တိုက်ခိုက်သူတွေနဲ့ ပူးပေါင်းပါဝင်ခဲ့သူတွေကို ဖော်ထုတ်အရေးယူနိုင်ရေး ပူးပေါင်းဆောင်ရွက်နေ

စစ်တွေ နိုဝင်ဘာ ၁

ရခိုင်ပြည်နယ် မောင်တောခရိုင် အမှတ် (၁) နယ်ခြားစောင့် ရဲကွပ်ကဲမှုဌာနချုပ် (ကျီးကန်းပြင်)၊ ကိုးတန်ကောက်ရဲကင်းစခန်းနှင့် ငါးခူရနယ်မြေရုံးတို့သို့ အောက်တိုဘာ ၉ ရက် နံနက်ပိုင်းက အကြမ်းဖက်သမားများက အလစ်အငိုက်ရယူ၍ အကြမ်းဖက်စီးနင်းတိုက်ခိုက်မှုကြောင့် မြန်မာနိုင်ငံရဲတပ်ဖွဲ့ဝင် စုစုပေါင်း ကိုးဦးကျဆုံးခဲ့ပြီး လက်နက်ငယ် မျိုးစုံ၊ ကျည်မျိုးစုံနှင့် ဆက်စပ်ပစ္စည်းများ ဆုံးရှုံးခဲ့ရသည်။ နယ်မြေဒေသမငြိမ်သက်မှုများကြောင့် ဒေသခံတိုင်းရင်းသားများသည် ကြောက်ရွံ့ထိတ်လန့်ပြီးနေရပ်မှ ထွက်ပြေးတိမ်းရှောင်ခဲ့ကြရသည်။ ယခုအခါ နယ်မြေလုံခြုံရေးကို ထိန်းချုပ်နိုင်ခဲ့ပြီဖြစ်ရာ ဒေသခံတိုင်းရင်းသားများ ကယ်ဆယ်ရေးစခန်းများမှ မိမိတို့နေရပ်ဒေသအသီးသီးသို့ ပြန်လည်ထွက်ခွာ နေကြပြီဖြစ်သည်။ 

နေရပ်ရွာများတွင် စိုက်ပျိုးခဲ့ကြသည့် စပါးများ ရင့်မှည့်နေပြီဖြစ်သည့်အပြင် ကျွဲ၊ နွားများလည်း ကျန်ခဲ့သဖြင့် ကယ်ဆယ်ရေး စခန်းများမှ နေ့စဉ်ထွက်ခွာလျက်ရှိသည်။

အခြေအနေမှန်များ 

မောင်တောခရိုင်အတွင်း တိုက်ခိုက်မှုများ စတင်ဖြစ်ပွားခဲ့သည်မှ ယနေ့အထိ ပြည်ထောင်စုအစိုးရအဖွဲ့၊ ပြည်နယ်အစိုးရ အဖွဲ့နှင့် အလှူရှင်အဖွဲ့အစည်းများက နယ် မြေလုံခြုံရေး၊ ထောက်ပံ့ရေးနှင့် ကယ်ဆယ်ရေးလုပ်ငန်းများ ဆောင်ရွက်လျက်ရှိသည်။ တပ်မတော်နှင့် မြန်မာနိုင်ငံရဲတပ်ဖွဲ့ကလည်း နယ်မြေရှင်းလင်းရေးလုပ်ငန်းများကို စနစ်တကျဆောင်ရွက်လျက်ရှိသည်။ သို့ရာတွင် အဖြစ်အပျက်အမှန်များကို ပုံဖျက်ကာ ပြည်ပ အခြေစိုက်အဖွဲ့အစည်းများက မီဒီယာကို အသုံးချ၍ အမှန်တရားကို ဝေဝါးစေမှုများလည်း လုပ်ဆောင်လျက်ရှိသည်။

ရခိုင်ပြည်နယ် မောင်တောခရိုင်အတွင်း နယ်မြေလုံခြုံရေးနှင့် ထောက်ပံ့ဖြည့်ဆည်း ရေးလုပ်ငန်းများကို တာဝန်ယူဆောင်ရွက် နေသည့် တာဝန်ရှိသူများနှင့် ကယ်ဆယ်ရေး စခန်းများမှ နေရပ်သို့ ပြန်လည်ထွက်ခွာလာ သူတချို့ကို အခြေအနေမှန်များ သိရှိရန် ကွင်းဆင်းတွေ့ဆုံမေးမြန်းခဲ့သည်။

