ညီညီညွတ်ညွတ် နားလည်မှုရှိစွာဖြင့် ၂ဝ၁၆ နှစ်သစ်ကို ကြိုဆို

၂ဝ၁၅ ခုနှစ်သည် မြန်မာနိုင်ငံ အတွက် သမိုင်းဝင် နှစ်တစ်နှစ်ပင် ဖြစ်ခဲ့သည်။ လွတ်လပ်၍ တရားမျှတ သော ရွေးကောက်ပွဲကြီးကို အောင်မြင်စွာ ကျင်းပနိုင်ခဲ့သလို ငြိမ်းချမ်းရေးဆွေးနွေးပွဲများလည်း အောင်မြင်စွာ ကျင်းပနိုင်ခဲ့ပြီး တစ်နိုင်ငံလုံး အပစ်အခတ်ရပ်စဲရေး စာချုပ်ကို ချုပ်ဆိုနိုင်ခဲ့ကာ အတည်ပြု နိုင်ခဲ့သည်။

ဆက်လက်၍လက်မှတ်ရေးထိုးရန် ကျန်ရှိနေသေးသော တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်း ရေး ဆက်လက်လျှောက်လှမ်းရန် လည်း ပြင်ဆင်ဆောင်ရွက်လျက်ရှိ သည်။ အလားတူ နိုင်ငံရေးပြုပြင် ပြောင်းလဲမှု၊ စီးပွားရေးပြုပြင် ပြောင်းလဲမှု၊ ကဏ္ဍစုံမှ ပြုပြင် ပြောင်းလဲမှုနှင့် အနာဂတ်ဖွံ့ဖြိုး တိုးတက်ရေးစီမံကိန်းများနှင့်အတူ နိုင်ငံတကာ၏ ယုံကြည်လေးစားလာ မှုကိုပါ ရရှိလာကာ နိုင်ငံခြားရင်းနှီး မြှုပ်နှံမှုကဏ္ဍတွင်လည်း တိုးတက် လာခဲ့သည်။

အောင်မြင်မှုများစွာ၊ သမိုင်း မှတ်တိုင်များစွာ ရှိခဲ့သော်လည်း မအောင်မြင်သေးသည့် ဆက်လက် လုပ်ဆောင်ရမည့် ကိစ္စများစွာလည်း ကျန်ရှိနေသေးသည်။ ထို့အပြင် ၂ဝ၁၅ ခုနှစ်အတွင်း သဘာဝ ဘေးအန္တရာယ်ကြုံတွေ့ခံစားခဲ့ရပြီး ရေကြီးနစ်မြုပ်မှု၊ မြေပြိုမှုတို့အပြင် ဖားကန့်ဒေသ မြေစာပုံပြိုကျမှု၊ စစ်ဘေးအန္တရာယ်နှင့် စစ်ဘေးရှောင် ပြည်သူများ၏ ဘဝအခက်အခဲ များစွာ၊ အလုပ်ရှင် အလုပ်သမား အရေး၊ ထိုင်းနိုင်ငံနှင့် မလေးရှား နိုင်ငံရောက် မြန်မာရွှေ့ပြောင်းလုပ်သား များအရေး၊ ထိုင်းနိုင်ငံတွင် သေဒဏ် ချမှတ်ခံထားရသော မြန်မာလုပ်သား နှစ်ဦးအရေး၊ ဆန္ဒပြသူများနှင့် ဖမ်းဆီးခံကျောင်းသားများအရေး စသည်ဖြင့် အခက်အခဲ အကျပ် အတည်းများစွာကလည်း ကျန်ရှိနေ သေးသည်။

