လက်ရှိအစိုးရတာဝန်ယူတာ သိပ်မကြာသေးပေမယ့် အောင်မြင်မှုတော်တော်များများ ရခဲ့တယ်လို့ ကျွန်တော်ယူဆ

မြန်မာနိုင်ငံဆိုင်ရာ ရုရှားနိုင်ငံသံအမတ်ကြီးH.E. Mr. Nikolay Listopadov အား သတင်းအဖွဲ့က သွားရောက် တွေ့ဆုံမေးမြန်းထားသည်များကို ဖော်ပြလိုက်ပါသည်။

မေး။ ။ မြန်မာနှစ်သစ် ၁၃၈ဝ ပြည့်နှစ်ကို မကြာမီကမှ ကူးပြောင်းရောက်ရှိတဲ့ မြန်မာနိုင်ငံအတွက် သံအမတ်ကြီး ရဲ့ နှစ်သစ်ကူးဆုမွန်တောင်းစကားလေး ပြောပေးစေလို ပါတယ်။

ဖြေ။ ။ ကျွန်တော်သိပ်ကို ဝမ်းသာမိပါတယ်။ မကြာခင် က သင်္ကြန်ပွဲကို ပျော်ပျော်ရွှင်ရွှင် ဆင်နွှဲခဲ့ကြတယ်ဆိုတော့ ဝမ်းသာတယ်။ ကျွန်တော်ကိုယ်တိုင်လည်း သိပ်ပျော်ပါ တယ်။ သင်္ကြန်ပွဲတော်ကို ပျော်ပျော်ရွှင်ရွှင် ဂုဏ်ပြုပါတယ်။ မြန်မာတွေအားလုံး နှစ်သစ်မှာ ကိုယ်စိတ်နှစ်ဖြာ ရွှင်လန်း ချမ်းမြေ့ပါစေလို့ ကျွန်တော်က ဆုမွန်ကောင်းများ တောင်းပါ တယ်။

သင်္ကြန်ပွဲတော်ဟာ ကောင်းမွန်တဲ့၊ ပျော်ရွှင်စရာကောင်း တဲ့ ပွဲတော်မျိုးဖြစ်ပါတယ်။ အဲဒါနဲ့ပတ်သက်ပြီး သီချင်း တွေလည်း တော်တော်များများ ရှိပါတယ်။ ပါရမီမပါလို့ သီချင်းသိပ်မဆိုတတ်ဘူး။ ဒါပေမယ့် သင်္ကြန်ပွဲအတွက် ရေးစပ်တဲ့ မြန်မာကဗျာတွေကို ကျွန်တော်သိတယ်။ ''လတန်ခူးပေမို့၊ အလှထူးပါဘိ၊ မြမြဖူးရယ်တဲ့ ခိုင်ရွှေဝါ၊ တကယ်တမ်းသာဖြင့် ဘယ်ပန်းသော် စံမတူဘု'' ဆိုတဲ့ မြန်မာကဗျာနဲ့ ကျွန်တော်ကြိုဆိုချင်ပါတယ်။ ဒီနှစ်သစ် အချိန်အခါသမယမှာ အားလုံး ကိုယ်စိတ်နှစ်ဖြာ ရွှင်လန်း ချမ်းမြေ့ပါစေလို့ ထပ်ပြီးမေတ္တာပို့သပါတယ်။

မေး။ ။ အစိုးရသစ်ရဲ့ နှစ်နှစ်တာကာလအတွင်းမှာ ဆောင်ရွက်ခဲ့တဲ့ ဆောင်ရွက်ချက်တွေနဲ့ အောင်မြင်မှုတွေ အပေါ်ရယ်၊ နောက် ရခိုင်ပြည်နယ်အရေးကိစ္စနဲ့ ပတ်သက် ပြီးတော့ မြန်မာအစိုးရရဲ့ လုပ်ကိုင်ဆောင်ရွက်မှုတွေအပေါ် မှာ သံအမတ်ကြီးအနေနဲ့ ဘယ်လိုအမြင်မျိုးရှိသလဲဆိုတာ သိပါရစေ။

