ဆိုးလ် အောက်တိုဘာ ၃၁
မြောက်ကိုရီးယားခေါင်းဆောင် ကင်ဂျုံအန်း၏ဇနီးသည် အများပြည်သူမြင်ကွင်းမှ ခုနစ်လခန့်ပျောက်ကွယ်သွားပြီးနောက် တစ်ဖန်ပြန်ပေါ်လာရာ ကိုယ်ဝန်ရှိနေခြင်းလား သို့မဟုတ် သဘောထားကွဲလွဲမှုများတစ်ခုခုဖြစ်နေသလားဟု ခန့်မှန်းနေကြကြောင်း သည် အင်ဒီပင်းန်ဒင့်န်သတင်းတစ်ရပ်တွင် ဖော်ပြသည်။
၂ဝ၁၂ ခုနှစ်တွင် နိုင်ငံ၏ကတော်အဖြစ် စတင်သတ်မှတ်ခံခဲ့ရသော မြောက်ကိုရီးယားခေါင်ဆောင်ကင်ဂျုံအန်း၏ဇနီး ရီဆိုဂျူးသည် အာဏာရရှိရေးနှင့်ပတ်သက်ပြီး စိတ်အားထက်သန်နေသည့် ကင်ဂျုံအန်း၏အငယ်ဆုံးညီမ ကင်ရိုဂျန်နှင့် သဘောထားကွဲလွဲမှုဖြစ်ပေါ်နိုင်သည်ဟု ကျွမ်းကျင်သူများကအခြေအနေကိုစောင့်ကြည့်၍ပြောဆိုခဲ့သည်။
ကင်ဂျုံအန်း၏အငယ်ဆုံးညီမ ကင်ရိုဂျန်သည် လွန်ခဲ့သောနှစ်က မြောက်ကိုရီးယားဝါဒဖြန့်ချိရေးနှင့် လှုံ့ဆော်ရေးဌာနကို တာဝန်ယူခဲ့ပြီး ၄င်းအစ်ကို၏ ကိုယ်ရည်ကိုယ်သွေးများကို တည်ဆောက်နေသူဖြစ်သည်။
မြောက်ကိုရီးယားခေါင်းဆောင်၏ဇနီးဖြစ်သူ ရီကို ပြုံယမ်း၏ စီးပွားရေးဒေသနှင့် ကျန်းမာရေးအဆောက်အအုံတွင် မတ် လ ၂၈ ရက်က နောက်ဆုံးတွေ့လိုက်ရခြင်းဖြစ်ကြောင်း တောင်ကိုရီးယား ယွန်ဟတ်သတင်းအေဂျင်စီကဖော်ပြခဲ့သည်။
ကင်ဂျုံအန်းသည် မကြာခဏဆိုသလို နိုင်ငံအနှံ ခရီးစဉ်များသွားရောက်ခဲ့သည်။ နိုင်ငံ၏ပထမဆုံးအကြိမ် ပါတီကွန်ဂရက်ကို ၃၆နှစ်ကြာပြီးမှ ယခုနှစ်မေလတွင် ပြုလုပ်ခဲ့သည်။
ရီသည်ပြည်သူ့မြင်ကွင်းမှပျောက်ကွယ်ခြင်းနှင့်ပတ်သက်ပြီးဖြစ်နိုင်သော အကြောင်းပြချက်အများအပြားရှိနိုင်ကြောင်း၊ ၄င်းတွင် ကိုယ်ဝန်ရရှိခြင်းကြောင့်လည်းဖြစ်နိုင်သလို သဘောထားကွဲလွဲမှုကြောင့်လည်းဖြစ်နိုင်ကြောင်း တိုကျိုဝါဆေးဒါ တက္ကသိုလ် ပါမောက္ခ တိုရှီမစ်တ်ဆု ရှီဂီမူရာက ပြောကြားခဲ့သည်။
(သည်အင်ဒီပင်းန်ဒင့်န်)
No comments:
Post a Comment