မန္တလေး အောက်တိုဘာ ၃၁
မန္တလေးတိုင်းဒေသကြီး ချမ်းမြသာစည်မြို့နယ် မြရည်နန္ဒာရပ်ကွက်တွင် မြို့ပြနှင့် အိမ်ရာဖွံ့ဖြိုးရေးဦးစီးဌာနမှ ဆောက်လုပ်သည့် မြရည်နန္ဒာတန်ဖိုးမျှတအိမ်ရာ တိုက်ခန်း ၅၆ဝ အား ဝင်ငွေနည်းပြည်သူများ၊ နိုင်ငံ့ဝန်ထမ်းများ၊ အငြိမ်းစားများနှင့် ကုမ္ပဏီဝန်ထမ်းများအား ရောင်းချပေး မည်ဖြစ်ရာ ဝယ်ယူခွင့်လျှောက်လွှာများကို အရောင်ခွဲခြား သတ်မှတ်၍ နိုဝင်ဘာ ပထမပတ်အတွင်း စတင်ရောင်းချ သွားမည်ဖြစ်ကြောင်း သိရသည်။
အဆိုပါလျှောက်လွှာများအား နိုဝင်ဘာတစ်လလုံး ရောင်းချပေးမည်ဖြစ်ပြီး ဒီဇင်ဘာ ၁ ရက်မှ ၃၁ ရက်အထိ လျှောက်လွှာများကို ပြန်လည်လက်ခံကာ ဇန်နဝါရီလအတွင်း မဲနှိုက် ရောင်းချပေးသွားမည်ဖြစ်ကြောင်း မန္တလေးတိုင်းဒေသကြီး မြို့ပြနှင့် အိမ်ရာဖွံ့ဖြိုးရေးဦးစီးဌာနမှ ညွှန်ကြားရေးမှူး ဦးအောင်ကျော်ဦးက ပြောသည်။
''လျှောက်လွှာရောင်းချမယ့်ရက်နဲ့ အသေးစိတ် မူဝါဒစည်းကမ်းချက်တွေကို သတင်းစာမှာထည့်သွင်း ကြေညာပေးမှာပါ။ ဘယ်အဖွဲ့အစည်းတွေမှာ အိမ်ရာလိုအပ်ချက်တွေ ပိုပြီးရှိနေသလဲဆိုတာ သိချင်လို့ လျှောက်လွှာကို အရောင်ခွဲခြားသတ်မှတ် ပေးခြင်းဖြစ်ပါတယ်။ ဒါမှ လိုအပ်ချက်ပေါ် မူတည်ပြီး အိမ်ရာတွေ ထပ်ဆောက်ပေးနိုင်မှာ ဖြစ်ပါတယ်''ဟု ၎င်းကပြောသည်။
ထို့ပြင် တိုက်ခန်းဝယ်ယူရန် လျှောက်ထား သူများအနေဖြင့် လျှပ်စစ်၊ စွမ်းအင်နှင့် ဆောက်လုပ် ရေးဝန်ကြီးဌာန၏ ချမှတ်ထားသော မူဝါဒများနှင့် အညီ အမှန်တကယ် အိမ်ရာလိုအပ်နေသူများသာ လျှောက်ထားရရှိနိုင်ရန် လျှောက်လွှာတွင် သက်ဆိုင်ရာ မြို့နယ်၊ ရပ်ကွက်အုပ်ချုပ်ရေးရုံး၏ ထောက်ခံချက်အပြင် ပြည်သူ့လွှတ်တော်ကိုယ်စားလှယ် သို့မဟုတ် တိုင်းဒေသကြီး လွှတ်တော်ကိုယ်စား လှယ်များ၏ ထောက်ခံချက်များလည်း ပါဝင်ရမည် ဖြစ်ကြောင်း သိရသည်။
''ဖြစ်နိုင်ရင် မဲမနှိုက်ရဘဲ အားလုံးကို ရစေချင် ပေမယ့် ဒီလိုလုပ်မပေးနိုင်သေးတဲ့အချိန်မှာ အမှန်တကယ်လိုအပ်နေတဲ့သူတွေပဲ ရစေချင်တယ်။ ရပြီး ရောင်းစားနေတဲ့သူတွေလက်ထဲကို ရောက် သွားရင် အလကားပဲ။ ဒါကြောင့် အများအတွက် စဉ်းစားချင့်ချိန်ပြီး လျှောက်ထားစေချင်တယ်'' ဟု ၎င်းက ဆက်လက်ပြောသည်။
