွေနဲ့ ကလေးသူငယ် တွေဟာ အားနည်းတဲ့အုပ်စုတွေအဖြစ် အရင်တုန်းက သတ်မှတ်ခဲ့ကြပါတယ်။ အမျိုးသားတွေဟာ အရင်တုန်းကတည်းက၊ ရှေးကမ္ဘာဦးခေတ်ကတည်းက အင်အားကြီးပြီးတော့ အထက်စီးကနေနေတဲ့ အသိုင်းအဝိုင်းလို့ပြောရင် မမှား ပါဘူး။

ရှေ့ကပြေးနေပြီ

''ဒီလိုဖြစ်ရတဲ့အကြောင်းကလည်း အရင်တုန်းကဆိုရင် ကျွန်မတို့ရဲ့ လူသားများဟာ လူရိုင်းခေတ်ကနေပြီးတော့ စပြီးပြောမယ်ဆိုရင် ကာယဗလ ဟာ အဓိကဖြစ်ခဲ့လို့ပါပဲ။ ဘာကြောင့်အမျိုးသားတွေဟာ အမျိုးသမီးတွေထက် ကာယဗလပိုပြီးတော့ ကြီးမားသလဲဆိုတာကတော့ သိပ္ပံပညာရှင်တွေက ရှင်းပြ ထားတာရှိတော့ ကျွန်မအနေနဲ့ မရှင်းပြတော့ပါဘူး။ ဒါပေမယ့် အခုခေတ်က ကာယဗလခေတ် မဟုတ်တော့ပါဘူး။ အခုခေတ်က နည်းပညာခေတ်ပါ။ နည်းပညာခေတ်ဆိုတာ ခလုတ်ကလေး နှိပ်တတ်ရင်ရတယ်။ အမျိုးသားတွေ နည်းတူ အမျိုးသမီးတွေဟာလည်း ခလုတ်နှိပ်တတ်ပါတယ်။ အခုအချိန်မှာ ကျွန်မတို့နိုင်ငံရဲ့ ပညာရေးအခြေအနေကို ကြည့်လိုက်ရင် အမျိုးသမီးတွေဟာ ပညာအရ၊ ကာယဗလအရ မဟုတ်ပေမယ့်လည်း ဥာဏဗလအရ အမျိုးသား တွေနဲ့ ယှဉ်ပြိုင်ရုံတင်မကဘူး ရှေ့ကတောင်မှ ပြေးနေပြီဆိုတာကို ကျွန်မတို့ တွေ့ရမှာ ဖြစ်ပါတယ်။

''ဒါ ကျွန်မတို့ နိုင်ငံမှာတင် မဟုတ်ပါဘူး။ တခြားနိုင်ငံတွေမှာလည်း ဒီလိုပဲ မြင်ရမှာပါ။ ကမ္ဘာတစ်ဝန်းမှာ ပညာရေးကဏ္ဍမှာ အမျိုးသမီးတွေဟာ အမျိုးသားတွေနဲ့ တန်းတူတင်မကဘူး အခွင့်အရေးရရင်၊ အခွင့်အရေးပေးတဲ့ နိုင်ငံတွေမှာဆိုရင် ရှေ့ကတောင်မှ ပြေးပါတယ်။ ကျွန်မတို့နိုင်ငံမှာလည်း အခု ဒီတက္ကသိုလ်ဝင်စာမေးပွဲအောင်နှုန်းကိုကြည့်လိုက်ရင် တက္ကသိုလ်မှာရောက်နေတဲ့ ကျောင်းသား ကျောင်းသူများရဲ့ ရာခိုင်နှုန်းအနေအထားကို ကြည့်လိုက်ရင် အမျိုးသမီးများဟာ ပညာရေးဘက်မှာ အမျိုးသားတွေထက် ရှေ့ကပြေးလာပြီ ဆိုတာကို ကျွန်မတို့ မြင်ရမှာဖြစ်ပါတယ်။ ဒီဟာနဲ့တင် လုံလောက်သလားဆိုတာ ကျွန်မတို့ စဉ်းစားဖို့ဖြစ်ပါတယ်။ ဘာဖြစ်လို့လဲဆိုတော့ အခုခေတ်မှာ ကာယဗလကို အားမကိုးဘူးဆိုပေမယ့်လည်း ဓနဗလကို အင်မတန်မှ အားကိုးလာတာကို ကျွန်မတို့ တွေ့ရပါတယ်။ ကာယဗလအားကိုးတဲ့ခေတ်လို့ မပြောနိုင်ပေမယ့်လည်း ဓနဗလလွှမ်းမိုးတဲ့ ခေတ်ကြီးဖြစ်လာပြီ။ ဓနဗလလွှမ်းမိုးတဲ့ ခေတ်ကြီးမှာ အဓိက အရေးကြီးတာကတော့ စိတ်ဓာတ်အင်အားပဲလို့ ကျွန်မဒီလိုပဲ ယူဆပါတယ်။

