ဟောလိဝုဒ်ရဲ့ ဝင်ငွေအကောင်းဆုံးသောမင်းသား ဟယ်ရီဆင်ဖော့ဒ်

ဟောလိဝုဒ်ရဲ့ နာမည်ကျော်မင်းသားတစ်ဦးဖြစ်တဲ့ ဟယ်ရီဆင်ဖော့ဒ် ပါဝင်ရိုက်ကူးထားတဲ့ သိပံ္ပစွန့်စားခန်းရုပ်ရှင် "Star Wars" ဟာ လတ်တလော ရုံတင်ပြသခဲ့တဲ့ ရုပ်ရှင်တွေထဲမှာ ဝင်ငွေအရ ထိပ်ဆုံးကရပ်တည်နေကာ စံချိန်ချိုး လျက်ရှိပါတယ်။ ယင်းရုပ်ရှင်ရဲ့အောင်မြင်မှုနဲ့အတူ ခေါင်းဆောင်မင်းသား တစ်ဦးဖြစ်တဲ့ ဟယ်ရီဆင်ဖော့ဒ်ရဲ့ ဝင်ငွေဟာလည်း လတ်တလောမှာ သူ့ကို ဟောလိဝုဒ်ရဲ့ ဝင်ငွေအကောင်းဆုံးသောမင်းသားတစ်ဦးအဖြစ်ကို ရောက်ရှိစေခဲ့ကြောင်း အမ်တီဗွီဒေါ့ကွန်းမှာ ဖော်ပြခဲ့ပါတယ်။

ပြီးခဲ့တဲ့လအတွင်းက စတင်ပြီး ကမ္ဘာတစ်ဝန်းမှာ ရုံတင်ပြသခဲ့တဲ့ "Star Wars" ရုပ်ရှင်သစ် "The Force Awakens" ဟာ ထွက်ရှိပြီးသမျှသော"Star Wars" ရုပ်ရှင်ဟောင်းနှစ်ခုလုံးထက် ဝင်ငွေသာလွန်ခဲ့ပါတယ်။ ဒီရုပ်ရှင်ဟာ မင်းသားဟယ်ရီဆင်ဖော့ဒ်ရိုက်ကူးခဲ့သမျှ ရုပ်ရှင်တွေထဲမှာလည်း ဝင်ငွေ အကောင်းဆုံးဖြစ်ခဲ့ပါတယ်။

ဟယ်ရီဆင်ဖော့ဒ်ဟာ သူ့ရဲ့အနုပညာသက်တမ်းတစ်လျှောက်ရုပ်ရှင် ဇာတ်ကားပေါင်း ၄၁ ကားရိုက်ကူးခဲ့ကာ ယင်းရုပ်ရှင်များမှ ဝင်ငွေအမေရိကန် ဒေါ်လာ ၄ ဒသမ ၇ ဘီလီယံရရှိခဲ့ပါတယ်။ "Star Wars" ရုပ်ရှင်ကား များမှဝင်ငွေ အမေရိကန်ဒေါ်လာ ၇၈၁ဒသမ ၁သန်းရရှိခဲ့ပြီး နောက်ဆုံးရုံတင် ခဲ့သည့်ရုပ်ရှင် "The Force Awakens" မှ ဝင်ငွေ အမေရိကန်ဒေါ်လာ ၁၁၅ သန်းရရှိခဲ့ပါတယ်။

မင်းသားဆန်မြူရယ်အယ်လ်ဂျက်ဆန်ကတော့ ဝင်ငွေအမေရိကန်ဒေါ်လာ ၄ ဒသမ ၆ ဘီဘီယံရရှိထားပြီး ဒုတိယဝင်ငွေအကောင်းဆုံး မင်းသားအဖြစ် ရပ်တည်နေပါတယ်။

အေးပြည့် - စုစည်းသည်