မြန်မာ့အလင်းအယ်ဒီတာအာဘော်
လေဆိပ်အဝင်၌ လူပုဂ္ဂိုလ်သုံးဦး သေနတ်နှစ်လက်၊ ကျည်ဆန်များနှင့်အတူ သယ်ယူလာသည်ကို လေဆိပ်လုံခြုံရေးက ဖမ်းဆီးရမိသည်ဟု သတင်းများ အရသိရသည်။ ၂ဝ၁၇ ခုနှစ် အောက်တိုဘာ ၁၅ ရက် ည ၇ နာရီ ကျော်အချိန်က နေပြည်တော်မှ ရန်ကုန်သို့ မြန်မာအမျိုးသား လေကြောင်းလိုင်း (MNA) ဖြင့် ထွက်ခွာမည်အပြုတွင် စစ်ဆေးတွေ့ ရှိခြင်း ဖြစ်ပါသည်။
ယင်းနှင့် ဆက်စပ်၍ အဆိုပါ သုံးဦးနှင့် ဆက်စပ်ပတ်သက်နေထိုင်ရာ ဟိုတယ်ကို ဆက်လက်ရှာဖွေရာ လက်နက်များ ထပ်မံတွေ့ရှိဖမ်းဆီးမိ ပြန်သည်။ မူးယစ်ဆေးဝါးအချို့လည်း တွေ့ရှိဖမ်းဆီးမိသည့်အတွက် မူးယစ်မှုရော လက်နက်မှုများနှင့်ပါ အရေးယူထားပြီး ဆက်လက် စစ်ဆေး လျက်ရှိသည်ဟုလည်း နောက်ဆက်တွဲသတင်းများက ဆိုသည်။
လေယာဉ်ပေါ်သို့ လက်ဆွဲသယ်ယူရာတွင် ဓားပါသည့် လက်သည်း ညှပ်ပင် သယ်ယူ၍ ရတာမဟုတ်။ ခဲတံချွန်သည့်ဓားပင် အမှတ်တမဲ့သယ်ယူ သွားခွင့်ရှိတာမဟုတ်။
ယခုတွေ့ရှိသည်က သေနတ်များ။
လက်နက်ဆိုသည်က မည်သူ့လက်ထဲမှာရှိရှိ အလွန်အ္တရာယ်ကြီး တာဖြစ်သည်။ တာဝန်အရ အမှန်တကယ်လိုအပ်၍ စနစ်တကျကိုင်တွယ် သုံးစွဲတတ်သူတို့လက်ထဲမှာပင် မတော်တဆမှုများ ရှိနေတတ်တာဖြစ်သည်။
ကိုယ့်ကိုယ်ကိုယ် ကာကွယ်ရန်ဟူသောအကြောင်းပြချက်ဖြင့် သေနတ် ကိုင်ဆောင်မှုကို လိုင်စင်ဖြင့် ကိုင်တွယ်ခွင့်ပြုထားသော အမေရိကန်လို နိုင်ငံမှာ၊ သေနတ်ကို လွယ်လွယ်ကူကူ ဝယ်ယူကိုင်ဆောင်လာနိုင်သည့်အခါ မည်မျှလောက် ဆိုးရွားရက်စက်သည့် ပစ်ခတ်သတ်ဖြတ်မှုများ ဖြစ်ပွားခဲ့ သည်ဆိုတာ အများအသိ။
ယခုကဲ့သို့ လက်နက်များ၊ ကျည်ဆန်များ၊ စနိုက်ပါ မှန်ပြောင်းနှင့် အခြားလက်နက်ဆက်စပ်ပစ္စည်းများ ဖမ်းဆီးရမိမှုကြောင့် ပြည်သူ လူထုအတွက် လွန်စွာအ္တရာယ်ကြီးသည့် ခြိမ်းခြောက်မှုများရှိနေသည်ဟု ယူဆပါသည်။
