နေပြည်တော် မေ ၁
ဆောက်လုပ်ရေးဝန်ကြီးဌာနအနေဖြင့် ပြည်သူများအတွက် အမှန်တကယ် အကျိုးပြုစေမည့် လုပ်ငန်းများကို ရက် ၁ဝဝ အတွင်း စတင်အကောင်အထည်ဖော်ဆောင်ရွက် လျက်ရှိရာ ပထမအဆင့် တိုင်းဒေသကြီး/ပြည်နယ်များရှိ လမ်း၊ တံတားလေလံဂိတ်များကို ဖြေလျှော့ပေးခဲ့ပြီးဖြစ် သည်။ ဒုတိယအဆင့် ရန်ကုန်-မန္တလေး အမြန်လမ်းမကြီး ယာဉ်မတော်တဆဖြစ်ပွားမှုလျှော့ချရေးစီမံချက် ဖွင့်ပွဲ အခမ်းအနားကို ဧပြီ ၃ဝ ရက်တွင် ဆောင်ရွက်ခဲ့ပြီးဖြစ်သလို တတိယအဆင့်အနေဖြင့် ပြည်သူများနေထိုင်ရေး အဆင် ပြေစေရေးအတွက် ပြည်သူ့အိမ်ရာစီမံကိန်း၊ တန်ဖိုးနည်း အိမ်ရာစီမံကိန်းများကို ရက် ၁ဝဝ အတွင်း အကောင် အထည်ဖော်ဆောင်ရွက်သွားမည်ဖြစ်သည်။
ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ဧပြီ ၃ဝ ရက် ညနေပိုင်းတွင် ရန်ကုန် တိုင်းဒေသကြီးအစိုးရအဖွဲ့ ဝန်ကြီးချုပ်ရုံးတွင် ဝန်ကြီးချုပ်၊ တိုင်းဒေသကြီးဝန်ကြီးများ၊ တာဝန်ရှိသူများနှင့်တွေ့ဆုံ၍ ရန်ကုန်တိုင်းဒေသကြီးအတွင်း ပြည်သူများအတွက် အမှန်တကယ်အကျိုးရှိစေမည့် လမ်း၊ တံတားလုပ်ငန်းများ၊ ပြည်သူ့အိမ်ရာ စီမံကိန်းလုပ်ငန်းများနှင့် တန်ဖိုးနည်း အိမ်ရာစီမံကိန်းလုပ်ငန်းများကို ရက် ၁ဝဝ အတွင်း အကောင်အထည်ဖော်ဆောင်ရွက်မည့်ကိစ္စများ၊ ရန်ကုန် မြို့ပြဖွံ့ဖြိုးတိုးတက်ရေးအတွက် ဆောက်လုပ်ရေးဝန်ကြီး ဌာနနှင့် ရန်ကုန်စည်ပင်သာယာရေးကော်မတီအဖွဲ့တို့ ပူးပေါင်းဆောင်ရွက်မည့်ကိစ္စများ၊ ရှေးဟောင်းအဆောက် အအုံများကို ရှေးမူမပျက် ပြန်လည်ပြုပြင်ထိန်းသိမ်းရေးနှင့် လုပ်ငန်းများဆောင်ရွက်ရာတွင် သတ်မှတ်ထားသည့် စည်းမျဉ်းစည်းကမ်းဥပဒေအတိုင်း လိုက်နာဆောင်ရွက် ရေး၊ ယခင်အခက်အခဲဖြစ်သည့်လုပ်ငန်းမှန်သမျှ အတတ် နိုင်ဆုံး ဖြေလျှော့ပေးရေးတို့နှင့်ပတ်သက်၍ ဆွေးနွေးကြ သည်။
ယင်းနောက် ပြည်ထောင်စုဝန်ကြီးသည် ယနေ့နံနက် ပိုင်းတွင် ရန်ကုန်တိုင်းဒေသကြီး ရန်ကုန်မြို့ ရွှေတိဂုံ (လင့်လမ်း)အိမ်ရာဖွံ့ဖြိုးရေးစီမံကိန်းလုပ်ငန်းများ ဆောင် ရွက်ပြီး၊ ဆောင်ရွက်ဆဲနှင့် ဆောင်ရွက်ရန်ကျန်ရှိနေမှု အခြေအနေတို့ကို လိုက်လံကြည့်ရှုစစ်ဆေးသည်။
