ပဲခူးတိုင်းဒေသကြီး ရွှေကျင်မြို့နယ် ကရင် စာပေနှင့်ယဉ်ကျေးမှုကော်မတီက ကြီးမှူး ကျင်းပသော ကရင်တိုင်းရင်းသားရိုးရာ ဒုံးယိမ်းအကသင်တန်းဆင်းပွဲကို မေ ၂၄ ရက် နံနက် ၉ နာရီက ရှမ်းကြေးရပ်ကွက် မူကြို ကျောင်းခန်းမ၌ ကျင်းပသည်။
ကရင်တိုင်းရင်းသားရိုးရာဒုံးယိမ်းအကသင်တန်းကို မြို့နယ်အတွင်းရှိ ကရင်လူငယ် မောင်မယ် ၃၆ ဦးအား ပဲခူးမြို့မှ ကရင်ဒုံးယိမ်း ဆရာ ဆရာမများဖြင့် ၂ဝ၁၈ ခုနှစ် ဧပြီ ၂၃ ရက်မှ မေ ၂၂ ရက်အထိ သင်ကြားပေးခဲ့သည်။ရွှေကျင်မြို့နယ် ကရင်စာပေနှင့်ယဉ်ကျေးမှု ကော်မတီဥက္ကဋ္ဌ စောဆန်နီက ကရင်ရိုးရာ အမွေအနှစ်များ မပျောက်ပျက်စေရန်နှင့် ယဉ်ကျေးမှုအမွေအနှစ်အား ထိန်းသိမ်းနိုင် စေရန်ရည်ရွယ်၍ ကလေးငယ်များအား သင်ကြားပေးခြင်းဖြစ်ကြောင်း ပြောကြား သည်။
ကရင်တိုင်းရင်းသားရိုးရာဒုံးယိမ်းအကသင်တန်းဆင်းပွဲသို့ ပဲခူးတိုင်းဒေသကြီး ကရင် တိုင်းရင်းသားရေးရာဝန်ကြီး နော်ပွယ်ဆေး၊ ပဲခူးတိုင်းဒေသကြီး ကရင် စာပေနှင့်ယဉ်ကျေးမှု ကော်မတီ ဒုတိယဥက္ကဋ္ဌ ဒေါက်တာကြည်စိုး၊ မြို့နယ်အုပ်ချုပ်ရေးမှူး ဦးဇော်မြင့်သိန်း၊ ရွှေကျင်မြို့နယ် ကရင်စာပေနှင့် ယဉ်ကျေးမှု ကော်မတီအဖွဲ့ဝင်များ၊ ဖိတ်ကြားထားသူများ နှင့် ဒေသခံကရင်လူမျိုးများ တက်ရောက် ကြကြောင်း သိရသည်။
ထွန်းထွန်းဇော်(ပြန်/ဆက်)
No comments:
Post a Comment