မည်သို့ပင်ဖြစ်စေ အခက်အခဲ အကျပ်အတည်းများနှင့် စိန်ခေါ်မှု များကို ရင်ဆိုင်ကျော်လွှားကာ အပြောင်းအလဲများနှင့် ကြိုစောင့် နေမည့် ၂ဝ၁၆ နှစ်သစ်ကို ကြိုဆို ရမည်ပင်ဖြစ်သည်။ ၂ဝ၁၆ သည် မြန်မာနိုင်ငံ၏ ကံကြမ္မာကို ပြောင်းလဲ စေမည့် နှစ်တစ်နှစ် ဖြစ်မည်လား ဆိုသည်မှာ နိုင်ငံတော်အစိုးရတွင် သာမက နိုင်ငံတော်တွင် မှီတင်း နေထိုင်ကြသည့် တိုင်းရင်းသား ပြည်သူလူထုအားလုံးတွင် တာဝန်ရှိ သည်။ နိုင်ငံတကာနှင့် ရင်ပေါင် တန်းနိုင်မည့် ခေတ်မီဒီမိုကရေစီ နိုင်ငံတော်သစ်ကြီးကို ထူထောင်ရန် အားယူနေရသည့်၊ ကြိုးစားနေရသည့် မြန်မာနိုင်ငံကဲ့သို့သော နိုင်ငံမျိုးတွင် စိန်ခေါ်မှု၊ အခက်အခဲ အကျပ် အတည်းများစွာ ရှိမည်ပင်ဖြစ်ပြီး ယင်းတို့ကို ညီညီညွတ်ညွတ် ပေါင်းစု ကျော်ဖြတ်နိုင်မှသာ အပြောင်းအလဲ ကို လိုလားတောင့်တနေသော ပြည်သူ့ဆန္ဒ ပြည့်ဝနိုင်မည်ပင်ဖြစ် သည်။ အခက်အခဲများစွာကြားက စိန်ခေါ်မှုများနှင့် ပြည့်နှက်နေမည့် ၂ဝ၁၆ နှစ်သစ်ကို တစ်ကမ္ဘာလုံး ကသာမက မြန်မာနိုင်ငံအနှံ့က မိဘပြည်သူများကလည်း ကြိုဆို နေကြမည်ပင်ဖြစ်သည်။ မြန်မာ နှစ်သစ်မဟုတ်သော်လည်း တစ်ကမ္ဘာ လုံးကျင့်သုံးနေသည့် ခရစ်နှစ် ၂ဝ၁၆ ခုနှစ်ကို မြန်မာနိုင်ငံကလည်း ငြိမ်းချမ်းစွာဖြင့်ကြိုဆိုနေမည်ဖြစ်ရာ စီးပွားရေးမြို့တော် ရန်ကုန်၏ နှစ်သစ် ကြိုဆိုပွဲ၊ နှစ်သစ်ကူးနေ့ အထိမ်း အမှတ်အခမ်းအနားများကို လက်လှမ်း မီသလောက် ဖော်ပြပေးလိုက်ပါ သည်။

ရန်ကုန်မြို့ရှိ ကြယ်ငါးပွင့်အဆင့်ရှိ ဟိုတယ်ကြီးများမှသည် ဟိုတယ် အငယ်များအထိ နှစ်သစ်ကူးပွဲတော် ကို ပါဝင်ဆင်နွှဲကြသည်။ ရန်ကုန်မြို့ နတ်မောက်လမ်းရှိ ချက်ထရီယမ် ဟိုတယ်တွင် နှစ်သစ်ကူးည အထူး အစီအစဉ်အနေဖြင့် နှစ်သစ်ကူး အကြို ညစာစားပွဲကို ဟိုတယ်ရေကူး ကန်ဘေးတွင် Bond is Black နာမည်ကျော် ဂျိမ်းစ်ဘွန်းပါတီအနေ ဖြင့်ကျင်းပခဲ့သည်။

နာမည်ကျော် အဆိုတော်များဖြစ်သည့် ချစ်ကောင်း၊ ဝေလ၊ နီနီခင်ဇော်၊ မိစန္ဒီတို့ကImmortal Band နှင့် တင်ဆက်ခဲ့ပြီးDJ Thaw Lay ၏ မြူးကြွဂီတဖြင့် နှစ်သစ်ကို ကြိုဆိုခဲ့သည်။ အခြား ဟိုတယ်ကြီးများ၊ ဈေးဝယ်စင်တာကြီး များတွင်လည်း နှစ်သစ်ကူးအထူး အစီအစဉ်များ ကျင်းပခဲ့ကြသည်။

အလားတူ ရန်ကုန်မြို့ မိုင်ဒါကွင်း တွင်လည်း နာမည်ကျော် အဆိုတော် များက အစီအစဉ်များစွာပါဝင်မည့် နှစ်သစ်ကို ကြိုဆိုမည့် အစီအစဉ်ကို ည ၇ နာရီခွဲမှ ၂ဝ၁၆ ဇန်နဝါရီ ၁ ရက်ကို ကူးပြောင်းမည့်အချိန် အထိအစီအစဉ်များစွာဖြင့် ကြိုဆိုခဲ့ သည်။ အဆိုပါ အစီအစဉ်ကို ဒီဇင်ဘာ ၂၈ ရက်မှ စတင်ကာ မှတ်ပုံတင်တစ်ခုလျှင် လက်မှတ် နှစ်စောင်နှုန်း ထုတ်ပေးခဲ့ပြီး နှစ်သစ် ကိုကြိုဆိုသူများကို ပါဝင်ဆင်နွှဲခွင့် ပြုခဲ့ခြင်းဖြစ်သည်။

