ယခုဆိုရင် ၂ဝ၁၆ ခုနှစ် ကုန်ဆုံးလို့ ၂ဝ၁၇ နှစ်သစ် အခါသမယကို ရောက်ရှိလာပြီဖြစ်ပါတယ်။ ၂ဝ၁၆ ခုနှစ်ဟာ ထူးခြားတဲ့ဖြစ်စဉ်ဖြစ်ရပ်များနဲ့ ကျော်လွှားခဲ့ ရတာကိုလည်း တွေ့ရပါတယ်။ ပထမအချက်အနေနဲ့ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် ပါတီဦးဆောင်တဲ့အစိုးရ ပြောင်းလဲတာဝန်ယူခဲ့ပြီး ဒီလုပ်ငန်းစဉ်တွေ အောင်မြင်အောင် တပ်မတော်က ဝိုင်းဝန်းပူးပေါင်းဆောင်ရွက်ပေးခဲ့ပါတယ်။
တိုင်းရင်းသားလက်နက်ကိုင်အဖွဲ့တွေကြောင့် ကချင် ပြည်နယ်အချို့ဒေသ၊ ရှမ်းပြည်နယ်အရှေ့မြောက်ဒေသ၊ ရခိုင်ပြည်နယ်မြောက်ပိုင်းဒေသတွေမှာ တည်ငြိမ်အေးချမ်း မှုပျက်ပြားခဲ့ရပြီး ပြည်သူလူထုရဲ့ အသက်အိုးအိမ် စည်းစိမ်တွေ ထိခိုက်လာတဲ့အတွက် တပ်မတော်က အသက်သွေး ချွေးများစွာပေးဆပ်ပြီး တည်ငြိမ်အေးချမ်းအောင် ထိန်းသိမ်းဆောင်ရွက်ပေးခဲ့ပါတယ်။
နိုင်ငံတော်ရဲ့ အချုပ်အခြာအာဏာတည်တံ့ခိုင်မြဲရေး၊ ပြည်သူလူထုရဲ့ အသက်အိုးအိမ်စည်းစိမ်နဲ့ အကျိုးစီးပွားများကို ကာကွယ်စောင့်ရှောက်ရေး၊ နိုင်ငံတော်အစိုးရရဲ့ လုပ်ငန်းတာဝန်အရပ်ရပ်ကို ထိပါးလာမှုတွေကို ကာကွယ် ပေးဖို့တာဝန်ရှိတဲ့အတိုင်း တပ်မတော်က ဆောင်ရွက်ခဲ့ခြင်း ဖြစ်ပါတယ်၊။
ပြည်ထောင်စုငြိမ်းချမ်းရေးညီလာခံ-(၂၁) ရာစု ပင်လုံကိုလည်း စတင်ကျင်းပနိုင်ခဲ့ပါတယ်။ ဒါတွေ အားလုံးဟာ တိုင်းရင်းသားပြည်သူလူထုတစ်ရပ်လုံးက ပူးပေါင်းဆောင်ရွက်မှုတွေကြောင့် အောင်မြင်ခဲ့တယ် ဆိုတာကို တွေ့ရှိရမှာဖြစ်ပါတယ်။
၂ဝ၁၇ ခုနှစ်ကာလမှာ နိုင်ငံတော်တည်ငြိမ် အေးချမ်းရေး၊ ဖွံ့ဖြိုးတိုးတက်ရေး၊ ဒီမိုကရေစီနှင့်ဖက်ဒရယ် စနစ်ကိုအခြေခံတဲ့ ပြည်ထောင်စုနိုင်ငံကြီးပေါ်ထွန်းရေး တို့အတွက် တပ်မတော်အနေနဲ့ ဆက်လက်ကြိုးပမ်းဆောင် ရွက်သွားမှာဖြစ်ပါတယ်။ ဒါတွေအားလုံးကိုလည်း ပြည်သူတစ်ရပ်လုံးကလည်း ပူးပေါင်းဆောင်ရွက်ပေးကြဖို့ မေတ္တာရပ်ခံပါတယ်။ နိုင်ငံတော်ကြီးဖွံ့ဖြိုးတိုးတက်ရေးအတွက် ပြည်သူလူထုတစ်ရပ်လုံးက ဝိုင်းဝန်းပူးပေါင်း ပါဝင်ဆောင်ရွက်ပေးပါလို့လည်း နှိုးဆော်လိုပါတယ်။ အားလုံးကိုယ်စိတ်နှစ်ဖြာ ကျန်းမာချမ်းသာပါစေကြောင်း ဆုတောင်းအပ်ပါတယ်ခင်ဗျာ။
No comments:
Post a Comment