သတင်းစာဆရာ၊ စာရေးဆရာမကြီး လူထုဒေါ်အမာ၏ ၁ဝ၂ နှစ်ပြည့် မွေးနေ့ပွဲကို နိုဝင်ဘာ ၂၉ ရက် နံနက် ၉ နာရီက မန္တလေးမြို့ အမရပူရမြို့ နယ်အတွင်းရှိ တောင်လေးလုံး ကျောင်းတိုက်၌ ကျင်းပသည်။
အဆိုပါ အခမ်းအနားတွင် စာရေး ဆရာကြီးများဖြစ်ကြသည့် ကိုလေး (အင်းဝဂုဏ်ရည်)၊ မုံရွာဦးအောင်ရှင်၊ ရှေ့နေကြီး ဦးထွန်းအောင်ကျော်၊ ရှေ့နေ ဦးသိန်းသန်းဦးတို့က လူထု ဒေါ်အမာနှင့်ပတ်သက်၍ အမှတ်တရ စကားများပြောကြားပြီး တက်ရောက် လာကြသည့် ကဗျာဆရာများက လူထုဒေါ်အမာအား ဂုဏ်ပြုကဗျာများ ရွတ်ဆိုပေးခဲ့ကြသည်။
ဆရာမကြီး လူထုဒေါ်အမာသည် မတရားမှု၊ အဓမ္မမှုများကို ကလောင် လက်နက်ဖြင့် ဆန့်ကျင်ကာ ဆရာကြီး သခင်ကိုယ်တော်မှိုင်း၏ စာပေအယူ အဆများဖြစ်သည့် ငြိမ်းချမ်းရေး၊ လူတန်းစားဘက်မှ ရပ်တည်ရေး၊ အမျိုးသားရေးနှင့် စာပေယဉ်ကျေးမှု အနုပညာဟူသည့် အချက်လေးချက် ကိုဆွဲကိုင်ပြီး ပြည်သူဘက်မှ ရပ်တည် ပေးခဲ့သူတစ်ဦးဖြစ်ကြောင်း မန္တလေး မြို့ခံ စာရေးဆရာကြီး ဆရာဆူးငှက် က အဆိုပါ မွေးနေ့ပွဲတွင် ပြောသည်။
''ဆရာမကြီးရဲ့ မွေးနေ့ပွဲကို အသက် ၇ဝ ပြည့်ကတည်းက ဒီတောင်လေး လုံးကျောင်းတိုက်မှာ ကျင်းပခဲ့တာ အခုအချိန်အထိပါပဲ။
''ဆရာမကြီးက ၂ဝဝ၈ ခုနှစ်က ကွယ်လွန်ခဲ့ပါတယ်၊ ဆရာမကြီးရဲ့ ဂုဏ်ကျေးဇူးကို အောက်မေ့သော အားဖြင့် စာပေချစ်သူတွေ၊ ရဟန်း ရှင်လူတွေ၊ ဆရာမကြီးကို ချစ်တဲ့သူ တွေ အားလုံးပူးပေါင်းပြီး ဂါရဝပြုတဲ့ အနေနဲ့ ဒီပွဲလေးကိုကျင်းပတာပါ၊ ဆရာမကြီးရဲ့ လုပ်ဆောင်ချက်တွေက မြန်မာန်ိုင်ငံ လွတ်လပ်ရေးအတွက် သော်လည်းကောင်း၊ မြန်မာန်ိုင်ငံ ဒီမိုကရေစီရေးအတွက်သော်လည်း ကောင်း၊ နောင်မျိုးဆက်တွေကို အင်အားဖြစ်စေတဲ့အတွက် ဒီအခမ်း အနားကို တက်ရောက်ပြီး ဆရာမကြီး ရဲ့ ဂုဏ်ကျေးဇူးကို အသိအမှတ်ပြု လေးစားဂါရဝပြုခြင်းဖြစ်ပါတယ်''ဟု၎င်းက ပြောသည်။