ဖြေ။ ။ လက်ရှိအစိုးရက တာဝန်ယူတာ နှစ်နှစ်ပြည့်ပြီ။ အဲဒါသိပ်မကြာသေးပေမယ့် အောင်မြင်မှုတော်တော် များများ ရခဲ့တယ်လို့ ကျွန်တော်က ယူဆမိပါတယ်။ အထူး သဖြင့် လူမှုရေးနဲ့ စီးပွားရေးနယ်ပယ်မှာ ဖွံ့ဖြိုးတိုးတက်မှု တွေ တော်တော်များများရှိတာကို ကျွန်တော်တွေ့ခဲ့ပါတယ်။ နောက်တစ်ခုက ငြိမ်းချမ်းရေးဖြစ်စဉ်ဆိုလည်း အင်မတန် အရေးကြီးပါတယ်။ ငြိမ်းချမ်းရေးမရရင် ဖွံ့ဖြိုးတိုးတက်မှု လည်း မရနိုင်ဘူးလို့ ကျွန်တော်ယူဆမိပါတယ်။ ငြိမ်းချမ်း ရေးကိုရရှိဖို့ ပြည်ထောင်စုငြိမ်းချမ်းရေးညီလာခံကို နှစ်ကြိမ် ကျင်းပနိုင်ခဲ့ပါတယ်။ ပြည်ထောင်စုငြိမ်းချမ်းရေးညီလာခံ- (၂၁)ရာစုပင်လုံဆိုရင် အခုလည်း တတိယအကြိမ်ကျင်းပဖို့ ရှိပါတယ်။ အဲဒါက အင်မတန်အရေးကြီးပါတယ်လို့ ပြောချင်ပါတယ်။

ရခိုင်ပြဿနာဟာ အင်မတန် ရှုပ်ထွေးတဲ့ပြဿနာ ဖြစ်ပါတယ်။ ထိလွယ်ရှလွယ်တဲ့ ပြဿနာမျိုးဖြစ်ပါတယ်။ ဒါကြောင့်မို့ ချက်ချင်းဖြေရှင်းလို့ မရပါဘူး။ အချိန်ယူရပါ တယ်။ ကျွန်တော် အဲဒီပြဿနာနဲ့ပတ်သက်ပြီး ဘာအယူ အဆရှိသလဲဆိုရင် အခုလက်ရှိ ပြည်ထောင်စုအစိုးရ၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်တဲ့အစိုးရက ရခိုင်ပြဿနာကို မြန်မြန်ဖြေရှင်း ဖို့ ကြိုးစားနေပါတယ်။ နိုင်ငံရေးနည်းလမ်းအရ ဖြေရှင်းဖို့ ကြိုးစားပါတယ်။ ဒါကြောင့်မို့ ပြဿနာကို မကြာခင် ဖြေရှင်းနိုင်မယ်လို့ ကျွန်တော်မျှော်လင့်ပါတယ်။

မေး။ ။ ရုရှားနိုင်ငံနဲ့ မြန်မာနိုင်ငံရဲ့ နှစ်နိုင်ငံကြားမှာရှိတဲ့ ချစ်ကြည်ရေး အဓွန့်ရှည်ပြီးတော့ တည်တံ့သွားစေဖို့အတွက် သံအမတ်ကြီးအနေနဲ့ ဘယ်လိုမျိုး ဆောင်ရွက်မှုတွေ လုပ်ဆောင်သွားဖို့ ရှိပါသလဲ။

ဖြေ။ ။ ကျွန်တော်ကတော့ ရုရှား- မြန်မာ နှစ်နိုင်ငံ ဆက်ဆံရေးအကြောင်းပြောရရင် ဒီနှစ်ဆိုရင် နှစ်နိုင်ငံ ဆက်ဆံရေးအတွက် အင်မတန်အရေးကြီးတဲ့အချက် ဖြစ်ပါတယ်။ ဘာဖြစ်လို့လဲဆိုရင်တော့ ကျွန်တော်တို့ နှစ်နိုင်ငံဆက်ဆံရေး ထူထောင်တာဆိုရင် နှစ်ပေါင်း (၇ဝ) ပြည့်ပြီ။ ၁၉၄၈ ခုနှစ် ဖေဖော်ဝါရီ ၁၈ ရက်မှာ ကျွန်တော် တို့ နှစ်နိုင်ငံ သံတမန်ဆက်ဆံရေးကို ထူထောင်ခဲ့ပါတယ်။ ကျွန်တော်တို့ဆက်ဆံရေးဆိုရင် အစဉ်အလာအရ ချစ်ကြည် ရင်းနှီးတဲ့ ဆက်ဆံရေးမျိုးဖြစ်ပါတယ်။ ဒါကြောင့်မို့ ရရှိ ထားတဲ့ အခြေခံအပေါ်မှာ နှစ်နိုင်ငံပူးပေါင်း ဆောင်ရွက် ရေးကို နယ်ပယ်အသီးသီးက ဆတက်ထမ်းပိုး တိုးမြင့်စေဖို့ ကြိုးစားနေပါတယ်။

