(၅၅)ကြိမ်မြောက် မြန်မာ့ကျောက်မျက်ရတနာပြပွဲ နောက်ဆုံးနေ့ကို နေပြည်တော်ရှိ မဏိရတနာကျောက်စိမ်း ခန်းမ ပရဝုဏ်အတွင်း ဆက်လက်ကျင်းပရာ ဇွန် ၂၄ရက်မှ ယနေ့အထိ ယူရိုငွေ ၄၂၃ ဒသမ ၁၁၈ သန်း တန်ဖိုးရှိ ကျောက်စိမ်းအတွဲပေါင်း ၅၂၅၉ တွဲ ရောင်းချ နိုင်ခဲ့ကြောင်း သိရသည်။
ရောင်းချခဲ့ရ
ယခုပြပွဲတွင် အခြေခံဈေး ယူရိုငွေ ၄ဝဝဝနှင့်အထက် တန်ဖိုးသတ်မှတ်သည့် အရိုင်းထည် ကျောက်စိမ်း အတွဲ များနှင့် အခြေခံဈေး ယူရိုငွေ ၁ဝဝဝ နှင့်အထက် တန်ဖိုး သတ်မှတ်သည့် အချောထည် ကျောက်စိမ်းအတွဲ ၆၇၉၅ တွဲကို ဇွန် ၂၄ရက်မှ ယနေ့အထိ ပြသရောင်းချခဲ့ရာ ဇွန် ၂၄ရက်တွင် ယူရိုငွေ ၃၈ ဒသမ ၅၃၁ သန်းတန်ဖိုးရှိ ကျောက်စိမ်းအတွဲ ၉၇၃ တွဲကို လည်းကောင်း၊ ဇွန် ၂၅ရက်တွင် ယူရိုငွေ ၇၄ ဒသမ ၁၂၂သန်း တန်ဖိုးရှိ ကျောက်စိမ်းအတွဲ ၈၃၃တွဲကို လည်းကောင်း၊ ဇွန် ၂၆ ရက်တွင် ယူရိုငွေ ၈၆ ဒသမ ၈၆၆ သန်းတန်ဖိုးရှိ ကျောက်စိမ်းအတွဲ ၈၁၈ တွဲကို လည်းကောင်း၊ ဇွန် ၂၇ ရက်တွင် ယူရိုငွေ ၅၂ ဒသမ ၄၄၁သန်းတန်ဖိုးရှိ ကျောက်စိမ်းအတွဲ ၈၉၂ တွဲကို လည်းကောင်း၊ ဇွန် ၂၈ ရက်တွင် ယူရိုငွေ ၁၁၈ ဒသမ ၆၉၁ သန်းတန်ဖိုးရှိ ကျောက်စိမ်းအတွဲ ၉၂၅ တွဲကို လည်းကောင်း၊ ယနေ့တွင် ယူရိုငွေ ၅၂ ဒသမ ၄၆၇ သန်းတန်ဖိုးရှိ ကျောက်စိမ်းအတွဲ ၈၁၈ တွဲကို လည်းကောင်း ရောင်းချခဲ့ရကြောင်း သိရ သည်။
ထို့ပြင် ဇွန် ၂ဝရက်မှ ၂၁ရက်အတွင်း ပုလဲအတွဲ ၃၆ဝ ကိုတင်ဒါစနစ်ဖြင့် ရောင်းချခဲ့ရာ ယူရိုငွေ ၂ ဒသမ ၅၉၈ သန်း တန်ဖိုးရှိ ပုလဲအတွဲ ၃၄၁ တွဲကို လည်းကောင်း၊ ဇွန် ၂၃ရက်တွင် ကျောက်မျက်အတွဲ ၃၃၆တွဲကို တင်ဒါစနစ်ဖြင့် ရောင်းချခဲ့ရာ ယူရိုငွေ ၁ ဒသမ ၃၇၉ သန်း တန်ဖိုးရှိ ကျောက်မျက်အတွဲ ၆၉ တွဲကို လည်းကောင်း ရောင်းချခဲ့သည်။