ပူးပေါင်းဆောင်ရွက်

''အကြမ်းဖက်တိုက်ခိုက်မှုဖြစ်ပွားခဲ့တဲ့ မောင်တောခရိုင်အတွင်းမှာ နယ်မြေရှင်းလင်းရေးကို တရားဥပဒေနဲ့အညီ ဆောင်ရွက် နေပါတယ်။ လက်ရှိမှာတော့ ကျွန်တော်တို့က ရည်မှန်းချက်သုံးရပ်နဲ့ ဆောင်ရွက်နေပါတယ်။ အဲဒီအချက်တွေကတော့ အကြမ်းဖက်တိုက် ခိုက်သူတွေ လက်ထဲပါသွားတဲ့ လက်နက်များ ပြန်ရရှိရေးကို တပ်မတော်၊ ရဲတပ်ဖွဲ့နဲ့ ရပ်ကျေးအဖွဲ့တွေ ပူးပေါင်းဆောင်ရွက်နေ ခြင်းဖြစ်ပါတယ်။ နောက်တစ်ချက်က လက်နက်ကိုင် တိုက်ခိုက်မှုများဖြစ်ပွားရာမှာ ကိုယ်တိုင်ပါဝင်ပတ်သက်သူတွေကို ဖော်ထုတ် ပြီး တရားဥပဒေနဲ့အညီ ပြတ်သားစွာအရေး ယူသွားမှာဖြစ်ပါတယ်။ ဒီလိုဆောင်ရွက်တဲ့ အခါမှာ စစ်ဆင်ရေးဧရိယာအတွင်း နယ်မြေ တွေပိုင်းဖြတ်ပြီး စနစ်တစ်ကျဆောင်ရွက်သွားမှာဖြစ်ပါတယ်။ နောက်တစ်ချက်ကတော့ အဲဒီတိုက်ခိုက်သူတွေနဲ့ ပူးပေါင်းပါဝင်ကူညီ ဆောင်ရွက်ခဲ့သူတွေကို စစ်ကြောမှုတွေအရ ဖော်ထုတ်ပြီး တရားဥပဒေနဲ့အညီ အရေးယူနိုင်ရေး အဖွဲ့ပေါင်းစုံ ပူးပေါင်းဆောင်ရွက်နေ ပါတယ်''ဟု ရခိုင်ပြည်နယ် အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူး ကြီးထိန်လင်းက ပြောပြသည်။

ဖြည့်ဆည်းဆောင်ရွက်ပေး 

မောင်တောခရိုင်အတွင်း စိုက်ပျိုးရေး လုပ်ငန်းများ ကူညီဖြည့်ဆည်းပေးနေမှုများ နှင့်ပတ်သက်ပြီး ''မောင်တောခရိုင်အတွင်းမှာ စုစုပေါင်းစပါးစိုက်ဧက ရှစ်သောင်းခန့် ရှိပါတယ်။ ရခိုင်တိုင်းရင်းသားတွေက ဧက တစ်သောင်းခန့်စိုက်ပျိုးပြီး အစ္စလာမ်ဘာသာ ဝင်တွေက ဧကခုနစ်သောင်းခန့် စိုက်ပျိုးထားပါတယ်။ အခုစပါးတွေ ရင့်မှည့်နေပြီး နယ်မြေမအေးချမ်းမှုကြောင့် အလုပ်သမား ရှားပါးနေပါတယ်။ ဒါကြောင့် စပါးတွေ ရိတ်သိမ်းနိုင်ဖို့ စပါးခြွေလှေ့စက် အလုံး ၄ဝ ပို့ပေးဖို့ စီစဉ်နေပါတယ်။ စိုက်ပျိုးရေးနဲ့ ပတ်သက်ပြီး နည်းပညာ၊ သွင်းအားစု၊ စက်ပစ္စည်းတွေကို အမြန်ဆုံးထောက်ပံ့ပေးဖို့ စီစဉ်နေပါတယ်။ ဒီလိုနယ်မြေမအေးချမ်းတာကြောင့် စိုက်ပျိုးသီးနှံတွေ ဆုံးရှုံးမှုမဖြစ်ရအောင် ဖြည့်ဆည်းဆောင်ရွက်ပေးနေခြင်း ဖြစ်ပါတယ်''ဟု ရခိုင်ပြည်နယ်အစိုးရအဖွဲ့ စိုက်ပျိုးရေး၊ မွေးမြူရေး၊ သစ်တောနှင့် သတ္တု ရေးရာဝန်ကြီး ဦးကျော်လွင်က ပြောသည်။