အရင်တုန်းကဆိုရင် ကျွန်တော်တို့ ကောင်းကောင်း ပူးပေါင်းဆောင်ရွက်နိုင်ခဲ့ပါတယ်။ ဆိုဗီယက် ရုရှား အကူအညီနဲ့ မြန်မာနိုင်ငံမှာ အရေးကြီးတဲ့ စီမံကိန်းတွေ ကို အကောင်အထည်ဖော်နိုင်ခဲ့ပါတယ်၊ ရန်ကုန်မြို့မှာ ဆိုရင် အင်းလျားကန်၊ အင်းလျားလိတ်ဟိုတယ်၊ ဖြစ်ပါ တယ်။ နောက် စက်မှုတက္ကသိုလ်ဖြစ်ပါတယ်။ တောင်ကြီး မြို့မှာ စဝ်စံထွန်းဆေးရုံကြီးကို ဆောက်ခဲ့ပါတယ်။ ကြက်မောက်တောင်ဆည်ကို တည်ဆောက်နိုင်ခဲ့ပါတယ်။ အခုလည်း ကျွန်တော်တို့ စဝ်စံထွန်းဆေးရုံကြီးကို အဆင့် မြင့်အောင် ရုရှားနိုင်ငံဘက်က အကူအညီပေးဖို့ရှိပါတယ်။ အဲဒါလည်း အင်မတန်အရေးကြီးပါတယ်လို့ ယူဆပါတယ်။

မေး။ ။ ရုရှားနိုင်ငံကနေပြီးတော့ မြန်မာနိုင်ငံမှာ ရင်းနှီး မြှုပ်နှံမှုတွေ လာရောက်လုပ်ကိုင်နေကြတဲ့ ရင်းနှီးမြှုပ်နှံသူ တွေအတွက် မြန်မာနိုင်ငံမှာ လာရောက်ရင်းနှီးမြှုပ်နှံမယ် ဆိုရင် အခက်အခဲ တစ်စုံတစ်ရာ ရှိပါသလား။

ဖြေ။ ။ အဲဒီရင်းနှီးမြှုပ်နှံမှုဆိုတာဟာ အင်မတန်အရေး ကြီးပါတယ်။ ဒါကြောင့် ကျွန်တော်တို့ ရုရှားသံရုံးကနေ ရုရှားစီးပွားရေးသမားတွေ၊ ကုမ္ပဏီတွေက မြန်မာနိုင်ငံကို ရောက်လာကြပြီး မြန်မာရင်းနှီးမြှုပ်နှံမှု ပြုလုပ်ဖို့ မြန်မြန် ဆန်ဆန် ကြိုးစားပါတယ်။ ကျွန်တော်တို့ နှစ်နိုင်ငံအစိုးရ ရဲ့ စီးပွားရေးနဲ့ ကုန်သွယ်ရေးပူးပေါင်းဆောင်ရွက်မှု ပူးတွဲ ကော်မရှင်ဆိုတာ ရှိပါတယ်။

