လက်ဆင့်ကမ်းရမည့်မျိုးဆက်အမွေအနှစ် (သို့မဟုတ်) ငြိမ်းချမ်းရေး
အရှေ့တောင်အာရှ၌ အလားအလာအကောင်းဆုံးနိုင်ငံဘဝမှကမ္ဘာ
အဆင်းရဲဆုံးနိုင်ငံဘဝသို့ ကျရောက်ခဲ့ရခြင်း၏ အကြောင်းရင်းကို
တစ်ကြောင်းတည်းဖော်ပြရပါက လွတ်လပ်ရေးနှင့်အတူ မွေးဖွားလာ သောပြည်တွင်းစစ်
ဖြစ်ပါသည်။ ပြည်တွင်းစစ်သည် များစွာသော တိုင်းရင်းသားပြည်သူတို့၏ဘဝကို
ဖျက်ဆီးခဲ့ပါသည်။ ပြည်တွင်းစစ်သည် တိုင်းပြည်စီးပွားရေး၏
အခြေခံအုတ်မြစ်တို့ကို လှိုက်စားဖြိုဖျက်ခဲ့ပါသည်။ ပြည်တွင်းစစ်သည်
တိုင်းပြည်၏အခြေခံအဆောက်အအုံတို့ကို ရိုက်ချိုးခဲ့ပါ သည်။
ပြည်တွင်းစစ်သည် တိုင်းရင်းသားညီနောင်တို့ကြား ရန်မီးကို ပွားစေ၍
နက်ရှိုင်းလာသော အာဃာတတို့နှင့်အတူ သံသယများလွှမ်းမိုး စေခဲ့ပါသည်။
ပြေပြေလည်လည် ညှိနှိုင်းရေးစိတ်ဓာတ်ကို မီးသင်္ဂြိုဟ်၍ အာဏာသုံး
အနိုင်ယူရေးစိတ်ဓာတ်ကို မီးလောင်ရာလေပင့်လုပ်ခဲ့ပါသည်။ ပြည်တွင်းစစ်သည်
အာဏာရှင်စနစ်အမြစ်တွယ်စေမည့် ရေခံ၊ မြေခံ ကောင်းတို့ကို ဖန်တီးပေးခဲ့ပါသည်။
အာဏာရှင်စနစ်သည် တိုင်းပြည် စီးပွားရေးနှင့် အတူ ပြည်သူတို့၏ပညာ၊
စိတ်ဓာတ်၊ ခံယူချက်တို့ကိုယိမ်း ယိုင်ပြိုလဲစေခဲ့ပါသည်။
အထက်ဖော်ပြပါ လွတ်လပ်ရေးခေတ်လွန် တိုင်းပြည်၏သမိုင်း အကျဉ်းချုပ်သည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်၏ ''နောင်မျိုးဆက်အတွက်ထားခဲ့ရမယ့် အကောင်းဆုံးအမွေ အနှစ်ဆိုတာ ငြိမ်းချမ်းရေးပါပဲ''ဟူသော အဆိုအမိန့်ကို ပြည်သူတို့၏နှလုံးသားဝယ် လင်းလက်တောက်ပနေစေရန် နောက်ခံပြုပေးထားပါသည်။ တိုင်းပြည်၏အရေး၊ နိုင်ငံသူ နိုင်ငံသားတို့၏အရေးတို့ကို ကိုင်တွယ်စီမံရာ၌ ဦးဆောင်ပုဂ္ဂိုလ်တို့၏အတွေးအခေါ်သည် ပဓာနကျပါသည်။ ''ညီညွတ်မှ ငြိမ်းချမ်းနိုင်မှာပါ'' ဟူသော ဒေါ်အောင်ဆန်းစုကြည်၏စကားသည် နိုင်ငံတော်၏အတိုင်ပင်ခံပုဂ္ဂိုလ် အတွေးအခေါ်ကို တိုတိုရှင်းရှင်း လှစ်ဟ ဖော်ပြနေပါသည်။ တိုင်းရင်းသားညီနောင်တို့ကြား ညီညွတ်မှုမရှိပါက ငြိမ်းချမ်းရေးဆိုသည်မှာ အိပ်မက်မျှသာ ဖြစ်နေမည်ဖြစ်ပါသည်။ ဒေါ်အောင်ဆန်းစုကြည်က''အစကောင်းမှအနှောင်းသေချာမည်ဖြစ် သောကြောင့် အစကောင်းစေရန် အားလုံးက