ကျန်းမာရေးနှင့် လူမှုရေးဆိုင်ရာကိစ္စရပ်များ ထောက်ပံ့ဖြည့်ဆည်းပေးမှုကိုလည်း ကျေးရွာများအထိ ဆောင်ရွက်ပေးလျက်ရှိ ကြောင်း သိရသည်။ ထိုသို့ဆောင်ရွက်ရာတွင် ရခိုင်တိုင်းရင်းသားများနှင့် အစ္စလာမ်ဘာသာဝင်များကိုပါ ဖြည့်ဆည်းဆောင်ရွက်ပေးနေခြင်း ဖြစ်သည်။

ဆေးဝါးကုသပေးခဲ့

''နယ်မြေတည်ငြိမ်အေးချမ်းလာတာနဲ့အမျှ ဒေသခံတိုင်းရင်းသားတွေကို ပြန်လည်ပို့ဆောင်ပေးဖို့ စီစဉ်ခဲ့ပါတယ်။ တစ်ချိန်တည်းမှာပဲ ပြည်နယ်ဝန်ကြီးချုပ်နဲ့အတူ မောင်တောမြို့ကို ကွင်းဆင်းပြီး ဒေသလိုအပ် ချက်တွေကို ဖြည့်ဆည်းပေးခဲ့ပါတယ်။ နယ်မြေအနေအထားတွေကို လေ့လာခဲ့ပါတယ်။ ကျန်းမာရေးနဲ့ပတ်သက်လို့ မြို့နယ် ဆေးရုံတွေကတော့ လက်ရှိအချိန်ထိ ဖွင့်လှစ် ထားဆဲပါ။ အခင်းဖြစ်တဲ့အချိန်ကလည်း ရောက်လာတဲ့ လူနာတွေ၊ ဒေသခံတိုင်းရင်း သားတွေအားလုံးကို ဆေးဝါးကုသပေးခဲ့ပါ တယ်။ တိုက်နယ်ဆေးရုံတွေကတော့ အစွန်အဖျားမှာရှိတဲ့အတွက် အဲဒီဆေးရုံမှာရှိတဲ့ ဒေသခံဝန်ထမ်းတွေက စိုးရိမ်ကြောင့်ကြစိတ်နဲ့ သက်ဆိုင်ရာမြို့ပေါ်တွေကို ပြောင်းရွှေ့လာကြပါတယ်။ အဲဒီအတွက် တပ်မတော်က ရဟတ်ယာဉ်နဲ့ ပို့ဆောင်ပေးတာတွေ ရှိပါ တယ်။ အဲဒီလူတွေကို မောင်တောမြို့မှာပဲ စုစည်းထားပါတယ်။ အခုလဆန်းကစပြီး တိုက်နယ်ဆေးရုံတွေနဲ့ ကျန်းမာရေးဌာန တွေကို ပြန်ဖွင့်မယ်။ အဲဒီဌာနက ဝန်ထမ်းတွေကို မောင်တောမြို့ပေါ်မှာ စုစည်းထားပါတယ်။ အခုအခြေအနေတည်ငြိမ်လာပြီဖြစ် တဲ့အတွက်ကြောင့် မောင်တောမြို့ရဲ့မြောက် ပိုင်းဖြစ်တဲ့ ခမောက်ဆိပ်၊ တမန်းသား၊ ငါးခူရ၊ တောင်ပြိုလက်ဝဲစတဲ့ဒေသတွေမှာ စုရပ်အဖြစ် ဖွဲ့စည်းပြီး ဆေးရုံတွေနဲ့ဆေးခန်းတွေကို ပြန်လည်ဖွင့်လှစ်ဖို့ စီစဉ်ပြီးဖြစ်ပါတယ်။ 