ပြပွဲကာလအတွင်း အိတ်ဖွင့်တင်ဒါစနစ်ဖြင့် ပြသ ရောင်းချခြင်းဖြစ်သည့်အတွက် ရတနာကုန်သည်များ တင်ဒါတင်သွင်းသည့်အခါ လွတ်လပ်စွာ တင်သွင်းနိုင်ခဲ့ ကြပြီး ပြပွဲသုံးသပ်ချက်များကိုလည်း လုပ်ဆောင်ပေးခဲ့ကာ တရုတ်၊ ထိုင်း၊ ကနေဒါ၊ သြစတြေးလျနှင့် အမေရိကန် နိုင်ငံတို့မှ ရတနာကုန်သည်များ လာရောက်ကြကာ တရုတ် နိုင်ငံမှ အများဆုံးဖြစ်ကြောင်း သိရသည်။
ပြပွဲတွင် သတ်မှတ်ကောက်ခံမည့် အခွန်အခနှုန်းထား များမှာ အထူးကုန်စည်ခွန်အနေဖြင့် ကျောက်စိမ်းအရိုင်း များအတွက် ၁၅ ရာခိုင်နှုန်း၊ ကျောက်မျက်အရိုင်းများ အတွက် ၁ဝ ရာခိုင်နှုန်းနှင့် ကျောက်မျက်လက်ဝတ်ရတနာ အချောထည်များအတွက် ၅ ရာခိုင်နှုန်းတို့ဖြစ်ကြပြီး ဝန်ဆောင်ခအနေဖြင့် ကျောက်မျက်ရတနာအရိုင်းများ အတွက် ၃ ရာခိုင်နှုန်းနှင့် အချောထည်များအတွက် ၁ ရာခိုင်နှုန်းတို့ဖြစ်ကြောင်း သိရသည်။
ကြီးမှူးကျင်းပခဲ့
မြန်မာ့ကျောက်မျက်ရတနာပြပွဲများကို ၁၉၆၄ ခုနှစ် ကတည်းက စတင်ကျင်းပခဲ့ခြင်းဖြစ်ပြီး ယခုကျင်းပသည့် (၅၅)ကြိမ်မြောက် မြန်မာ့ကျောက်မျက်ရတနာပြပွဲသည် ၉၃ ပွဲမြောက်ဖြစ်ကာ မြန်မာ့ကျောက်မျက်ရတနာနှင့် လက်ဝတ်ရတနာဈေးကွက် မြန်မာနိုင်ငံအတွင်း တိုးတက် ဖြစ်ထွန်းစေရန် ရည်ရွယ်၍ မြန်မာ့ကျောက်မျက်ရတနာ ပြပွဲ ဗဟိုကော်မတီက ကြီးမှူးကျင်းပခဲ့ခြင်း ဖြစ်သည်။
ယခုပြပွဲတွင် ပြည်တွင်း ကျောက်စိမ်း၊ ကျောက်မျက်၊ ပယင်း၊ ကနုကမာ စသည့် အချောထည်ပစ္စည်းဆိုင်ခန်း ပေါင်း ၆၁ခန်း လာရောက်ဖွင့်လှစ်ရောင်းချခဲ့ပြီး ကျောက် မျက်ရတနာ သင်တန်းကျောင်း (နေပြည်တော်)မှ သင်တန်း သား သင်တန်းသူများ၏ ကျောက်စိမ်း၊ ကျောက်မျက်၊ ပယင်းအချောထည်ပစ္စည်းအပြင် ကနုကမာ အချောထည် လက်မှုပစ္စည်းများကိုလည်း ခင်းကျင်းပြသရောင်းချ ပေးခဲ့ကြောင်း သိရသည်။
အောင်ရဲသွင် (သတင်းစဉ်)
No comments:
Post a Comment