လွန်ခဲ့တဲ့နှစ် စက်တင်ဘာလမှာ မော်စကိုမှာ ကျွန်တော်တို့ နှစ်နိုင်ငံ ပူးတွဲကော်မရှင်ရဲ့ ဒုတိယအစည်း အဝေးကို ကျင်းပခဲ့ပါတယ်။ အခုမြန်မာနိုင်ငံမှာ တတိယ အစည်းအဝေးကျင်းပဖို့ရှိပါတယ်။ ကျွန်တော်တို့ နှစ်နိုင်ငံရဲ့ ပူးပေါင်းဆောင်ရွက်မှု ကော်မရှင်ကြောင့် ရုရှားနိုင်ငံက ရင်းနှီးမြှုပ်နှံမှုတွေကို ပိုမိုမြန်ဆန်စွာ မြန်မာနိုင်ငံက ဆွဲဆောင်နိုင်ခဲ့တယ်လို့ ပြောချင်ပါတယ်။

လွန်ခဲ့တဲ့နှစ်က ရန်ကုန်မြို့မှာ ရုရှားရဲ့ ကုန်သွယ်ရေး ကိုယ်စားလှယ်ရုံးဖွင့်ဖို့ စာချုပ်ချုပ်ဆိုခဲ့ပါတယ်။ မြန်မာ နိုင်ငံမှာ ရင်းနှီးမြှုပ်နှံမှုရေးရာနဲ့ဆိုင်တဲ့ ဥပဒေအသစ်ကို အတည်ပြုခဲ့ပါတယ်။ ဒါကြောင်မို့ အခုမြန်မာနိုင်ငံရဲ့ စီးပွားရေး၊ ရင်းနှီးမြှုပ်နှံမှုကို အစပျိုးဖို့ အခြေခံပါတယ်လို့ ကျွန်တော်ယူဆမိပါတယ်။ အခက်အခဲတွေရှိနိုင်ပါတယ်။ ဒါပေမယ့် ကျွန်တော်နားလည်သလောက် အများအားဖြင့် ဆိုရင် မြန်မာနိုင်ငံမှာ ရင်းနှီးမြှုပ်နှံမှုကိုပြုလုပ်ဖို့ အလား အလာ၊ အခွင့်အလမ်းတွေ တော်တော်များများရှိပါတယ်လို့ ယူဆမိပါတယ်။

မေး။ ။ လတ်တလော မြန်မာနိုင်ငံမှာ ဖြစ်ပွားနေတဲ့ ရခိုင်အရေးကိစ္စနဲ့ပတ်သက်ပြီး နိုင်ငံတကာအသိုက်အဝန်းနဲ့ ကုလသမဂ္ဂအဖွဲ့ကြီးရဲ့ လုပ်ဆောင်ချက်တွေအပေါ် သံအမတ်ကြီးရဲ့အမြင်ကိုလည်း သိပါရစေ။

ဖြေ။ ။ ကျွန်တော်ကတော့ ဘာပြောချင်သလဲဆိုရင် ရခိုင်ပြဿနာဟာဆိုရင် မြန်မာနိုင်ငံရဲ့ ပြည်တွင်းရေး ကိစ္စဖြစ်ပါတယ်။ ရုရှားနိုင်ငံဟာ တခြားနိုင်ငံရဲ့ ပြည်တွင်း ရေးကိစ္စကို ဝင်ရောက်စွက်ဖက်မှု မလုပ်ပါဘူး။ ဘာဖြစ် လို့လဲဆိုတော့ တခြားနိုင်ငံရဲ့ ပြည်တွင်းရေးကိစ္စကို ဝင်ရောက်စွက်ဖက်မှုလုပ်ရင် ကောင်းတဲ့ရလဒ်တွေ ရနိုင် မှာ မဟုတ်ဘူးလို့ ထင်ပါတယ်။ မြန်မာနိုင်ငံအစိုးရ၊ မြန်မာ ပြည်သူပြည်သားတွေကသာ မြန်မာနိုင်ငံက ရင်ဆိုင်နေ ရတဲ့ ရခိုင်အရေးပြဿနာအပါအဝင် ပြဿနာတွေကို ဘယ်လိုအကောင်းဆုံး ဖြေရှင်းန်ိုင်မလဲဆိုတာ ပိုသိတယ်လို့ ယူဆမိပါတယ်။