အထူးသဖြင့် အစိုးရထိပ်ပိုင်းခေါင်းဆောင်များ၊ နိုင်ငံရေး ခေါင်းဆောင်များ၏ လုံခြုံရေးကိစ္စကို ပေါ့ပေါ့ဆဆ သဘောမထားသင့် ဟု မြင်ပါသည်။
မြန်မာနိုင်ငံ ပြည်သူလူထုအများစုမှာ ငြိမ်းချမ်းရေးကိုလိုလားသူ၊ မေတ္တာတရားကို တန်ဖိုးထားသူတို့ ဖြစ်သော်လည်း သည်နိုင်ငံထဲမှာပဲ အချို့သော ရမ်းကားယုတ်မာသူတို့ ရှိနေသည်ဆိုတာကို မမေ့သင့်။
မဖြစ်ခင်မှာ ကြိုတင်ကာကွယ်ကာ သတိကြီးကြီး ရှိကြဖို့လိုပါမည်။ ဖြစ်ပြီးသည့်အခါ ဘာမှမတတ်နိုင်တော့ဆိုသည့် အဖြစ်အပျက်များက သမိုင်းတွင် ကြုံဖူးသိဖူးခဲ့ကြပြီးဖြစ်သည်။
သတ်ဖြတ်ခံရသူများ ပျက်စီးဆုံးရှုံးခဲ့ရသည်မျှမက တရားခံကိုပင် ထိထိရောက်ရောက် အရေးမယူနိုင်သည့် ရက်ရက်စက်စက် သတ်ဖြတ် ခံခဲ့ရမှုများကလည်း ပုံပြင်မဟုတ်။ ငါးလောင်းပြိုင် လူသတ်မှု၊ အမျိုးသား ဒီမိုကရေစီအဖွဲ့ချုပ် တရားဥပဒေအကြံပေး ဦးကိုနီ လုပ်ကြံခံရမှု စသည်တို့ က ချက်ချင်းဆွဲထုတ်ပြ၍ ရနိုင်သည့် နမူနာများ။
အဓိက ဖမ်းဆီးရမိထားသူများနှင့် ပတ်သက်၍ အုပ်ချုပ်ရေး မဏ္ဍိုင်ဖြစ်သော အစိုးရ၊ အထူးသဖြင့် ပြည်ထဲရေးဝန်ကြီးဌာနနှင့် ရဲ တပ်ဖွဲ့ဝင်များ၊ တရားရေးမဏ္ဍိုင်ဖြစ်သည့် တရားစီရင်ရေးဌာနတို့က ဥပဒေကြောင်းများအတိုင်း ဆက်လက် စိစစ်အရေးယူသွားကြမည်ဟု နားလည်ပါသည်။ ထို့အတူ ဥပဒေပြုရေးမဏ္ဍိုင်မှ လွှတ်တော်အသီးသီး ကလည်း လက်နက်ကိုင်ဆောင်မှုနှင့် ပတ်သက်သည့် ဥပဒေများကို ဘက်စုံ ဆန်းစစ်လေ့လာကြလိမ့်မည်ဟု ယူဆပါသည်။
စတုတ္ထမဏ္ဍိုင် သတင်းစာအနေဖြင့်မူ သည်လိုဖြစ်ရပ်များကို တာဝန် ရှိသူများအနေဖြင့် ပေါ့ပေါ့တန်တန် သဘောမထားသင့်ကြောင်း၊ အလေးအနက် စဉ်းစားရန်လိုကြောင်းနှင့် နိုင်ငံအတွက်အရေးပါသော ခေါင်းဆောင်တို့၏ လုံခြုံရေးကို အထူးတလည် အလေးထားကာ အရေးတယူ ဆောင်ရွက်ကြရန် လိုအပ်သည်ဟူ၍ ရှုမြင်သုံးသပ်မိ ပါကြောင်း။ ။
No comments:
Post a Comment