ညီညွတ်သည့် စိတ်ဓာတ်ဖြင့် ပူးပေါင်းဆောင်ရွက်မှ အောင်မြင်မည်ဖြစ်ပါကြောင်း''ဟု ပြောကြား ခဲ့ခြင်းသည် တိုင်းရင်းသားညီနောင်တို့၏ စုစည်းညီညွတ်မှုက ပြည်ထောင်စုငြိမ်းချမ်းရေးညီလာခံ (၂၁ရာစုပင်လုံ)၏ မင်္ဂလာရှိသော အဖွင့်ခြေလှမ်းဟု အဓိပ္ပာယ်ဖွင့်ဆိုလိုက်ခြင်းပင် ဖြစ်ပါသည်။
တိုင်းရင်းသားပြည်သူတစ်ရပ်လုံး၏နှလုံးသား၌ ဒီမိုကရေစီဖက်ဒရယ် ပြည်ထောင်စုသည် တန်ဖိုးမဖြတ်နိုင်သောမျှော်မှန်းချက် ဖြစ်သကဲ့သို့ ဖြစ်ပါမည်လော-ဖြစ်ပါမည်လောဟု တကြောင့်ကြကြ စိုးရိမ်ပူပန်နေရ သော ထမင်းလုံးတ္ဆေခြောက်ခံခဲ့ရသလို ဖြစ်ခဲ့ခြင်းသည် လွတ်လပ်ရေး သက်တမ်းနှင့်အမျှပင်ဖြစ်ပါသည်။ ဒေါ်အောင်ဆန်းစုကြည်က ''ယခုအစည်း အဝေးတွင် တိုင်းရင်းသားညီအစ်ကိုမောင်နှမအားလုံး မိမိတို့၏စိုးရိမ်မှု များအား တင်ပြကြမည်ကို သဘောပေါက်နားလည်ပါကြောင်း'' ဟု ပြောကြားခဲ့ခြင်းသည် တိုင်းရင်းသားပြည်သူတို့၏ နှလုံးသားခံစားချက်ကို ဒေါ်အောင်ဆန်းစုကြည်က နားလည်တန်ဖိုးထားကြောင်း သက်သေထူ လိုက်ခြင်းပင်ဖြစ်ပါသည်။ ''စိုးရိမ်မှုကို ကျော်ဖြတ်နိုင်သည့်အရာမှာ ယုံကြည်မှုပင် ဖြစ်ပါကြောင်း'' ဟူသော ဒေါ်အောင်ဆန်းစုကြည်၏ အမှာ စကားသည် ပြည်ထောင်စုငြိမ်းချမ်းရေးညီလာခံ (၂၁ရာစုပင်လုံ)၌ ဆုပ်ကိုင်ရရှိရန် မျှော်မှန်းထားသည့် ပင်မဦးတည်ချက်ကို ဖော်ပြလိုက် ခြင်းဟု ယူဆပါသည်။ ပြည်ထောင်စုငြိမ်းချမ်းရေးညီလာခံ (၂၁ရာစု ပင်လုံ) ၏ ပင်မဦးတည်ချက်သည် တိုင်းရင်းသားညီနောင်တို့ကြား ယုံကြည်မှုတည်ဆောက်ခြင်းဖြစ်သည်ဟု မှတ်ယူထားပါသည်။
ဒေါ်အောင်ဆန်းစုကြည်က ''မိမိတို့တန်ဖိုးထားရသည့်အရာများ ရရှိရန် မည်မျှပင်ခက်ခဲစေကာမူ မိမိတို့သည် ကြိုးစားဆောင်ရွက်မည်၊ ပူးပေါင်းဆောင်ရွက်မည်ဆိုသည့် သန္နိဋ္ဌာန်ဖြင့် ဆောင်ရွက်လျှင်ရမည် ဖြစ်ပါကြောင်း''ဟု မိန့်ကြားခဲ့ခြင်းသည် ပြည်ထောင်စုငြိမ်းချမ်းရေး ညီလာခံ (၂၁ရာစုပင်လုံ) အောင်မြင်ရေးကို ဆောင်ရွက်ရာ၌ ဆုပ်ကိုင် ရမည့်သဘောထားကို တင်ပြခဲ့ခြင်းပင်ဖြစ်ပါသည်။ ငြိမ်းချမ်းရေး အသီးအပွင့်ကို မျိုးဆက်အမွေအနှစ်ဟု