ဒါကြောင့်မို့ နိုင်ငံတကာအသိုင်းအဝိုင်းက ဒီပြဿနာ ကို ဖြေရှင်းဖို့ အကူအညီပေးနိုင်တယ်။ ဒါပေမယ့် အပြု သဘောဆောင်တဲ့ အကူအညီပဲပေးရမယ်။ အပြစ်တင် တာ၊ ရှုတ်ချတာ၊ အရေးယူတာဆိုရင် ကျွန်တော်တို့က လက်မခံဘူး။ အပြုသဘောဆောင်တာ မဟုတ်ဘူးလို့ ယူဆမိပါတယ်။ ရခိုင်ပြဿနာကို မြန်မာနိုင်ငံနဲ့ ဘင်္ဂလား ဒေ့ရှ် ပူးတွဲပြီး ဖြေရှင်းဖို့ ကြိုးစားရပါမယ်။ ဒါကြောင့် ရုရှားနိုင်ငံက မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံတွေအနေနဲ့ အဲဒီပြဿနာကို မြန်မြန်ဖြေရှင်းဖို့ အားပေးပါတယ်လို့ ပြောချင်ပါတယ်။

မေး။ ။ ရခိုင်အရေးကိစ္စနဲ့ပတ်သက်ပြီးတော့ မြန်မာနိုင်ငံ အပေါ် စီးပွားရေးအရ အရေးယူပိတ်ဆို့မှုတွေလည်း ရှိနေပါတယ်။ အဲဒီဟာတွေက မြန်မာနိုင်ငံရဲ့ ဒီမိုကရေစီ လမ်းကြောင်းပေါ်ကို ကူးပြောင်းနေတဲ့ အချိန်ကာလမှာ မြန်မာနိုင်ငံရဲ့ စီးပွားရေး၊ နိုင်ငံရေးပြုပြင်ပြောင်းလဲမှုတွေ အပေါ်မှာ ဘယ်လိုအကျိုးသက်ရောက်မှုတွေဖြစ်စေ နိုင်သလဲဆိုတာ သိပါရစေ။

ဖြေ။ ။ အရေးယူမှု၊ ပိတ်ဆို့မှု၊ ဒဏ်ခတ်မှုကိုလက်မခံဘူး။ အထူးသဖြင့် ကုလသမဂ္ဂရဲ့ လုံခြုံရေးကောင်စီက ဆုံးဖြတ် ချက်မချရင် တခြားနိုင်ငံတွေအပေါ် အဲဒီအရေးယူမှု၊ ပိတ်ဆို့မှု ပြုလုပ်လို့မရဘူးလို့ ကျွန်တော်ယူဆမိပါတယ်။ ရခိုင်ပြဿနာနဲ့ပတ်သက်ပြီး အရေးယူမှု၊ ဒဏ်ခတ်မှုတို့ လုပ်ဖို့ ကျွန်တော်တို့ လက်မခံဘူး။ အပြုသဘောဆောင်တာ မဟုတ်ဘူး။ မြန်မာနိုင်ငံဟာ ဒီမိုကရေစီ အသွင်ကူးပြောင်း ဆဲအချိန်ကာလ ဖြစ်ပါတယ်။ ဒါကြောင့်မို့ အရေးယူရင်၊ ဒဏ်ခတ်ရင်၊ ပိတ်ဆို့ရင် အရင်ဖြစ်စဉ်ကို ထိခိုက်နိုင်မယ်။

အရေးယူမှု၊ ပိတ်ဆို့မှုကြောင့် သာမန်လူတွေ ဒုက္ခတွေ အများကြီး ရောက်နိုင်တယ်လို့ ယူဆမိပါတယ်။ ဒါကြောင့် ရခိုင်နဲ့ အခြားပြဿနာတွေကို ငြိမ်းချမ်းစွာ နိုင်ငံရေး နည်းလမ်းအရပဲ ဖြေရှင်းဖို့လိုပါတယ်။ ရုရှားနိုင်ငံကလည်း အဲဒီပြဿနာတွေကို ဖြေရှင်းဖို့ကြိုးစားပါတယ်။ ဘာဖြစ်လို့ လဲဆိုရင် ရုရှားနိုင်ငံဟာ ဘာသာစုံ၊ လူမျိုးစုံနေထိုင်တဲ့ နိုင်ငံတစ်နိုင်ငံဖြစ်ပါတယ်။ မြန်မာနိုင်ငံလိုပါပဲ။ ဒါကြောင့် ဒါမျိုးပြဿနာတွေကို ဘယ်လိုရှုပ်ထွေးသလဲ ကောင်းကောင်း နားလည်ပါတယ်။ ကျွန်တော်တို့နိုင်ငံမှာ ဗုဒ္ဓဘာသာဝင် တွေလည်း ရှိပါတယ်။ မူဆလင်တွေလည်း ရှိပါတယ်။ အဲဒီပြဿနာကို များများဖြေရှင်းဖို့ အရေးကြီးပါတယ်။ မြန်မာနိုင်ငံအစိုးရက အဲဒီပြဿနာဖြေရှင်းဖို့ အများကြီး ကြိုးစားနေတာကို တွေ့ရပါတယ်။