စိတ်ဓာတ်အင်အား

''ဘာဖြစ်လို့လဲဆိုတော့ ကိုယ့်မှာရှိတဲ့ ဓနအင်အားတွေကို အလွဲသုံးစား မလုပ်ဖို့ဆိုတာ စိတ်ဓာတ်ရေးရာအပေါ်မှာ အများကြီး မူတည်ပါတယ်။ ကျွန်မတို့ အမျိုးသမီးတွေဟာ တကယ်ပဲ နိုင်ငံ့အတွက်တင်မကဘူး ကမ္ဘာ့ လူ့အသိုင်းအဝိုင်းအတွက် အင်အားတစ်ခု ဖြစ်စေချင်တယ်။ တန်ဖိုးရှိတဲ့ အင်အားစုတစ်ခု ဖြစ်စေချင်တယ်ဆိုရင် စိတ်ဓာတ်အင်အားကို အဓိကထား ပြီးတော့ မွေးမြူဖို့၊ စိတ်ဓာတ်အင်အားကို ပြုစုပျိုးထောင်ဖို့ အင်မတန်မှ အရေး ကြီးပါတယ်။ အခုသုတေသန လုပ်ချက်အရ လူသားတွေဟာ အမုန်းစိတ်ကို ဆွလိုက်ရင် အင်မတန် ပါတတ်တယ်။ အမုန်းစိတ်ဆွတဲ့ဘက်ကို ပါတတ်တယ်။ မေတ္တာဘက်စိတ် ဆွတဲ့ဘက်ကိုပါဖို့ဟာ ပိုပြီးခက်တယ်ဆိုတာကို သုတေသန အရ တွေ့ရှိ တာရှိပါတယ်။ ဒီလို သုတေသနပြုစုတဲ့ နိုင်ငံတွေက ကိုယ့်လူမှု အသိုင်းအဝိုင်းကိုပဲ ကြည့်ပြီးတော့ လုပ်တာလား၊ တစ်ကမ္ဘာလုံးမှာရှိတဲ့ လူသားအားလုံးကိုပဲ သေသေချာချာ လေ့လာဆန်းစစ်ပြီးတော့ လုပ်တာလား ဆိုတာကိုလည်း ကျွန်မတို့ မေးခွန်းထုတ်လို့ ရပါတယ်။ သို့သော်ငြားလည်း သုတေသနပြုတဲ့ လူတွေရဲ့အပြောအရ ဒါလူသားတွေရဲ့၊ ပုထုဇဉ်တွေရဲ့ စိတ်ဓာတ်အရ ပြောရမယ်ဆိုရင်တော့ လောဘ၊ ဒေါသ၊ မောဟတွေက ပိုပြီး တော့ ဆွလို့လွယ်တယ် ဆိုတာပါ။ ကျွန်မတို့ မြန်မာနိုင်ငံအတွက်ကတော့ ဒီလောဘ၊

ဒေါသ၊ မောဟဆိုတာက ပုထုဇဉ်လူသားတွေရဲ့ အဓိကအားနည်းချက် တွေဖြစ်တယ်ဆိုတာ ထူးထူးထွေထွေ ပြောနေဖို့မလိုပါဘူး။ ဒါပေမယ့် ဒီလိုပဲ ပြောနေပေမယ့် ဒီဟာတွေကို ပြုပြင်ပြောင်းလဲဖို့ ကျွန်မတို့ လုပ်ရဲ့လားဆိုတာကို စဉ်းစားဖို့က အရေးကြီးပါတယ်။