ခံယူထားသော ဒေါ်အောင်ဆန်း စုကြည်သည် ''လူငယ်များသည် တာဝန်ကို ထမ်းဆောင်လိုသည့် စိတ်ဓာတ်နှင့် ထမ်းဆောင်ရဲသည့်သတ္တိရှိရန်လိုအပ်ပါကြောင်း'' ဟု ထောက်ပြ သကဲ့သို့ '' ကောင်းမွန်သည့် အမွေကို ချန်ထားမပေးနိုင်ခဲ့လျှင် မိမိတို့လူကြီးများ၏ ချို့ယွင်းချက်ဖြစ်သကဲ့သို့ ချန်ထားပေးခဲ့သော ကောင်းမွန်သည့်အမွေများကို မထိန်းသိမ်းနိုင်လျှင် လူငယ်များ၏ချို့ယွင်းချက်ဖြစ်ပါကြောင်း'' ဟုလည်း တင်ပြခဲ့ပါသည်။ သုံးသပ်ရမည် ဆိုပါက မြန်မာနိုင်ငံအား ကြွယ်ဝချမ်းသာသော ဒီမိုကရေစီ ဖက်ဒရယ် ပြည်ထောင်စုနိုင်ငံအဖြစ် ထူထောင်ရာ၌ ငြိမ်းချမ်းရေးသည် ခွဲထုတ်၍ မရသော ပင်မလိုအပ်ချက်ဖြစ်ပါသည်။ ဤသဘောတရားကို ရည်ညွှန်း၍ ဒေါ်အောင်ဆန်းစုကြည်သည် ''ငြိမ်းချမ်းရေးမှတစ်ဆင့် မိမိတို့လိုလားသည့် ချမ်းသာကြွယ်ဝသည့် နိုင်ငံတစ်နိုင်ငံကို ထူထောင်နိုင် မည်ဖြစ်ပါကြောင်း'' ဟု မိန့်ဆိုခဲ့ပါသည်။ ခြုံ၍ဆိုရပါက တစ်နိုင်ငံလုံး ပစ်ခတ်တိုက်ခိုက်မှုရပ်စဲ ရေးစာချုပ် (NCA) လက်မှတ်ရေးထိုးထားသော တိုင်းရင်းသားလက် နက်ကိုင်အဖွဲ့ရှစ်ဖွဲ့၏ ခေါင်းဆောင်များနှင့်တွေ့ဆုံရာ၌ မိန့်ဆိုခဲ့သော ဒေါ်အောင်ဆန်းစုကြည်၏ စကားတို့သည် ပြည်ထောင်စုငြိမ်းချမ်းရေးညီလာခံ(၂၁ရာစုပင်လုံ)၏ ပင်မဦးတည်ချက်နှင့် ပြည်ထောင်စုငြိမ်းချမ်း ရေးညီလာခံ(၂၁ရာစုပင်လုံ) အောင်မြင်ရေး ဖော်ဆောင်ရာ၌ ဆုပ်ကိုင် ရမည့် ခံယူချက်တို့အပါအဝင် ငြိမ်းချမ်းရေး ဖော်ဆောင်ထုဆစ်ရမည့် လူကြီးမျိုးဆက်နှင့်ခံယူထိန်းသိမ်းရမည့် လူငယ်မျိုးဆက်တို့ကြား ဟန်ချက် ညီရေးတို့ကို မီးမောင်းထိုးဖော်ပြနေကြောင်း တင်ပြအပ်ပါသည်။ ။
အထက်ဖော်ပြပါ လွတ်လပ်ရေးခေတ်လွန် တိုင်းပြည်၏သမိုင်း အကျဉ်းချုပ်သည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်၏ ''နောင်မျိုးဆက်အတွက်ထားခဲ့ရမယ့် အကောင်းဆုံးအမွေ အနှစ်ဆိုတာ ငြိမ်းချမ်းရေးပါပဲ''ဟူသော အဆိုအမိန့်ကို ပြည်သူတို့၏နှလုံးသားဝယ် လင်းလက်တောက်ပနေစေရန် နောက်ခံပြုပေးထားပါသည်။ တိုင်းပြည်၏အရေး၊ နိုင်ငံသူ နိုင်ငံသားတို့၏အရေးတို့ကို ကိုင်တွယ်စီမံရာ၌ ဦးဆောင်ပုဂ္ဂိုလ်တို့၏အတွေးအခေါ်သည် ပဓာနကျပါသည်။ ''ညီညွတ်မှ ငြိမ်းချမ်းနိုင်မှာပါ'' ဟူသော ဒေါ်အောင်ဆန်းစုကြည်၏စကားသည် နိုင်ငံတော်၏အတိုင်ပင်ခံပုဂ္ဂိုလ် အတွေးအခေါ်ကို တိုတိုရှင်းရှင်း လှစ်ဟ ဖော်ပြနေပါသည်။ တိုင်းရင်းသားညီနောင်တို့ကြား ညီညွတ်မှုမရှိပါက ငြိမ်းချမ်းရေးဆိုသည်မှာ အိပ်မက်မျှသာ ဖြစ်နေမည်ဖြစ်ပါသည်။ ဒေါ်အောင်ဆန်းစုကြည်က''အစကောင်းမှအနှောင်းသေချာမည်ဖြစ် သောကြောင့် အစကောင်းစေရန် အားလုံးက ညီညွတ်သည့် စိတ်ဓာတ်ဖြင့် ပူးပေါင်းဆောင်ရွက်မှ အောင်မြင်မည်ဖြစ်ပါကြောင်း''ဟု ပြောကြား ခဲ့ခြင်းသည် တိုင်းရင်းသားညီနောင်တို့၏ စုစည်းညီညွတ်မှုက ပြည်ထောင်စုငြိမ်းချမ်းရေးညီလာခံ (၂၁ရာစုပင်လုံ)၏ မင်္ဂလာရှိသော အဖွင့်ခြေလှမ်းဟု အဓိပ္ပာယ်ဖွင့်ဆိုလိုက်ခြင်းပင် ဖြစ်ပါသည်။
တိုင်းရင်းသားပြည်သူတစ်ရပ်လုံး၏နှလုံးသား၌ ဒီမိုကရေစီဖက်ဒရယ် ပြည်ထောင်စုသည် တန်ဖိုးမဖြတ်နိုင်သောမျှော်မှန်းချက် ဖြစ်သကဲ့သို့ ဖြစ်ပါမည်လော-ဖြစ်ပါမည်လောဟု တကြောင့်ကြကြ စိုးရိမ်ပူပန်နေရ သော ထမင်းလုံးတ္ဆေခြောက်ခံခဲ့ရသလို ဖြစ်ခဲ့ခြင်းသည် လွတ်လပ်ရေး သက်တမ်းနှင့်အမျှပင်ဖြစ်ပါသည်။ ဒေါ်အောင်ဆန်းစုကြည်က ''ယခုအစည်း အဝေးတွင် တိုင်းရင်းသားညီအစ်ကိုမောင်နှမအားလုံး မိမိတို့၏စိုးရိမ်မှု များအား တင်ပြကြမည်ကို သဘောပေါက်နားလည်ပါကြောင်း'' ဟု ပြောကြားခဲ့ခြင်းသည် တိုင်းရင်းသားပြည်သူတို့၏ နှလုံးသားခံစားချက်ကို ဒေါ်အောင်ဆန်းစုကြည်က နားလည်တန်ဖိုးထားကြောင်း သက်သေထူ လိုက်ခြင်းပင်ဖြစ်ပါသည်။ ''စိုးရိမ်မှုကို ကျော်ဖြတ်နိုင်သည့်အရာမှာ ယုံကြည်မှုပင် ဖြစ်ပါကြောင်း'' ဟူသော ဒေါ်အောင်ဆန်းစုကြည်၏ အမှာ စကားသည် ပြည်ထောင်စုငြိမ်းချမ်းရေးညီလာခံ (၂၁ရာစုပင်လုံ)၌ ဆုပ်ကိုင်ရရှိရန် မျှော်မှန်းထားသည့် ပင်မဦးတည်ချက်ကို ဖော်ပြလိုက် ခြင်းဟု ယူဆပါသည်။ ပြည်ထောင်စုငြိမ်းချမ်းရေးညီလာခံ (၂၁ရာစု ပင်လုံ) ၏ ပင်မဦးတည်ချက်သည် တိုင်းရင်းသားညီနောင်တို့ကြား ယုံကြည်မှုတည်ဆောက်ခြင်းဖြစ်သည်ဟု မှတ်ယူထားပါသည်။
