နေပြည်တော် ဇန်နဝါရီ ၂၆
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်းသည် ဇန်နဝါရီ ၂၅ ရက် နံနက်ပိုင်းက ကိုကိုးကျွန်းမြို့သို့ ရောက်ရှိပြီး ကိုကိုးကျွန်းဆိပ်ခံတံတားတည်ဆောက်ပြီးစီးမှုကို ကြည့်ရှုစစ်ဆေးသည်။ထို့နောက် ကျွန်းပတ်လမ်းအတိုင်း မော်တော်ယာဉ်များဖြင့် လှည့်လည်ကြည့်ရှုကြပြီး ကိုကိုးကျွန်းပတ်လမ်းမှ ကြွက်ကျွန်းသို့သွားသည့် မြေသားလမ်းဖောက်လုပ်ရန် လျာ ထားမှုကို ကြည့်ရှုစစ်ဆေးသည်။
မွန်းလွဲပိုင်းတွင် ကိုကိုးကျွန်းမြို့နယ်ခန်းမ၌ ကိုကိုးကျွန်းမြို့ရှိ ဌာနဆိုင်ရာ ဝန်ထမ်း များ၊ ရပ်မိရပ်ဖများနှင့် ဒေသခံပြည်သူများအားတွေ့ဆုံသည်။
ယင်းနောက် ဒုတိယတပ်မတော်ကာကွယ်ရေးဦးစီးချုပ်သည် ကိုကိုးကျွန်းမြို့ နယ် ပြည်သူ့ဆေးရုံသို့ရောက်ရှိကြပြီး ဆေးရုံအတွင်း လှည့်လည်ကြည့်ရှုကာ ဆေးရုံ တက်ရောက်ကုသလျက်ရှိသော လူနာများအား နှုတ်ဆက်အားပေးသည်။
ညနေပိုင်းတွင် ကိုကိုးကျွန်းတပ်နယ်ခန်းမ၌ တပ်နယ်မှအရာရှိ၊ စစ်သည်၊ မိသားစု များအား တွေ့ဆုံသည်။
ထို့နောက် ရေတပ်စခန်းဌာနချုပ်ရှိ တပ်မိသားစုဝင်များနှင့် ဒေသခံပြည်သူများ က အုန်းထွက်ပစ္စည်းများဖြင့်ပြုလုပ်သည့် အိမ်အလှဆင်ပစ္စည်းများနှင့် အိမ်သုံးပစ္စည်း များ ထုတ်လုပ်နေမှု၊ အုန်းဆီသန့်စက်ရုံအတွင်း အုန်းဆီသန့်ထုတ်လုပ်နေမှုတို့ကို ကြည့်ရှုစစ်ဆေးသည်။
ယင်းနောက် ရေတပ်စခန်းဌာနချုပ်ရှိ စိုက်ပျိုးမွေးမြူရေးခြံအတွင်း ဥစားကြက်၊DYL ဝက်နှင့် နို့စားနွားများမွေးမြူထားရှိမှု၊Green House ဖြင့် သီးနှံပင်များ စိုက်ပျိုးထားရှိမှုတို့ကို ကြည့်ရှုစစ်ဆေးခဲ့ကြောင်း သတင်းရရှိသည်။
(သတင်းစဉ်)
No comments:
Post a Comment