ရှေ့ဆက်မည့်ခြေလှမ်းများ ညီညာကြပါစေ

1. မြန်မာ့အလင်းအယ်ဒီတာအာဘော်
   
   ၁၉၄၈ ခုနှစ်တွင် ကိုလိုနီနယ်ချဲ့လက်အောက်မှ လွတ်မြောက်ခဲ့သော မြန်မာနိုင်ငံသည် လွတ်လပ်ရေး၏ နောက်ဆက်တွဲအဖြစ် ပြည်တွင်း လက်နက်ကိုင်ပဋိပက္ခတည်းဟူသော သမိုင်း၏ဆိုးမွေကိုပါ လက်ခံလိုက်ရ သည်။ တစ်မြေတည်းနေ တစ်ရေတည်းသောက် သွေးရင်းသားရင်း ညီရင်း အစ်ကိုတို့အကြား နယ်ချဲ့တို့ထားရစ်ခဲ့သည့် သံသယနှင့် အမုန်းတရားတို့ က  လက်နက်ကိုင်ပဋိပက္ခနှင့် စစ်မီးလျှံတို့ကို တောက်လောင်စေခဲ့ရာ လက်နက်ဆွဲကိုင်တိုက်ခိုက်ကြသူများ သောင်းနှင့်ချီ၍ သေကျေခဲ့ကြရပြီး စစ်၏ဘေးဒဏ်ကိုလည်း သိန်းနှင့်ချီသော ပြည်သူများ နှစ်ပရိ္ဆေဒများစွာ ခံစားခဲ့ကြရသည်။
   အစိုးရအဆက်ဆက်တို့က အပစ်အခတ်များရပ်စဲရေး၊ ငြိမ်းချမ်းရေးတို့ အတွက် နည်းအမျိုးမျိုးဖြင့် ကြိုးပမ်းခဲ့ကြသည့်တိုင် အရာမထင်ခဲ့။ ဒီမို ကရေစီခေတ်တွင်မူ နိုင်ငံရေးကို အခြားနည်းဖြင့် မဖြေရှင်းဘဲ နိုင်ငံရေး နည်းလမ်းဖြင့်ပင် ဖြေရှင်းရန်အတွက် ကြိုးပမ်းခဲ့ရာ အစိုးရနှင့်တိုင်းရင်း သား လက်နက်ကိုင် ၁၄ ဖွဲ့တို့အကြား အပစ်အခတ်ရပ်စဲရေး သဘောတူ ညီချက် ချုပ်ဆိုနိုင်ခဲ့သည်။ သို့ရာတွင် ရေရှည်တည်တံ့ခိုင်မြဲသည့် ငြိမ်းချမ်း ရေးသို့သွားရာတွင်မူ အပစ်အခတ်ရပ်စဲရုံမျှနှင့် လုံလောက်သည်မဟုတ် သောကြောင့် နိုင်ငံရေးဆွေးနွေးပွဲများ ကျင်းပသွားနိုင်ရေး၊ ဆွေးနွေး အဖြေရှာမှုများပြုလုပ်နေစဉ်ကာလအတွင်း ပစ်ခတ်တိုက်ခိုက်မှုများရပ် ဆိုင်းထားနိုင်ရေးတို့အတွက် ငြိမ်းချမ်းရေးဖြစ်စဉ်တစ်ခုကို အကောင် အထည်ဖော်ခဲ့သည်။
   ယင်းဖြစ်စဉ်အရ   ''တစ်နိုင်ငံလုံး  ပစ်ခတ်တိုက်ခိုက်မှုရပ်စဲရေး သဘောတူညီချက်''(Nationwide  Ceasefire  Agreement-NCA) ၊ တိုက်ပွဲများလျှော့ချရပ်ဆိုင်းနိုင်ရေးအတွက် ''ပစ်ခတ်တိုက်ခိုက် မှု ရပ်စဲရေးဆိုင်ရာ ပူးတွဲစောင့်ကြည့်ကြီးကြပ်ရေးကော်မတီ''(JMC)၊ နိုင်ငံရေးဆွေးနွေးပွဲများ အကောင်အထည်ဖော်ရေးအတွက် ''ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ'' (UPDJC) တို့ကို ဖွဲ့စည်းခဲ့ ခြင်းဖြစ်သည်။ ဝေါဟာရအမည်နာမများနှင့် အတိုကောက်စာလုံးများက  သာမန်ပြည်သူတို့အဖို့ နားထွေးဖွယ်ရာဖြစ်သော်လည်းNCAခေါ် ငြိမ်းချမ်းရေးသို့ဦးတည်သည့် လုပ်ငန်းစဉ်များကို အကောင်အထည်ဖော်   နေသည်။ အဆိုပါ လုပ်ငန်းစဉ်အရ ပစ်ခတ်တိုက်ခိုက်မှုများကို