''အခုခေတ်ကြီးမှာ ကျွန်မတို့ ခဏခဏ အစိုးရအသိုင်းအဝိုင်းအတွင်းမှာ ဆွေးနွေးပြီးတော့ နိုင်ငံ့အတွက် ရေရှည်စဉ်းစားရတဲ့အခါမှာ အခု ဒီအိုင်တီ ခေတ်ကြီးမှာ၊ နည်းပညာခေတ်ကြီးမှာ ကလေးတိုင်း၊ ကလေးတိုင်းဆိုတာက ငယ်ငယ်လေးတွေ မဟုတ်ပေမယ့် ကျောင်းနေတဲ့ အချိန်လောက်ကနေ စပြီးတော့ ကလေးတိုင်း ကလေးတိုင်းဟာ လက်ကိုင်ဖုန်းလေးတွေနဲ့၊ သူတို့ဆဲလ်ဖုန်း လေးတွေနဲ့ အဲဒီကနေပြီးတော့ ကြည့်ချင်တာ ကြည့်ပြီးတော့ သင်ချင်တာ သင်ယူနိုင်တဲ့ခေတ်ကြီးမှာ ဘယ်လိုလုပ် ကျွန်မတို့ရဲ့လူငယ်တွေကို မှန်ကန်တဲ့ စိတ်ဓာတ်ရှိအောင် သင်ပေးနိုင်မလဲ၊ ဘယ်လိုလုပ် မိဘတွေ၊ ဆရာတွေက ဒီလူငယ်တွေကို မှန်ကန်တဲ့လမ်းကြောင်းပေါ်မှာ သွားဖို့ဟာကို ပြုစုပျိုးထောင် ပေးနိုင်မလဲဆိုတာကို အင်မတန်မှစဉ်းစားရပါတယ်။ အခုခေတ်ကြီးမှာဆိုရင် လူငယ်တွေက ပြန်တောင်မှ မေးဦးမှာ။ ဒီလမ်းကြောင်းက မှန်တယ်ဆိုတာ မိဘများက ဆုံးဖြတ်ပိုင်ခွင့်ရှိလို့လား၊ ဘယ်လမ်းကြောင်းက မှန်တယ်ဆိုတာ ဆရာ ဆရာမတွေက ဆုံးဖြတ်ပိုင်ခွင့်ရှိလို့လားဆိုပြီးတော့ မေးတဲ့ခေတ်ကြီး ဖြစ်လာပါပြီ။ ဘာဖြစ်လို့လဲဆိုတော့ မိဘတွေ၊ ဆရာတွေ မသင်တဲ့ကိစ္စတွေကို ကိုယ့်ဘာသာကိုယ် သင်ယူနိုင်တဲ့ ခေတ်ဖြစ်နေပါပြီ။

''အဲဒါကြောင့် ကျွန်မတို့ အမျိုးသမီးတွေဟာ အရင်တုန်းက အဆိုအတိုင်း ပုခက်လွှဲတဲ့ လက်က ကမ္ဘာကို လွှမ်းမိုးတယ်၊ ကမ္ဘာကို စိုးမိုးတယ်ဆိုတာ တကယ်တော့ လွှမ်းမိုးဖို့၊ စိုးမိုးဖို့ မဟုတ်ပါဘူး။ မတည်ပေးဖို့ပါ။ အဲဒီလွှမ်းမိုး ချင်တဲ့၊ စိုးမိုးချင်တဲ့စိတ်က အဓိက မဟုတ်ပါဘူး။ အဲဒီစိတ်ကိုက ကျွန်မတို့ရဲ့ လူ့အသိုင်းအဝိုင်း၊ ကျွန်မတို့ရဲ့ ကမ္ဘာကြီးကို ပြဿနာဖြစ်စေတာပါ။ ဘာဖြစ်လို့ လွှမ်းမိုးချင်ရမှာလဲ၊ ဘာဖြစ်လို့ စိုးမိုးချင်ရမှာလဲ၊ ဖေးမပေးဖို့ လက်တွဲပြီးတော့ ခေါ်ပေးဖို့က အဓိကဖြစ်ပါတယ်။ အဲဒီတော့ ကိုယ့်ရဲ့ သားသမီးတွေ၊ ကိုယ်ပြုစုပျိုးထောင်ရတဲ့ ကလေးတွေ၊ ဆရာ ဆရာမတွေဆိုရင် တကယ်တော့ ကျွန်မတို့ နိုင်ငံမှာ ဆရာ ဆရာမလို့ပြောတဲ့ဟာက ယဉ်ကျေးမှုအရလည်း ဆရာ ဆရာမဆိုပြီးတော့ အမျိုးသားတွေကို မထားခဲ့ချင်လို့၊ အမျိုးသားတွေ ထည့်ပြီး ပြောတာလည်းပါတယ်။ နောက်ပြီးတော့ ကျွန်မတို့ရဲ့ မျှော်လင့်ချက်အရ ပေါ့။ ဒီပညာရေးကဏ္ဍမှာ အမျိုးသားတွေ ပိုပြီးတော့ပါဝင်လာစေချင်လို့လည်း ပါပါတယ်။ သို့သော်ငြားလည်း တကယ်တော့ ကျွန်မတို့နိုင်ငံမှာ ပညာရေးကဏ္ဍမှာ ကလေးတွေကို သွန်သင်ဆုံးမတဲ့ ဆရာ ဆရာမတွေသာဆိုတယ် ၁ဝဝ ရာခိုင်နှုန်းနီးပါးက ဆရာမတွေဖြစ်နေပါတယ်။ အမျိုးသမီးတွေပဲ ဖြစ်နေပါ တယ်။ ဒါကြောင့်
အမျိုးသမီးတွေအနေနဲ့ ကလေးတွေရဲ့ စိတ်ဓာတ်ပြုစု ပျိုးထောင်ရေးကို အဓိကထားပြီးတော့ စဉ်းစားစေချင်ပါတယ်။ တချို့က ဒါ အမျိုးသမီးတွေကသာ ကလေးတွေ၊ သားသမီးတွေကို စောင့်ရှောက်ထိန်းသိမ်း ရမယ့် ခေတ်မဟုတ်ဘူး။ အမျိုးသားတွေလည်းပါရမယ်။ ဖခင်တွေလည်းပါရမယ်။ ဒါမှန်ပါတယ်။ စောစောက ကျွန်မပြောခဲ့တဲ့ အထဲမှာ အမျိုးသားများနေ့ရယ်လို့ မရှိဘူး၊ အမျိုးသမီးများနေ့၊ ကလေးသူငယ်များနေ့ရယ်လို့ရှိတယ်၊ သို့သော်ငြား လည်း ဖခင်များနေ့တော့ရှိတယ်။ မိခင်များနေ့နည်းတူ ဖခင်များနေ့တော့ ရှိပါ တယ်။ ဒါကြောင့်မို့ ဖခင်တွေရဲ့ကဏ္ဍကိုလည်း လျစ်လျူရှုထားတာ မဟုတ်ပါဘူး။