''တိုင်းရင်းသား ရွာလေးတွေကိုတော့ Mobile Health Team ပုံစံမျိုးနဲ့သွားပြီး ဆေးဝါးကုသမှုတွေ ဆောင်ရွက်ပေးမှာဖြစ်ပါတယ်။ ပညာရေးနဲ့ပတ်သက်လို့ အောက်တို ဘာ ၂၄ ရက်ကတည်းက ကျောင်းတွေပြန်ဖွင့် ပြီးပါပြီ။ စုရပ်တွေမှာရှိတဲ့ စာသင်ကျောင်းတွေကို ဒီနေ့စပြီး ဖွင့်လှစ်ပေးနေပါပြီ။ တိုင်းရင်းသားဒေသတွေမှာ တိုင်းရင်းသား ကျောင်းသား ကျောင်းသူလေးတွေ ပြန်ရောက်လာရင် အဲဒီတိုင်းရင်းသားရွာတွေကို ဆရာ၊ ဆရာမတွေစေလွှတ်ပေးရေး ဆောင်ရွက်ပေးနေပါတယ်။ ဆရာမတွေ မသွားနိုင်တဲ့ ဝေးလံတဲ့နေရာတွေကို စုရပ်တွေမှာ ဆရာမ တွေကိုထားရှိပြီး စုရပ်တွေကတစ်ဆင့် အသွားအပြန် သင်ကြားပေးနိုင်ဖို့ ဆောင်ရွက်နေပါတယ်'' ဟု ရခိုင်ပြည်နယ် ကျန်းမာရေးနှင့် လူမှုရေးဝန်ကြီး ဒေါက်တာချမ်းသာက ပြောသည်။

ထောက်ပံ့ပေးခဲ့

နေရပ်စွန့်ခွာထွက်ပြေးတိမ်းရှောင်လာသူများအတွက် ကယ်ဆယ်ရေးစခန်းများ ဖွင့်လှစ်ကာ ကူညီထောက်ပံ့ပေးမှုများကို တာဝန်ရှိသူများက ဆောင်ရွက်ပေးခဲ့သည်။ စစ်တွေမြို့သို့ရောက်ရှိလာသော နေရပ်စွန့်ခွာ ထွက်ပြေးလာသူများအား ဓညဝတီ ဘောလုံးကွင်းအတွင်း ကယ်ဆယ်ရေးစခန်းဖွင့်လှစ် ပေးခဲ့ပြီး လက်ခံစောင့်ရှောက်ခဲ့သည်။ စားနပ် ရိက္ခာနှင့် လိုအပ်သောအသုံးအဆောင်ပစ္စည်း များကိုလည်း ထောက်ပံ့ပေးခဲ့သည်။

နယ်မြေ အေးချမ်းလာ

''မောင်တောဘက်ကရောက်လာတဲ့ ဒုက္ခသည်တွေကို ပထမဆုံး ကယ်ဆယ်ရေးစခန်း ဖွင့်ပြီးတော့ အစိုးရအစီအမံနဲ့ စနစ်တကျ အထောက်အပံ့တွေပေးခဲ့ပါတယ်။ စစ်တွေမြို့ ဓညဝတီကယ်ဆယ်ရေးစခန်းမှာ ရွက်ဖျင်တဲ ၃၆ လုံးရှိပါတယ်။ လူဦးရေ ၈ဝဝ ကျော် ရှိခဲ့ပါတယ်။ တဖြည်းဖြည်းနဲ့ နယ်မြေ အေးချမ်းလာတာမို့ တချို့ကို နေရပ် ပြန်လည် ပို့ပြီးပြီဖြစ်လို့ ကယ်ဆယ်ရေးစခန်းမှာ လူဦးရေ ၁ဝဝ ကျော်လောက်ပဲ ရှိပါတယ်။ စားနပ် ရိက္ခာနဲ့ပတ်သက်ပြီးတော့ အလှူအတန်း လာလုပ်တဲ့သူတွေဆီက ရလာတာတွေကို ဒုက္ခသည်တွေဆီကို ဖြန့်ဝေပေးပါတယ်။ အလှူအတန်းလာလုပ်တဲ့သူတွေက ကိုယ်တိုင် ကိုယ်ကျပေးလှူမယ်ဆိုရင်လည်း ခွင့်ပြုပေး ခဲ့တာတွေရှိပါတယ်။ ကယ်ဆယ်ရေးစခန်း မှာကျန်ခဲ့တဲ့ စားနပ်ရိက္ခာတွေကိုလည်း အစိုးရအစီအမံနဲ့ မောင်တောမြို့နယ်မှာရှိတဲ့ အဖွဲ့အစည်းကို လွှဲပြောင်းပေးမှာဖြစ်ပါတယ်။ လက်ရှိအခြေအနေမှာတော့ နယ်မြေအေးချမ်း လာပြီဖြစ်လို့ ပြန်ချင်တဲ့ဆန္ဒရှိတဲ့သူတွေကို သူတို့ရဲ့သဘောဆန္ဒအရ ပြန်ခွင့်ပြုခဲ့ပါတယ်။ ကျွန်တော်တို့အနေနဲ့ ဟိုမှာ နယ်မြေအေး ချမ်းနေပြီ၊ ပြန်ကြဆိုပြီးပြောတာမဟုတ်ဘူး။ သူတို့ရဲ့ဆန္ဒအရ ကျွန်တော်တို့က ပြန်ခွင့်ပြု တာပါ''ဟု ကယ်ဆယ်ရေးစခန်း တာဝန်ခံ ဂေါယာမြေ စောဝင်းက ပြောသည်။