ယင်းအပြင် တာမွေမြို့နယ်ရှိ ရွှေထွဋ်တင်ကွင်းတွင်လည်း နှစ်သစ် ကူးအထူးအစီအစဉ်များ၊ နာမည်ကျော် အဆိုတော်များ၏ ဖျော်ဖြေမှုများဖြင့် နှစ်သစ်ကို ပျော်ရွှင်စွာ ဆင်နွှဲခဲ့ကြ သည်။ ပြည်သူ့ရင်ပြင်တွင်မူ နာမည် ကျော်Iron Cross တေးဂီတအဖွဲ့နှင့် အတူ လေးဖြူ၊ အငဲ၊ မျိုးကြီး၊ ဝိုင်ဝိုင်း တို့ဖြင့် ပျော်ရွှင်စွာ ကြိုဆိုခဲ့ကြသည့် အပြင် နာမည်ကြီး ရော့ခ်ဂီတ တေးသံရှင် ဇော်ဝင်းထွဋ်နှင့်Emperor တေးဂီတအဖွဲ့ကလည်း မင်းဓမ္မလမ်းရှိMCCခန်းမ၌ နှစ်သစ် ကြိုဆိုခြင်း အထူးအစီအစဉ်ကို တင်ဆက်ခဲ့သည်။

ယင်းသို့ အစီအစဉ်များအပြင် ကိုယ်ပိုင်အစီအစဉ်များဖြင့် နှစ်သစ် ကို ကြိုဆိုခဲ့ကြသူများလည်းရှိပြီး အင်းလျားကန်ပေါင်၊ ကန်တော်ကြီး၊ ဗိုလ်တထောင်ဆိပ်ကမ်းအပါအဝင် အများပြည်သူဧရိယာများတွင် နှစ်သစ်ကိုကြိုဆိုခဲ့သူများ၊ ရပ်ကွက်၊ လမ်း၊ ကိုယ်ပိုင်အိမ်ခြံဝင်းများအတွင်း ကြိုဆိုသူများနှင့် ၂ဝ၁၆ နှစ်သစ်ကို ကြိုဆိုခဲ့ကြသည်။

နှစ်သစ်ကို ကြိုဆိုသူများအတွက် လည်း နှစ်သစ်ကူးရက်မတိုင်မီကပင် ရန်ကုန်တိုင်းဒေသကြီး ရဲတပ်ဖွဲ့မှ ခရိုင်၊ မြို့နယ်အလိုက် လုံခြုံရေးကို လှည့်ကင်းများ၊ တာဝန်ချထားမှု များဖြင့် တာဝန်ယူဆောင်ရွက်လျက် ရှိပြီး လူစည်ကားများပြားရာနေရာ ဒေသများတွင် မလိုလားအပ်သော ကိစ္စရပ်များ၊ မင်းမဲ့စရိုက်ဆန်သော ဖြစ်ရပ်များ၊ ဥပဒေမဲ့ကျူးလွန်မှုများ မဖြစ်ပေါ်စေရန် တာဝန်ယူ ဆောင်ရွက်လျက်ရှိသည်ဟု သိရ သည်။

အပြောင်းအလဲ စိန်ခေါ်မှုများစွာ ကို ရင်ဆိုင်ကျော်ဖြတ်ရမည့် နှစ်သစ် ဖြစ်သည့်အတွက် လူတိုင်းသည် တာဝန်ယူမှု၊ တာဝန်သိမှုနှင့် မိမိ၏ လွတ်လပ်ပျော်ရွှင်မှုသည် အခြား သူနှင့် ပတ်ဝန်းကျင်ကို ထိခိုက်နစ်နာ စေမည့်၊ အနှောင့်အယှက်ဖြစ်စေမည့် စည်းမဲ့ကမ်းမဲ့ ပျော်ရွှင်မှုမျိုး မဖြစ် စေဘဲ ဒီမိုကရေစီစံနှုန်းများနှင့် ညီညွတ်လျော်ကန်သော နိုင်ငံကြီး သား၊ မြို့ကြီးသား ပီသသည့် အပြုအမူ များဖြင့် နှစ်သစ်ကို ပျော်ရွှင်စွာ ကြိုဆို ရင်း ရင်ဆိုင်ရမည့် အခက်အခဲများကို ညီညီညွတ်ညွတ် နားလည်မှုရှိစွာ၊ စုစည်းညီညာမှုများစွာဖြင့် ကျော်ဖြတ် သွားနိုင်ရန် လိုအပ်မည်ပင်ဖြစ် သည်။

(ဆုနှင်းလဲ့)