မှန်ကန်တဲ့စိတ်ထား

''လက်တွေ့ကျကျ ကြည့်မယ်ဆိုရင်တော့ အမျိုးသမီးတွေဟာ အခုလက်ရှိ အခြေအနေမှာဆိုရင် ကျွန်မတို့ရဲ့ပညာရေးကဏ္ဍ အခြေအနေအရ အမျိုးသမီး တွေဟာ အဓိက ကလေးသူငယ်တွေကို သွန်သင်ဆုံးမသူတွေဖြစ်ပါတယ်။ ဒီတော့ စိတ်ဓာတ်ရေးရာအရ ဘယ်လိုပြုစုပျိုးထောင်ပေးမလဲဆိုတာကို စဉ်းစား စေချင်ပါတယ်။ ဒါဟာ ကိုယ့်ရဲ့ အိမ်မှာတောင်မှ မှန်ကန်တဲ့စိတ်ထားတွေကို သင်ပေးရဲ့လား။ ကိုယ့်သား၊ ကိုယ့်သမီးတွေကို မှန်ကန်တဲ့စိတ်ဓာတ်တွေ ပြုစုပျိုးထောင်ပေးရဲ့လားဆိုတာကို စဉ်းစားစေချင်ပါတယ်။ ကျွန်မတို့ရဲ့ လူ့အသိုင်းအဝိုင်းမှာ ကျွန်မကိုယ်တိုင်လည်း မကြာခဏ ကြားရပါတယ်။ အားလုံး လည်းသိမှာပဲ။ မိဘတွေကကို ယှဉ်ပြိုင်ချင်တဲ့စိတ်ရှိတယ်။ ဟိုဘက်အိမ်က ကလေးထက်သာရမယ်၊ အတန်းထဲက ဘယ်သူ့ထက်သာရမယ်။ အဲဒီဟာ တွေကို ခဏခဏ သင်ပေးတဲ့အခါကျတော့ ကျွန်မတို့ရဲ့ လူငယ်တွေကြားထဲမှာ ပူးပေါင်းဆောင်ရွက်ချင်တဲ့စိတ်၊ မုဒိတာ ပွားချင်တဲ့စိတ်။ မုဒိတာပွားခြင်းဟာ နည်းသွားတာပေါ့။ သူက တော်လိုက်တာဆိုပြီးတော့ ချီးမွမ်းတာဟာ ရိုးရိုး ချီးမွမ်းတာမဟုတ်ဘဲနဲ့ ကိုယ့်သား ကိုယ့်သမီးကို သူကတော်လိုက်တာ၊ မင်းကတော့ ဘာလို့ ဒီလောက်မတော်လဲဆိုတဲ့ပုံစံနဲ့ ချီးမွမ်းတဲ့အခါမှာတော့ ကလေးတွေရဲ့ စိတ်ထဲမှာ ငယ်ငယ်ကတည်းက သူတို့ရဲ့တန်ဖိုးဟာ တခြားသူထ
က် သာနိုင်မှ မြင့်တယ်လို့ ထင်သွားကြပါတယ်။ တကယ်တော့ တခြားသူထက်သာတယ်ဆိုတာ ဘယ်သူကမှ တခြားသူ တစ်ယောက်ထက် နေရာတကာမှာ မသာနိုင်ပါဘူး။ ကိုယ့်ရဲ့အားနည်းချက်ရှိတယ်။ ကိုယ့်ရဲ့အားသာချက်ရှိတယ်။ သူ့ရဲ့ အားနည်းချက်ရှိတယ်။ သူ့ရဲ့အားသာချက်ရှိတယ်။

