အလေးထားအသုံးပြု မိုဘိုင်းလ်ဆက်သွယ်မှု

မြန်မာနိုင်ငံတွင် နည်းပညာကိုအခြေခံသည့် ဆက်သွယ်ရေးကွန်ရက် အလွန်လျင်မြန်စွာ ဖွံ့ဖြိုးတိုးတက်လာသည်။ အလျင်အမြန်ဖြစ်ထွန်း ကြီးမားလာနေသည့် ဈေးကွက်ကိုပြပါဆိုလျှင် ဆက်သွယ်ရေးနှင့် ဆက်နွှယ်သည့် ဈေးကွက်ကို ညွှန်းဆိုရမည်ဖြစ်သည်။ မြန်မာနိုင်ငံတွင် နိုင်ငံခြားရင်းနှီးမြှုပ်နှံမှုများကို တံခါးဖွင့်ပေးသောအခါ မူလရှိပြီး ဖိုင်ဘာ ကေဘယ်လ်ဆက်သွယ်ရေးစနစ်အပြင် ကြိုးမဲ့ဆက်သွယ်ရေးစနစ် လုပ်ငန်း များတွင် ရင်းနှီးမြှုပ်နှံမှုများ ပါဝင်လာကြသည်။

မြန်မာနိုင်ငံတွင် ဆက်သွယ်ရေးစနစ် တိုးတက်လာရာတွင် မိုဘိုင်းလ် ဖုန်းကိုအသုံးပြု၍ တစ်ဦးနှင့်တစ်ဦး ဆက်သွယ်ပြောဆိုခြင်းသာမက Message, Chating, Messenger, Viber, WeChat, Twitter, Youtube, Facebook, Gmail, Player, Games စသည်ဖြင့် အမျိုးမျိုးတွဲဖက် အသုံးပြုလာနိုင်ကြသည်။ ထိုသို့သော လူမှုကွန်ရက် အွန်လိုင်းအသုံးပြုမှု များအား လုပ်ဆောင်နိုင်သည့်အပြင် အွန်လိုင်းအရောင်းအဝယ်များ၊off Line, Wave Money, Banking ကဲ့သို့ ငွေပေးချေမှု၊ ငွေသုံးစွဲမှု၊ ငွေလွှဲ ပြောင်းမှု စသည့်ငွေကြေးလုပ်ငန်းများကို အသုံးပြုလာနိုင်သည်ကို တွေ့ရသည်။

သို့ဖြစ်ရာ ဆက်သွယ်ရေးစနစ် တိုးတက်ထွန်းကားလာခြင်းသည် ပြည်သူလူထုအတွက် များစွာအကျိုးရှိ ထိရောက်သဖြင့် ကြိုဆိုလက်ခံ ရမည်ဖြစ်သည်။ အများပြည်သူတို့ကလည်း ကြိုက်နှစ်သက်ကြလိမ့်မည်ဖြစ် သည်။ သို့သော် မည်သည့်အရာတွင်မဆို အကောင်းအဆိုး၊ အကျိုးအပြစ် တို့သည် ရှိစမြဲဖြစ်သည်ကိုလည်း သတိမူရမည်ဖြစ်သည်။ သုံးတတ်လျှင် ဆေး၊ မသုံးတတ်လျှင်ဘေးဟူသော ဆိုစကားကဲ့သို့ သတိပြုကိုင်တွယ် အသုံးပြုရမည်ဖြစ်သည်။

ယခုအခါ မိုဘိုင်းလ်တယ်လီဖုန်းများကို တန်ဖိုးအမျိုးအစားအလိုက် လူတိုင်းကိုင်တွယ်အသုံးပြုနိုင်ကြပြီဖြစ်သည်။ ဆက်သွယ်ရေးအော်ပရေတာ များဖြစ်သည့်MPT, MEC, Ooredoo, Telenor နှင့် ယခုနောက်ဆုံးMyTel ဆင်းကတ်တို့ကိုပါ တစ်မျိုးမဟုတ်တစ်မျိုး သို့မဟုတ် အကုန်လုံး ကို ဝယ်ယူအသုံးပြုနေကြပြီဖြစ်သည်။ မိုဘိုင်းလ်တယ်လီဖုန်း စတင် ပေါ်ထွန်းစ လွန်ခဲ့သည့် ဆယ်စုနှစ် တစ်ခုကျော် နှစ်ခုခန့်ကMPT ဆင်း ကတ် တစ်ကတ်လျှင် ကျပ် ၁၅ သိန်းဈေးပေါက်ရာမှ မျက်မှောက်ကာလတွင် ဆင်းကတ် တစ်ကတ်လျှင် ကျပ် ၁၅ဝဝ ဖြင့် ဈေးပေါပေါ ဗုံးပေါလအော အသုံးပြုနိုင်ပြီ။

ဗုံးပေါလအော အလွန်ပေါများခြင်းကိုဆိုသည့် ဝေါဟာရသည် အကောင်းဘက်ထက် မကောင်းသည့်ဘက်သို့ ရှေးရှုသည်ဟု ဆိုချင်သည်။ မည်သည့်အရာမဆို ဗုံးပေါလအော အသုံးပြုခြင်းမှာ မကောင်းချေ။ တန်ဖိုးနည်းသော်လည်း လေးလေးစားစား စနစ်တကျဖြစ်သင့်သည်။ ပြည်သူများအတွက် လွယ်လွယ်ကူကူ၊ ပေါပေါများများ၊ သက်သက်သာသာ အသုံးပြုနိုင်သည်မှာ ကောင်းမွန်သော်လည်း ပြည်သူ များအတွက် ရေရှည်အကျိုးစီးပွားနှင့် နောက်ဆက်တွဲအကျိုးသက်ရောက်မှု ကိုလည်း အလေးထားကြည့်ရှုသင့်သည်။

ပြည်သူများမှာ ဆက်သွယ်ပြောဆိုရန်သာမက အထက်နည်းစနစ်ပါ သုံးစွဲမှုများကို စွဲစွဲလမ်းလမ်း လိုလိုချင်ချင် အသုံးပြုနေကြပြီ။ ဖုန်းပြော ဆိုခထက် အင်တာနက်ကျသင့်စရိတ်က သိသာလွန်းသည်။ လုပ်ငန်း အတွက် အသုံးပြုမှုကိုမဆိုသာသော်လည်း လိုသည်ထက်ပို၍ အသုံးပြုမှု များကို သတိပြုသင့်သည်။ အိမ်တွင်းသူခိုးဟု ခေါ်ဆိုနိုင်သည့် ငွေကြေး ကုန်ကျမှုနှင့် အချိန်ကုန်ဆုံးမှုများမှာ တစ်ရက်၊ တစ်လ၊ တစ်နှစ်ကြာလျှင် မည်မျှငွေကုန်ဆုံးမည်ကို သုံးစွဲသူများကိုယ်တိုင်သာ အသိဆုံးဖြစ်မည်။

ထို့ကြောင့် သုံးစွဲသူပြည်သူများကို ချင့်ချင့်ချိန်ချိန် အသုံးပြုသင့် ကြောင်း အကြံပြုပါသည်။ ဝန်ဆောင်မှုပေးနေသော အော်ပရေတာများ အနေဖြင့် သုံးစွဲနေသည့် ဆင်းကတ်များကို စနစ်တကျ မှတ်ပုံတင်ရေး၊ ထိုဆင်းကတ်များ၏ လုံခြုံရေးနှင့် ပေါ်ပေါက်လာသည့် လိုအပ်ချက် များကို အလေးထားဖြေရှင်း ဆောင်ရွက်ပေးသင့်ပါကြောင်း။ ။