လက်ရှိတွင် မောင်တောဒေသဘက်မှ စစ်တွေမြို့ရှိ ဓညဝတီကယ်ဆယ်ရေးစခန်းသို့ ရောက်ရှိလာကြသည့် လူဦးရေ ၈ဝဝ ကျော်ကို အစိုးရ၏အစီအစဉ်ဖြင့် နေ့စဉ်နေရပ်သို့ ပြန်လည်ပို့ဆောင်ပေးလျက်ရှိရာ ယနေ့တွင် လည်း လူဦးရေ ၁ဝဝ ခန့်အား မောင်တော ဒေသသို့ ပို့ဆောင်ပေးခဲ့သည်။ 

ဘာမှမဖြစ်တော့

ထိုသို့ ပို့ဆောင်ပေးခဲ့ရာတွင် ပါဝင်ခဲ့ သည့် မောင်တောမြို့နယ် အောင်မင်္ဂလာ ကျေးရွာမှ မမြထွေးက ''အောက်တိုဘာ ၉ ရက်နေ့ ည ၁ နာရီ ၁၅ မိနစ်က စပြီးတော့ ပစ်ခတ်သံတွေကြားတယ်။ ဘယ်ကဖြစ်တယ် ဆိုတာတော့မသိဘူး။ အဲဒီမှာ ညီမတို့လည်း တစ်ညလုံးမအိပ်ရဘူး။ ပစ်ခတ်သံတွေကြားတော့ ကြောက်လန့်ပြီးနေနေရတယ်။ အဝေးကိုလည်း ထွက်မပြေးရဲဘူး။ ပစ်ခတ်သံတွေ ကြားထဲက ထွက်ပြေးမယ်ဆိုရင် ညီမတို့က ကြားထဲမှာ ညပ်သွားမှာစိုးလို့ ရွာထဲ လုံခြုံတဲ့ နေရာတစ်နေရာမှာ နေခဲ့ရတယ်။ အဲဒီနေ့က မိုးလင်းသွားတယ်။ မိုးလင်းသွားပြီး နောက် တစ်နေ့ကျော်သေးတယ်။ တစ်နေ့လုံးလည်း ပစ်ခတ်နေလို့ ကြောက်လန့်ပြီး ထမင်းလည်း စောစောစီးစီးစားရတယ်။ ဝက်ပိတ် ဆိုတဲ့ရွာမှာ ဝင်စီးတယ်လို့ကြားပါတယ်။ ရွာနီးချင်းတွေ မို့လို့ အဲဒီ အစ္စလာမ်ဘာသာဝင်တွေနေတဲ့ ရွာတွေကနေပြီးတော့ တချို့ကပြောပါတယ်။ ဝက်ပိတ်ရွာကို တပ်မတော်က ဝင်ရောက် စစ်ဆေးတဲ့အခါမှာ ကျည်ခွံတွေ အများအပြား တွေ့တယ်လို့ပြောပါတယ်။ လက်ရှိအချိန်မှာတော့ ရွာမှာ ဘာမှမဖြစ်တော့ဘူးလို့ ကြားတယ်။ ကြောက်ကြောက်လန့်လန့် နေနေရတော့ အဲဒီမှာ အမျိုးသားတွေပဲရှိတယ်။ ကလေးတွေနဲ့ အမျိုးသမီးတွေက ကယ်ဆယ်ရေးစခန်းတွေကိုသွားနေရတယ်။ ကျည်ဆံတွေ ကြား၊ ပစ်ခတ်သံတွေကြားထဲက အသက်စွန့်ပြီး ကျွန်မတို့ထွက်ပြေးခဲ့ရတာပါ။ 