မေး။ ။ မြန်မာနိုင်ငံအစိုးရရဲ့ နောက်လာမယ့် သက်တမ်းမှာရော အစိုးရအနေနဲ့ ဘယ်လိုမျိုးဆက်လက် လုပ်ဆောင်သွားဖို့ အကြံပြုချင်ပါသလဲ။

ဖြေ။ ။ ကျွန်တော်အကြံမပြုချင်ပါဘူး။ ဘာဖြစ်လို့လဲဆို တော့ ကျွန်တော်ပြောတာထက် မြန်မာနိုင်ငံအစိုးရ၊ မြန်မာ ပြည်သူ ပြည်သားများက ပိုသိပါတယ်။ ဘာပြောင်းရမလဲ၊ ဘာလုပ်ရမလဲ။ အဲဒါနဲ့ပတ်သက်ပြီး ကျွန်တော်ဘာပြောနိုင် သလဲဆိုရင် ငြိမ်းချမ်းရေး အရေးကြီးပါတယ်။ ဒါကြောင့် လက်ရှိအစိုးရကလည်း ငြိမ်းချမ်းရေးရရှိဖို့ကို များစွာကြိုးစား ရပါမယ်။ စီးပွားရေး၊ လူမှုရေးနယ်ပယ်မှာ များစွာကြိုးစား ရပါမယ်။ သာမန်လူတွေရဲ့ လူနေမှုအဆင့်အတန်းမြင့်စေ ဖို့လည်း အင်မတန်အရေးကြီးပါတယ်လို့ ယူဆမိပါတယ်။

ရခိုင်နဲ့ပတ်သက်တဲ့ ရှုပ်ထွေးတဲ့ ပြဿနာတွေကို ဖြေရှင်းဖို့လည်း အစိုးရက ဆတက်ထမ်းပိုး ကြိုးစားမယ်လို့ မျှော်လင့်ပါတယ်။ ဒါပေမယ့် ကျွန်တော်က မြန်မာနိုင်ငံနဲ့ ပတ်သက်ပြီး မြန်မာနိုင်ငံ ဖွံ့ဖြိုးတိုးတက်ရေးနဲ့ပတ်သက်ပြီး အကောင်းမြင်ဝါဒီဖြစ်ပါတယ်။ မြန်မာနိုင်ငံဟာ ဖွံ့ဖြိုး တိုးတက်တဲ့၊ ငြိမ်းချမ်းတဲ့ နိုင်ငံတစ်နိုင်ငံ မုချဖြစ်ပါမယ်လို့ ခိုင်ခိုင်မာမာ ယုံကြည်ပါတယ်။ ကျွန်တော်တို့ ရုရှားနိုင်ငံက လည်း မြန်မာနိုင်ငံကို ချစ်ကြည်ရင်းနှီးတဲ့၊ တည်ငြိမ်တဲ့၊ ဖွံ့ဖြိုးတိုးတက်တဲ့ ဒီမိုကရေစီနိုင်ငံတစ်နိုင်ငံဖြစ်ဖို့ ဆန္ဒ ရှိပါတယ်။ မြန်မာနိုင်ငံမှာ ငြိမ်းချမ်းရေးနဲ့ ဖွံ့ဖြိုးတိုးတက် ရေးရရှိဖို့ဆန္ဒ များစွာရှိပါတယ်။ ကျွန်တော်က ဒီလောက်ပဲ ပြောချင်ပါတယ်။

ကျေးဇူးတင်ပါတယ် သံအမတ်ကြီး။

သတင်းအဖွဲ့