ထို့ပြင် ဆရာမကြီး လူထုဒေါ်အမာ ၏ သားဖြစ်သူ စာရေးဆရာ ညီပုလေး ကလည်း ''ဒီပွဲမှာမလာနိုင်တဲ့ သူတွေ ရှိလို့ ဝမ်းနည်းရသလို အစဉ်အလာ မပျက် ကျင်းပတဲ့ ပွဲကို အခုလို သိုက်သိုက်ဝန်းဝန်းနဲ့ လာကြတဲ့ အတွက် ဝမ်းသာရပါတယ်၊ အမေရှိ ရင်လည်း ဝမ်းသာမယ်ထင်ပါတယ်၊ နိုင်ငံတကာဆောင်းပါးတွေ၊ ကမ္ဘာ့ နိုင်ငံရေးဆောင်းပါးတွေ တစ်လျှောက် လုံး ရေးလာခဲ့တဲ့ အမေက အများကြီး မဟုတ်တောင် သူ့ထင်မြင်ချက်ကို ဒီပွဲမှာ နည်းနည်းတော့ပြောမှာပါ၊ ဒီပွဲမှာ အမေ့ကို သတိရတယ်၊ ခံစားမှုအတိုင်းပြောရရင် တကယ့်ကို ဝမ်းနည်းဝမ်းသာပါပဲ''ဟု ပြောသည်။
ဆရာမကြီး လူထုဒေါ်အမာ၏မွေးနေ့ပွဲသို့ မန္တလေး ဒေသခံ စာရေး ဆရာများ၊ ကဗျာဆရာများ၊ သတင်း မီဒီယာသမားများနှင့်အတူ နှစ်စဉ် အနယ်နယ် အရပ်ရပ်မှ စာပေသမား များ အစဉ်အလာမပျက် တက်ရောက် ကြပြီး လူထုဒေါ်အမာနှင့် ပတ်သက် သည့်အမှတ်တရစာစု၊ စာအုပ်များ ဝေငှခဲ့ကြသည်။
သတင်းစာဆရာ၊ စာရေးဆရာမ ကြီး လူထုဒေါ်အမာကို ၁၉၁၅ ခုနှစ် နိုဝင်ဘာ ၂၉ ရက်တွင် မန္တလေးမြို့ ဂုန္တန်ရပ်၌ အဖဦးထင်၊ အမိဒေါ်စုတို့ က မွေးဖွားခဲ့ပြီး ၁၉၄၅ ခုနှစ်တွင် လူထု ဂျာနယ် လက်ထောက်အယ်ဒီတာ၊ ၁၉၄၆ ခုနှစ်တွင် လူထုသတင်းစာ အယ်ဒီတာအဖြစ် ဆောင်ရွက်ခဲ့ ကာ သတင်းစာ ခေါင်းကြီးများ၊ သတင်းဆောင်းပါးများ၊ နိုင်ငံရေး ဝေဖန်ချက်များ၊ ယဉ်ကျေးမှုရေးရာ စာတမ်းများ၊ ဆောင်းပါးများ၊ ဘာသာ ပြန်များစသည့် စာအုပ်စာတမ်းများစွာ ရေးသားပြုစုခဲ့သည်။ လူထုဒေါ်အမာ သည် ကွယ်လွန်ချိန်အထိ ပြည်သူ လူထု၏ အကျိုးစီးပွားအတွက် အကျိုး ပြုစာပေများ၊ ဆောင်းပါးများရေးသား ခဲ့ကာ ၂ဝဝ၈ ခုနှစ် ဧပြီ ၇ ရက် အသက် ၉၃ နှစ် အရွယ်တွင် ကွယ်လွန်ခဲ့ ကြောင်း သိရသည်။
မင်းထက်အောင်(မန်းကိုယ်ပွား)
No comments:
Post a Comment