တန်ဖိုးမျှတ တိုက်ခန်းဝယ်ယူရန်အတွက် လျောက်ထားသူ၏ မိသားစုပျမ်းမျှလစဉ်ဝင်ငွေ စုစုပေါင်းမှာ အနည်းဆုံး ကျပ် လေးသိန်းမှ ငါးသိန်း အထိ ဝင်ငွေရှိရမည်ဖြစ်ပြီး တိုက်ခန်းအား အရစ်ကျ လေးလလေးရစ်ဖြင့် အကျေပေးချေသောစနစ် သို့မဟုတ် ဘဏ်ချေးငွေစနစ်များဖြင့် ဝယ်ယူနိုင်ကြောင်း သိရသည်။
''တိုက်ခန်းဝယ်ယူတဲ့အခါ နိုင်ငံ့ဝန်ထမ်းဖြစ်ပါ က လုပ်သက်အနည်းဆုံး ငါးနှစ်ရှိရန်လိုအပ်ပါတယ်။ သက်ဆိုင်ရာဌာန အကြီးအကဲရဲ့ထောက်ခံချက် နဲ့အတူ ဝန်ထမ်းကတ်မိတ္တူ ပူးတွဲတင်ပြရမှာဖြစ်ပါတယ်။ ပင်စင်စားများဖြစ်ပါက ပင်စင်စာအုပ်မိတ္တူ၊ သန်းခေါင်စာရင်းမိတ္တူတို့နဲ့ လျှောက်ထားရမှာပါ။ ကုမ္ပဏီဝန်ထမ်းဖြစ်ပါက သက်ဆိုင်ရာ ကုမ္ပဏီ အကြီးအကဲ ထောက်ခံချက်ပါရှိရမယ်''ဟု ၎င်းက ဆက်လက်ပြောပြသည်။
ရောင်းချမည့်တိုက်ခန်းများကို မြေဧရိယာ ၇ ဒသမ ၆၇ ဧကပေါ်တွင် ရှစ်ခန်းတွဲ ငါးထပ် အဆောက်အအုံ ၁၄ လုံး တိုက်ခန်းပေါင်း ၅၆ဝ တည်ဆောက်ထားပြီး တစ်ခန်းလျှင် အကျယ် ၅၆၇ စတုရန်းပေရှိကာ အိပ်ခန်းနှစ်ခန်း၊ ရေချိုးခန်းတို့ ပါဝင်ပြီး ရောင်းချမည့်ဈေးနှုန်းမှာ တစ်ခန်းလျှင် မြေညီထပ် ကျပ် ၂၂၃ သိန်း၊ ပထမထပ် ကျပ်၂ဝ၈ သိန်း၊ ဒုတိယထပ် ကျပ် ၁၉၃ သိန်း၊ တတိယထပ် ကျပ် ၁၇၈ သိန်း၊ စတုတ္ထထပ် ကျပ် ၁၆၃ သိန်းတို့ဖြစ်ပြီး လက်ငင်းစနစ်၊ အရစ်ကျစနစ်၊ ဘဏ်ချေးငွေစနစ်များဖြင့် ရောင်းချပေးမည်ဖြစ်ကြောင်း သိရသည်။
အရစ်ကျစနစ်ဖြင့် ဝယ်ယူမည့်သူများအနေဖြင့် မြို့ပြနှင့် အိမ်ရာဖွံ့ဖြိုးရေးဦးစီးဌာနနှင့် ဆက်သွယ် ဆောင်ရွက်ရမည်ဖြစ်ပြီး ဘဏ်ချေးငွေစနစ်ဖြင့် ဝယ်ယူပါက တိုက်ခန်းတန်ဖိုး၏ ၃ဝ ရာခိုင်နှုန်းအား တစ်ကြိမ်တည်း အကျေပေးချေခြင်း (သို့မဟုတ်) တစ်နှစ်အတွင်း အရစ်ကျပေးသွင်းခြင်းဖြင့် ပထမ ဦးစွာဆောင်ရွက်၍ ကျန် ၇ဝ ရာခိုင်နှုန်းကို ဘဏ်ချေး ငွေဖြင့် ရှစ်နှစ်အတွင်း လစဉ်အရစ်ကျ အကျေပေးသွင်းရန်အတွက် ဆောက်လုပ်ရေးနှင့် အိမ်ရာဖွံ့ဖြိုး ရေးဘဏ်နှင့် ဆက်သွယ်ဆောင်ရွက်နိုင်ကြောင်း စသည့် စည်းကမ်းချက် ၁၁ ချက်ဖြင့် ရောင်းချပေး မည်ဖြစ်ကြောင်း သိရသည်။
(မင်းထက်အောင်)
No comments:
Post a Comment