ပုထုဇဉ်လူသားများရဲ့နေ့

''ကျွန်မတို့အမျိုးသမီးတွေဟာ နောင်တစ်ချိန်တစ်ခါမှာ ကမ္ဘာကြီးမှာ အမျိုးသမီးများနေ့၊ အမျိုးသားများနေ့ရယ်လို့ ခွဲခြားပြီးတော့မထားဘဲနဲ့ ပုထုဇဉ် လူသားများရဲ့နေ့လို့ ဖြစ်သွားအောင်လို့ ဦးတည်သင့်ပါတယ်။ အဲဒီတော့ ကျွန်မတို့ဟာ အမျိုးသမီးရော၊ အမျိုးသားရော၊ ကလေးတွေရော နိုင်ငံတစ်နိုင်ငံ မှာ လူ့အသိုင်းအဝိုင်းတစ်ခုမှာ အားလုံး ပူးပေါင်းပြီးတော့ ညီညီညွတ်ညွတ်ရှိမှ ဒီအသိုင်းအဝိုင်းမှာ တိုးတက်နိုင်မှာပါ။ ကျွန်မတို့ နိုင်ငံရဲ့အားနည်းချက်တွေကို အားလုံးသိပါတယ်။ ကျွန်မတို့က ဓနအင်အားမှာလည်း အင်မတန်မှ အားနည်း ပါတယ်။ ဖြတ်သန်းခဲ့ရတဲ့ သမိုင်းကြောင်းတစ်လျှောက် စိတ်ဓာတ်ရေးရာဘက် မှာလည်း အားရှိသင့်သလောက် မရှိသေးပါဘူး။ ဒါကြောင့် ကြိုးစားရမယ့် နေရာတွေက အများကြီးပါ။ ဒီလို ကြိုးစားခွင့်ရတာကို ဂုဏ်ယူပါ၊ ကြိုးစားခွင့် ရတာကို ဝမ်းသာပါလို့ ထပ်ခါတလဲလဲ သတိပေးအပ်ပါတယ်။ ဘာဖြစ်လို့လဲ ဆိုတော့ တစ်ခါတလေ ကျွန်မတို့ ပြည်သူပြည်သားတွေက ငါတို့ ဒီလိုဆင်းရဲတဲ့ နေရာမှာ ကြီးလာရလေခြင်း၊ မွေးလာရလေခြင်း၊ ဒီလိုခက်ခဲတဲ့အချိန်အခါမှာ ကြီးပြင်းလာရလေခြင်းဆိုတဲ့ အဲဒီလိုညည်းညူတာတွေလည်း ကျွန်မတို့ ကြားရ ပါတယ်။ ဒါပေမယ့်လည်း အခက်အခဲတွေနဲ့ရင်ဆိုင်ရမှ ကိုယ့်ရဲ့အစွမ်းအစတွေကို ထုတ်သုံ
းပြီးတော့ အများအကျိုးအတွက် လုပ်ပေးနိုင်တဲ့ အခွင့်အရေးရမှာပါ။ ဒါကြောင့် ကျွန်မတို့ ဒီအခွင့်အရေးတွေကို အကောင်းဆုံးဖြစ်အောင် လုပ်စေ ချင်တယ်။