ရပ်ဆိုင်း ထားမည်။ အမှန်တကယ်ရပ်ဆိုင်းထားခြင်း ရှိ မရှိ  အဖွဲ့အစည်းတစ်ရပ် ဖြင့် စောင့်ကြည့်နေသည်။ တစ်ဖက်တွင်လည်း နိုင်ငံရေးဆွေးနွေးပွဲများ ကျင်းပသွားခြင်းဖြင့် ထာဝရငြိမ်းချမ်းရေးကိုရယူရန် ကြိုးပမ်းနေကြခြင်း ဖြစ်သည်ဟု  ယေဘုယျအားဖြင့် နားလည်ထားကြရမည်  ဖြစ်သည်။ ယခုအခါ NCAသည် နှစ်နှစ်တာခရီးသို့  ရောက်ရှိခဲ့ပေပြီ။
   ''တကယ်တော့NCA ဆိုတာ ကျွန်မတို့ပြည်ထောင်စုရဲ့ အမျိုးသား ပြန်လည်သင့်မြတ်ရေးရဲ့ စတင်မှုတစ်ရပ်လို့ ဆိုနိုင်ပါတယ်။NCAဟာ လမ်းဆုံးခရီးမဟုတ်ပါဘူး။NCA ကနေ နိုင်ငံရေးဆွေးနွေးပွဲတွေ တက်လှမ်းမယ့် ငြိမ်းချမ်းရေးညီလာခံတံခါးကို ဖွင့်လှစ်ပေးလိုက်ခြင်းဖြစ် တယ်ဆိုတာကို ဒီကနေ့ ထပ်လောင်းပြောကြားလိုပါတယ်။ တစ်ဆက်တည်း မှာပဲNCAထွက်ပေါ်လာအောင် ညှိနှိုင်းဆောင်ရွက်ခဲ့ကြတဲ့ သမ္မတကြီး ဦးသိန်းစိန်နဲ့တကွ အခြားပါဝင်ခဲ့တဲ့ ပုဂ္ဂိုလ်တွေအားလုံးကို ကျေးဇူးတင် ကြောင်း ထပ်လောင်းပြောပါရစေ''ဟု NCA(၂)နှစ်မြောက် နှစ်ပတ် လည်နေ့ အထိမ်းအမှတ်အခမ်းအနားတွင်  အမျိုးသားပြန်လည်သင့်မြတ် ရေးနှင့် ငြိမ်းချမ်းရေးဗဟိုဌာနဥက္ကဋ္ဌ        နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့သည်။
   NCAသည်  လက်နက်ကိုင်တိုက်ခိုက်ခြင်းအစား  စားပွဲဝိုင်းတွင်  တွေ့ဆုံဆွေးနွေး   အဖြေရှာခြင်းဖြစ်သည်။   လက်ရုံးရည်၏နေရာတွင် နှလုံးရည်ဖြင့် အစားထိုးခြင်းဖြစ်သည်။NCA သည်နတစ်ဖက်သတ် ပြဋ္ဌာန်းထားချက်များမဟုတ်ဘဲ တိုင်းရင်းသားလက်နက်ကိုင်အဖွဲ့များ၏ တင်ပြချက်များအပေါ်တွင်  အခြေခံပြီး   အစိုးရက  ညှိနှိုင်းခြင်းဖြင့် ထွက်ပေါ်လာခြင်းဖြစ်သည်။NCAသဘောတူညီချက်ထွက်ပေါ်လာရေး တွင် စိတ်ရှည်သည်းခံခြင်း၊ သဘောထားကြီးခြင်း၊ အနစ်နာခံကြိုးပမ်း အားထုတ်ခြင်း၊ သူ့တာကိုယ့်တာဝိုင်းဝန်းကြိုးပမ်းခဲ့ခြင်းစသော တန်ဖိုး များလည်း ပေါင်းစပ်ပါဝင်လျက်ရှိသည်။
   NCAသည် ခရီးဆုံးမဟုတ်သည့်တိုင် လက်မှတ်ရေးထိုးထားသည့်  အဖွဲ့အစည်းများ၏ နယ်မြေဒေသများတွင် ပဋိပက္ခများလျှော့ချနိုင်ခဲ့ပြီ။  ယမ်းငွေ့နှင့်သေနတ်သံတို့ကင်းစင်ကာ ဒေသခံပြည်သူတို့၏ လူမှုဘဝများ သိသာစွာ တိုးတက်ပြောင်းလဲလာခဲ့ပြီဖြစ်သည်။ တိုင်းရင်းသားပြည်သူတို့ ၏ တစ်သက်တာမျှော်လင့်ချက်အိပ်မက်ဖြစ်သော ထာဝရငြိမ်းချမ်းရေး အတွက် ရှေ့ဆက်မည့်ခြေလှမ်းများ ညီညာကြပါစေကြောင်း။      ။