သထုံ မတ် ၃ဝ
မွန်ပြည်နယ် သထုံမြို့နယ်၏ ယခုနှစ် မဟာသင်္ကြန် ဗဟိုရေကစားမဏ္ဍပ်တွင် ရိုးရာနံ့သာသွေးပွဲကို ပထမဆုံးအကြိမ်ထည့် သွင်းပြုလုပ်သွားမည်ဖြစ်ပြီး သင်္ကြန်ပွဲတော်အား ယခင်နှစ်များ ကထက် ပိုမိုစည်ကားစွာ ကျင်းပနိုင်အောင် စီစဉ်ထားကြောင်း သထုံမြို့နယ်မဟာသင်္ကြန်ပွဲတော် ကျင်းပရေးဦးစီးကော်မတီမှ သိရသည်။
''တိမ်မြုပ်လုနီးပါးဖြစ်နေတဲ့ ရိုးရာယဉ်ကျေးမှုတစ်ခုကို ပြန်လည်အစပျိုးပေးတဲ့အနေနဲ့ရယ် နောက်ပြီး မြန်မာနှစ်သစ်ကို အမွှေးနံ့သာတွေပက်ဖျန်းပြီး မင်္ဂလာရှိရှိနဲ့ ကြိုဆိုချင်တာကြောင့် ထည့်သွင်းကျင်းပတာပါ''ဟု မြို့နယ်မဟာသင်္ကြန်ပွဲတော်ကျင်းပ ရေးဦးစီးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးထွန်းထွန်းနိုင် က ပြောသည်။
သထုံမြို့ပေါ် ရပ်ကွက်ငါးခုနှင့် ကျေးရွာတစ်ခုတို့မှ လှပျိုဖြူ လေးများက သင်္ကြန်အကြိုနေ့တွင် ဖွင့်ပွဲမတိုင်ခင် နံ့သာသွေးပွဲကို ပြုလုပ်ပြီး တာဝန်ရှိသူများ၊ ယိမ်းအဖွဲ့များနှင့် မြို့သူမြို့သားများက သထုံမြို့ကျက်သရေဆောင် ရွှေစာရံစေတီဝင်းအတွင်းရှိ ဂြိုဟ်တိုင်အသီးသီးတွင် နံ့သာရည်များဖြင့် လှည့်လည် ပက်ဖျန်း ခြင်းနှင့် သင်္ကြန်ပွဲတော်ဖွင့်ပွဲတွင် တက်ရောက်လာသူတို့အား ပက်ဖျန်းသွားမည်ဖြစ်ကြောင်း ၄င်းကပြောသည်။
''မဏ္ဍပ်ကြီးတွေမှာ ရေကစားသူတွေနဲ့ လာရောက်ဖျော်ဖြေ သူတွေကိုတော့ ယဉ်ကျေးမှုနဲ့ မကိုက်ညီတဲ့ အတိုအပြတ်ဝတ်တာ မျိုး၊ သရုပ်ပျက်တာမျိုးတွေကို ကန့်သတ်သွားမှာဖြစ်ပြီးတော့ မြို့နယ်အတွင်းမှာတော့ နိုင်ငံတော်ကသင်္ကြန်ကာလအတွက် ထုတ်ပြန်ထားတဲ့ စည်းကမ်းတွေနဲ့အညီ ခွင့်ပြုသွားမှာပါ'' ဟု မြို့နယ်အုပ်ချုပ်ရေးမှူးက ဆက်လက်ပြောကြားသည်။
ရေကစားမဏ္ဍပ်များတွင် လျှပ်စစ်မီးကြောင့် မီးဘေး အန္တရာယ်များကြုံတွေ့နိုင်ရာ အရေးပေါ်အခြေအနေများအတွက် တပ်ဖွဲ့ဝင်များကို အသင့်အနေထားပြင်ဆင်ထားပြီး ရေကစား မဏ္ဍပ်ကြီးတစ်ခုတွင်လည်း မီးသတ်ဆေးဘူး နှစ်ဘူးစီ ထားရှိပေး သွားမည်ဖြစ်ကြောင်း ခရိုင်မီးသတ်တပ်ဖွဲ့ လက်ထောက်ညွှန်ကြားရေးမှူး ဦးအောင်ကြင်ထွန်းက ပြောသည်။
သထုံမြို့နယ်တွင် ယခင်နှစ်များက ဗဟိုရေကစားမဏ္ဍပ် ကြီးတစ်ခုနှင့် အဖွဲ့လိုက် ရေကစားမဏ္ဍပ်ငယ်များသာရှိရာမှ ယခုနှစ်တွင် ရေကစားမဏ္ဍပ်ကြီး သုံးခုနှင့် အခြားမဏ္ဍပ်ငယ်တို့ဖြင့် ရေကစားသွားကြမည်ဖြစ်ကြောင်း ယခုနှစ်မှာ ထူးခြားသည့် အပူချိန်မြင့်မားမှုနှင့် ကြုံတွေ့လျက်ရှိရာ ရေကစားသူများ အန္တရာယ်ကင်းရှင်းရေး၊ လုံခြုံရေးအတွက် ရဲတပ်ဖွဲ့၊ မီးသတ် တပ်ဖွဲ့၊ ကျန်းမာရေးနှင့် ကြက်ခြေနီတပ်ဖွဲ့ဝင်တို့က လှည့်လှည်ကာ အရေးပေါ်ကယ်ဆယ်ရေးလုပ်ငန်းများ ဆောင်ရွက်သွား မည်ဖြစ်ကြောင်း သထုံမြို့နယ်မဟာသင်္ကြန်ပွဲတော် ကျင်းပရေး ဦးစီးကော်မတီမှ သိရသည်။
သက်ဦး(သထုံ)
No comments:
Post a Comment