''အမျိုးသမီးတွေအနေနဲ့ အမျိုးသမီးနေ့ကို အသိအမှတ်ပြုတဲ့အခါ အမျိုးသမီး အခွင့်အရေး၊ အမျိုးသမီးရပိုင်ခွင့်၊ အမျိုးသမီးလုပ်ပိုင်ခွင့် ဒီဟာတွေတင်မကဘဲနဲ့ ဒီအခွင့်အရေးတွေကို အများအတွက် ဘယ်လိုသုံးမလဲဆိုတာကို အဓိကထား ပြီးတော့ စဉ်းစားစေချင်ပါတယ်။ အမျိုးသမီးများ ပိုပြီးတော့ အခွင့်အရေး ရလာရင်၊ အမျိုးသမီးများအတွက် အခွင့်အလမ်းတွေ ပိုပြီးတော့ပွင့်လာရင် အားလုံးအတွက် ဘယ်လိုကောင်းအောင် ပိုပြီးတော့ လုပ်နိုင်မယ့် အခွင့်အလမ်း တွေ ကျွန်မတို့ရနိုင်မလဲဆိုတာကို စဉ်းစားစေချင်ပါတယ်။ အထူးသဖြင့် အမျိုးသမီးများနေ့ဆိုတော့ အမျိုးသမီးများအကြောင်းပဲ ပြောနေတယ်ဆိုရင် အမျိုးသမီးများရဲ့ အစဉ်အလာအရ ကဏ္ဍတစ်ခုဖြစ်တဲ့ သားသမီးများ ပြုစုပျိုး ထောင်ရေးကိုလည်း ဘယ်တော့မှ မမေ့စေချင်ပါဘူး။ ပြုစုပျိုးထောင်ခြင်းဆိုတာ စာမေးပွဲအောင်ဖို့နဲ့ ဂုဏ်ထူးတွေအများကြီးရဖို့ ဒါအဓိက မဟုတ်ပါဘူး။ မှန်ကန်တဲ့စိတ်ထားတွေနဲ့ ဒီကလေးတွေဟာ ကြီးပြင်းလာဖို့၊ ရှုံးနိမ့်မှုကိုရော၊ အောင်နိုင်မှုကိုရော တည်တည်ငြိမ်ငြိမ်နဲ့ ရင်ဆိုင်နိုင်ဖို့၊ လူသားတိုင်း လူသား တိုင်းဟာ ရှုံးနိမ့်မှုနဲ့ အောင်မြင်မှုကြောင့် အဆမတန် တုန်လှုပ်ခြင်းမရှိဘူးဆိုရင် ကျွန်မတို့ရဲ့ လူ့လောကကြီးဟာ အင်မတန်မှ ပိုပြီးတော့ အေးချမ်းမှာပါ။ ရှုံးနိမ့်မှုကို ကြောက်ကြတယ်။ ရှုံးနိမ့်မှုဖြစ်ရင် ဝမ်းနည်းပက်လက် ဖြစ်ကြတယ်။ အောင်နိုင်မှုကိုလိုလားကြတယ်။ အောင်နိုင်မှုရှိတဲ့သူတွေက မော်ကြွားကြတယ်။ နောက်ပြီးတော့ အောင်နိုင်မှုရတဲ့လူတွေက ရှုံးနိမ့်တဲ့သူတွေကို အထင်သေး ကြတယ်။ ဒါတွေဟာ ကျွန်မတို့အတွက် လောဘ၊ ဒေါသတွေပွားစေတဲ့ စိတ်ဓာတ် တွေ ဖြစ်ပါတယ်။ ဒါကြောင့် အမျိုးသမီးများဟာ ကျောင်းဆရာမတွေဆိုရင် မိမိတို့အတန်းအတွင်းက ကလေးတွေ၊ မိခင်တွေဆိုရင် မိမိတို့ရဲ့ သားသမီးတွေ၊ ကျွန်မတို့ထဲက တော်တော်များများကတော့ သားသမီးကို ပြုစုပျိုးထောင်တဲ့ အရွယ်ကလွန်ပြီးတော့ မြေးတွေနဲ့ ကစားတဲ့အရွယ်ကို ရောက်သွားပြီ။ ကျွန်မကို အဘိုး၊ အဘွားတချို့က ပြောပါတယ်။ မြေးတွေက အဘိုး၊ အဘွားတွေကို စိတ်မဝင်စားဘူးတဲ့၊ သူတို့ရဲ့ ဆဲလ်ဖုန်းကိုပဲ စိတ်ဝင်စားတယ်တဲ့၊ အဲဒါလည်း တကယ်တော့ ဝမ်းနည်းစရာကောင်းပါတယ်။ ဘာဖြစ်လို့လဲဆိုတော့ အချင်းချင်း ဆက်ဆံတတ်ဖို့က အဓိက ကျွန်မတို့နိုင်ငံရဲ့ တိုးတက်ရေးအတွက် လိုအပ်ချက် ဖြစ်ပါတယ်။