ဆောင်ရွက်ပြီးစီးသည့်အခန်းများတွင် မူလနေထိုင် သူများအား ပြန်လည်နေရာချထားမှု၊ နေထိုင်သူများ ရေ၊ မီး၊ လမ်းများ အဆင်ပြေအောင်စီစဉ်ဆောင်ရွက်ပေးထား မှုတို့ကို ကြည့်ရှုစစ်ဆေးပြီး တာဝန်ရှိသူများအား လိုအပ် သည်များ မှာကြားသည်။
ထို့နောက် ရန်ကုန်အနောက်ပိုင်းခရိုင် မရမ်းကုန်းမြို့ နယ်တွင် အဆောက်အအုံဦးစီးဌာန အဆောက်အအုံအထူး အဖွဲ့(၁)၊ (၂)နှင့်(၃)တို့မှ တာဝန်ယူဆောင်ရွက်နေသော မရမ်းကုန်း ဠငူေ အိမ်ရာစီမံကိန်းလုပ်ငန်းခွင်သို့ ရောက် ရှိရာ ဒုတိယညွှန်ကြားရေးမှူးချုပ် ဦးမြင့်ဇော်က သုံးခန်းတွဲ သုံးထပ် လေးလုံးနှင့် နှစ်ခန်းတွဲ သုံးထပ် နှစ်လုံး တည်ဆောက်နေမှုနှင့်ပတ်သက်၍ ရှင်းလင်းတင်ပြရာ ပြည်ထောင်စုဝန်ကြီးက လုပ်ငန်းများစံချိန်စံညွှန်းပြည့်မီ ရေး၊ အရည်အသွေးပြည့်မီသည့်ပစ္စည်းများ အသုံးပြုရန် တို့ကို မှာကြားပြီး လုပ်ငန်းခွင်အတွင်း လှည့်လည်ကြည့်ရှု စစ်ဆေးသည်။
ဆက်လက်၍ လှိုင်သာယာမြို့နယ် ရွှေလင်ပန်း စက်မှုဇုန်၊ စက်မှုလုပ်သားတန်ဖိုးနည်းအိမ်ရာစီမံကိန်း လုပ်ငန်းခွင်သို့ရောက်ရှိပြီး ပြညောမေူညေိ ရီနလနူသစာနညအူငာငအနိ က တည်ဆောက်ပြီးစီးသော အိမ်ရာများတွင် စက်ရုံဝန်ထမ်းများ နေထိုင်မှုအခြေအနေ ကို လည်းကောင်း၊လှိုင်သာယာမြို့နယ် ရွှေလင်ပန်း (၂၃/ ၂၆) ရပ်ကွက်တွင် မြို့ပြနှင့်အိမ်ရာဖွံ့ဖြိုးရေးဦးစီးဌာနမှ တည်ဆောက်ပြီးစီးသော တန်ဖိုးနည်းအိမ်ရာစီမံကိန်း အပိုင်း(၁)၊ (၂)နှင့်(၃)တို့၏အိမ်ခန်းဖွဲ့စည်းထားရှိမှုအခြေ အနေကို လည်းကောင်း၊ ကျန်စစ်မင်းအိမ်ရာစီမံကိန်း ဆောင်ရွက်ထားရှိမှုတို့ကို လည်းကောင်း ကြည့်ရှုစစ်ဆေး သည်။
ထို့နောက် ဒဂုံဆိပ်ကမ်းမြို့နယ် ဧရာဝဏ်ရတနာအထပ်မြင့်အိမ်ရာစီမံကိန်းလုပ်ငန်းခွင်သို့ ရောက်ရှိရာ ရှင်းလင်းဆောင်တွင် စီမံကိန်းတာဝန်ခံအင်ဂျင်နီယာ ဒုတိယညွှန်ကြားရေးမှူးချုပ် ဦးမောင်မောင်လွင်က အိမ်ရာ စီမံကိန်းလုပ်ငန်းများဆောင်ရွက်ထားရှိမှုနှင့်ပတ်သက်၍ ရှင်းလင်းတင်ပြရာ ပြည်ထောင်စုဝန်ကြီးက လုပ်ငန်းလိုအပ် ချက်များမှာကြားပြီး လုပ်ငန်းခွင်အတွင်း အိမ်ခန်းဖွဲ့စည်း ထားမှုကို လိုက်လံကြည့်ရှုစစ်ဆေးသည်။ ဆက်လက်၍ ယုဇနတန်ဖိုးနည်းအိမ်ရာ တည်ဆောက်ပြီးစီးမှုတို့ကို လိုက်လံကြည့်ရှုစစ်ဆေးပြီး တာဝန်ရှိသူများအား လုပ်ငန်း လိုအပ်ချက်များ မှာကြားသည်။
(သတင်းစဉ်)
No comments:
Post a Comment