အဲဒီကနေတစ်ဆင့် စစ်တွေကယ်ဆယ် ရေးစခန်းကိုရောက်တယ်။ စစ်တွေမှာ နေရင်း ကနေ မိသားစုရှိလို့ မောင်တောကို တစ်ရက် နှစ်ရက်လောက်ပြန်သေးတယ်။ အဲဒီမှာ ကယ်ဆယ်ရေးစခန်းတွေ ဖွင့်တယ်ပြောလို့ ပြန်သွားတာပါ။ အဲဒီကနေ စစ်တွေမြို့မှာရှိတဲ့ ဘောလုံးကွင်းထဲက ကယ်ဆယ်ရေးစခန်းကို ပြန်လည်ပြောင်းရွှေ့ပေးပါတယ်။ ကယ်ဆယ်ရေးစခန်းမှာ အစစအရာရာ အဆင်ပြေပါတယ်။ ကျွန်မတို့လို ဒုက္ခသည်တွေကို စားရေး သောက်ရေး၊ ကျန်းမာရေးကအစ အကူအညီပေးတဲ့အတွက် ပူပင်စရာမရှိပါဘူး။ အခုတော့ စစ်တွေကယ်ဆယ်ရေးစခန်းကနေ မောင်တောမှာရှိတဲ့ ကယ်ဆယ်ရေးစခန်းကို ပြန်နေပါပြီ။'' ဟု ပြောပြသည်။

တချို့မှာ နယ်မြေအေးချမ်းကာ လုံခြုံမှုများလည်း ရရှိနေပြီဖြစ်သောကြောင့် နေရပ်အသီးသီး ပြန်သွားခဲ့သူများရှိသကဲ့သို့ အချို့မှာ ကယ်ဆယ်ရေးစခန်းများတွင် ဆက်လက်နေထိုင်လျက်ရှိသည်။ ထိုသို့ နေရပ်ပြန်ခြင်းနှင့် ကယ်ဆယ်ရေးစခန်းတွင် နေထိုင်ခြင်းတို့သည် တိမ်းရှောင်လာသူများ၏ သဘောဆန္ဒအတိုင်း ခွင့်ပြုပေးခဲ့ကြောင်း သိရသည်။

''ဘယ်သူမဆို ကိုယ့်အိမ်ကိုတော့ ပြန်ချင်ကြတာပါပဲ။ စစ်တွေကယ်ဆယ်ရေးစခန်းမှာ နေခဲ့စဉ်ကလည်း အစိုးရပိုင်းက စားရေးသောက်ရေးအပြင် ဝတ်စရာအဝတ် အထည်၊ စောင်နဲ့ ကျန်းမာရေးစောင့်ရှောက်မှုပါ ထောက်ပံ့ ပေးပါတယ်။ အခုလိုမျိုး နေရပ်ပြန်ပို့တဲ့အချိန်မှာ ကျွန်မတို့ ကို အစိုးရက ကျပ်၁ဝဝဝဝ နဲ့ လူမှုကူညီရေးအဖွဲ့အစည်း က ကျပ် ၃ဝဝဝဝ ထောက်ပံ့ပေးပါတယ်'' ဟု မောင်တော မြို့ အမှတ် (၄) ရပ်ကွက်မှ မအေးအေးအောင်က ပြောသည်။ 

ဝေယံဦး၊ ကျော်ထိုက်လင်း၊ 

ဓာတ်ပုံ-လင်းကျော်