အားလုံးကိုသင်ပေးစေချင်

''ဒါကြောင့် ဒါကို အမျိုးသမီးများက သင်ပေးရမယ်ဆိုတာ ကိုယ့်ရဲ့သားသမီး တွေ၊ ကိုယ့်ရဲ့ မြေးတွေဟာ လူသားတွေအချင်းချင်း ဆက်ဆံမှုပိုပြီးတော့ ကြီးထွားအောင်၊ ပိုပြီးတော့ ကောင်းမွန်အောင်၊ လုပ်ချင်တဲ့စိတ်တွေဖြစ်လာ အောင် အချင်းချင်းပူးပေါင်းရမယ့်အစား ထိုင်ပြီးတော့ ကိုယ့်ရဲ့ကွန်ပျူတာ လေးနဲ့၊ ကိုယ့်ရဲ့ ဖုန်းလေးနဲ့ပဲ ဆက်သွယ်နေမယ်ဆိုရင် ဒါလူ့အသိုင်းအဝိုင်း အတွက် အများကြီးတော့ အကျိုးပြုမှာ မဟုတ်ပါဘူး။ သူတို့ နည်းပညာတွေ အများကြီးတတ်မယ်၊ ဗဟုသုတတွေအများကြီးရမယ် သို့သော်လည်း ကောင်းတဲ့ ဗဟုသုတလား၊ ဆိုးတဲ့ဗဟုသုတလားဆိုတာ ခွဲလို့မရတော့ဘူး။ အားလုံးဝင်လာတာပဲ။ ဒါကြောင့် ကိုယ့်ဘာသာကိုယ် အကောင်းအဆိုး၊ အကြောင်းအကျိုး ခွဲခြားတတ်တဲ့ စိတ်ဓာတ်၊ ခွဲခြားချင်တဲ့ဆန္ဒရှိအောင် အားလုံးကို သင်ပေးစေချင်ပါတယ်။ ဒါကြောင့် ကျွန်မတို့ အမျိုးသမီးများနေ့ကို တစ်နှစ်တစ်ခါ ကျင်းပပါတယ်။

''တစ်နှစ်တစ်ခါ ကျင်းပတဲ့အခါ အရင်နှစ်က ကိုယ်ဟာအမျိုးသမီး တစ်ယောက်အနေနဲ့ ဘာလုပ်ခဲ့သလဲ၊ အမျိုးသမီးတစ်ယောက်အနေနဲ့ဆိုတာဟာ စဉ်းစားလိုက်ရင် မိခင်တစ်ယောက်အနေနဲ့လည်း ဖြစ်နိုင်တယ်။ မိတ်ဆွေ တစ်ယောက်အနေနဲ့လည်း ဖြစ်နိုင်တယ်။ ကိုယ့်ရဲ့အလုပ်ခွင်က လုပ်ဖော် ကိုင်ဖက် တစ်ယောက်အနေနဲ့လည်းဖြစ်နိုင်တယ်။ နောက်ပြီးတော့ ဇနီးသည် တစ်ယောက်အနေနဲ့လည်း ဖြစ်နိုင်တယ်။ အဘွားတစ်ယောက်အနေနဲ့၊ အဒေါ် တစ်ယောက်အနေနဲ့လည်း ဖြစ်နိုင်တယ်။ လူတိုင်းလူတိုင်းရဲ့ကဏ္ဍဟာ အများကြီးကျယ်ဝန်းပါတယ်။ လူတစ်ယောက်ဟာ ထီးတည်းကြီးနေတာ မဟုတ်ပါဘူး။ ကျွန်မတို့ အမျိုးသမီးတိုင်း အမျိုးသမီးတိုင်းဟာ တစ်နှစ်ကာလ အတွင်း အရင်အမျိုးသမီးနေ့နဲ့ ဒီအမျိုးသမီးနေ့မှာ တစ်နှစ်ကာလအတွင်းမှာ ဘယ်လောက်ကိုယ်ဟာ အများအကျိုးအတွက် ဆောင်ရွက်ခဲ့သလဲ။ ကိုယ့် အကျိုးအတွက်ရော ဘယ်လောက်ဆောင်ရွက်ခဲ့သလဲ။ ဒါလည်း အရေးကြီး ပါတယ်။ ပရဟိတ၊ အတ္တဟိတ နှစ်ခုစလုံးပြည့်စုံမှ ကျွန်မတို့ဟာ ပြည့်စုံတဲ့ လူသားတွေဖြစ်မှာပါ။ ကိုယ့်အတွက် ဆိုတာဟာ ကိုယ်ကပိုပြီးတော့ ပြည့်စုံတဲ့ လူသားတစ်ယောက်ဖြစ်လာဖို့ ကိုယ်ဘာလုပ်ခဲ့သလဲဆိုတာ အဲဒါကို ဆိုလိုတာ။ တခြားသူတွေအတွက်ဆိုတာလည်း ဒီလိုပါပဲ။ အများအတွက် အများဟာလည်း ပိုပြီးတော့ ပြည့်စုံတဲ့ လူ
သားတွေဖြစ်နိုင်ဖို့အတွက် ဘယ်လိုကူညီမလဲ။ ဒါဟာ ရုပ်ပိုင်းဆိုင်ရာလည်း ဖြစ်နိုင်တယ်။ စိတ်ပိုင်းဆိုင်ရာလည်း ဖြစ်နိုင်တယ်။ ပညာပိုင်းဆိုင်ရာလည်း ဖြစ်နိုင်တယ်။ အဲဒီတော့ ဒါတွေကို ကျွန်မတို့က စဉ်းစားစေချင်ပါတယ်။