ဒေါ်အောင်ဆန်းစုကြည်က ''မိမိတို့တန်ဖိုးထားရသည့်အရာများ ရရှိရန် မည်မျှပင်ခက်ခဲစေကာမူ မိမိတို့သည် ကြိုးစားဆောင်ရွက်မည်၊ ပူးပေါင်းဆောင်ရွက်မည်ဆိုသည့် သန္နိဋ္ဌာန်ဖြင့် ဆောင်ရွက်လျှင်ရမည် ဖြစ်ပါကြောင်း''ဟု မိန့်ကြားခဲ့ခြင်းသည် ပြည်ထောင်စုငြိမ်းချမ်းရေး ညီလာခံ (၂၁ရာစုပင်လုံ) အောင်မြင်ရေးကို ဆောင်ရွက်ရာ၌ ဆုပ်ကိုင် ရမည့်သဘောထားကို တင်ပြခဲ့ခြင်းပင်ဖြစ်ပါသည်။ ငြိမ်းချမ်းရေး အသီးအပွင့်ကို မျိုးဆက်အမွေအနှစ်ဟု ခံယူထားသော ဒေါ်အောင်ဆန်း စုကြည်သည် ''လူငယ်များသည် တာဝန်ကို ထမ်းဆောင်လိုသည့် စိတ်ဓာတ်နှင့် ထမ်းဆောင်ရဲသည့်သတ္တိရှိရန်လိုအပ်ပါကြောင်း'' ဟု ထောက်ပြ သကဲ့သို့ '' ကောင်းမွန်သည့် အမွေကို ချန်ထားမပေးနိုင်ခဲ့လျှင် မိမိတို့လူကြီးများ၏ ချို့ယွင်းချက်ဖြစ်သကဲ့သို့ ချန်ထားပေးခဲ့သော ကောင်းမွန်သည့်အမွေများကို မထိန်းသိမ်းနိုင်လျှင် လူငယ်များ၏ချို့ယွင်းချက်ဖြစ်ပါကြောင်း'' ဟုလည်း တင်ပြခဲ့ပါသည်။ သုံးသပ်ရမည် ဆိုပါက မြန်မာနိုင်ငံအား ကြွယ်ဝချမ်းသာသော ဒီမိုကရေစီ ဖက်ဒရယ် ပြည်ထောင်စုနိုင်ငံအဖြစ် ထူထောင်ရာ၌ ငြိမ်းချမ်းရေးသည် ခွဲထုတ်၍ မရသော ပင်မလိုအပ်ချက်ဖြစ်ပါသည်။ ဤသဘောတရားကို ရည်ညွှန်း၍ ဒေါ်အောင်ဆန်းစုကြည်သည် ''ငြိမ်းချမ်းရေးမှတစ်ဆင့် မိမိတို့လိုလားသည့် ချမ်းသာကြွယ်ဝသည့် နိုင်ငံတစ်နိုင်ငံကို ထူထောင်နိုင် မည်ဖြစ်ပါကြောင်း'' ဟု မိန့်ဆိုခဲ့ပါသည်။ ခြုံ၍ဆိုရပါက တစ်နိုင်ငံလုံး ပစ်ခတ်တိုက်ခိုက်မှုရပ်စဲ ရေးစာချုပ် (NCA) လက်မှတ်ရေးထိုးထားသော တိုင်းရင်းသားလက် နက်ကိုင်အဖွဲ့ရှစ်ဖွဲ့၏ ခေါင်းဆောင်များနှင့်တွေ့ဆုံရာ၌ မိန့်ဆိုခဲ့သော ဒေါ်အောင်ဆန်းစုကြည်၏ စကားတို့သည် ပြည်ထောင်စုငြိမ်းချမ်းရေးညီလာခံ(၂၁ရာစုပင်လုံ)၏ ပင်မဦးတည်ချက်နှင့် ပြည်ထောင်စုငြိမ်းချမ်း ရေးညီလာခံ(၂၁ရာစုပင်လုံ) အောင်မြင်ရေး ဖော်ဆောင်ရာ၌ ဆုပ်ကိုင် ရမည့် ခံယူချက်တို့အပါအဝင် ငြိမ်းချမ်းရေး ဖော်ဆောင်ထုဆစ်ရမည့် လူကြီးမျိုးဆက်နှင့်ခံယူထိန်းသိမ်းရမည့် လူငယ်မျိုးဆက်တို့ကြား ဟန်ချက် ညီရေးတို့ကို မီးမောင်းထိုးဖော်ပြနေကြောင်း တင်ပြအပ်ပါသည်။ ။
No comments:
Post a Comment