အခွင့်အလမ်းတွေရှိနေ

''အရေးကြီးတယ်ဆိုတာက ဖွံ့ဖြိုးတိုးတက်မှုဆိုတာ တစ်နှစ်နဲ့တစ်နှစ် မှန်မှန်တိုးတက်လာဖို့က အရေးကြီးပါတယ်။ ဒီတစ်နှစ်မှာ အရင်နှစ်က ပြန်စဉ်းစားလိုက်ရင် အရင်နှစ်က သိပ်ပြီးတော့ မဖြစ်မြောက်ဘူးဆိုရင် ဒီနှစ် ပိုပြီးတော့ကြိုးစားပါ။ ကျွန်မတို့ဟာ အသက်ရှင်နေသရွေ့ အခွင့်အလမ်းတွေ ကတော့ အမြဲရှိနေမှာပဲ။ အသက်ရှင်နေသရွေ့ ကျွန်မတို့ဟာ တိုးတက်နိုင်ဖို့ အခွင့်အလမ်းတွေ ရှိနေပါမယ်''ဟု ပြောကြားသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်သည် အခမ်းအနားသို့ တက်ရောက်လာကြသူများနှင့်အတူ စုပေါင်းမှတ်တမ်းတင်ဓာတ်ပုံရိုက်သည်။

အခမ်းအနားအပြီးတွင် နိုင်ငံတော်၏အတိုင်ပင်ခံပုဂ္ဂိုလ်သည် ၂ဝ၁၈ ခုနှစ် မြန်မာအမျိုးသမီးများနေ့ အထိမ်းအမှတ်ပြခန်းအတွင်း ခင်းကျင်းပြသထားသည့် အမျိုးသမီးများ ဖွံ့ဖြိုးတိုးတက်ရေးဆောင်ရွက်မှုမှတ်တမ်းဓာတ်ပုံများ၊ မြန်မာ နိုင်ငံလုံးဆိုင်ရာ အမျိုးသမီးကော်မတီ၏ ဆောင်ရွက်ချက်များ၊ မြန်မာနိုင်ငံ အမျိုးသမီးများနှင့် ကလေးသူငယ်များ၏ဘဝ မြှင့်တင်ရေးဆောင်ရွက်ချက်များ၊ မြန်မာအမျိုးသမီးစီးပွားရေးစွမ်းဆောင်ရှင်များအသင်း၏ ဆောင်ရွက်ချက်များ၊ အမျိုးသမီးသက်မွေးပညာသင်တန်းကျောင်းနှင့် အိမ်တွင်းမှု သက်မွေးလုပ်ငန်း သင်တန်းကျောင်းများမှ ထုတ်လုပ်သည့် ထုတ်ကုန်များကို လှည့်လည်ကြည့်ရှု အားပေးခဲ့သည်။

သတင်းစဉ်